عشكَ عيون الملازم

البارت 14

السلام عليكم رجعت وياكم ابارت جديد من روايه الي اني عشتهة ابحياتي وراح ارجع واكول لا اضافات ولا زيادات بالقصه ولا نقصاج جاي اكتبلكم كلشي صار وياي فاتمنه لكل يبقه للنهايه ويشوف شنو العناء الي راح اواجهة بحياتي ابسبب الحب الحقيقي وجان من الجهتين هاذ الحب بس لمن اصير عدم الثقه تنهدم العلاقه ابكاملهة🥀
.
واتركم ويه البارت
.
.
.
_____________________
.
.
فدك
واني بعدني كاعده عله الكاع من الصدمه ما احس بشي بس الدموع تارسه اعيوني وفاتحه حلكي من الي صار شنو الي صار وليش اني شمسوي ما اعرف نفسي كمت عله حيلي وكاضه خدي لان يوجعني من الراشدي دخلت للمطبخ ومرت ابويه طلعت ابجيهي
.
امي فوزيه: هاي اشبيج
.
فدك: ما احس اله كمت ابجي بقوه وما اكدر اكض ادموعي وخفت لا اتلاحض وتعرف مرت ابويه
.
امي فوزيه: اشصااير احجيي
فدك: (بشهكه وبجي)لاا مصااير
امي فوزيه: اشلون مصاير وانتي بهل حاله
.
ضميت اثر الراشدي ابشعري وكتلهة
.
فدك: صديقتي اتوفت
امي فوزيه: يوو الله يرحمهة عله شنو مضوجه نفسج لا تنقهرين
فدك: رايحه اصعد فوك
امي فوزيه: يله روحي ارتاحي عوفي المطبخ عليه
.
رحت ركض صعدت وسديت باب الغرفه عليه ونزلت مخده وتمدتت عليهة ولجهاز بايدي كلت
.
فدك: خلي اتصل عليه هاذ اشبي ليش هيج سوه شنو ذني وشسويت اني وشنو ملعوب ابسركيي حته ما فهمت الي كاله
.
اتصلت عليه انتضر ايجاوب ومجاوب اتصلت مره ثانيه انفتح الخط سمعت صوت مشي قوي وبقيت ساكته وصوت ولد غريب جاوب
.
.
حيدر: الووو الووو فدك جاوبي
فدك: منو انته وين كيان
حيدر: عوفينه هسه من كيان اريد احجي وياج
فدك: شتحجي
حيدر: خوما اذاج كيان مساعه من اجه
فدك: انته منو وشدراك مساعه اجه كيان
حيدر: شوفي اني ابن خاله ودكدرين ادكولين اخو واكثر اعرف كلشي عله كيان وعرفت ابسالفتج هم
.
فدك: ما حسيت عله نفسي اله كمت ابجي وكتله شصاير اني شمسويه
حيدر: لا تبجين بس واحد اتصل عله كيان وكال هوه حبيبج
فدك: شنوو والله ما عدي غير كيان اني حته اتعجبت من كيان اجه هيج
حيدر: اعرف بس لتخافين اني وياج وراح ابقه احقق وره هاذ النذل بس خوما ضربج كيان
فدك: ايي ضربنيي لعب جوله بيه
حيدر: لتنقهرين بس هوه لان ايحبج هيج سوه لان ايغار عليج
فدك: اييي
حيدر: يله اني اروح قبل لا ايشوفني كيان بايك جهازه
فدك: بايي
.
.
راح الولد واني ميته قهر عله الصار شنو حبيبي اني ما مرتبطه ابد اول مره ويه كيان ارتبطت ما اعرف احد انيي
.
.
.
.
_______________________
.
.
.
كيان
رجعنه للبيت اني كبل نزلت حته مسديت السياره وصعدت لغرفتي ما اريد احجي ويه اي شخص لان اسويلي مشكله ويا دخلت الغرفه وسديت الباب طلعت من المجر حبايه ابراسيتول وشربتهة لان راسي صار طبل من الوجع ودخل حيدر للغرفه
.
.
حيدر: كيان نسيت جهازك بالسياره
كيان: ايي صدك
وخذيت من يمه الجهاز وفتحته شفت اتصال من فدك ومجاوبي
.
حيدر: ردت اروح ما وكفني غير سؤال كيان
.
كيان: مجاوب فدك
حيدر: شنو
كيان؛ امجاووب فدكك
حيدر(بقيت اشوي ساكت وكتله): ايي جاوبتهة
كيان: وليييش
حيدر: لازم نسمعه هيه هم خطأ بس نسمع من طرف واحد وحته ما نعرفه
كيان: يعني اشتسمع من يمهة غير التبرير وراح تحلف ابميت امام ما عدهة غيري
حيدر: كيان انته لازم تطي فرصه للبنيه وتسمعهة
كيان: كافي شعليك انته اطيهة ولا لا
حيدر: شعليه؟
كيان: اييي
حيدر: خووش اصلن بعد ما عليه بيك ولا تتوقع عدك اخ اسمه حيدر
كيان: ايي اني ما عدي بس اخوان اثنين وماتو قبل ١٤ سنه
.
