عشكَ عيون الملازم

البارت 15

وما ادراك ما تحمل الارواح وما ادراك ما تشعر به المشاعر من داخل الناس فاياك الحكم على شخص دون معرفه ما هوه فيه
.
.
.
السلام عليكم رجعت وياكم ابارت جديد اتمنه الكل ايشوف يحس بحساس الي حسيت بي انيي وشنو الي عشت بي بس كل عسر ورا يسر ولحمد لله
.
اتركم ويه البارت بعد❤🥀
.
.
.
.
.
________________________
.
.
.
كيان
واني صاعد للغرفه لمحت زهراء بالمطبخ وصحتلهة
.
كيان: زهراء جيبيلي جاي وياج
.
وصعدت كبل واني ضايج وجاي اصبر ابروحي عله الي جاي ايصير وياي اشوي ودك الباب عرفت زهراء اجت صحت
كيان: دطبيي مدكليلي هسه منو
.
دخلت واني ما منتبه عليهة ما اسمع بس صوت مريم
.
مريم: اتفضل هاذ الجاي
.
انداريت عليهة وكتلهة
كيان: انتي اشجابج
مريم: غير كتلي اسويلك جاي
كيان: اني كلت لزهراء مووو الج
مريم: ومع الاسف اني جنت بالمطبخ مو زهراء
كيان: اخذي جايج ولي مني
مريم: ليش مو ردت
كيان: مريم وللي لهاطر ربج
مريم: اشبيك ليش عصبي اذا ضايج من شي كلي
كيان: ايي ضايج من وجودج
مريم: اتعود عليه وداعتك كليوميه راح اشوفني وكل يوميه راح تدخل وياي ابنقاش
كيان: انتي اشرايده اريد افهم اشرايده مني بس لازكه بيه
مريم: ههه هسه ليكول متعرف
كيان: لا ما اعرف شو بله عرفيني
مريم: كيان صارلي اكثر من سنتين احبك وانته امطنشني بكل وقت يعني اشاريد
كيان: خره بالحب كله وليي مني لا اكسر راسج هسه يللله
.
طلعت مريم واني فوك ما ضايج ومعصب ضوجتني اكثر وعطت
.
كيان: ادكليي حب ولج يااا حب هاذ يا حبب حالتي هاي ابسبب الحب من خره بي وبيج يااا الله
.
.
_____________________
.
.
فدك
واني كاعده بالغرفه الفوك وحدي لتمه اركبي بادي وعايفه راسي عليهن ودموعي تنزل بدون صوت اجت نرجس
.
نرجس: فدك
فدك: هاا حبيبتي(ابجي وشهكه)
نرجس: اشبيج اشصايرلج
فدك:( ابتسمت بين ادموعي وكتلهة)لا كلبي مصاير شي
نرجس: لعد ليش تبجين
فدك: (ابشهكه)مقهوره
نرجس: من شنو
فدك: ما ادريي
نرجس: لعد ليش تبجين اذا ما تدرين
فدك: هيج من وحدي
نرجس: عادي احضنج
فدك: ههه تعالي حبيبتي
.
حضنتني واني ابجي هاي الطفله حست بيه وهاذ كيان اشكده ما حس ماكو رحمه ابكلبه هل بشر حته ما سمعني ولا افتهم مني شي ونرجس نزلت وعافتني ابقه وحدي احسن الي وتمددت عله افراشي واني الف حسبه ابراسي والف فكره وما احس عله نفسي اله نمت من تعبي وفزيت الساعه بال١٠ بالليل نزلت كبل محد موجود بس اخويه وجان بالمطبخ ايسوي نركيله واني رحت عله الحديقه غسلت وجهي بالمغسله ونشفته باوعت عله اعيوني بالمرايه امورمات من البجي خليت ودخلت للبيت جوه فتحت الثلاجه طلعتلي فواكه اكل احسن لان جوعانه وسالني اخوي
.
.
محمد: شنو هاي اشبيج
فدك: شنو اشبيه
محمد: ابويه حاجي عليج
فدك: لا ليش
محمد: اعيونج اشبيهن ليش هلكد امورمات صايرات حمر
فدك: هاا لا بس صديقتي اتوفت وبجيت عليهة
محمد: ومن الصبح لحد هسه بس تبجين
فدك: ههه لا من الضهر
محمد: حسبالي واحد امضوجج
.
وراح واني كعدت عله الميز وكليت تفاحه ابكاملهة لان جوعانه وبرتقال وطلعت جهازي من جيبي ما لكيت اي رساله من كيان خليت وسديت الجهاز ورجعت ضميته ابجيبي وكمت من مكاني ورجعت صعدت لان ملل محد موجود لكل نايمه
.
.
.
___________________
.
.
يوم جديد
كيان
كعدت الصبح عله صوت المنبه سديته وفركت وجهي بايدي وكمت من السرير رحت للحمام الداخلي وغسلت وجهي وطلعت ملابس وبدلت ومشطت شعري ونزلت شفت خالتي بالمطبخ
.
