عشكَ عيون الملازم

البارت 11

ويالهفتي عله شوفت اعيوني يا لهفتي
وحس كلشي يكمل لو بس تجي بوصط حضنتي
ويا لهفتي عليك مشتاكه وحس قليله لمن اطيتك كل محنتي
.
.
.
ورجعنه ابارت جديد وياكم اتمنه الكل يعرف شنو العشته والي جاي اعيشه لحد الان ابسبب هل ما ضي كل الايام الحلوه الكضيتهة ويه اعيوني بعدين تنكلب عليه وتمنيت كون ميته ولا صار الي صار
.
وخليكم ويه البارت
.
.
[[{{بسم الله الرحمان الرحيم}}]]
.
.
_______________________
.
.
فدك: واني كاعده بالحديقه وحدي وما خذني التفكير لبعيد صحاني بس دكه الباب
.
فدك: منوو
كوثر: اني افتحي
فدك: يا هلا خمزين من اجيتي
.
وفتحتلهة الباب ودخلت
.
كوثر: حضرتي امورج لان بعد ما راح ارجعج
فدك: قبل اسبوع اني محضره كلشي
كوثر: عفيه عليج بنتي😂
فدك: هههههههه
كوثر: شنو محد موجود
فدك: ايي بس محمد ونايم ابغرفته
كوثر : ليش ولباقين
فدك: ابويه بالدوام وشفق كذالك وفوزيه راحت لبيت عمتي
كوثر: هاا يعني صفه البيت لام طيره وطارت بي فرد طيره
فدك: ههههه شسالفه تره اني ام بيت
كوثر: خليني كاضه السان احسن وخل انفوت
.
.
دخلنه اني وكوثر صبيتلهة جاي وكعدنه بالمطبخ عله الميز انسولف وسالتني
.
كوثر: صدك فدك
فدك: شنو
كوثر: اشصار عله صاحبج ما عرفت بعد شي
فدك: قصدج كيان
كوثر: اهاا اسمه كيان هم حلوو
فدك(ببتسامه):ايي اسمه كيان
كوثر: وعاد حلو لا
.
فدك: اذكر اني شايفه صوره اله بالصفحه مالته ناشرهة وطلعت الجهاز وشوفتهة الكوثر
.
كوثر: اللهم صلي على محمد
فدك: ههه هاا شبيج
كوثر: هاذ مستعده اطلك زوجي وازوجه اذا راد
فدك: ههههه لهل درجه
كوثر: دشوفي لعيون ايجنن وجاي عليج يالزركه
فدك: انجبي وين زركه اني😂
كوثر: انشاء الله العلاقه بينكم اخويه شريفه
فدك: ايي ولمن احجي ويا بين كلمه ولثانيه ايكلي صلليي على محمدا ياا اختاه ويضربله ركعتين هوه وكاعد
كوثر(ابضحك):ههههههه عفيه اموتج اذا ترتبطين بي اكوم اغار😂😂
فدك: هههههه لا لا لتخافين حاسبه حسابج
كوثر: بارك الله براسج
.
بقينه نضحك واسولفلهة عله كيان وعله اسلوبه وهيه بقت تنصح بيه وكذا علمود لا بيع نفسي كلش اله لحد ما اجت مرت ابويه سلمت عله كوثر ودخلن جوه بالصاله اني بقيت بالمطبخ افكر ابكيان بقيت وحدي لحد ما اجت مرت ابويه علمود انحضر الغده وكلشي جان حاضر اني سويت سمجه وتمن احمر لان اعرف كوثر اتحب هاي الاكلات وحضرنه غده وسفره فرشناهة
.
.
.
.
________________________
.
.
كيان
واني نزلت جوه اجت زهراء كعدت يمي
.
زهراء: كيونتي حبيبي
كيان: تعرفين بيه ما احب هل دلع الخره
زهراء: اسفه حضره الملاززم
كيان: احسن اشتردين
زهراء: تعرف انته اشكد غالي عليه
كيان: اختصري واحجي احسن
زهراء: خلي اطلع ويه صديقاتي
كيان: وين
زهراء: اروح للمحلات نشتري ونرجع
.