حيدر: كسرني بهاي كلمته وما حجيت شي كبل طلعت وسديت الباب
.
كيان: خليت الجهاز عله الميز وباوعت عله روحي بالمرايه وكلت لنفسي
.
كيان: هاي اشسويت انته اشدخل حيدر علمزد هيج تحجيله كله ابسبب هاي الكح.... فدك الدب سز اذا ما اربيج مره ثاني
.
.
_____________________
.
.
فدك
فزيت عله حلم كلش مو زين لكيان شفت وجهة اسود بالحلم فزيت مرعوبه شفتهة الساعه بال٦الصبح كلت
.
فدك: نعله الله عله الشيطان شنو من حلم هاذ ربي سترك وحفضك لكيان ابعده عن كل شر يا رب وردت ارجع انام بس ما كدرت من التفكير بالموضوع صارت الساعه بال٧ونص كمت من الفراش ونزلت جوه شفت ابويه كاعد
.
فدك: صباح الخير
ابويه حسين : صباح النور اشعجب كاعده هيج وكت
فدك: فزيت شبعانه نوم
ابويه حسين: يله اني راح اروح للدوام وانتي ب٨ونص هيج كعدي امج
فدك: اوكي
.
ابويه راح وبقيت كاعده وحدي وذكر الي صار واكول بين نفسي
.
فدك: ما طالت الفرحه ابد اولت البارحه اجه كيان فرحان وباسني مجرد ما رجع طلعت سالفه عليه ولبارحه اجه ضربني وتفل ابجهي شهل حض
.
.
.
______________________
.
.
زهراء: اكعديي مريم اكعديي
مريم: اشبيج انتي من الصبح
زهراء: كوومي شوفي اخوي واسي ولج يومين هوه مشتعل نار ابسببج كوميي
مريم: ايي هسه رايحه علمود ايطيح حضي ويطردني
زهراء: انتي كلتي راح ابقه اواسي ليش اجذبين
مريم: ايي بعدين خلي يتريك وروحله
زهراء: ما ايريد ريوك هسه مو جنت جوه وسألته
مريم: ايي بعدين
زهراء: اذا مدكومين هسه اروح احجي كلشي وغير نفسيته اني
مريم: وراح ايضوج منج
زهراء: عاادي بس ما اريده يبقه هيج
مريم : خلي ننزل يله
.
.
.
كيان
واني كاعد بالمطبخ عله الميز وخالتي تفتر حوالي تشتغل واجه حيدر كتله
.
.
كيان: صباح الخير
.
حيدر: باوعتله وما جوبت
.
كيان: اشبيك انته رافع خشمك
حيدر: ما بيه شي
كيان: لعد اشبيهة خلقتك مكلوبه
حيدر: كيان انصحك تحجي عدك
كيان: واذا ما حجيت عدل شسويي مثلن
.
حيدر: (خليت ايدي عله الميز وكتله)أذيك والله
كيان: (كلبت خلقتي وكتله)والله زمن زعاطيط كامت اتهدد
حيدر: ماكو غير الزعطوط ايضحكون عليك ابكم كلمه وصدك
.
كيان: ما حسيت عله نفسي اله شطت من العصبيه وكضيت الكوب وضربته ابراسه .
.
.
حمديه: يبووويي ابني راح يمه حيدرر
.
كيان: انيي بس اباوع ليكول عزل عقلي كمت ما استوعب الي جاي ايصير
.
حيدر: كمت كوه وكضيت راسي جاي ينزف دم
حمديه: يمهه سلاام تعال ابنك راح ايموت
حيدر: اشش يمه اسكتي كلشي ما بيه والله
.
حمديه: اجيت عله كيان وضربته بادي لثنين عله صدره وعطت بي
حمديه: ولك حيوان ليش هيج سويت باخوك
سلام: حيدرر امشيي خلي ناخذك للمستشفه
حيدر: لا لا بس اشوي كمت اذب دم من راسي ما بيه شي
وما احس عله روحي اله وكعت بالكاع وعيوني غوشن
.
.
كيان: خذو حيدر للمستشفه واني مرحت وراهم كبل صعدت للغرفه
..
.
.
.
زهراء: شفتيي كله هاذ ابسببج
مريم: شعليه انيي بيهم
زهراء: كاافي ما اتحمل راح احجي
مريم: لا متحجين شيي راح اصحح اني كلشي
زهراء: انشوف
.
.
.
____________________
.
.
