عشكَ عيون الملازم

البارت 6

((وياريتك تجي يمي وكون تجي وصفط كدامك كل هم وتلمني بحضانك وبحبك اتهمني ))
وقد تبعدك الايام الى بعيد بسبب الفرح الذي موجود في قلبك
.
.
السلام عليكم اشلونك رجعنه ابارت جديد من قصتي القصه خاليه من اي زيادات خرافيه توجد اضافات فقط في الحديث البسيط
.
وتركم ويا البارت
.
°°°°°°°°°°°°°°°°°°°°°°°°°°°°°
.
.
كيان: ردت عليه برساله كالت
.
فدك: هلا بيك اسفه بس نفس ما تعرف مشغوله بالفاتحه
جاوبتهة
كيان: لا عادي معذوره هلا بيج
وانتضرتهة اشوي ما جاوبت انتضرتهة ساعه ما جاوبت اتاخرت كلش وحيل ضوجتني هلا طفله شنو تضحك عليه تشمر رساله وتروح كتبتلهة
.
كيان: مو كيان الاطنشه زعطوطه لو تضحك عليه مفهوم يا ادب سز
.
وغلقت الجهاز وعفته ونزلت جوه احسن من ما ابقه انتضر هاي الحيوانه
.
.
____________________________
.
فدك: كاعده يم اهلي وبالي كله يم كيان وادور حجه حته اكوم اجاوبه وصافنه افكر فجأه
.
امي فوزيه: اشبيج فدك صافنه
فدك:( كبل اجت فكره ابراسي وكلت )هاا ايي مو نعسانه حيل تعبت اليوم وما نايمه
امي فوزيه: كومي نامي
فدك: ايي والله احسن
خليت وكمت كبل صعدت فوك للغرفه
.
هاجر: غمزت لكوثر بمعنه خلي انكوم وراهة انشوف
وكمنه اني وكوثر صعدنه عله كيف وراهة
.
.
فدك: اني كاضه الجهاز وصافنه عله الرساله الاخيره الدازهة الي حييل ضجت منهة ردت ابررله ابرساله جان ينسحب الجهاز من ايدي وكع كلبي حسبالي ابويه انداريت شفتهة هاجر
.
.
هاجر: اييي خلي نعرف شبي هاذ
فدك: لا لا جيبي مو وكتج
كوثر: ماا نطي اذا ما تحجين
فدك: والله احجي جيبي موو وكتج
.
هاجر ما تطيني الجهاز وضامته وره ضهرهة واني حيل ضجت منهة
كوثر: تحجينه اشجاي اسوين لو يبقه يمنه
فدك: والله احجي بس جييبي والله
هاجر: هاج الجهاز بس يا ويلج اذا جذبتي
فدك: لا والله
.
اطتني الجهاز  واني كتبته رسايل اهواي حاولت اتصل عليه بس الجهاز مغلق خليت وشمرت الجهاز وكعدت
.
هاجر: هاا اشبيج
فدك: لا ما بيه شي
كوثر : يلله احجي مو اجذبين علينه
فدك: كوثر تذكرين الولد الكتبتي يوزري عله سيارته
هاجر: منو هاذ؟؟
كوثر :بعدين افهمج كملي
فدك: بقينه نتواصل وهاهيه
هاجر: ييمه تحجين ويه ولد
كوثر: جا هوه مو حجه عليج وراح
فدك: هوه بعد بقينه بعد بس ضاج هسه لان ما اجاوبه😅
هاجر: سترك يا ربي اتخبلتي انتي تحجين ويه ولد
فدك: ايي ولد يعني بشر موو شيطان
هاجر: والله ما ادري بس ايشي ايصيرلج ما عليه
كوثر: لاا هسه قابل اشراح ايصير
.
فدك: بقيت انتضر من يمه رساله ما جاوب لحد ما غلبني النعاس ونمت ما حسيت اله الساعه ب٩ الصبح فزيت خواتي هاجر وكوثر كاعدات ورايحات للفاتحه بس نرجس نايمه فتحت الجهاز ما لكيت اي رساله من يمه ضجت من الصبح خليت وكمت ونزلت اجت فكره ابراسي وكلت
.
فدك: يمكن كيان هم بالفاتحه موجود بس هوه ما ايجاوب عله رسايلي سويتلي ريوك محد موجود بالبيت بس نرجس ونايمه اتريكت وكلت
فدك: خلي اكوم اعزل البيت احسن من ما ابقه هيج كاعده
.
.
_______________________
.