كيان: وهيه تحجيلي اذكرت هذن البنات الطالعات بال٢بالليل وشون يتمضحكن
.
زهراء: هاا خلي اروح
كيان: لا
زهراء: فدووه
كيان: لاا يعني لاا
زهراء: اني ما طالعه
كيان: هسه بدلي وكشخي واني اخذج لوين ما تردين واشتري عله راحتج
زهراء: لاا فدوه كيان اريد ويه صديقاتي
كيان: انجبيي لعد وكعدي
زهراء: والله ويصير هيج انته حابسني اشكد خبيث
.
كيان: بقت ادردم وصيح وراحت وجابت خالتي عليه هداده ليكول كاضه عودتهة وجايه
.
حمديه: كياان اشبيك ويه اختك
كيان: هاي شنو اجيتي اتفزعين الهة
حمديه: ايي اشبيك وياهة
كيان: ما بيه شي بس رادت تطلع ومنعتهة
حمديه: وجا وذا لو طلعت شيصير يعني
كيان(بعياط): لاا متطلع مفهوم مو امنعهة اجيبج عليه
حمديه: هيه ما طالعه بس بهل بيت
كيان: لاااا ما تطلع ويه بنات بالشوارع مفهووم وما عدي اي حجي
حمديه: لا اشو تطلع
كيان: خلي تطلع وشوف اكسر رجليهة لو لا مفهووم
.
كبل كمت صعدت الغرفتي وطبكت الباب قويي وتمدتت عله السرير غمضت اعيوني احس نفسي تعبان اشوي وحست نفسي اريد اغفه لان ما نمت من ال٢بالليل وجان احس شي انشلع من لحيتي فزيت عله الوجع فتحت اعيوني شفت زهراء ركضت عطت ابعصبيه
.
كيان(بعصبيه وعياط):زهراااااء اليوم انعل والديج
.
وركضت وراهة شفتهة نزلت الدرج اني سويت الدرج بايتين من العصبيه اريد بس الحك بيهة هاي الحيوانه
جان انحصرت ابنهايه الديوانيه وهيه كامت اتعيط
.
زهراء: لاا فدوه كيان اسفهه بعد ما اشلع من لحيتك شعر
كيان: الى ما اطيح حضج
زهراء(ابخوف):فدوه كياان اسفهه
.
اتقرب عليهة والعصبيه تشتعل ابدمي وصمطتهة ابراشدي الطخ راسهة بالحايط من قوته وكضيتهة من شعرهة وهيه كامت تبجي وكتلهة
.
كيان: اذا مره ثانيه عتيهة اشلع اديج يا ادب سز لان ما قبلت عله الدياحه هيج اسوين موو
.
ردت اجيبهة بالثاني خالي صاح
.
سلام: كيااان يا حيووان
.
وخرت من زهراء وكتله
كيان: ها بويه
سلام: اتمد ايدك عله اختك يا جلب
كيان: ايي ما متربايه
وطلعت من الديوانيه وصاحلي خالي التفيتله وكضاني من ايدي وعيونه بعيوني
.
سلام: شوف ياا كيان قسمن بالله اذا مره ثانيه هيج اسوي اطيح حضك
كيان: انته صدك تحجي
سلام: اضن اني ما احب اشاقه بهيج مواقف
كيان: ايصير خير
.
وخرت من يمه وصعدت لغرفتي وحيل ضايج من حجي خالي لان اني مو طفل وهيج ايهددني بقيت بالغرفه وما اريد انزل ولا اشوف وجه واحد
.
.
.
_________________________
.
.
فدك: اجه العصر واختي رادت ترجع بعد لبيتهة واني طلعت حجابي اريد البسه حته اروح اني وياهةاذكرت كيان ودزيتله رساله
.
فدك: هلوو حياتي اشونك اخبارك طمني عنك اشو ماكو
.
وعفته انتضر رد منيمه وشلت غراضي ونزلت
.
امي فوزيه: ها فدك حضرتي كلشي
فدك: ايي مامه
امي فوزيه: خوما ناسيه شغله
فدك: لا لا كلشي حضرت
امي فوزيه: راح اشتاق لشغلج
كوثر: جا ما تشتاقيلهة
امي فوزيه: لا شسوي بيهة
فدك: ههههه يحضي😅
كوثر: (بهمس)راح اشبعج ونسه
فدك: غصبن عنج
كوثر: تدللين من اعيوني
.