فدك
واني كاعده انتضر اي خبر من كيان وماكو ايشي خليت ورحت حميتلي الجاي وطلعت ويا صمونه لان جوعانه يومين ما كليت شي واني ردت اكل حسيت نفسي ما اشتهي اكل خليت وكمت وما كليت وبالي كله يم كيان  اتصل عليه لكيت الجهاز مغلق خليت وصعدت بالغرفه اتمددت اجت مرت ابويه
.
.
امي فوزيه: اشبيج يمه اشصايرلج
فدك: مصاي رش يمه
امي فوزيه: لعد اشبيج صار ٣ايام لا تاكلين لا اضحكين
فدك: ايي مو كتلج صديقتي اتوفت
امي فوزيه: معقوله عله هاذ السبب
فدك: ايي اذا اكو شي اكلج
امي فوزيه: عله رتحتج بعد بس خفت عليج
.
راح مرت ابويه واني ابنفسي احجي لشخص الي صاير احس اختنكت لان ضامته اريد احجي كلشي بس ماكو واحد ما احس عله نفسي اله نمت
.
.
.
.
_______________________
.
.
.
كيان
سمعت صوتهم رجعو واني نزلت طلع خالي ابجهي كتله
.
كيان: هاا اشسوله
باوعلي خالي وهوه ضايج وكال
سلام: عيب عليك تضرب اخوك هيج علمود سالفه تافهة شحسبالك مثلن هيج اصير رجال لا والله حالك حال الجاهل اصير بعيونه لان بس الجهال ايسووهة
.
كيان: راح خالي واني بقيت ابمكاني مكلت شي وحيدر دخل وخالتي كاضته ورحت عليه
.
كيان: تعال خلي ندخل
حيدر: فدوه كيان هاهيه بعد روح لا اريد اشوفك ولا احاجيك فدوه كافي
.
كيان: راح حيدر لغرفته هوه وامه واني خليت وصعدت لغرفتي وسديت الباب وكعدت عله السرير وفتحت جهازي شفت رساله جايتني من الرقم الي اتصل علمود فدك قريتهة
.
.
الشخص: شوف اذا معفت فدك الي فاريد بديل ابمكانهة خوما تاخذ كلشي الك اطيني اختك ابمكانهة
.
كيان: اشتعلت نار من مكاني يذكر عرضي ابسبب وحده صاقطه اصبريلي يا فدك اذا ما اطيح حضج خليت وكمت خذيت مفتاح السياره وطلعت كبل
.
.
.
___________________
.
.
.
فدك
فزيت شفتهة الدنيه اغروب كبل كمت ونزلت شفت نرجس كتلهة
.
.
فدك: جا اهلي وين
نرجس: ابويه بالجامع وامي جاي تحجي ويه خالتي بالاتصال بغرفتهة
فدك: هاا خوش
.
طلعت للحديقه اريد اشتم هوه لان حسيت نفسي اشوي مرتاحه جان يندك الباب حيلل فزيت كلت منو ههيج ايدك
.
فدك: منوو
كيان: افتحييي
فدك: كيان فدوه روح فضحتني بالمنطقه
كيان: وراح افضحج اكثر اذا ما فتحتي
فدك: فدوه روح
.
كيان: دكيت الباب حييل علمزد تفتح وتحته
.
فدك: شفته هاذ زهكان من عصبيته وعاكد حواجبه وكتله شتريد
.
كيان: اجيت عليهة كبل وكضيتهة من وجهة حيل وكتلهة
.
كيان: كل المصايب جصير ابسببج اتخاربت ويه اخووي ويحجون عله عرضي وحالتيي موو زينه ابسببج كلهه
فدك: (ابجي وخوف)والله ما مسويه شي وما اعرف ايشي
كيان: اششش جذابه ولج كرهتجج اشكد ما حبيتج كرهتج اضعاف
.
فدك: اباوعله واني ابجي وهوه يحجي عليه ليكول ما عده احساس وكتله
فدك: فدوه كيان والله ما اعرف احد غيرك يعني انته هيج تعرفني
كيان: افهميي انتي وحده صاقطه صايره لعبه للولد يتونسون بيج يله واني عزد رتج وخليتج حالج حال اميي ولج ترحين فدوه الهة ولي وبعد مشوفين خلقتي
.
فدك: واني كاضه ايده وابجي وهوه هيج يحجي عليه سحب ايده مني حيل وراح احس نفسي ادمرت ابسبب احس انشك كلبي نصين ابسببه واني ما امسويه شي  وما الي ذنب ابشي كعدت بالكاع ورفعت راسي للسمه اني وفاحطه من البجي كلت
.
فدك: ياا ربب انته اعلم ابعبادك منو هاذ وشيريد مني ياا رب
.
ونرجس اجتني شبكتني من راسي واني ميته قهرر
.
.
.
التكمله في البارت القادم اتمنه لكل توصله فكره عنائي وحزني الي مر عليه بهل مواقف انتضر تعليق منكم❤❤🦋احبكم