عشكَ عيون الملازم

البارت 35

السلام عليكم❤❤
.
.
رجعت وياكم ابارت جديد❤
.
.
___________________________
.يوم ثاني
.
.
فدك
واني الليل كله ما كدرت انام ابسبب اخبال حيدر والي سوا بيه هوه نام ب٣ونص الفجر واني نزلت نمت ابصف الجربايه عله الكاع بس مكدرت انام من القهر واخاف حيدر يكعد ويأذيني هم بقيت لحد مصارت الساعه بال٧الصبح اني كاعده خليت وكمت باوعت عله حيدر نايم وباوعت عله الكاع متروسه كزاز من المرايه مالت الميز الكسرهة حيدر والكاع بيهة دم مالت ايده مشيت اشوي ونتبهت عله الكاع اخاف ادوس عله الكزاز ورحت فتحت الكنتور عله كيف علمود حيدر ما يفز وطلعتلي ملابس ورحت دخلت الحمام سبحت ابسرعه وطلعت لميت شعري حته بدون تمشيط لبست حجابي ونزلت ابسرعه رحت للمطبخ شفت ام حيدر وابو كاعدين يتريكون انصدمت بيهم وكلت
.
فدك: صباح الخير
سلام: هااي شنو؟؟
فدك: (بخوف)شنوو
حمديه: يمه فدك شبي وجهج ليش هيج
.
فدك
كضيت وجهي الضاهر بي اثار مال ضرب حيدر ما ادري ما شفته بالمرايه
.
سلام: احجيي شصاي
فدك:(كبل نزلت ادموعي وكتله) حيدرر مدري اشبي كل ما يجي الليل يتعصب ويكوم ايكسر كلشي ويضربني بدون اي سبب والبارحه فلش الجام وكتلني
.
كلشي حجيت الهم واني متهستره من البجي بلكي ايسوله حل واني جاي احجي ما احس اله شخص وراي انداريت شفت حيدر اعيونه صايره بكصته من العصبيه وحمرر دم وكال
.
حيدر: اضن اسرار غرفتنه ملازم تطلع يا فدك
سلام:(عاط بي وكام)اكلل خره يا كواد هيه هاي اسوايه
حيدر:اضن هاي زوجتي ولازم ولا واحد يدخل ابينه
سلام: بويه فدك روحي لمي ملابسج خلي اخذج لاهلج واشوف ليعاند ادوس ابحلكه
.
فدك
كضاني حيدر من زندي بقوه وعاط بابو
حيدر: واني اريد اعاند وشسوي سووي ومتخطي خطوه وحده من رجلين فدك بره البيت
.
وكبل سحبن للغرفه وهوه مفور اعصاب وابو ايعيط ورا وهوه صعد وكاضني ولا ليكول ابو جاي ايصيحله وفتح الباب وشمرني داخل الغرفه وطلع وكف يم الدرج وعاط
.
حيدر: الي ايحاول يدخلل بيني وبينهة افرغ الشاجور ابراسه
سلام:(بعياط)تدحداااني ولك
حيدر: بويه ابقه بمكانك زوجتي هاي للتدخل راح اتفاهم وياهة وبسس
.
فدك
واني بس شمرني حيدر بالغرفه كبل كمت ركضت لميت لكزاز البالكاع اخاف حيدر ايدوس عليه وهوه مو ابوعيه لميته كله وذبيته بالزباله بس بقه الناعم ما كدرت المه واني واكفه يم الميز اجه حيدر دخل الغرفه وعيونه عليه وسد باب الغرفه واجه اتقرب عليه واني دنكت راسي وكمت ابجي وضامه وجهي بادي هوه وكف يمي وكض وجهي بايده بقوه ورفعه وقرب وجهة عليه واني اباوع عله اعيونه التجدح وكال
.
حيدر: ليش هل ادموع كلهة
فدك:(ابجي)فدوه لا اسويلي شي
حيدر: ما اسويلج شي اني ما اذيج لان احبج احببج حيلل
فدك: ايي فدوه
حيدر: ايي بس انتي متحبيني
فدك: لا والله احبك حيلل
حيدر: ههه احب اعيونج من تبجي حلوات
.
فدك
وهوه ايباوع عليه ويضحك كوه احسه وبتعد عني وراح عله السرير اتمدد واني اباوعله وهوه كال
.
