السلام عليكم😊❤
.
.
رجعت وياكم ابارت جديد اتمنه اضيفون رأيكم ابتعليق عله القصه وهاي القصه عباره عن واقع حال من دون خيال❤🥀
.
.
اخليكم ويه البارت❤
.
.
____________________
.
.
فدك
كعدت الصبح وحدي بالغرفه حيدر ماكو كمت رحت غسلت ورجعت طلعت ملابس ودخلت اسبح
وطلعت من الحمام مشطت شعري ونشفته ولميته ولبست شالي ونزلت جوه طلعت ابجهي عمتي
.
فدك: صباح الخير
حمديه: صباح النور هلا بيج اكلج
فدك: كولي عمه
حمديه: مادام رجلج ماكو واحنه ما عدنه شي اذا تردين روحي لاهلج زحمه صار اهواي مرايحه
فدك: هوه ردت اكلج بس كلت مو هسه بعدين
حمديه: ايي يمه روحي خابري رجلج وحضري نفسج وهسه بس يجي عمج ياخذج
فدك: حاضر رايحه
.
رحت صعدت لغرفتي صدك مشتاقه لاهلي صار هواي مرايحتلهم
طلعت جهازي وتصلت عله حيدر انتضرت ايجاوب وجاوب
.
حيدر: الووو هلا حبي
فدك: هلا بيك كلبي شلونك
حيدر: ضايع من دونج
فدك: هاا والله😊
حيدر: ايي لحد هسه افتر بالشوارع ضعت ما اندل وين وين مكان شغلي 😂
فدك:ههههه 😂😂
حيدر: اي حياتي كولي شكو ماكو
فدك: خلي اروح لاهلي مادام انته ماكو يومين ورجع
حيدر: عادي روحي بس منو يوديج؟؟
فدك: كالت امك عمي من يجي هوه ياخذني
حيدر: اوكي لعد عادي روحي
فدك: شكرا كلبي
حيدر: يله اروح اني
فدك: انتبه لنفسك
حيدر: باي
.
فدك
سديت التصال وكبل كمت حضرت كم لبس البسه يم اهلي خليته بالجنطه وغراضي ونزلت رحت للمطبخ شفت مريم وزهراء كاعدات يضحكن مهتميت دخلت اريد بس اشرب جاي راسي يوجعني مريم كالت
.
مريم: حايط نصيص متصبحين علينه
فدك: مجاوبتهة
مريم:( انداريت عله فدك وكتلهة)اليوم وحدنه بدون حيدر كلشي براحتنه
فدك: لتكيفين بعد شوي اروح يم اهلي
زهراء: هاا وشوكت ترجعين
فدك: ويه ميرجع حيدر
مريم: هههههاي انهزمي من يمنه احسن الج
فدك: لا اني ما انهزم من الجلاب اني ابتعد عن النبح مالتهن
مريم:(ضربت الميز وكمت كتلهة بعياط)هاااي عليمن ولج
فدك: جبت طاريج عود من اجيب طاريج احجي
زهراء: كاافي اشبيجن بس تتعاركن
مريم: (كضيت فدك من ثوبهة وكتلهة)شوفي يا حيوانه نفس ما بكتي حبيبي مني هسه بكتي اخويه اذا ما ابزك حياتج كلهة وندمج فلا اطلع بت سلام
.
فدك
ضربت ايدهة وكتلهة
فدك: خااب وخرري ياا حبيب انتي شتمضرطين
مريم:(رفعت حاجبي عليهة وكلت)ليش وكيان نسيتي لو شنو صار ميفيد بعد
فدك:(واني مستغربه)كي.كيانن جان حبيبج
مريم: اييي حبيبيي وانتي نفس الحراميه بكتي
زهراء: مريم لصيحين لا امي تسمع
مريم: ليش اذا سمعت تنجلط راح موو
فدك(وخرت من مريم وكلت):وخرري خلي اروح احسن
مريم:(دفعتهة عله الكاونتر وكتلهة)لييش تنهزمين من الحقيقه انتي خذتي حبيبي وهسه اخويه
فدك: كاافي وخريي
ومريم مجلبه بثوبي متخليني اروح
مريم: جاان يموت عليه ليل كله سوه بس انتي هدمتي كلشي وهسه ناسيه كلشي بينج وبينه وماخذه اخوو
فدك:(ردت ابجي وعطت بيهة)ووخرريي منيي
.
وخرت مني واني رحت لغرفتي كبل صعدت وسديت الباب وكفت كبال الميز واني حاصرتني العبره كلت الروحي
.
فدك: ليش كل ما انسا واريد ابدي من جديد اذكريني ليشش
.
