عشكَ عيون الملازم

البارت 20

السلام عليكم
جاي احاول اكتب اصغر التفاصيل الروايه اتمنه تعجبكم ونفس كل مره راح اكول هاي الروايه عباره عن واقع حال اني عشت بي ولا زياده ولا نقصان بيهة ❤😊
.
اتمنه تطوني رأيكم بالتعاليق🦋🤍
.
.
اتركم ويه البارت
.
.
.
_______________________
.
.
فدك
واني كاعده ابمكاني رادو يرحون اهل العريس ومعازيمهم اجت ابنيه كصت صوره وياي وكالت
.
.
زهراء: كلش حلوه طالعه ليكول رايحه صالون
فدك: تسلمين كلبي
زهراء: يله باي جنتنه
.
فدك
هزيتلهة راسي بمعنه اي وجانت تنتضرهة ابنيه لأخ انتبهت عليهة هيه نفسهة لاجت ويه ام حيدر بس اشبيهة كالبه وجهة مفرحانه لاخوهة شنوو
وراحو اهل العريس كلهم بقينه بس الكرايب احنه وصحت لمرت ابويه
.
فدك: مامه تعالي
امي فوزيه: هاا شكو
فدك: اختنكت بالفستان خلي اروح انزعه
امي فوزيه: ايي عادي البسي احله دشداشه عدج
فدك: ايي عفيه
.
.
فدك
صعدت للغرفه نزعت الفستان احسه يخمك بيه مع العلم هوه مفتوح ميخنك بس مدري اشبيه
نزعته وطلعت دشداشه حلوه نازكه بيهة احزام لبستهة بس بقيت فوك كاعده اجت كوثر
.
.
كوثر: هاي شو كاعده اهناا
فدك: فدوه عوفيني تعبانه
كوثر: دنزلي همه اشوي ويرحون
فدك: ايي شوي ونازله
.
اجت كوثر سحبتني من ايدي وجبرتني انزل واني ما اريد بس شسوي نزلت وكاعده بس هيج يمهم همه ايدنبكون ويركصون واني كاعده لا ساعه ولا ساعتين احس ضهري انفصخ من الكعده اريد اكووم واروح صارت الساعه ب١١ونص بالليل يله راحو واخيرن راحو كبل رحت غسلت وجهي وفتحت شعري ردت اصعد شفت ابويه اجه وكاض بأيده جهازي ردت ابول عله روحي بس لا حيدر متصل وابويه جاوب
.
.
ابويه حسين: هايي شنو فدك
فدك(بتوتر):ششنو😳
ابويه حسين: مساعه انخطبتي شبسرعه
فدك: بابه بسس
ابويه احسين: شبسرعه خذت رقمج اخت العريس وهسه جاي تتصل عليج
.
فدك
ماعت روحي من هيج كال لحمد لله مو حيدر
.
ابويه حسين: اشبيج جامده هاج احجي وياهة
فدك: ايي اي اطيني
.
وجاوبت
فدك: الووو
حيدر: هلووو
فدك: هاي شنوو
حيدر: شنوو
فدك: ثواني خلي اصعد لغرفتي
.
صعدت ابسرعه وكتله
فدك: اشو ابويه جاب الجهاز وكلي اخت العريس اتريد تحجي وياج وهسه انته تطلع
حيدر: ابوج امضيع صول اجعابه😂
فدك: يووو حيدر ابويه تره
حيدر: ايي جا ايجاوبني ويكول اخت العريس هاذ خايط بصف لستكان🤣
فدك: كاافي لتحجي عله ابويه
حيدر: هههه اسفف 😂
فدك: ايي كول ليش متصل
حيدر: وسم اكو وحده هيج ادكول لخطيبهة
فدك: ايي جا شكول
حيدر: كلشي لدكولين 😒
فدك: اشلونك
حيدر: زين بس كليلي اشلون طالع اني
فدك: حلوو
حيدر: انجبي جذابه انتي اصلن مشفتيني بس مدنكه
فدك: لا والله شفتك
حيدر: هاا اتباوعين من جوه لجوه😅
فدك: لا بس شفتك من لبستك الحلقه ومن بست راسي
حيدر: اهااا اي صدكت بس انتي حلوه طالعه
فدك: والله
حيدر: ايي عجبتيني
.
فدك( بيني وبين نفسي)
اهوو بس لا يبده اعجاب وبعدين حب ومدري شنو ما عده احساس واني جنت حبيبت اخو وكتله
.
فدك: شكرا خويه
حيدر: خااواج ابليس كون😡
فدك: اشبيك ليش ضجت
حيدر: رووحي ولي اريد انام
فدك : ابراحتك باي
.
وسديت الخط اشبي هاذ اشو ضاج من كتله خويه ليش هوه كال زواجنه بس علمود كيان ليش ايضوج
.
.
.
.
______________________
.
.
حيدر
سدت الخط هاي الحيوانه اشبيهة هاي اشو مخطوبين ودكول اخويه بس لا ناويه ازوجهة هيج بدون علاقه بينه او ايشي ميصير بينه اشبيهة هاي مخبله معقوله اعلك نفسي ابوحده وازوجهة وما اسويلهة شي لا هاي اكيد اتباوع اهواي مسلسلات هنديه ومتأثره بيهن هيج لعوبه دخل اكوم احسن اسبح واكلي شغله لان جوعان كلش ورجع انام ضوجتني
ونزلت
.
.
حيدر: مريم مرريم
مريم: هاا شكو
حيدر: سويلي عشه بسرعه
مريم: حاضر بس اريد اسالك سؤال
حيدر:(باوعتلهة صفح وكتلهة)ايي سالي
مريم: ليش خطبت حبيبه كيان هاا
حيدر: اشششش اسكتي اذا اسمع هاي الاساله بعد اشك حلكج شك فهمتي ما اريد احد يعرف دييري بالج مريم والله اندمج وصلي الحجي الزهراء هم ويلله اتحركي سويلي عشه وراح اسوي نفسي مسامع هل سؤال
مريم: ايي اشبيك ضجت رايحه
.
