عشكَ عيون الملازم

البارت 13

ورجعنه ابارت جديد وياكم واتمنه تعجبكم ولا اتحكمون عله كلشي من هسه راح اشوفون بنهايه لحب لحقيقي شيسوي بالشخص وجان لقائنه احله شي احسه بحياتي
.
.
اتركم ويه البارت بعد
.
.
____________________
.
.
فدك
دخلت للبيت وشفت كوثر واكفه اباب المطبخ وضايجه
.
فدك: بسم الله اشبيج
كوثر: ليش اتاخرتي
فدك: لا هوه من رمشتي جبنالج هديه ورجعنه كبل
كوثر: هو اني صوجي اخليج اترجعين اشوفي
فدك: يوو اشبيج تره متاخرت اهواي
كوثر: دكاافي شو خلي اشوف اشجايبلي
.
اطيتهة الجيس مال هديه بي علبه اكبيره كلش حلوه بيضه وبيهة ورده اكبيره فتحناهة شفنه بيهة ساعه وكلاده وسوارين ومحبس كلش حلوات مجوهرات ليكول بيض
.
فدك: هاا اشلونهة
كوثر: ايي زينه
فدك: كلشي ما عاجبج😅
.
.
رحت للغرفه اريد ابدل باوعت عله لمرايه وذكرت من باسني حيل فرحت وخجلت من روحي وجتني رساله فتحت الجهاز شفت كيان راسلي كاتبلي
.
.
كيان: هاا وصلتي
جاوبت
فدك: ايي وصلت وراح ابدل وراسلك
كيان: انتضرر
.
بدلت ملابسي وحسيت نفسي حيل جوعانه رحت لكوثر
.
.
فدك: كووثرر جوعانه
كوثر: يحضي جا مدخلج مطعم
فدك: كلي والله بس استحي اكل كدامه فكتله ما اريد
كوثر: امداج اي والله
فدك: ايي هسه شاكل
كوثر: نعللل
فدك: لاا عن الشقه
كوثر: عفنالج عشاج بالفرن
فدك: اييي خوش
.
.
رحت طلعت عشاي ودست بي مخليت شي من الجوع وخلصت ورحت للغرفه خذيت جهازي وكعدت دزيت رساله لكيان
.
.
فدك: الووو هلوو موجود
.
انتضرته حته ايجاوب بس مجاوب بقيت انتضر لحد ل١٢ بالليل ما اله حس كوم دزيتله رسايل خليت ونمت ما حسيت عله نفسي اله اتصال عله الخط اجاني شفته من كيان وشفت الوقت الساعه بال٢بالليل واني نايمه ومطفيه من الاخير جاوبت واني ميته نعاس
.
فدك: الووو
وصوتي صايره بي بحه نعاس
كيان: هلووو ورده
فدك: اشكعدك
كيان: هههه اني اصلن ما نايم
فدك: بس اني جنت نايمه
كيان: انجبي واكعدي مجايني نعاس
فدك: ههههه ايي عادي انته روحله اله هوه يجي
كيان: هههههه اتحشش وهيه امطفيه من الاخير😂
فدك: شنو وين جنت
كيان: نت جان ما عدي وتصلت عله الخط
فدك: جا بهل وقت
كيان: ايي بكيفي عدج مانع
فدك: لا عادي
كيان: حسبالي جان موتج
فدك: هااا والله
كيان: شو فدك شوفي كم اصبع عدج
.
فدك: اتعجبت عله سؤاله وكتله خمسه
كيان: هاا لحمد لله منعسانه بس ادغفين
فدك: ههههه لا زين منعسانه
كيان: لا يله روحي نامي انتي حيل نعسانه بس حبيت اسمع صوتج
فدك: وانته؟؟
كيان: اني هم راح انام
فدك: خووش
كيان: تصبحين عله خير
فدك: اجمعين
.
.
وسد الخط اني كبل نمت لان حيل نعسانه وصبح كعدتني كوثر
.
