عشكَ عيون الملازم

البارت 27

السلام عليكم ❤🥀
.
رجعت وياكم ابارت جديد اتمنه نطوني رأيكم ابتعليق😊❤
.
اتركم ويه البابر🫀🥀
.
.
.
________________________
.
.
فدك
الدنيه عصر واني جاي امسح بالجام مالت غرفتي كوم بيهة جام الكناتير البيبان عباره عن مرايات اتعب
وحيدر هستوه طلع من الحمام جان يسبح كتله
.
.
فدك: نعيمن
حيدر: الله ينعم عليج
فدك: حيدر صدك اشوكت اتروح للشغل انته مو ضابط
حيدر: تعرفين ناسي هستوج ذكرتيني اليوم اتصل واشوف
فدك: جا ما تعرف اشوكت اداوم
حيدر: لا مو قبل لا نزوج داومت اسبوع ورجعت وكلت للرأيس راح ازوج اريد اجازه كالي عله راحتك اشوكت مداوم هسه ذكرتيني
فدك: ايي اليوم اتصل وشوف حته اذا قريبه روحتك للشغل ما اروح لاهلي لحد مداوم انته يوم وارجع
حيدر: صاار اليوم بالليل اتصل عله الوالي
.
وجان ايدك الباب
حيدر: تفضلل
مريم فتحت الباب وكالت
.
مريم: حيدر
حيدر: هاا خلصتي من غسل الدشداشه اريد اطلع
مريم: ميطلع الصبغ وكعن اديه والله
حيدر: ليش ميطلع حاولي بعد مره ومرتين وتلاثه وعشره ما عليه اني
مريم: والله اسفه بعد ما اعيدهة
.
فدك
باوعت لحيدر اشرتله بعيوني بمعنه عبرهة
.
حيدر: حدج منا لباجر يا مريم اريدهة نضيفه اذا ما نضفتيهة اكطع سعرهة من مصروفج
مريم: حيدر شسالفه ما اكدررر
حيدر: يله اطلعي وسدي الباب
.
طلعت وسدت الباب وراهة
حيدر: اشبيج انتي نوب
فدك: مابيه شي
حيدر: لا تدخلين خليني اني اعلمهة لتاشرين ولا شي مفهووم
فدك: حااضرر
.
حيدر
اتقربت عليهة وكضيت خصله من شعرهة وكتلهة
.
حيدر: والله احبج
فدك(كضيت ايده وكتله):واني هم احبك
حيدر: انجبي البارحه ضوجتيني
فدك: ههه انته مطيتني فرصه احجي كبل زعلت
حيدر: ايي لان استغربت كلت اتخليني اتقرب عليهة ومتريدني شسالفه للونسه انيي
فدك: ايي مره ثانيه خليني اخلص كلامي
.
فدك
واخت شالي وعفت حيدر وطلعت نزلت جوه شفت ام حيدر اتريد تطلع لابسه عبايتهى
.
فدك: هاا عمه وين راح ترحين
حمديه: اروح لسوك غير
فدك: يوو حته نسيت اني مكلت الحيدر يعني ما اكدر اجي وياج
حمديه : عادي بناتي راح يجن وياي لتشغلين بالج
فدك: خوش اني راح احضر عشه بين متجن
حمديه: عفيه عليج يمه
.
راحت عمتي وراحن وياهة البوم همزين خلصت منهن اشكد ايضوجن ويحبن اياذني مع العلم اني ما مسويتلهن شي خليت وطلعت للحديقه جاي انضفهة دك الباب ما فتحته كبل صحت من ورا
.
فدك: منوو
سلام: ايي فتحي
فدك: ايي عمو
.
فتحت الباب دخل سلام واحسه زهكان مدري اشبي كالي ابسرعه
.
سلام: روحي صيحي حيدر بسرعه
فدك: حاضرر
.
فدك
رحت ابسرعه صعدت للغرفه شفت حيدر كاعد عله السرير
.
فدك: حيدر ابوك ايريدك جوه
حيدر: ليش شيريد
فدك: اشمدريني اني كالي بس صيحي
.
حيدر
كبل كمت ونزلت ابسرعه اله لكيته واكف بالطرمه وكتله
.
حيدر: هاا بويه
سلام: بويه حيدر اريدك تجي وياي صارتنه اطلابه
حيدر: ياا ستار وين وشلون
سلام: بعدين تفهم بس خلي اروح
حيدر: خلي اخذ غرض وياي انته اسبقني للسياره
.
فدك
راح ابو حيدر للسياره طلع وحيدر فتح سيارته مدخلهة للكراج طلع منهة المسدس عافه ابنطرونه جوه القميص وراح سد الباب اني بقيت الوحيد بالبيت خليت ورحت للمطبخ احضر عشه قبل ما يجن اتاخرن لل٦ونص يله اجني من السوك كوم غراض جايبات للبيت ومسواك
.