.
راحت واني كعدت بالصاله فكره اتوديني وفكره اجيبني اجه ابويه
.
سلام: شلون العريس
حيدر: لحمد لله زين
سلام: ما كتلي شسمهة خطيبتك
حيدر: فدك اسمهة
سلام: الله عله اسم اختي المرحومه ام كيان
حيدر: ايي صح
سلام: لو كيان موجود جان فرح حيل
حيدر: الله ايرحمه قضاء الله بعد
سلام: ايي خلصت بعد عائله محمد عصام خطيه
حيدر: الله يرحمهم
سلام: اخخ ياا كيان لو موجود
.
.
حيدر (بيني وبين نفسي)
جان فدك هسه خطيبتك موو خطيبتي لو مو جود هسه بقيت ساكت مكلت شي وكلو لروحي اشلون راح اكضيهة كليوميه ايذكرون كيان وزوجتي جانت حبيبته ما راح اكدر اتحمل احسب احسابي بعد كليوميه مشكله كل ما ايذكرو وخاصه اذا ذكرو كدام فدك لان اني من النوع الغيور بس اريد الله يصبرني
.
.
.
.
_________________________
يوم ثاني
.
.
فدك
كعدت الصبح شفتهة الساعه بال٩ونص كلت متاخره اشو وفوزيه ما اجت عربدت عليه شصاير الهة خليت وكمت نزلت شفت الكل كاعد بالمطبخ ملتمين دخلت
.
.
فدك: صباح الخير
لكل: صباح النور
.
فدك
كعدت عله الكرسي
ابويه حسين: كومي احمي الجاي لا تتعاجزين
فدك: لا مو متعاجزه بس ما اشتهي
امي فوزيه: ايي راح اصير سلبوح وهيه عله وجه زواج كومي اتريكي احسن
فدك: يوو مامه ما اشتهي
ابويه حسين: كوومي احسن كوومي
فدك: استغفر الله ايي
.
فدك
كمت خليت القوري عله النار وطلعتلي جبن واهلي كامو بس بقن خواتي كتلهن
.
فدك: اهلجن اشبيهم مفرخين
كوثر: يوو فدك ليسمعوج
هاجر: هيه ناويه عله كتله قبل لا تزوج
فدك: ايي جا اشبيهم من صباحيات الله هيج غير ما اشتهي
كوثر: اكلي ولصمي يلهه لا تتعايرين
.
.
فدك
جهازي اتصل شفته حيدر جاي يتصل
كوثر: منوو
فدك: حيدر
كوثر: هاا عادي
فدك: لا يا عادي غير اهلي ميعرفون عدي رقمه
هاجر: ايي صدك هسه اشلون
فدك: شوفي شسويي
.
جاوبت
.
فدك: هلوو
حيدر: هلا بيج خطيبتي
فدك: اشلونج جنات اخبارج
حيدر: جنات؟؟
فدك: ايي جنات اشلونج
حيدر: عووبه غير اني خطيبج احجي عدل😡
فدك(بهمس):ايي غير محد يدري عدي رقمك اشبيك
حيدر: هاااا اي صدك اني هم محد يعرف
فدك: ايي جنات شكو ماكو
حيدر: والله يا جاسم ماكو شي اسال عليك خويه
فدك؛(حصرت كوه ضحكتي وكتله)بخير اني جوجو حبيبتي
حيدر: وكفو منك جويسم مشتاقين
فدك: اني هم مشتاقتلج جنات
حيدر: طلعت رومانسي يا جويسم مو هين
فدك: ههههههه ايي😂
حيدر: وسم تضحك مكيفه نوب يله ولي راح اخلي امي تتصل وتطي رقمي لامج عود اريد احجي وياج
فدك: اوكي انتضر
.
.
فدك
وسد الخط واني خليت الجهاز عله الميز وتريكت وعزلت المطبخ كله وصعدت انوب للغرفه لكيت هاجر وكوثر كاعدات ولغرفه هوسه عطت بيهن
.
فدك: هاااي شنووو
كوثر: شنو
فدك: الغرفه روجه اطك روجه وانتن كاعداد بيهة
هاجر: اي غير هسه انتي تجين اتنضفيهة
فدك: اشكد حيوانات غيير اني عروسه اشو اشتغل وانتن كاعدات
كوثر: يله هسه راح انعزلهة
فدك: غصبن عنجن اشو بس انيي اشتغل بهل بيت
هاجر: ايي كافيي تعيطين كمنه
.
.
فدك
مشطت شعري وعدلت نفسي ونزلت جوه احسن من ما ابقه فوك ابويه صاحلي
.
.
فدك: هاا بابه أمرني
ابويه حسين: هم اتصل عليج خطيبج
فدك: لا ما متصل
ابويه حسين: اشعجب
فدك: ما عدي رقمه
ابويه حسين: ايي صدك ننتضر بعد اشوكت ايدزو
فدك: ايي ننتضر
.
.
فدك
اتعجبت من سؤال ابويه معقوله عرف لبارحه لتصل هوه حيدر والله عيب شلون سالفه هاي بس عادي ما دام ما حجه شي عاادي ميحتاج اتوتر
.
.
.
يتبع في البارت القادم❤❤
صح جانت غلطه زواجي من حيدر بس غيرت حياتي اهواي وصح راح ترافقني مشاكل اهواي بالبدايه بس الله عوضني ونتضرو هاذ الشي بالبارتات الجايه حبايبي😊🦋
احبككم🤍🫀