كوثر: فدك فدكك
فدك: هااا اشبيج
كوثر: كومي اجو اهلي ياخذوج
فدك: هاا صدك
وكمت كبل
كوثر: ابويه واكفلج بالباب
فدك: يوو خلي الم غراضي
.
لميت غراضي ابسرعه ودزيت رساله لكيان باني عود رجعت وكبل رلبست حجابي وطلعت لابويه
.
فدك: صباح الخير
ابويه حسين: هلا بيج
فدك: شو من الصبح
ابويه حسين: ايي اريد اروح الضهر لواجب لبغداد وختج تبقه وحدهة
فدك: ايي صدك
.
.
ورجعنه للبيت كبل صعدت لغرفتي علمود اعزل غراضي اتصل عليه كيان كلت خلي احجي ويا واني اعزل غراضي
.
.
كيان: الووو
فدك: هلوو
كيان: هاا رجعتي
فدك: ايي والله
كيان: احسن الج والله
فدك: ليش
كيان: هيج احسن وبس
فدك: شنو طالع انته
كيان: ايي راح اروح للمزرعه مالتي الشباب ينتضروني
فدك: مو اتروح لبغداد
كيان: لا غيرت رايي
فدك: عله راحتك
كيان: ليش رجعتي
فدك: اهلي يردون يرحون لبغداد واجب عدهم الضهر فجابوني ابقه يم اختي
كيان؛ واخوج
فدك: اخويه عده شغل لل٩ بالليل يجي
كيان: هااا خوش
فدك: ما كعدتلك راحه
كيان: يله يله باي وصلت وصدقائي اجوو
فدك: بايي
.
.
هوه سد الخط واني خلصت تعزيل
.
.
__________________
.
.
كيان
سديت الاتصال ونزلت من السياره ردت اروح اجاني اتصال من حيدر كيفت من شفته حيدر جيتصل
.
كيان: الووو
حيدر: ياا هلاا
كيان: ولك كواد وينك اليوم يومك
حيدر: خمس دقايق واصل البيت
كيان: جذبب هاي اني راجع جايك
.
وصعدت للسياره وكبل ابسرعه رجعت للبيت دخلت لكيت حيدر هوه وملابسه مال شغل وغراضه بالحديقه بعده
.
كيان: هستوه نور البيت
حيدر: ياا هلا تعال تعال خلي احضنك
.
حضنت حيدر وكتله
كيان: اشتاقيتلك يا حيوان
حيدر: انيي هم اشتاقيتلك وخرت من يمه
كيان: تعال يله خلي ندخل ونسولف
.
دخلنه للبيت وكعدنه بالصاله وحدنه محد موجود
.
حيدر: هاا كيان شخبارك
كيان: لحمد لله زين وانته
حيدر: قصدي عله فدك
كيان: اجنن الخبار اتخبلللل
حيدر: اهااا شنو لخبار سولف
كيان: لبارحه شفتهة التقينه سوه
حيدر: اهااا والله وشصار
كيان: ولك مو عيب عليك شنو احجيلك
حيدر: دحجيي علمود اتعلمم
كيان: ههههههه عساس انته ما تعرف
حيدر: هااااا لضاهر صاير شيي احجيي لا اضم
كيان: اييي صارر وحيل فرحان
حيدر: بستهة
كيان: لا اوسكوت دا استحيي
حيدر: ياا حيوانن موو هين طلعتتت
كيان: ههههههههه انجبب معليك
حيدر: وشوكت راح اشوفهة بعد
.
كيان: بقيت ساكت وفكرت
.
.
مريم: اني واكفه يم الباب وسمعت كلشيي وشبت النار لبداخلي اشون يعني شايفهة وبايسهة اني اعلمج يا فدك شوفي شسوي بيج راح
.
.
________________________
.
.
فدك: اهلي راحو وبقينه بس اني ونرجس بالبيت اني خلصت تعزيل البيت كله ونرجس اجت
.
.
