.
.
السلام عليكم😍😍
.
.
رجعت وياكم ابارت جديد اتمنه الكل يعجبه هاي القصه عباره عن واقع حال اني عشت بي اتمنه الكل يقرا❤🥀
.
البارت الاخير
.
.
نجمه ابلاش تره🥺❤
.
.
مع تحياتي الكاتبه : ضحى الطائي🥀💫
.
.
اتركم ويه البارت❤❤
.
.
.
_______________________
.
.
فدك
كعدت الصبح عله صوت بتي كمت من مكاني ابسرعه ورحتلهة لكيتهة واكفه بالكاروك وكاضه بالحدايد مالته واني اجيت شلتهة وكلت
.
فدك: صباح الخير حبيبتي شنو جوعانه وكاعده مو
.
فدك
باوعت لساعه شفتهة ب٨ونص وشفت حيدر بعده نايم خليت بنتي عله السرير ورحت سويتلهة ممه وجبته الهة وهيه ممطوله ابصف حيدر واني رحت طلعت ملابسي ورحت دخلت ابسرعه سبحت وطلعت وكفت كبال الميز وخرت الخاولي من راسي وجاي امشط شعري وبس اسمع صوت حيدر
.
حيدر:(بصوت عالي وعصبيه)ااخخخخ رااسي شنو هااي
.
فدك
ونداريت عله حيدر شفت بتي رايحه يم راس حيدر وضاربته بالمميه حيدر كبل اخذ المميه شمرهة بلكاع وكال
.
حيدر: نعله عله والديج من الصبح فشختيني
.
فدك
حيدر عصبي وعيط عله بنتي وهيه اتباوعله وتضحك واني اضحك عله ضحكتهة وعاط بيه حيدر
.
حيدر:(بعصبيه)وللج تعاالي اخذي بتج لا اطردج انتي وياهة
فدك: ايي اجيت
.
ورحت كعدت عله السرير وكضيت بنتي من رجلهة وجريتهة عليه شلته وخليتهة بحضني وهيه مدري شتحجي واني اكالهة
.
فدك: ايي بابه يستاهل خووش سويتي
حيدر: شنو بابه يستاهل غير المميه كزاز دخل اضربج بيهة براسج وشوفي الوجع
فدك: اي غير تلعب وياك
حيدر: انعل ابو هيج لعب لا اريد هيج لعب لا شي غيير جنت ناايم
فدك: يله كوم اني راح انزل واسويلك ريوك
حيدر: ما اريد اكل اريد ابقه انام
فدك: لا لا كووم يله بس قبل لتنزل ادخل اسبح حته ترتاح بعد
حيدر: ما اريد ارتاح
فدك: دكووم يله
حيدر: ايي هسه لتلحين
.
فدك
كمت وعفت بنتي عله ضهر حيدر وكلت
فدك: دير بالك لتوكع
حيدر: لا وخريهة من ضهري
فدك: ما عليه
.
ورحت فتحت الكنتور وطلعت ملابس لحيدر وخليتهن اله عله السرير وهوه كض ايد كنونه وجرهة عله السرير وهيه ميته ضحك وتضرب بابوهة حيل فرحنه احس نفسي لان عدي هيج عائله اصغيره وحلوه
ورحت خذيت شالي ونزلت جوه رحت للمطبخ شفت عمتي ومريم وزهراء يتعاركن
.
