عشكَ عيون الملازم

البارت 25

السلام عليكم❤
.
رجعت وياكم ابارت جديد التفاصيل كلهة مكتوبه والقصه عباره عن واقع حال صار وياي بحياتي😊❤
.
.
اتركم ويه البارت حبايبي🥀🫀.
.
.
___^_____________________
.
.
حيدر: فدك تحجي ابهدوء وفهميني لا اكفر بيج والله
فدك: نفس ما كتلك اشلون عرفن بكل هاذ اذا ما واحد كايل الهن
حيدر: اشو متعرفيم تحجي شنو قابل اني احجي لتمضرطين وعوفيهن عليه ولا اجيبسن طاري مفهومم
فدك: اوكي
حيدر: مفهوووم لو لا😡
فدك: ايي مفهوم
.
.
فدك
خليت وكبل نزلت سويت نفسي عاديه ما بينت عود اني ضايجه لو اي شي
.
فدك: عمه شتحبين اسويلكم عله الغده
حمديه: بكيفج يمه ايشي
فدك: ايي راح اسويلكم عله ذوقي اليوم
حمديه: ايي خلي انشوف طبخج
.
فدك
اني كبل رحت للمطبخ طلعت الغراض الاحتاجهن بالطبخ واني جاي احضر اجت مريم
.
مريم: اشراح اطبخين
فدك: اخلص وشوفي
مريم: كولي يمكن ما ناكله
فدك: ايي عود انتي لتاكلين
.
وحيدر اجه فجإه دخل المطبخ مريم رادت اتروح وكف اكبتلهة
.
مريم: اشبيك وخر
حيدر: ليش مهزومه انتي
مريم: ما بيه شي انته اشبيك
حيدر: شوفي مريم هسه ما اكدر اسوي شي بس اكضج اكضج اني حذرتج بان اتكضين السانج
مريم: يوو وخر امي اصيحني
.
حيدر
كضيتهة من زندهة ودفعتهة بره المطبخ وباوعت لفدك وكتلهة
.
حيدر: بعد اي أوامر
فدك:(ابتسمت وكتله)لا تسلم
حيدر: ايي بعد ياريت متجين اتعربدين عليه نفس مساعه تره مره ثانيه ما راح اكض نفسي
فدك: شنو يعني
حيدر: جربي مره ثانيه وعرفي
.
فدك
عافني وراح اني بقيت بالمطبخ اطبخ الغده سويت الهم برياني ودجاج الساعه ب١٢خلصت كلشي طلعت لماعين حضرتهن عله الميز اجت عمتي
.
حمديه: عفيه عليج ابنيتي شاطره
فدك: ادللي عمه
حمديه: خلي اصيح البنات يجن ايساعدنج خطيه وحدج
.
راحت ام حيدر صاحتلهن واجت هيه وياهن ودخلن كالبات وجهن عليه اتباوعلي مريم وكالت
.
.
مريم: اني لتحسبون احسابي ما اريد
حمديه: ليش شماكله
مريم: ما ماكله شي بس اخاف تلعب نفسي عله الغده من اشوف اشكول متعجب
.
فدك
تحجي وتباوع عليه اني طنشتهة محجيت شي صبيت الغده ورحنه ادغدينه البومه مريم ما اجت تاكل بعد احسن
خلصنه اكل لمينه لماعين كلهة كبل سحبت نفسهة زهراء وراح لغرفتهة واني بقيت عزلت المطبخ كله نضفته مخليت شي جان هوه هوسه كلش ولمن خلصت تعزيله طلعت للهول شفت البيت صنطه ماكو اي صوت الضاهر لكل بغرفهم نايمين اني خليت وصعدت دخلت الغرفه شفت حيدر ساد الكلوبات ونايم
اني نزعت الحجاب وبدلت ملابسي لبست ملابس خفيفه لعمود ما اتقيد من انام وفتحت شعري واجيت انمطلت ابصف حيدرحيدر كبل اندار عليه باوعلي وكال
.
حيدر: الله يساعدج
فدك: حسبالي نايم
حيدر: لا انتضرج منمت
فدك: ههه فرحتني
حيدر: فرحتي لان انتضرتج
فدك: ايي والله
حيدر: ليش هلكد اتاخرتي
فدك: خلصت كلشي واجيت
حيدر: تعالي بحضني نامي وراح متحسين بتعب
فدك: واذا ما اجي
حيدر: راح تبقين تعبانه
.