نرجس: فدك خلي اروح بيت عمتي يم بتهم العب
فدك: روحي بس لا تتاخرين
نرجس: لا والله وعد
.
راحت بقيت وحدي بالبيت وكلت اطب اسبح احسن وصعدت احضر ملابسي حضرتهن وخذيت المنشفه مالتي ونزلت اتصل جهازي شفته من كيان جاوبت
.
فدك: الووو
كيان: فدك سؤال
فدك: اي كول خوفتني
كيان: اكو احد يمج
فدك: لا محد ليش
كيان: خوش افتحيلي الباب
فدك: شنوو
.
وسد الخط ابجهي عفت ملابسي ورحت ابسرعه فتحت الباب اشو هاذ كيان كبل دخل وسد الباب
.
فدك: كياان اشعدك اهنا
كيان: يا فدك غير اتحلمت بيج حلم مو زين وكت ابجي لان خفت عليج واجيتج ابسرعهه
فدك: ايييبااااا
كيان: انجبي قابل اجذب اني
فدك: لا لا عود راح اصدك
كيان: عفيه عليج
فدك: ليش اجيت بس
كيان: اشوفج غير مشتاقلج
فدك: موو لبارحه يمك جنت
كيان: عاديي اشتاقيتلج
فدك: امممم اوكي بعد احسن
كيان: فدك اشو اتخبلين طالعه ابشعرج شهل جمال
فدك: ايي جا شعبالك
كيان: عبالي جكمه
فدك: ههههه😂
.
وبدون ما احس كضاني من وجهي وباسنيي حيل من خديي
فدك: أااي وجعتني عله كيفك😅
كيان: اخدودج حلوات ليكول مال جهال
.
ورجع باسني حيلل من خدي كمت اضحك انيي وتكله عله كيفك وجان بين بوساته واني مغمضه اعيوني وما ادري اله وحده الاخيره ما احس اله صارت بحلكي وهوه مجلب بشفايفي ردت اوخر ما كدرت كضاني من وجهي وبقه لحد ما وخر من يمي هوه اني استحيت حيل من يمه بقيت فاتحه اعيوني واباوعله لان انصدمت من الي صار
.
كيان: ههه شوف وجهج احمر هيج صار ليش هههه
فدك: وخر منيي وخر
كيان: فدوه للمستحي
فدك: لا عاديه كلشي ما بيه
كيان: هاا والله لعد خلي اعيدهة
فدك: لاا هاهيه
كرصني من خدودي وحد اسنونه وكال
.
كيان: خااب فدوه اروحلج اني ولخدودج هاي مال جهال
فدك:هههههه يله روح لا واحد يجي
كيان: ايي صدك نسيت اني
فدك: بااي
.
سد الباب وراح واني متعجبه يا الله شنو هاي اكيد جاي احلم ماكو هيج مستحيل راح انفجر من الفرحه ياا ربي حيل فرحت ما شالتني الكاع لان هوه هيج ايحبني ورحت دخلت اسبح
.
.
.
____________________
.
.
كيان:
وصلت للبيت واني فرحان واضحك ويه روحي من الفرح دخلت للبيت جان رقم غريب جاي يتصل عليه كلت من هاذ وجاوبته
.
.
كيان: الووو
الشخص: كيان وياي
كيان: ايي منو
الشخص: هاا انته الصاقط الراكض وره حبيبتي
كيان(بعصبيه):دكلل خرهه شهل مضرطه
الشخص: ايي لسوي نفسك غشيم راكض وراهة حته البارحه ملتقين
.
كيان: حسيت نفسي دخت من هيج كلي معقوله فدك جاي اتخوني
.
الشخص: اشبيك اشو الصمت
كيان: انعل والديك اذا اجيب طاريهة مفهووم
الشخص: ولك صرت مرجوحه للكحا..