حمديه: يمه جا وين رجلج
فدك: والله اجه عمي سلام اخذ حيدر وراح ابسرعه يمكن صايرتلهم سالفه
حمديه: ستك ربي انشاء الله ماكو شي بردن وسلامن
فدك: انشاء الله
مريم: يمه لتخافين هاي اتخربط من وحدهة تلكين رايحين لونسه شيي
فدك: (ضجت حييل من حجيهة وكتله)انتي اشبيج وياي متفهميني غير اني اعرف جنت موجوده
زهراء: فدوه مو وكت مشاكلجن اني تعبانه حيل وجوعانه خلي نحضر عشه احسن
حمديه: يمه اني ما اكل اذا ما يجي ابوجن انتن اكلن
مريم: اي راح احضر بس الي ولزهراء
.
فدك
عفتهن وصعدت للغرفه مالتي شمرت الشال عله السرير وتمدت عله ضهري لان احسه يوجعني كلش وغركت ابفكاري وكلت بيني وبين نفسي
.
فدك: هاذ كله ابسبب يوزر فاشل كوثر كتبته عله سياره وصلت لهل مرحله بسببه ولو اعرف كل هاذ ايصير لجان مخليتهة تكتبه حيل تعبت من يوم كيان ضاج مني عله سالفه الولد ولحد هاذ اليوم ما كامله فرحتي ابشي وهذن مدري اشلون عرفن بسالفتي اني وكيان ومنكدات ايامي
.
اشوي وما حسيت نفسي اله نمت فزيت عله صوت هوسه جوه كمت مرتعبه ابسرعه لبست شالي ونزلت ركض شفت جايين سلام وحيدر وياهم شباب اثنين ما انتبهت اشصاير كبل رجعت اشوي اخاف ايشوفوني بس ام حيدر داخله جوه وتعيط مدري اشبيهة اني بقت احوم يم باب الديوانيه اجت مريم وراهة زهراء
.
زهراء: شنوو شصااير
فدك: ماا ادريي
مريم: ولج كله صوجج من يوم دخلتي البيت وما اجه خير لاخويه
فدك: اروحلج فدوه مو وكتج هسه اجلي مشاكلج لبعدين
مريم: بصيطه بس ايشي صاير الاخوي انتي تتحمليي
.
فدك
وكبل راحت مريم وراهة ركضت زهراء ليكول الجرو مالتهة وين متروح مريم وراهة تمشي اشوي وراحو الشباب الثنين سمعتهم من طلعو اني كبل طبيت شفت حيدر كاعد عله الديوان وايده صابيهة ولافيهة رحت ركضت عليه كعدت كباله عله اركبي واني بجيت بسرعه عليه وكتله
.
فدك:(ابجي) هااي شصايرلك هاي ليش هيج
حيدر: لتخافين كلشي ما بيه
فدك: اشلون كلشي ما بيك ونته بهل حاله
وكضيت ايده الصابيهة عله كيف وابجي
حيدر: كافي يا كلبي تبجين تره بصيطه هاي كم يوم واشيل الجبيره
فدك: انشاء الله بس ليش هيج صار
واباوعله وعيوني متروسه ادموع عليه حيل نقهرت
حيدر: بعدين افهمج
.
فدك
واني كاعده يمه دخلت مريم
.
مريم: سلامتك خويه هاي صار بيك
حيدر:(باوعت الهة صفح وكتلهة)الضاهر البارحه دعيتي عليه من كل كلبج واليوم نكسرت ايدي
مريم: يوو اشبيك انته فوك مخايفه عليك
حيدر: سوينه زحمه عليج
.
فدك
اني بين دموعي اضحك لان حيدر حيل مزتهزأ بيهة وهيه خلت وكعدت ومحجت شي بس تباوعلي واني مهتميت اشوي وكالي حيدر
.
حيدر: فدك حبيبتي متوديني لغرفتي اريد ارتاح
سلام: بويه حيدر اليوم رفعت راسي بين الشيوخ من دافعتلي
حيدر: ايي يستاهلن الي سوينا بيهم هم الحياوين
سلام: روح ارتاح بويه وتعشه
.
فدك
اني كصيت حيدر من ايده الثانيه وكومته ورحنه سوه للغرفه صدنه دخل حيدر واني ورا وسديت الباب حيدر كعد ابصف السرير عله الكاع واني اجيت كعدت ابصفه وهوه حاوطني بايده من ضهري وكتله
.