فدك
اني فكرت وطيت فرصه لنفسي وتقربت عليه كلش وهوه حاوطني بأدي صدك رحت لغير عالم ولا فكرت ابشي مو زين او ايضوجني
.
حيدر
حاوطتهة باديه احسه ضاعت بيه هلكد ما ناعمه وتباوعلي بعيونهة اشكد حلوات ومبتسمه ابجهي ولا حسيتهة خايفه هل مره وسالتهة
.
حيدر: فدك
فدك: عيونهة
حيدر: تحبيني؟
.
فدك
باوعت لعيونه وسكتت اشوي وكتله
.
فدك: ايي
حيدر: كولي والله
فدك: ههه والله
حيدر: اني هم احبج وكثر منج هم
.
حيدر
حضنتهة حيلل وعفت وجهي يم ركبتهة وبنص شعرهة وبقيت عله هاي لحاله لحد ما نمت
.
.
فدك
حيدر نام وهوه لازك بيه متقيده فما كدرت انام انداريت عله الجهة اللاخ ونمت منا للعصر كعدت شفتهة بال٤صايره وشفت حيدر مو يمي ولا بالغرفه خليت كمت بدلت ملابسي ولبست حجابي ونزلت شفتهم كاعدين بالمطبخ ايشربون جاي حيدر وامه ومريم وزهراء
.
فدك: مساء الخير
حمديه: هلا يمه مساء النور
حيدر: صح النوم يابه للمغرب باقيه
فدك: اشو محسيت عليك من كمت
حيدر: ايي كعدت ب٣ونص ونزلت ومحبيت اكعدج
حمديه: يمه اكعدي يمنه لسوالف حلوه
حيدر: ايي بس اني رايح
فدك: وين
حيدر: الجماعه ينتضروني بالمزرعه لازم اروح بس فدك عفتلج دشداشتي البيضه بالحمام مالت غرفتنه اريدج اتغسليهة باجر البسهة
فدك: ادلل حياتي ترجع بالسلامه
.
فدك
راح حيدر وكامت امه هم مدري وين راحت وردت اكوم اني هم لان ما اطيق اكعد يم هذن لثنين
.
زهراء: اشبيج شرتي ابقي كاعده
مريم: من شنو خايفه حبي عادي
فدك: دسكتي اني ما خايفه من شي بس ما اطيق كعده وياجن
زهراء: عله كيفج عيني اشو فوك كل سوالفج انتي الضايجه
فدك: انجبي ولا تحجين هيج احسن الج
مريم: انجبي ادب سزز اشلون ادغلطين علينه
فدك: اولن محجيت وياج وثانين مغلطت شي عليجن
مريم: فوكاهة تنكرر الحيوانه
زهراء: قندره ولج ابسببج مات اخويه
.
فدك
وجت ابسرعه عليه وضربتني ضربه حيل قويه عله جتفي وكعتني بالكاع واني عطت بيهة
.
فدك: وخريي وليي مني اذا ما اكول لحيدر هوه ايربيجن
مريم
اجيت عليهة ابسرعه وكضيتهة من صدر ثوبهة وكتلهة
.
مريم: حالج حال الفصليه بهل بيت شنسوي بيج بس اتوصلي لحيدر ومدكدرين اتوصلي الاهلج لان نعرف اشنحجي وياهم مفهوم
.
فدك
اني عيوني مغوركه كوه كاضه نفسي ما ابجي ما اريد ابين الهن اني ضعيفه وبس ابجي كبل ربت ايدهة وخرتهة من يمي ورحت لغرفتي حلفت ما اطلع لحد مايجي حيدر منا للغروب اجت ام حيدر دكت الباب
.
فدك: منوو
حمديه: انيي يمه افتحيي
.
فتحت الباب الهة
.
حمديه: اشبيج يمه حابسه نفسج هيج
فدك: ما اريد انزل لحد ما حيدر يجي
حمديه: كاللي ذني البنات اتعاركن وياج بس مفهمني ايشي
فدك: مصاير شي عمه بس اريد ابقه وحدي لحد ميجي حيدر
حمديه: عله راحتج يمه شريد قابل اني غير راحتج
.
.
فدك
راحت ام حيدر واني رجعت سديت الباب وتاخر حيدر ما اجه صارت الساعه ب٨وربع اجه فتح الباب وشافني وكال
.
حيدر: بسم الله اشبيج
فدك: حيدر ما اكدر هيج كل ما انزل خواتك يتعاركن وياي
حيدر: شنو شسولج
فدك: شنو الما سونه حته ضربتني زهراء
جان كبل ايطبن جفت للغرفه ومريم صاحت
.