كيان:(بعصبيه وعياط)ولك كض السانك لا اكصه الك بالنعال منوو انته وشرايد
الشخص: رايد اتعوف حبيبتي فدك اشلون اتحب وحده مرتبطه ابواحد صاير مصدر ونستهة
كيان: شلون يعني اشلوووون (بعياط)
الشخص: يعني ملعوب ابسركيهة وانته افهمهة
.
سد الخط ابجهي واني فايره اعصابي جان ما احس عله نفسي فقدت اله ضربت الباب دفره ولطخت الجهاز بالحايط اجه حيدر
.
حيدر: اشبيك شصاير ليش كل هل عصبيه
.
كيان: حسيت عله نفسي وكبل ركضت لجهازي طلعت منه السيمكارت علمود الرقم الموجود اطلعه مره ثانيه
.
حيدر: اشبيييك
كيان: ما بيه شيي كافي عوفي
حيدر: اشلون انته ابهاي الحاله
كيان: روح اشتريلي جهاز جديد واني اطيك افلوسه بعدين
حيدر: اوكي تدلل خويه ارجع ونتفاهم
.
كيان: واني امفول عصبيه وحس راح اصير بركان راسي راح ينفجر اشلوون هيج يعني مستحييل كبل صعدت للغرفه وطبكت الباب واني حاير اجيت عله الميز وضربته باديه وعطت
.
كيان: ليش هيج اسوين بيه ليييش
.
وجان ينفتح الباب خالي اجه
سلام: ها ابني شبيك
كيان: ماكو شي
سلام: شنو ماكو شي وانته صاير احمر مز العصبيه
كيان: بويه رحمه لوالديك عوفنيي
سلام: اعوفك بس اهدا نسيت لبراسك شنو اولت لعام سوينالك عمليه الغده ابراسك ابسبب عصبيتك لا تتخربط كلشي ميسوه والله
كيان: ايي صح بس اريد ابقه لوحدي اشوي فدوه روح اريد اصفي افكاري
سلام: ايي عايفك
.
وراح خالي واني اجيت عله السرير اتمدتت عله ضهري احس نفسي هلكت وتعبت من حجي هاذ الحيوان شنو مصدر ونستهة شنو ملعوب ابسركيهة يعني مو شريفه فدك بس راح اطيح حضه اذا صدك هيج مو كيان الي تضحك عله وحده صاقطه
بس هيه لو هيج جان ما خجلت كدامي وصير حمره من ابوسهة والله ما ادريي دخت حيل وراسي كام يوجعنيي كلشش كضيته بادي وضغطت عليه حيل
.
.
.
____________________
.
.
فدك
طلعت من الحمام ومشطت شعري ولميته كضيت جهازي ودزيت رساله لكين وما جاوبني بقيت انتضره وما رد منا لليل وره العشه واني جاي انضف المطبخ اجتني رساله لجهازي
.
فدك: ايي اكيد هاذ كيان
.
شفت طلع مو كيان هاجر دازتلي رساله وهوه ما شايف حته الرساله مالتي خليت وخلصت شغلي وصعدت للغرفه اتصلت عله كيان عله الخط كالي الجهاز مغلق واني حايره خاف صاير ويا شي بقيت لل٢ بالليل انتضره وماكو ما حسيت عله نفسي اله نمت وكعدت الساعه بال٩ الصبح
.
امي فوزيه: فدك يله كومي اتاخر الوقت
فدك: ايي اي كعدت
امي فوزيه: يله اكعدي وراح انزل اني
.
.
ونزلت مرت ابويه واني فتحت جهازي شفت اي رساله من كيان ماكوو ولا شايف رسايلي خليت وكمت نزلت
.
.
.
___________________
.
.
.