فدك: ايي كول اشلون هيج صار وياك
حيدر: هاي واحد من جماعتنه كتله اليوم واحد ويا بالشغل من غير عشيره
فدك: كتله موت
حيدر: ايي كتله مووت واحنه لمينه جماعتنه وشيخ جبنا ورحنه لبيت شيخ عشيرتهم اهناك ردنه الحك مالت الولد المكتول بدو ايجرون ويمدون مردون يطون شي وحد من الشباب الكاعدين من عشيرتهم فلت السانه عله واحد من زلمنه جان كوم ابن هاذ الزلمه ضربه بوكسي حديد ابراسه وكعه بالكاع جان كل شباب ذيج العشيره كامت عله هاذ ابنه اتريد اتكتله نصهم شايلين اسلحه احنه كمنه فزعه اني كضيت واحد ضربته بوكسي ابجهة اخو اجه وكضني من ايدي لواهة وضربهة دفره انكسرت بس هاي صارت الصالحنه هسه نكدر نكعد عليهة وناخذ فصل بس ابنه شك راس ابنهم
فدك: كسر ابرجله اشبيهم ذوله اشو بس اياذون
حيدر: ايي عادي بس هاي كسرت ايدي لصالح جماعتنه
فدك: انشاء الله كلشي لصالحكم
حيدر: انشاء الله
فدك: اسويلك عشه
حيدر: لا بعدين ما اشتهي هسه خليج يمي
.
فدك
اني كبل مديد ايدي وحضنته من صدره وكتله
فدك: راح ابقه دوم يمك
حيدر: غصبن عنج
فدك: ههههه ايي غصبن😅
حيدر: يله هاي ايدي انكسرت يعني مراح اداوم
فدك: يوو صدك حرامات
حيدر: ههههه بعد احسن اكعدلي شهر😂
فدك: يله ارتاح بهل فتره
.
فدك
بقينه كاعدين نسولف وهوه يحجيلي عله شغله منا للساعه ب٩ نزلت سويتله عشه لحمد لله مشفت لا مريم ولا زهراء خلصت وصعدت كعدنه اني ويا نتعشه خلصنه واني نزلت غسلت لماعين كلهة لكيت متعشين وعايفين لماعين وعزلت المطبخ ومسحت الكاونتر كلشي خلصت واني طلعت من المطبخ اجت سالتني ام حيدر
.
حمديه: ها يمه فدك سويتي عشه لرجلج
فدك: اي عمه ونزلت عزلت المطبخ
حمديه: عفيه عليج ابنيتي ديري بالج عله ابني تره الوحيد بقالي
فدك: اكيد بعيوني اخلي
.
.
عفتهة ورجعت صعدت شفت حيدر كاعد ابنص السرير وماد رجليه ويدخن اني نزعت حجابي وفتحت شعري وخذيت ملابس من الكنتور ورحت للحمام الداخلي اغير ملابسي
.
.
حيدر
واني اباوع الفدك وهيه فتحت شعرهة عله طوله اسود ليل وراحت خذت ملابس ودخلت للحمام اشوي وطلعت وكفت عله الميز اتعدل ابشعرهة ونزلت كذلهة وباوعتلي بالمرايه شافتني منتبه عليهة وكالت
.
فدك: ليش اتباوعلي
حيدر: لا اصلن بالي مو يمج
فدك: هاااا خوش
.
فدك
رحت كعدت يمه عله السرير من جهة ايده الما متاذيه وكتله
.
فدك: تره اكسر ايدك الثانيه اذا تباوعلي مره لاخ
حيدر(بضحكه عليه):هههههههاي صدك ضحكتيني اشلون بله
فدك: جرب باجر وشوف
حيدر: لا هسه راح اجرب وكسريهة الي
فدك: لا خطيه هسه انته باجر عود
حيدر: ههههههه اوكي😂
.
حيدر
بقيت اباوع عله تفاصيلهة وعله جسمهة اشلون كاعده يمي جنهة فاره هلكد ما ناعمه واني ضخم يمهة جان مديت ايدي من وره ضهرهة ولفيتهة عله خصرهة وجريتهة عليه وهيه نزلت راسهة خجلت حيل قربته عليه بحيث صارت نصهة عليه وصدرهة عله صدر هيه متقربت خافت اطخ بايدي المكسوره وكتلهة
.
حيدر: بوسيني
فدك: ليش ابوسك
حيدر: حته اصر زين
فدك: اوكي
وبسته من خده وهوه اشرلي عله خده اللاخ وبسته من خده الثاني واشرلي عله شفايفه بس كتله
.
فدك: ماااء
حيدر: ليشش
فدك: احسن مااء
حيدر: هههه امداج
.
حيدر
اني تقربت عليهة وبستهة من شفايفهة وجلبت بيهة من شفايفهة لان اتريد اتوخر مني وما اكدر اكضهة ابايدي الثانيه تمنيت ايدي كون ما مكسوره وهيه خلت ايدهة عله صدر وبتعدت عني اني رجعت بستهة من خدهة وتقربت من ركبتهة اكو عطر طيب بيهة بقيت لازك ابركبتهة اشم بي وبستهة من ركبتهة هيه كبل وخرت
.
فدك: ههه جاي ادغدغني ابلحيتك
حيدر:(باوعت بعيونهة وكتلهة) هههه حلوه موو
.
فدك
هزيتله راسي بمعنه ايي وهوه كالي
حيدر: اتقربي عليه
فدك: اتقربت عليه وهوه رجع باسني
.
.
.
.___________________
.
.
.
.
يتبع بالبارت القادم😊❤
احبكم🫀❤