اشوي وابويه ودانه اني وكوثر دخلنه البيتهة محد بي اني خذيت غراضي ورحت عزلتهن بالكنتور واني جاي اعزل اجتني رساله شفتهة
.
كيان: هلا حبيبتي اشونج مشتاقلج
.
كلت ما اجاوب عليه ابسرعه اشوي وجاوبته كتبتله
.
فدك: هلا بيك واني اكثر مشتاقتلك
كيان: اشونج
فدك: لحمد لله انته اشونك طمني عنك
كيان: لحمد لله زين وين ما وين
فدك: يم اختي اجينه قبل اشوي وجاي اعزل غراضي
كيان: هاا لعد خلصي وراسليني
فدك: اوكي تدلل
كيان: موو تنسين
فدك: لا ما انساك اني
كيان: يله باي لعد
.
.
راح واني خلصت تعزيل ورحت كعدت يم اختي طلعتلنه فواكه وكعدنه انسولف واني اصنف عليهة وبقينه ساعه كاعدين كالت
.
كوثر: خلي اكوم اسبح احسن منج
فدك: ايي روحي احسن
.
راحت واني دزيت رساله الكيان كلت قبل لا انسه اشوي وما جاوب واني كاعده انتضره جان الجهاز اتصل الجهاز شفته كيان جيتصل اشوي ورديت عليه
.
كيان: الوو
فدك: هلو
كيان: يا هلا بهل صوت
فدك: ههه شكرا
كيان: اشبيج اخدودج صارن حمر
فدك: اشمدريك صارن حمر
كيان: امبينه
فدك: هههه
كيان: اشلونج
فدك: هسه صرت زينه من سمعت صوتك
كيان: اهااا مو انسولين اني😂
فدك: ههههه ايروحلك فدوه😂
كيان: هههههه يعمري
فدك: امممم
كيان: فدك اريد اكلج شغله بس مستحي
فدك: كول اول تالي انته تستحي مني
كيان: اريد اشوفج  فدك
فدك: اشلون يعني
كيان: اريد اشوفج وجهن لوجه
فدك: يعني اشلون مفهمت
كيان: لا تفتهميني غلط بس اريد اشوفج فدك مشتاقلج اريد اشوف اعيونج
فدك: بس اشلون
كيان: كولي الاختج اذا اتخافين وقنعيهة
فدك: اشلون يعني لا اني ما اطلع ويه ولد
كيان: فدك ثقي بيه صدكيني ما اسوي ايشي اشمالني تعرفيني انتي فدك اني احبج مستحيل اذيج
فدك: كيان بس اني ما مسويتهة اخاف
كيان: لا تخبليني فدك اذا اتخافين كولي الاختج ومستعد ايشي اسوي لخاطرج
فدك: ما ادري والله
كيان: ابراحتج ما اجبرج اذا اتخافين وحقج بس اني مشتاقلج حيل كلت اريد اشوفج
.
فدك:
فكرت بيني وبين نفسي وكلت عادي ميصير شي وكتله
.
.
فدك: اوكي اشوف اختي
كيان: ايي واني انتضر رد ولا تتخيلين بان اذيج ابشي مستحيل
فدك: اي اني رايحه هسه واحجي ويه اختي وردلك خبر
كيان: انتضر رد
فدك: اوك باي
.
سديت الخط ورحت كعدت بالهول اختي طلعت من الحمام وكعدت اكبالي عله التخم واني متردده وشجعت نفسي وكتلهة
.
فدك: كوثر
كوثر: هاا
فدك: اريد اكلج شغله اصغيرونه
كوثر: الله يستر منهة احجي
فدك:بس مو اتعصبين
كوثر: لا والله احجي ما اعصب
فدك: اوكي ....اريد اطلع ويه كيان
كوثر: اشلوون لا ايسوي بيج شي
فدك: لا والله هوه كالي كولي الاختج اذا اتخافين
كوثر: لا مستحيل
فدك: فدوه والله ما اطول وتصلي عليه كلساع
كوثر: واذا سوه شي
فدك: والله ما ايسوي
كوثر: عادي بس ايشي ايصير عليج
فدك: ايي والله يعني قبلتي
كوثر: ايي
.