حيدر: يله تعالي ابحضني نامي
فدك: لا ما نعسانه
حيدر: تعاااي لتعبيني
.
باوعتله اشوي ونزعت حجابي ورحت يمه وكفت وهوه فتح اديه واني اجيت انمطلت ابحضنه بس خايفه وما مرتاحه ابد
.
مرت الايام وحالت حيدر كل يوم ازيد سوأ اكثر وزيد اعصابه وعله كلشي يتعصب ويكسر شكو بالغرفه وامه ميته قهر عليه ومتعرف شسويله كام بس يكتل بيه وابد ما يحجي ويه مريم شسوي بيه هوه يسكت وما يدخل ابد ولا ايدافعلي حسيت خسرت بعد حيدر القديم
اله يوم من الايام وحدنه اني وزهراء بس بالبيت مريم طالعه ويه حمديه وحيدر طالع ويه ابو
.
واني كاعده بالصاله اباوع عله التلفزيون وزهراء كاعده يمي حسيت نفسي انكلبت من وحدهة كبل ركضت للحمام ذبيت من راسي زوعت واجت زهراء ركضت وراي
.
زهراء: اشبيج شصارلج
فدك: ما ادري بس لعبت نفسي فجأه
زهراء: صار اشكد ما جايتج الشهريه
فدك: ما ادري والله حته ناسيتهة صار اهواي
زهراء: ايي بالكت حامل ياا رب
فدك: ما ادري والله
زهراء: اروح ابسرعه للصيدليه لبراس الفرع اجيبلج تحليل حمل
فدك: لا اخاف واحد يجي
زهراء: لا ابسرعه ما اطول
فدك: بكيفج
.
كبل زهراء راحت لبست حجابهة وعبايهة ورادت اتروح كتلهة
فدك: ابسرعه رجعي
زهراء: ما طول انتضريني بالطرمه
.
راحت زهراء واني منتضرتهة بالطرمه وحس نفسي اتريد تطلع هلكد ما لعبت نفسي اشوي واجت مريم مطولت دخلنه للبيت جايبه تحليلين كتله
.
فدك: ليش ثنين
زهراء: لتاكيد مرات ايجذب هاذ
فدك: اوكي اجربهن ورجعلج
زهراء: يله بسرعه
.
فدك
بسرعه رحت صعدت للغرفه دخلت للحمام سويتهن اثنينهن طلعت النتيجه اني حامل فرحت حيل رحت نزلت شفت زهراء تنتضرني
.
زهراء: هاا بشريي
فدك: طلعلي التحليل حامل اثنينهن
زهراء: والله فرحتيني لحمد لله
فدك: نشاء الله بلكي هاذ ايغير من نفسيه حيدر ويسوي احسن
زهراء: نشاء الله
.
.
فدك
واني طايره من الفرح انتضر عمتي شوكت تجي لحمد لله ربي عله هاذ الشي حيل فرحانه واجت عمتي ومريم اول مدخلت عمتي شافتني مبتسمه وف حانه
.
.
حمديه: ياا الله كولي شنو سبب هل ابتسامه
فدك: تردين افرحج عمه
حمديه: ايي والله ياريت
مريم: احجيي يله
فدك: عمه اني حامل
حمديه: ياا الله لحمد لله ربي عله هل خبر فرحتيني واخيرن ابني راح يفرح حيل
فدك: ايي راح يفرح حيدر
مريم: وانتي شمدريج انتي حامل
زهراء: جبتلهة مختبر تحليل حمل اثنين والنتيجه بالثنين حامل
.
فدك
وعمتي تحجي وتنصح بيه واني فرحانه طايره من الفرح ودعي بالكي حيدر يرجع لوعيه من يسمع بهل خبر واني كاعده يم عمتي بالمطبخ شفت حيدر خطف للغرفه صعد الضاهر جاي هوه وعمي
.
فدك: عمه حيدر اجه اني صاعده اله
حمديه: ايي روحي صعديله احسن
.
فدك
واني صعدت ابسرعه للغرفه دخلت وسديت الباب شفت حيدر كاعد عله السرير ينزع بالساعه وعاكد حواجبه اجيت اتقربت عليه وباوعلي وكال
.
حيدر: شبيج
فدك: اكلك خبر حلوو
حيدر: اي بله كولي
فدك: حيدر اني حامل
.
اباوع لحيدر باوعلي ورفع حواجبه وكض ايدي وقربني عليه وكال
.