.
كيان: صباح الخير
حمديه: صباح النور
كيان: شنو ضايجه
حمديه: لا
.
كيان: اجيت وكفت يمهة وكضيت ايدهة ونزلت عليهة وبست ايدهة وكلتلهة
.
كيان: ربي يحفضج ويخليج يا رب وطيج من عمري هم بس كون مضوجين اشوي عليه
حمديه: لا ما ضايجه انته ابني اشلون اضوج عليك
كيان: اسف اعتذر عله السويته لبارحه
حمديه: لا لتعتذر مني روح وعتذر من اخوك لان انته غلطان ويا مو وياي
كيان: بس
حمديه: لاا روح اعتذر منه اذا اتريد ارضه عليك
كيان: انشاء الله
حمديه: يله تكعد خلي اسويلك ريوك
كيان: تسلم اديج يمه بس ما اشتهي
حمديه: لا يمه مشوف نفسك ضعفان
كيان: بغير مره
حمديه: عله راحتك يمه
.
ورحت صعدت دكيت باب حيدر
.
حيدر: تفضل
كيان: فتحت الباب ودخلت وسديت الباب
.
حيدر: استغفر الله شتريد
كيان: اجيت اشوي نحجي
حيدر: عله شنو
كيان: هسه خلي نكعد وتفهم
.
.
كعدنه عله السرير
حيدر: يله احجي
كيان: انته سويت كل هاي الهوسه علمود فدك مو علمود اطيهة فرصه
حيدر: ايي ويعني
كيان: ليحجي عله عرضك ويفشر عليك شسويله
حيدر: ادوس ابحلكه
كيان: ايي وهسه اني هيج صار وياي ويكلي حبيب فدك هوه
حيدر: بس لازم اسمع من الطرفين تسمع لازم من فدك هم ولد الحرام اهواي تره
كيان: وهذول ولد الحرام اشعرفهم اباسمهة اشعرفه ابعلاقتنه وشعرفهم ابرقميي
حيدر: ما ادري بس احس ملعوبلهة هاي السالفه
كيان: لا ملعوبلهة ولا شي اني حبيت وهمت بالشخص الغلط
حيدر: وهسه انته ما اتحبهة
كيان: لا احبهة اني مستحيل اكدر اشيل كل هاذ ب٣ايام بس كارهة حيل وقال حبهة كلش
حيدر: ابكيفك انته بعد
كيان: بعدين راح مز كلشي ينكشف تجي تعتذر مني
حيدر: ويمكن انته تجي تعتذر مني ومن البنيه هم
كيان: ما اعتقد كلشي بعد ابينه انتهة اني وفدك
حيدر: استعجلت يا كيان
.
كيان: كمت فتحت الباب اريد اطلع وكتله لا هاذ الوقت المناسب
طلعت من غرفه حيدر اجتني رساله شفتهة من هاذ الرقم هم
.
.
_______________________
.
.
فدك
واني جاي اسوي غده اجتني رساله فتحت الجهاز لكيتهة من كيان كبل فتحته لكيته كاتبلي
.
كيان: كولي لصديقج كافي ايراسلني تره والله اسوي بي اسوايه بس خل يطلع فحص رقمه منين وشوفي شسوي بي وبيج يلهه
.
شفتهة وما رديت عليهة لان ضجت حيل من حجيه وين ذاك كيان الجان ميكدر ايزعلني ابكلمه ليش هسه انكلب عليه هيج ما خله مجال لحبنه عفته عله راحته بعد ما عليه بي وشيسوي خلي ايسوي
.
رحت لمرت ابويه علمود اكللهة الاكل خلص وكتلهة ورجعت للمطبخ كعدت عله الميز وفكاري ماخذتني لبعيد وما بيه حيل واحد ورجع كيان دز رساله
.
كيان: طبج مرض رديتي ولمارديتي متهميني مادامج جذبتي عليه
.
ضجت حيل وكتله
.
فدك: ضلمتني اهوااي يا كيان بس عادي صابره وراح يجي اليوم الي بي تعرف بي انته ضلمتني وراح ترجع بس ابوكتهة راح اتكون متاخر كلش وما ارجع
كيان: اني الملازم كيان اول بالاستخبارات الف ابنيه تتمنه بس احجي وياهة ارجعلج ليش وانتي منوو
فدك: بعدين تعرفني اني منو
كيان: يلله باي
.
ورح اشكد ضجت منه هل ولد ليش لهل درجه كارهني يربيي اشلون سالفه طلعت عليه بس الله لا ايوفق الي وره هل سالفه خليت وكمت من مكاني ورحت
.
.
.
مر اسبوع عله هاي الحاله كيان ما اله حس ولا شي واني صح اشتاقله ومقهوره بس بديت اعود نفسي عله الوضع ويوم عادي جنت بي اجه ابويه
.
.