كيان:
اني نايم فزيت فتحت اعيوني هدوء ماكو اي صوت كضيت جهازي ردت افتحه ما فتح اذكرت اني غلقته بالليل وفتحته اريد اشوف الساعه فتح الجهاز شفتهة الساعه ب١١ ونص كلت
كيان: اشعجب ما كعدوني لو ما فزيت عله صوت واحد
جان كبل تجيني كوم رسايل عله جهازي فجأه اتعجبت كلت شنو منو ايدزلي هيج اول مره فتحت الجهاز شفتهن من فدك كوم رسايل خليت وشمرت الجهاز ابصفي وكلت لروحي
.
كيان: ليش هيج جاي اسوي يا كيان هوه شنو الب صار ما جاوبت يمكن ابيت عمهة لان فاتحه عدهم  شنو سالفتك وياهة زين ليش جاي تذكرهة اهواي كافي بعد لا اجيب طاري وخلي اجاوبهة خطيه كتبتلهة
.
كيان: صباح الخير فدك
.
وكمت من السرير رحت عله الميز شفت شعري هوسه ومدري اشوني بدلت ملابسي وغسلت وجهي ومشطت شعري وخذيت لسويج وكبل نزلت ابجهي للسياره ركبت وفكرت
.
كيان:يا كيان انته اشجاي اسوي وين رايح اذا للفاتحه فخل اخلي بالي ويه الزلم وما علي بايشي وهاهيه بس اول خلي اتصل عله خالي اتاكد
اتصلت
.
سلام: الوو ابني
كيان: هلا صباح الخير بويه
سلام: صباح النور
كيان: اكلك بويه انته وين هسه
سلام: اني بالفاتحه ليش
كيان(بتفكير):لحمد لله وكتله اجيك اذا اتريد
سلام: ايي عفيه عليك ابني اني بالجامع هسه تعال
كيان(بتفكير):خره بحضي اي والله وكتله
ايي بويه جاي يتصلون عليه يمكن اجيك باي
.
وسديت الخط كبل وكلت
كيان:(بعياط) خره بحضك كيان اي والله ارتاحيت هيج يله ارجع
فتحت باب السياره ردت انزل منهة جان كبل واحد ايسده شفت حيدر سدا واجه كعد يمي بالصدر
.
كيان: اشبيك انته؟
حيدر: ودينه للمكان الي ردت اتروحله هسه
كيان: لا بعد ما اروح
حيدر:انداريت عليه وكتله اذا ما اتروح هسه راح تندم بعدين ودكول ليش ما رحت وضوج فيله حرك
كيان: ما اريد اروح هاهيه غيرت رأيي
.
جان كبل تجي رسايل لجهازي فتحته لكيتهة من فدك
حيدر شاف هم وكال
.
حيدر: هااي شفت يله خلي انحرك
كيان: وليش شنسوي
حيدر: انته امبين عليك انعجبت بهل ابنيه امشي وروح اعترفلهة
كيان: يعني بهل سهوله اشبيك انته اهنود احنه
حيدر: ونصير احسن من الهنود حرك
كيان: واصلن منو  كلك اني معجب ابفدك
حيدر(بضحك):ههههه اني كتلك بس معجب انته من وحدك كلت اسمهة امبين عليك😂
كيان: كافي لتخبلني شسوي هسه
حيدر:حرك السياره هسه وخلي اروحلهة وعترفلهة يلهه
.
كيان: فكرت بالموضوع وكلت ما اخسر شي خلي اروحلهة قبل لا اتروح مني لان اني حيل انعجبت بيهة وباسلوبهة وطريقه كلامهة الخجوله
.
حيدر: اشبيك صافن حررك
كيان: ضحكت وكتله اوكيي
.
وحركنه السياره
.
.
___________________________
.
.
فدك: اني جاي احضر ملابسي اريد ادخل اسبح وراهة اروح لبيت عمتي ونرجس اكعدهة قبل لا اروح اجتني رساله لجهازي ما اتوقعتهة من كيان لان هوه ضايج وما ايجاوب اجيت للجهاز وفرحت كلش شفت الرساله
.
كيان: صباح الخير فدك
.
.بس ضجت لان الرسايل الدزيتهن البارحه ما اهتم الهن
وكلت عادي وهم دزيتله كتله
.
فدك: هلا صباح الخير ليش ما اجاوب من البارحه
.
وعفت الجهاز ورحت دخلت للحمام اسبح فد ربع ساعه وطلعت شفت اختي نرجس جاي تتريك كتلهة
.
فدك: هاا كعتي
نرجس: ايي هسه بس اخلص اروح لبيت عمتي
فدك: اي روحي واني الحكج رايحه انشف شعري
.
رحت للحديقه عله لمرايه جاي انشف شعري واريد امشطه والمه اندك الباب مالتنه كلت
.