.
حيل فرحت بس خفت حيلل هم وكتبت الكيان
.
فدك: هلو
كبل شاف الرساله
كيان: هلا بيج
.
.
فدك:
اني مدري شجاني وجذبت عليه
.
فدك:اني قنعت اختي اروح لصديقتي عود بس اجي اوفك
كيان: يعني قبلت اطلعين
فدك : ايي
كيان: فرحتيني لو تعرفين اشكد مشتاقلج والله احس شي فاكده
فدك: اني اروح اسبح وعود اراسلك
كيان: فدك الساعه ب٨ اجي
فدك: عله راحتك
كيان: بس دليني
فدك: اي بهيج منطقه.............. ورايحه بعدين اراسلك
كيان: انتضر
.
.
راح كيان واني رحت حرت شالبس وشعدل حضرت ملابس وحضرت المكياج وحضرت شالي وكلشي واني طايره من الفرح غسلت وجهي وعدلت حواجبي وخليت مكياج خفيف كلش صارت الساعه ٧ونص بدلت ملابسي .
.
.
كوثر: اخخ يا فدك ناويتلنه عله مشكله
فدك: سمي بسم الله كلشي ميصير
كوثر: انشاء الله خير
.
.
صارت الساعه ب٨اله خمسه اجتني رساله شفتهة من كيان
.
كيان: اجيت فدك
.
فدك: حسيت بطني حيل كامت تلويني وتوجعني من الخوف الي احتلني وكتله
.
فدك: ايي طالعه
.
عفت الجهاز عله الميز لبست شالي وخذيت الجنطه وطلعت ونسيت الجهاز عله الميز
طلعت لبست الحذاء وعطت
.
فدك: بايي رايحه
كوثر : باي وديري بالج عله نفسج
.
ورحت طلعت وسديت الباب اشوي مشيت عبرت الشارع لمحت السياره نفسهة السياره البلبدايه كتبت كوثر عليهة اليوزر وكلت يا سبحان الله شوف شصار ابسبب هل يوزر
.
واني خايفه حيل ومستحيه كلش شجعت نفسي ورحت للسياره فتحت الباب ولبتسامه ما اكدر المهة وباوعت عله اعيونه الخضر اشلون صافنات عله اعيوني وكال
.
كيان: صعدي
.
صعدت وسديت الباب ولخجل ولخوف ماكلني لازكع بالباب اني ما اتقربت اشوي ومتعجبه عله ضخامته وكبره يمي حسيت نفسي نمله يمه واجه لابس قميص ابيض رسمي ضيك عليه اشوي بارز الضخامه مالته وبنطرون اسود رسمي كلش حلو طالع عليه
ما احس اله راشدي اجاني بس عله كيف مو حيل قوي اتعجبت
.
فدك: هااي ليش واني متعجبه
كيان: شنو هاذ لبسج
فدك: اشبي
كيان: شنو اشبي مشوفي مو عيب هيج
.
بقيت ساكته ما حجيت شي
.
كيان: اشلونج
فدك: لحمد لله وانته اشونك
كيان(بحماس وفرحه):اشلونيي يعني اشلووني واني يمج
فدك: ههه انشاء الله بخير
كيان: طالعه حلوه اشو احله من قبل زايده جمال
فدك: لا نفس وجهي
كيان: لا احله
فدك: ماا ادريي
كيان: اشبيج خايفه
فدك: لا مخايفه
كيان: لا والله غير انتي لازكه بالباب وترجفين
فدك: لا ما ارجف
كيان: والله ترجفين ما اسوي شي لتخافين بس ليش تارسه روحج هيج بالعطر
فدك:طيب العطر
كيان:خنكني اني
فدك:ليش
كيان:عدي جيوب انفيه لان
فدك:يوو ما ادري
كيان:شسوي اني اكيوت بعد ما اتحمل اكيووت حيل
فدك:ههههههه
.
.
اومشينه اشوي وجهاز كيان اتصل شافه اشو هاي صفحتي من جهازي جاي الاتصال وكيان بقه ايباوع عليه وفاتح اعيونه
واني درت وجهي وكلت
.