حيدر: كيان انته متاكد لا تضلم لبنيه عبث
كيان: ايي متاكد يعني اذا ما يعرفهة ليش هيج سوه وشلون عرف اسمهة ومين جاب رقمي غيير منهة
حيدر: والله ابرأيي تتحقق من الموضوع اول
كيان: لا هاهيه عرفهة وعرفت رسهة الخره شنو هاي الصاقطه هنوب اني الحيوان اشبهة بامي طيح الله حضج وحض الساعه لعرفت بيهة اسمج واصلن اني شتوقع من ابنيه تشمر حساباتهة عله سيارات الزلم
حيدر: فدوه كيان اتاكد قبل لا تتهم عرضهة
كيان: اذا ما اطيح حضهة
حيدر: وشراح اسوي هسه
كيان: شوف اشراح اسوي انتضر الليل
حيدر: الله الساتر بس
.
.
زهراء: شفتهم كاعدين سوه حيدر وكيان بس اخويه مو عله بعضه عصبي حيل وضايج كلش خليت ورحت ركضت لمريم
.
.
مريم: اشبيج
زهراء: اشسويتي ولج
مريم: ما مسويه شي
زهراء: جذابه اخويه ليش هيج حالته من البارحه احجي
مريم: اشششش اسكتي لا واحد يسمع
زهراء: خليي يسمع بعد احسن
مريم: ايي واكله انتي الدخلتي لغرفته واخذتي الرقم
زهراء: ايي صدك بس والله اذا اخويه بقه هيج كلشي احجي
مريم: لا لتخافين اني راح اريحه
زهراء : غصبن عنج مفهوم يله بايي
.
.
.
كيان: اجه الليل وخذيت اسويج سيارتي وطلعت
حيدر: هاا كيان وين
كيان: اسوي لمفروض اسوي
حيدر: جاي وياك
كيان: اوكيي
.
صعدنه السياره وطلعنه وبالدرب اتصل جهازي
كيان: شو شوف حيدر منو هاذ
حيدر: رقم بس
كيان: اطيني خلي اجاوب
.
جاوبت
كيان: الوو
الشخص: هاا عفتهة لو استخدم غير درب وياك
كيان: اني الراح استخدم النعال عله راسك
الشخص: انته اشكد ما عدك كرامه اكلك لبنيه حبيبتي وشابع بيهة وبعدك لحد هسه لازك
كيان: خاب انعل والديك وليي
.
وسديت الخط
حيدر: هوه هاذ الولد اليحجي
كيان: ايي اخذ رقمه ودزه للستخبارات خلي ايطلعو
حيدر: ايي هسه بس هاذ مو بيت فدك
كيان: ايي هوه
.
حيدر: باوعت عله كيان اعيونه حمرر وعصبيي حيل كتله كيان لا تتهور فدوه
كيان: اششش كافي اطيني الجهاز خلي اتصل عليهة
.
.
.
_____________________
.
.
فدك
صبينه العشه وحضرت كلشي وما كعدت وياهم لان ما اشتهي ايشي خليت وكعدت وحدي بالصاله وجان يتصل جهازي شفت كيان متصل جاوبته
.
فدك: الوو كيان وينك من البارحه ماكو
كيان: فدك افتحيلي الباب
فدك: كيان اشبيك انته اهلي موجودين
كيان(بعياط):افتحيي
فدك: ثواني لا اتعيط
.
سديت الخط واني ميته خوف اشصاير ليش هيج عصبي
ورحت فتحت الباب وهوه واكف وعيونه حمر صايرات ايجدحن وعصبيي حيل وكالب وجهة كتله
.
فدك: (بخوف)اشبيك كيان
.
وهوه كبل دخل ابهدوأ وعيونه اليشتعلن نار من العصبيه بعيوني واني رجعت ليوره
.
فدك: شصاير
كيان: هسه اكلج اشصاير
.
وما احس اله راشدي اجاني من قوته وكعت بالكاع وكمت ابجي وكتله
.
فدك: شكوو
وهوه كضاني من شعري وهمسلي
.
كيان: ملعوب ابسركيج يالصاقطه اذا ما اطيح حضج ادزين صحبانج عليه موو
ودفعتهة وتفلت عليهة وطلعت
.
.
.
يتبع بالبارت القادم
الاحداث حقيقيه بلا زياده او نقصان 😊❤❤
احبكم