فدك: منو
ابوي احسين: انيي بتي افتحي
فدك: ايي
فتحتله الباب
ابويه حسين: نسيت جهازي بالبيت ورحت شايفه هيج
فدك: ههههه يا حضي 😅
.
دخل ابويه
.
___________________
.
كيان: وصلنه هاذ الباب الابيض بيتهم
حيدر: يله انزل واني انتضرك
كيان: اخاف واحد موجود
حيدر: اذا واحد طلعلك طلع حجه ورجع
كيان: اوكي
.
كيان: نزلت من السياره بدون اي تردد رحت مشيت عله اتجاه بابهم جان ينفتح ويطلع ابوهم منه سويت روحي عود اجيت اسوي قيطان حذائي يم الرصيف انتضرته ركب بالسياره وحرك يله رفعت راسي انداريت عله حيدر ميت ضحك عليه  واني اكلو
.
كيان: امداك اي والله يا حيدر بليتني واني نفس الزعطوط كيفت
مشيت رحت دكيت الباب
.
.
_______________________
.
.
فدك: ابويه جاب جهازه ورجع طلع وسديت ورا الباب رجعت للمرايه جاي امشط شعري رجع الباب دك كلت هاذ هم ابويه طبعن فتحت الباب كبل بدون ما اسال
وجان انصدم من الطلع ابجهي كيان
.
فدك: هااا يمه اشجابك اهنا
كيان: اجيت نحجي
فدك: ولك اشتحجي لا واحد ايشوفك
كيان: كلمتين يلطفله
فدك: شو وخر خلي اسد الباب لا واحد يجي واذا دك اختل انته
كيان: فدك اني اجيتج اريد اكلج شغله واروح ما اتحمل بعد
فدك:ايي احجي شنو
واني رافه راسي عليه لان اطويل ومنتبهة لعيونه الخضر اشلونهن ايخبلن
كيان: فدك الصراحه اني'''
.
وجان ايدك الباب
فدك(بهمس): كيان اختل بالحمام ابسرعه
كيان: حرت وين اروح وشسوي خلي ورحت دخلت الحمام وسديت الباب عله كيفي واغم ابنفسي عله هاي السالفه وشلون سمعت كلام حيدر الحيوان
.
محمد: فدك شنو محد ما موجود
فدك: لا محد بس اني ونرجس
محمد: هاا خوش اذا دك الباب لا اتفتحي اله بعد ما اسالي
فدك: حاضر
واني ميته خوف اخاف ايصير صوت لو اخويه يدخل عليه متت ابمكاني
.
محمد: يله رايح اني محتاجين شي
كيان:(بهمس)الله وياك روح
فدك: يله بيباي
.
راح محمد يله ارتاحيت طلع كيان من الحمام واجيت عليه كبل كتله
.
فدك: هسه ما كدرت تحجي وياي عله الجهاز
.
كيان: كضيتهة حيل من ازنودهة وخليت عيني بعيونهة لان ضجت من حجيهة ردت احجي غير شغله بس لعنت الشيطان وكتلهة
.
كيان: فدك انيي اني اعتذر وخلص
.
فدك: خله اعيونه بعيوني وعكد حواجبه وجعني حيل من كضاني بادي لضخام وكتله
.
فدك: وشنو الي ردت ادكوله
كيان: ولا شي
ورحت كبل عله الباب ردت افتحه وطلع بس بقيت اشوي واكف افكر هنوب طلعت ورجعت واني كلشي ما كايل بس خليتني اني وفدك ابموقف خطر اجيت ركبت السياره
.
حيدر(ابفرحه):بششررر خويه
كيان: فشلت
حيدر(بتعجب):فشللت شنو؟
كياني(بعياط):يعنيي فشلت
حيدر: ما حجيت شي مو
كيان: ايي اييي ما حجيت اييشي بقيت ملصوم وطلعت هنوب اخوهة اجه كبل خليت وطلعت
حيدر: بعد عدك وكت ارجع
كيان: لاا ما ارجع هاهيه وحركت السياره ورجعنه طول الدرب حيدر ما كال شي كتله
.
كيان: انته اشبيك ضجت انوب
حيدر: بسس اريد افهم ليش ما حجيت
كيان: ماا كدرت احجي
حيدر: شنوو ما كدرت انته زلمه تتردد من كلمه ولله عيب
كيان: لا اسويلنه سالفه عادي ما كدرت وهاهيه
حيدر: انيي صوجي ردت مصلحتك
كيان: الله كريم
.
وصلنه للبيت بعدني ما مدخل السياره ولا موكفهة حيدر فتح الباب ونزل عرفت بي ضاج بس علمودي لان عرف بيه حبيتهة
.
.
يتبع بالبارت القادم
اشوي اكصير هاذ البارت بس ضروف اشوي
بيبايي❤❤