فدك: نسيت الجهاز
كيان: (بعياط)شنوو. هااااي
فدك:شنوو
كيان:اجذبيين علييه ادكولين اختي ما تعرف بيه طالعه وياك
فدك:شسويي جنت خايفه
كيان:طيح الله حضج اي والله
.
ورد
.
كيان: الووو
كوثر: ويين فدك
كيان: خطفتهة
كوثر: رجع اختي لا اكلب الدنيه عليك
كيان: عرضي وبكيفي
كوثر: انته لو عدك عرض جان ما طلعت ابنيه ابنص الليل
.
كيان: احس نفسي فورت من هاي كلمتهة
.
فدك:
.
اباوع عله كيان  انعكدت حواجبه وصار وجهة احمرر من العصبيه وعاط بيهة واني متت خوف
.
كيان: ماا ارجعهة اولييي
.
سد الخط ابجهة وهوه ايكلي
.
كيان: لييش اجذبيين عليه وغير اجيبين جهازج
فدك: نسيته
.
ورجعت اتصلت كوثر مره ثانيه
فدك: لا اترد
كيان: انجبي خلي اشوف
.
وجاوبهة
.
كيان: خيير
كوثر: اطيني فدك احجي وياهة
كيان: هاج اتريد تحجي وياج
.
خذيت الجهاز كتلهة
فدك: الووو
كوثر: يا صاقطه يا ما تستحين ولج عايفه الجهاز ليش اصبريلي اليوم اطيح حضج
.
اني كبل سديت الخط ورجعت اتصلت
.
كيان: اطيني الجهاز
فدك: لاا لترد عليهة
كيان: اطييينيي
.
وضربني راشدي قوي حيل بحيث راسي انضرب بالجامه خفت ونقهرت حصرتني العبره بقيت ساكته وكاضه خدي
.
كيان: يله راح اجيبهة
كوثر: ايي جيبهة خلي اطيح حضهة
كيان: اخلي رجلي بحلكج اذا طخيتيهة
كوثر:رووح
.
وسدت الخط
.
كيان: انتبهت لفدك انخنست وكاضه خدهة غمضت اعيوني وهدات نفسي اشوي وكتله
.
كيان: اسف مجان قصدي بس انتي ضوجتيني
.
فدك
بقيت ساكته
.
كيان: شوو باوعيلي
وكضيت وجهة ودرته عليه ورفعت اعيونهة عليه مغوركات انقهرت عليهة حيل وما احس نفسي اله اتقربت وبستهة من خدهة وهيه وخرت وكالت
.
فدك: لا هايه عادي بس ضجت من اختي
كيان: لا اضوجين كلبي واسف
ابتسمت ابجهي ابتسامه خفيفه
.
.
.فدك
رجعنه للبيت وقبل لا انزل واني كاعده بعدني ابمكاني كيان قرب روحه عليه بحيث جتفه ثار عله الكشن الكاعده عليه وكلي
.
.
.
كيان:يله حبيبتي روحي
فدك:بس ما اضوج
كيان:لا ما اضوج
فدك:ولا اتعيط
كيان:ولا اعيط
فدك:انته كومه تصرف اعياط تره
كيان:وما راح اعيط
فدك:ولا تعصب
كيان:ولا اعصب
  وهيه طلعت قبل لا اسد الباب كالتلي
.
فدك: كيان تعال اكلك شغله
كيان: شنوو
فدك: اتقرب
كيان: اتقربت عليهة
.
فدك:
كبل غمضت اعيوني وبسته من خده وكتله لا اضوج وسديت الباب ورجعت
.
.
دكيت الباب كوثر طلعتي كاضه النعل
.
فدك: اشبيج انتي
كوثر: يا ادب سز ليش عايفه جهازج
فدك: نسيته وكبل دخلت حيل انقهرت من الفشله وكمت ابجي لان كوثر فشرت عليه وسمع كيان وهاي اول مره هيج ايصير وياي
.
.
.
.
يتبع في البارت القادم طولتلكم هاذ البابرت حبايبي❤😊🥀🥀احبكم

الكاتبه: ضحى الطائي