مريم: جذابه انجبيي
حيدر: لتعيطين مريم(بعياط)
مريم: صدك اجذب هيه كامت تغلط وتفشر علينه
.
فدك
اندار عليه حيدر وعيونه طافره من العصبيه واني كضيت ايده وكتله
.
فدك: صدك ما مسويه هيج اشتعرفني انته
مريم: ايي اكلينه بدموعج هاي مال تماسيح وخلي ايصدكج
فدك: حيدر باوعليي يعني انته تعرفني افشر وغلط
حيدر(بعياط):كاافيي فدك دوختيني منيي الضربتج
مريم: اجذب محد ضربهة
حيدر: منووو فدك منيي منهن
فدك: زهراءء
حيدر: (بعياط وعصبيه)هيه وينهة هاي الخره ضامه راسهة خلي انزللهة
.
فدك
شفت حيدر حيل عصب صار احمر من عصبيته ومن كال راح انزل الزهراء خفت حيل وكضيته من ايده ردت اوكفه عت ايدي ودمغني عله راسي قويي وراح نزل ركض ابسرعه
.
مريم: ارتاحيتي هسه يالبوومه
.
فدك
عفتهة ورحت وره حيدر لان سمعت امه اتعيط رحت دخلت الصاله لكيت زهراء خاتله وره ام حيدر وحيدر ايريد يسحبهة  ميكدر
.
حمديه: حيدر راح تجلطني انته وخرر منهة
حيدر: يمه وخري شغله بيني وبين اختي وخرري
.
فدك
صرت كدام حيدر وكضيته من ايده ردت ادفعه مكدرت هوه دفعني ودفع امه عليه وكض زهراء من شعرهة وكع بيهة دك كتل واني اجيت صرت عله زهراء اكبال حيدر بعته عنهة وكتله
.
فدك: كاافي وخر منهة كافي فدوه
حيدر: اخلي رجلي بيهة اذا تكسر كلامي مره ثانيه
فدك: والله بعد متعيدهة وخرر
حيدر: سمعيني زين ياا زهراء والعباس بعد الله ميخلصج منيي ياا قذره
.
فدك
وهوه خله وراح وركع الباب مالت الصاله قوي وراح واني اجيت كعدت يم ام حيدر لان تبجي كاعده
.
فدك: يله عمه كافي لتبجين
مريم: وخريي من اميي لا اجني بيج
فدك: مو يمج اني
حمديه: ولجن كافيي راح اهج والله وعوف كلشيي راح اتخبل
فدك: عمه اعذريني بس لتبجين حبيبتي انتي
.
فدك
اباوع الزهراء كفشه صاير شعرهة وخشمهة يجي دم وتبجي انقهرت عليهة بس تستاهل حته بعد متضربني وتعرف اكو زلمه وراي
بقيت اشوي يم عمتي وكالت
.
حمديه: يمه روحي شوفي زلمتج احسن
فدك: وانتي
حمديه: يمي ذني البنات روحي انتي
.
فدك
عفتهة وكمت صعدت للغرفه دخلت شفت حيدر كاعد عله السرير عصبي ويدخن جكاير سديت الباب واجيت كعدت يم رجليه كضيت ايده وبستهة وباوعتله وعيوني كلهة ادموع
.
حيدر
اباوع لعيونهة مغورغه دموع كضيتهة من خده وكتلهة
.
حيدر: اشبيج تبجين حبيبتي
فدك: عله الصار متوقعت هيج راح ايصير
حيدر: يستاهلن بس مريم ما لحتهة هم فاتتني
فدك: بعد لا هيج تتعصب وسوي امك تعبت
حيدر: ههه بس انتي امتعبتني
.
فدك
باوعله من هيج كال وكبل رفعت نفسي عليه وبسته من خده وهوه كلشي ما سوه خله ورجع اتمدد عله السرير اني ضجت عليه وعرفته بعده ضايج لان اعرف حيدر يستغل الفرص من اتقربله اشوي  خليت وكمت ورحت من الجهة المندار عليهة شفته امجتف اديه واني كمت احشك راسي بين اديه وهوه فتحن اليه واني حضنته وتمددت يمه وكتله
.
فدك: لضوج حبيبي
.
حيدر
اجت حضنتني وهيج كالتلي واني قويت حضنتي عليهة وخليت وجهي يم ركبتهة وبستهة من ركبته وكتلهة
.
حيدر: ما اضوج دامج يمي وكل ما اشب نار انتي اتبرديني
.
.
يتبع في البارت القادم❤😊
احبكم