ابويه حسين: وين امج
فدك: بغرفتهة
ابويه حسين: صيحيهة ابسرعه
.
رحت ابسرعه صحتهة وهيه خافت ليش اشصاير كالت ورحنه لابويه
.
امي فوزيه: هاا حسين شكوو
ابويه حسين: لازم هسه اروح لبغداد اخويه امسوي حادث هوه ولده ومرته واخوي ابطريق الموت وراح ناخذ محمد ويانه كم يوم حضري غراضج
امي فوزيه: ولبنات يبقن وحدهن
ابويه حسين : لا اعوفهن يم كوثر
.
راحت امي ابسرعه حضرت ملابسهة هيه واخويه واني رحت كلت النرجس وحضرنه غراضنه علمود اروح يم كوثر ورحنه
.
.
.
______________________
.
.
كيان:شنوو ما كدرت اطلع الرقم
مصطفى: ايي الرقم خربان محترك ما كدرنه
كيان: استغفر الله روح بابه روح والله كريم
مصطفى: هم مراسلك متصل عليك
كيان: لا صار اسبوع ماكو اخبار اله
مصطفى: ها لعد شنسوي بعد
كيان: باي
.
.
كيان
واني ابدربي للبيت اريد ارجع لان محد بي بس زهراء ومريم لكل طالعين هاذ مصطفى اتصل عود كتله طلع مواصفات الرقم بس الضاهر حركو الخط ذول الحياوين وصلت للبيت طبكت سيارتي بالشارع يم الباب ما بيه حيل ادخلهة كبل فتحت الباب بالمفتاح وياي ودخلت واني اريد اصعد الغرفتي سمعت حجي بين زهراء ومريم بالمطبخ
.
.
زهراء: كاافي ما اكدر راح احجي كلشي وافضحنه
مريم: ولج اشتحجين تردين اذبحينه انتي
زهراء: ايي شيصير خلي ايصير وهاذ صاحبج هم انهزم الي جان ايراسل كيان عود هوه حبيب فدك
مريم: اشمدريني وره ميسحب الرصيد يطفرر
.
.
كيان: بقيت ابمكاني مصدوم وارجف شنو هاذ الي جاي اسمعه ودخلت عليهن كبل وهنه انصدمن وسكتن
.
زهراء: كيان اخويه اشلونك
.
كيان: اني ساكت وفاتح اعيوني عليهن
.
مريم: كيان اشبيك(بخوف)
كيان: لا لا مستحيل هاي انتن وره كل هاذه
زهراء كبل كامت تبجي ودكول
.
زهراء: والله يا خويه ردت اكلك بس خفت
.
كيان: اتقربت عليه اشوي وصمطتهة ابراشدي ركعتهة بالكاونتر من عصبيتي وصحت بصوت عالي
.
كيان: انجببييي وانتيي يا خره مريم تتفقين ويه زلم عليييه
مريم: فدوه كيان ابوس رجلك ما طلع ابراسي غير حل
كيان: وللجن عرضض نااس اتهمتن ولجن اسويتنن
.
كبل هنه ويتباجن سحبت الحزام من بنطروني وحصرتهن ابزاويه المطبخ وفلشتهن زوركتهن بالحزام والله من الكتل انشلع الحزام
.
زهراء: فدوه كياان اتكسرت والله بعد ما اعيدهة
.
كيان:(كضيتهة من شعرهة وكتلهة)ولج شنو القصرته وياج وهيج اجازيني صرت الج اهللل
وحيدر دخل
.
حيدر: كياان وخر هاي اشجاي اسوي اتخبللت انته
كيان: اييي خبلني خواتك وكفن شعر راسيي
حيدر: ولك مشوفهن صايرات قطعه زركه ليش هيج
كيان: الولد الي دخلنه ايفشر عليه وعله عرضي وعود حبيب فدك هنهه دازاته عليه ومعلماته شيسوي
حيدر: انته اشجاي تحجي(ابصدمه)
كيان: والله سمعتهن اني وصارله اسبوع مختفي لان طافر من يمهن
مريم: خويه حيدر اسفهه اعتذر والله بعد متنعاد
حيدر: اتقربت عليه ودمغتهة عله راسهة وكلهة علمود افلش راسج اذا عتيهة ياا دماغ سزز
.
كيان: (حسيت نفسي دخت وكلت )حيدر رايح اني اصعد راسي كام يوجعني ودخت
حيدر: روح اني اخلص ويه هذن
.
كيان: صعدت الغرفتي وبس اسمع معايطهن ذن لضاهر حيدر هم كتلهن ويستاهلن عله السونه وهسه انيي شلون وشراح اكول لفدك وخاف مسامحني بعد السويته بيهة لان اني بعدني احبهة ورايدهة
.
.
يتبع بالبارت القادم
لاوتحكمون عله الشخص ابسرعه وتستعجلون احسن حته لا توكع ابغلط ايحملك اهواي🥀🥀
الكاتبه: ضحى الطائي