فدك: صباح الخير
حمديه: هلا صباح النور
مريم: هلا بيج حبي
زهراء: هلو
فدك: شنو شبيجن كالبات الخلق
زهراء: شووفي مريم مدري اشبيهة اتخبلت
مريم: دنجبي شنو اتخبلت شوفي روحج انتي بالاول ام العلاقات
زهراء: اني ام العلاقات لتاكلين خره
حمديه: يمه فدك حيدر كاعد
فدك: اوكفن اشوي شوي عله كيفجن واي عمه حيدر كاعد
حمديه: روحي صيحي عليهن خلي يأدبهن اشوي ذني ستفلكن الضاهر
مريم: راح اتوصلون السالفه الحيدر يعني مشكله اشكدهة راح اصير
زهراء: اي بس فدك قبل لدكولين الحيدر اخذي تحليل حمل خاف نخسر الثاني
مريم: هههههه اي والله حته اذا مو حامل دافعي وانتي مطمأنه😂😂
فدك: ههههه مدكللي بطن لو مكينه كليوميه طفل😂
حمديه: لا يمه صدك لعد لتوصليهة لحيدر خاف كلشي ايصير
زهراء: شنو يمه شبيج صدكتي اصلن متوصلهة لحيدر احنه خوات انحلهة بينه
مريم: اي اصلن ماكو شي يسوه
فدك: عفيه عليجن بناتي هيج صيرن
.
وشوي ودخل حيدر للمطبخ وشايل بنتي وهوه سابح ومسبح بنتي وياوشعرهة صاير عله وجهة ومصلخه وتضحك
.
حيدر: هاج فدك سبحتهة وما اعرف البسهة ملابسهة
فدك: يبوو هاي شمسوي بيهة
حمديه: وللك حويدر البت راح تمرض تسودنت انته
مريم: (بضحكه)يا الله هااي شمسوي😂
حيدر: دهاج اخذيهة ويمه تره احنه بتموز الجو يصمط حر لو بيدي اني فتريت امصلخ
فدك:هههه جيبهة خلي البسهة
.
فدك
اخذت بنتي من يمه ولفيتهة ابشالي وشلت شعرهة عن وجهة وزهراء رادت تطلع من المطبخ وحيدر كضهة
.
حيدر: وين موليه
زهراء:(بخوف)رر رايحه لغرفتي ليش
حيدر: كعدي خلي انسولف انه وياج
زهراء: حاضر
.
فدك
زهراء كعدت وتباوعلي وفاتحه اعيونهة وكال حيدر
.
حيدر: شوفي اخيتي هسه انتي جبيره ومو مال هاي السوالف مال زعاطيط واحنه عائله لتخربينه علمود شغله متسوه
زهراء: اسفه خويه والله بعد متنعاد اوعدك
حيدر: واني مسامحج لان انتي اختي الصغيره ولكل يخطأ بس بعد لتعيديهة
زهراء: وعد والله بعد متنعاد
حيدر: عفبه بنيتي
.
زهراء
كبل كمت وبست حيدر من راسه وكتله
زهراء: ربي يحفضك النه كون
مريم: تره كمت اغار اني
حيدر: من شنو
مريم: شنو بس زهراء اتبوسك
حمديه: عاد لا تعايرين تبدين انجبي وكعدي
حيدر: ههههه اي والله صدك بس عادي تعالي انتي هم بوسيني
.
ومريم راحت باست حيدر من راسه واني اباوع وفرحانه وحيدر كال
.
حيدر: وبعد وحده مغلسه
فدك: ههه لا بس انتضر اشوكت ادكلي
حيدر: يله تعالي انتي هم
.
فدك
اجيت ردت ابوس حيدر من راسه وهوه وخر وكال
.
حيدر: لا مو من راسي اهنا انتي(وأشرت الهة عله خدي)
مريم: هاا فدك تختلف اشوو
.
فدك
ضحكت وبست حيدر من خده ورحت صعدت بدلت لبتي لبستهة ملابس حلوه كلش ومشطت الهة شعرهة سويته ستوتات ونزلت جوه يمهم وعمي اجه وسوينه غده وكعدنه كلنه اتغدينه سوه ومريم راحت وره الغده مباشره رجلهة اجه اخذهة
.
.
''''''''
.
بعد مرور سبع اشهر
.
أنت تقرأ
عشكَ عيون الملازم
Любовные романыتتكلم هاذه القصه على فتاة احبت شخص كثيرن وهو ايضن احبها جدا من خلال صدفه جمعت بينهما وحكم القدر على ان تتزوج ابن خال حبيبهة وكانت الكثير من العتبات بحياتها ❤❣🥺