بقيت بالغرفه صارت الساعه بال١٠ونص سمعت ام حيدر اصيحلي لبست شالي ونزلت ابسرعه رحت للديوانيه لكيتهة هيه وسلام كاعدين كتلهة
.
فدك: هاا عمه
حمديه: يله يمه حصري غراضج خلي ياخذج عمج
فدك: اي عمه ثواني
حمديه: كلتي لرجلج
فدك: ايي كتله
.
رحت كبل صعدت جبت غراضي ولبست عبايتي ونزات شفت عمي ينتضرني بالسياره اني رحت لعمتي بوستهة ورحت لعمي خليت غراضي اليوره وكعدت بالصدر واحنه اريد نوصل عمي سالني
.
سلام: بويه فدك كم يوم تبقين
فدك: كال حيدر يومين
سلام : مو اشوي يعني صارلج كومه مرايحتلهم اهلج ولا شايفتهم
فدك: شسوي حيدر هيج كلي بعد
سلام: اتصلي عليه اذا تردين وقنعي تبقين جم يوم بعد
فدك: انشاء الله
.
وصلنه للبيت دكيت الباب ابويه طلع
.
ابويه حسين: ياا هلا بفدوكه
فدك: شلونك بويه
وبوسته
سلام: شلونك ابو فدك
.
ابويه بقه يسلم ويحجي ويه ابو حيدر واني دخلت شفت مرت ابويه اجت
.
فدك: اشلونج يمه
امي فوزيه: هلا يمه اشلونج
فدك: لحمد لله زينه انتو اشلونكم
امي فوزيه: زينين لحمد لله انتي اشلونج رجلج اشلونه
فدك: والله رجلي بالشغل اسبوعين بعد ما يرجع
امي فوزيه: خووش وتبقين يمه
فدك: ما ادري اشووف
امي فوزيه: اخابر عله اختج كوثر اخليهة اليوم تجينه مادامج موجوده
فدك: ايي عفيه مشتاقتلهة
.
فدك
رحنه دخلنه اني ومرت ابويه وهيه اتصلت عله كوثر وكالتلهة تجي لان اني موجوده وكالت كوثر العصر اجي اني صعدت غراضي فوك اباوع للغرفه جانت هاي غرفتي كل وقت اني بيهة
خليت غراضي بالكنتور ونزلت رحت كعدت يم اهلي بالصاله
.
ابويه حسين: ايي شلونج بويه اخبارج
فدك: لحمد لله زينه والله
ابويه حسين: خوما واحد مضوجج رجلج
فدك: لا والله رجلي كلش زين وياي ويحبني وحباب وامه حبابه كلش وياي
امي فوزيه: وهذن البنات لثنين خواته اشو مرتاحيتلهن اني😅
فدك: لا هنه زينات بس اشوي ايضوجن
ابويه حسين: شلون يعني
فدك: شايفات نفسهن زياده
امي فوزيه: عادي اتحمليهن يجي يوم ويزوجن
فدك: ايي واني هم متحمله وجاي اقوي علاقتي بيهن شوي شوي
ابويه حسين: عفيه خوش اسوين
.
.
فدك
بقينه نسولف اشوي وكمنه اني وامي ونرجس حضرنه غده اتغدينه وخلصنه اني عزلت المطبخ وغسلت اماعين ابمكان مرت ابويه كلت احسن ما بيهة حيل هيه وكعدنه انسولف ومرت ابويه تسالني عن رجلي وعن شغله لحد ما ثار العصر واجت كوثر دك الباب
.
نرجس: اني كايمه افتحه
فدك: يمكن كوثر هاي
امي فوزيه: ايي هاي كوثر
.
وصدك كوثر طلعت
كوثر: ياا هلا بفدك شونج
فدك: هلا بيج كلبي انتي شلونج مشتاقتلج
كوثر: احنه اكثر والله شنو هاي مدغيره
فدك: من يا جهة مدغيره
كوثر: ضعفانه كلش
فدك: هاا والله واني حسبالي سمنانه
كوثر: يا سمن كلش ضعفانه اصلن
امي فوزيه: اي الزواج ايغير تره
كوثر: ايي جانت اهنا اسمينه كلشي ما عدهة اكل ونوم
فدك: دسكتي جنت اني شايله البيت
امي فوزيه: ايي انتي بس مو نفس هسه شغلج هسه اطبخين وتنضفين وملابس رجلج وغرفتج
فدك: ايي صح
.
بقينه نسولف ونضحك وكوثر حجت كومه عله روحه ورجلهة وبيتهة لحد ما اجه الليل صارت بال٩ونص اتصل عليه حيدر واني مدده فوك جاوبته
.