حيدر: حامل يعني راح اصير ابو
فدك: ايي احله ابو
حيدر: اي مبروك
.
وكبل كام وراح للكنتور وعادي ولا فرح ولا ابتسم ابجهي اني ضجت وكتله
.
فدك: ليش ما فرحت
حيدر:(بعياط)شتردييني ارركصص يعنيي
.
فدك
انخنست من عيطته وكتله بتوتر
فدك: لا مو تركص
حيدر: لعد شتريدين
فدك: ردتك تفرح وياي
حيدر: خاب دروحي مالي خلكج تره والله
.
فدك
بقيت اباوعله واني ساكته مكلت شي خليت وعفته ورحت نزلت جوه واني ضايجه كعدت وحدي بالمطبخ وكالبه وجهي اجت ام حيدر شافتني وكالت
.
حمديه: يمه فدك اشبيج كالبه الخلقه
.
فدك
محسيت اله دموعي كامت تنزل وكلت بقهر
فدك:(ابجي)عمه حيدر مجاي ايصير زين مدري اشبي
حمديه: اشسوه ضوجج ابشي
فدك: ما شاركني فرحتي عمه شسويله حته يرجع شسوي
حمديه: عمج هسه ما موجود رايح لسومره راح اخلي من يرجع ياخذ حيدر ايجره جر للامام علي بن لحسين ايكولون هاذ الشخص المخبل المسحور الدايس ايروحله ايبات اهناك ويرجع لطبيعته
.
فدك
مسحت ادموعي وباوعت لعمتي وكتلهة
فدك: والله يعني يرجع
حمديه: ايي حبيبتي بس لتبجين
فدك: انشاء الله شكرا عمه
حمديه: ادللي بنيتي انتي زوجه الغالي وجيتي من الغالي
.
فدك
دومهة هيج ادكلي ما افهم قصدهة وعبرهة عادي اكول يمكن تقصد ابويه
مرت الايام وحيدر كام ما يطلع حته من الغرفه اجه شغله وما راح وعاند ردت اقنعه ايروح وطردني بره غرفتي وهاذ كله الحجي اهلي ميدرون بي لان اذا اكللهم راح كبل ابويه ايكلي تعالي وعوفي واني ما اكدر اعوفه بهاي الحاله واخاف مريم اسويله شي واني ما موجوده عادي اصبر وبلكي ويه الايام يرجع حيدر لان حيل اشتاقيت لحنيته
.
وفد يوم اني كاعده بالغرفه جاي امشط شعري وحيدر دخل الغرفه وكعد عله السرير اني باوعتله بالمرايه وهوه ايباوع عله شعري واني انداريت وكتله
.
فدك: حيدر شنو رايك اكص اشوي من شعري
حيدر: يعني ليوين
فدك: اللهنا(واشرتله عله جتفي)
حيدر: حته اخلي النعال بحلكج اشطوله هوه تردين ادكصي لجتفج
فدك: زين اشوي اكص
حيدر: ولا شعره والله تجنين عله روحج اكلي خره وكعدي راحه
فدك: ايي هاهيه هسه اشبيك عصبت وبس ترزل بيه
حيدر: موو انتي حيوان متفهمين الحجي
فدك:(انداريت رجعت عله الميز وكتله)تسلم
حيدر: عود زعلتيي ..طبج مرض زعلتي وله لا
فدك: هسه منو كلك زعلت
حيدر: وهاذ بوزج لتقدم متر شنو
فدك: كافي هسه هيه كلمه كلت ابتليت سد الموضوع
.
وجان ما احس اله النفاضه انضربت ابصفي بالميز وتكسرت كبل كمزت اني من الشفتهة الطخت بالميز ورادت تجي بيه وكبل باوعت لحيدر زهوه كال
.
حيدر: حرامات ردتهة تجي ابراسج علمود اتبطلين متحجين هيج وياي
فدك: هااي اشبيك انته
حيدر: كافي لصمي حلكج اريد انام
.
فدك
واني اباوع لحيدر واحس جسمي كله يرجف لان خفت النفاضه كزاز عريضه لو جايه بيه حرام جان شكت راسي وافكر وكول معقوله وصلت بحيدر لهل درجه ما يخاف عليه ولا يهتملي
.
.
.
يتبع في البارت القادم❤
انتضرو في بارت جديد