فدك: الوو
حيدر: هلوو كلبي
فدك: هلا بيك حياتي
حيدر: شلونج ورده
فدك: مشتاقتلك والله
حيدر: انيي ميت عليج مشتاقلج كلش
فدك: والله
حيدر: ايي والله وين انتي هسه
فدك: ابيت اهلي
حيدر: هاا خوش خوما حاجاج واحد خواتي ضوجنج
فدك: لا محد
حيدر: خوش طمنتيني
فدك: لا محد يضوجني مادامك موجود
حيدر: انشاء الله
فدك: ايي شكو ماكو
.
فدك
بقه حيدر ايسولفلي عن شغله وشلون مشه يومه لحد ال١باليل راح كال نعست وسديت الاتصال ونمت اني هم نمت لان اتاخر الوقت
بقيت يم اهلي اني وكوثر راحت من البارحه ما باتت اني بقيت يمهم يومين الثالث رجعت لبيت عيالي احسن ما اتاخر شفت اهلي كم يوم ورجعت
عمتي همزين مكالتلي لا متاخره ولا مامتاخره يعني خوش وقت رجعت بي ومن رجعت البنات جانن ماكو رايحات طالعات يشترن اني صعدت لغرفتي عزلت غراضي ورجعت كلشي وكنست غرفتي ومسحتهة منا للغروب اني نازله جاي انضف الحديقه دك الباب
.
فدك: منوو
مريم: احنه
.
فتحت الباب مريم اتباوعلي وزهراء دخلن وكالت مريم
.
مريم: ياا هلا جايه
فدك: هلا بيج
مريم: اشتاقينالج يابه
زهراء: اشلونج فدك
فدك: لحمد لله هلو
مريم: صدك فرحت بيج كلبي
.
فدك
ابتسمت ابجهة ابتسامه جذب ورجعت اكمل الحديقه وهنه دخلن للبيت وشايلات كوم غراض وياهن اني خلصت تنضيف ودخلت شفت مريم طالعه من غرفه ام حيدر واجت عليه صاحتلي ومدري شنو شايله
.
مريم: فدك تعالي
فدك: شتردين
مريم: جبتلج هديه
فدك: شنو الهديه
مريم: هاج ونشاء الله تعجبج
.
فدك
تطتنياهة كارتونه مو كلش كبيره لونهة اسود فتحتهة طلع عطر باوعت المريم وكتلهة
.
فدك: شكرا تعبت ويانه
مريم: لا حبيبتي ابد ما متعبتني جبتلج اياهة لتن ايكولون العطر افراك
فدك: هاااا شكرا متقصرين
مريم: ادللي
.
فدك
وراحت مريم ياا ربي اشكد مكروهة هل بت خليت وصعدت ذبيت الكارتونه بالزباله وخليت العطر عله الميز حته العطر لونه اسود بس كلش طيب شميته وضحكت عله تفكيرهة وهزيت ايدي عله لسوته وشلون اتفكر اتريد اي طريقه بس تخلص مني ومتعرف شلون
خليت ونزلت جوه رحت يم ام حيدر بقيت احجيلهة عله عله اهلي
.
فدك: والله يا عمه اهلي اهواي ايسالون عليج ويسلمون
حمديه: مره ثانيه من ترحين اروح وياج ازورهم صاح مرايحتلهم
فدك: هلا بيج عمه والله امي ادكول خوش مره تتخله عله الكلب
.
بقيت اسولفلهة وهيه السوت العشه واني بس واكفه اساعدهة بالخفايف مسويت اهواي اشياء بس وره العشه اني نضفت المطبخ وعزلته ورحت صعدت لغرفتي قبل لا ادخل للغرفه لمحت غرفه مقفوله ومسدوده اضويتهة من الجهة اللاخ حرت عله سالفتهة بس خليت ودخلت لغرفتي وسديت الباب و ذبيت حجابي وبدلت ملابسي
اباوع عله الغرفه بدون حيدر صدك ملل الوقت بدونه بقيت ارسم هيج بوراق لحد ما صارت بال١٠ ونص اتصلت عله حيدر لكيت الجهاز مغلق هليت و نمت واني مشغله اكلوب الخفيف لان اخاف اسد الاضويه واني وحدي وكلساع افز مدري اشبيه
.
.
.
يتبع في البارت القادم 😊😊❤🥀
احبكم كليباتي🫀🥺🦋
أنت تقرأ
عشكَ عيون الملازم
Romansaتتكلم هاذه القصه على فتاة احبت شخص كثيرن وهو ايضن احبها جدا من خلال صدفه جمعت بينهما وحكم القدر على ان تتزوج ابن خال حبيبهة وكانت الكثير من العتبات بحياتها ❤❣🥺
