عشكَ عيون الملازم

البارت 3

قد لا تاتي الصدفه مرتين فهي مره واحده كل فتره زمنيه من عمر الشخص وعندما تاتي تصدم الجميع بها وبعجبتها وكيف حدث ذالك وحينها تعرف ما يريده قلبك حقن وما لا يريده عقلك صدقن وتكون الصدفه على انواع عديده ولكل منا يمتلك صدفه تختلف عن غيره
.
.
.
السلام عليكم رجعت ابارت جديد نفس ما كلت القصه عباره عن واقع حال لا زياده ولا نقصان
.
.

°°{~~•بسم الله الرحمن الرحيم•~~}°°
.
.
______________________________
.
.
فدك:هااهيه خلصت شغلي بعد اذا واحد صاحني العب جوله اووكي كافي
امي فوزيه:عله كيفج عيني مدكلليلي اسويتي هنه اماعين بخمس دقايق اخلصهن
فدك: لخاطر الله يا خمس دقايق غير طاح حضي بيهن انتي شايفه المطبخ هاهيه رايحه اكعد بذيج الغرفه يم كوثر
.
رحت كعدت بالغرفه يم اختي كوثر جانت اتخابر ابرجلهة وخلص واني كضيت جهازي اريد اكلب اشوي بي شفت طلب مراسله جايني
.
فدك: كوثر شوفي جايني طلب مراسله يمكن اليوم من خليتي اليوزر
كوثر: معقوله جاب نتيجه
فدك: ايي والله يا كوكه جاب نتيجه
كوثر: جاوبي وشوفي بله جاب لو لا
فدك: ايي صدك نسيت
.
رديت عله الرساله كتبت هلا منو
.
كوثر: هاا رد شاف
فدك: لا والله بعده
كوثر: اصبري اشوي هسه ايجاوب
.
وره اشوي جاوب
.
فدك: ايي والله شاف الرساله يا كوكه شسوي
كوثر: اشبيج خلي انشوف اشيكتب
فدك : ايي صدك بس ما جاي يكتب شي
.
اشو كبل اتصل علينه
.
فدك: كووثر جاي يتصل اشو هاذ
كوثر: يوو يمكن ما يعرف يكتب هاذ
فدك: شسووي؟؟
كوثر: جااوبي وفتحي سبيكر خلي اسمع صوته عاد
.
.
.
خليت وجاوبت كبل بدون تردد وفتحت اسبيكر وكلت
.
فدك: الووو منو؟؟
كيان: انيي منو لو انتي منو(بعصبيه)
فدك: شنوو هوه غير انته اتصلت عليه منو انته
كيان:ليش غير انتي كاتبه يوزرج عله سيارتيي موو انيي
.
كمت الطم عله وجهي واشر لكوثر بمعنه شكله
.
كيان(بعياط):ماا جاوبين اشبيج الصمتي
فدك: ليش اتعيط مو اني كاتبته تره
كيان: لعد منو جدي الي كتبه اجه كتبه ورد للكبر
فدك: موو اني اكلك وهاهيه
كيان: شوفي اكلج بس اريد اسال سؤال
فدك: جواب؟
كيان: انتي ما عدج اهل ما عدج اخوان ما تستحين عله نفسج تكتبين يوزرج عله سيارات الزلم عييب والله عييب ماكو حيه ماكو عيب لو بعد زعتنهة
فدك: اشبيك انته اكلك مو اني كتبته والله
كيان: دنجبيي للج عليه جذبين ولا تحلفين جذب
فدك: هااااا اشبيك انته مصدك؟؟
كيان: ايي والله واكلي خره هم ولي اشمالني اني اخلص وكتي عله بنيه نفسج ما تستحيي بابه عييب بطللي
.
.
فدك
.
وسد الخط ابجهي واني الفشله ولخجل ما كلني وكوثر ميته ضحك كدامي
.
فدك: ارتاحيتي هيج احسن كتلج لا اتكتبي شبعت رزايل
كوثر(ابضحك):والله رزاله ياا ربي😂
فدك: دنجبي احسن مو صوجج صوجي اني خليتج تكتبين يوزري
كوثر: ههههه يله الله يعوضج حبي😂
فدك: كلله صوجج انتي امداج خلي اكوم احسن منج
.
كمت خليت الجهاز عله الميز ورحت نزلت جوه اني ضايجه رحت وطلعتلي عصير
.
.
_________________________________
.
.
في مكان اخر
.
.
كيان:اني كاعد بالصاله يم اختي جاي نشاقه ونضحك وفجأه تجيني رساله شفتهة من اليوزر الي لكيته عله السياره وكمت .
.
زهراء: وين رايح
كيان: اتصل وارجع
زهراء: اوكي الضاهر رساله مهمه
.
كيان:نزلت عله راسهة وبستهة وكتلهة بس مو اهم منج اشوي وراجع
زهراء: اوكي انتضرك
.
.
رحت كبل للحديقه لكيت حيدر كاعد ايدخن كعدت اكبله وكتله
.
كيان:جاوب هاذ اليوزر شوف شسوي بي
حيدر: اتصل كبل حته نسمع
كيان: ايي صح احسن
.
اتصلت عليه كبل وفتحت اسبيكر لحيدر جاوبتني ابنيه ادكلي منو واني نزلت بيهة رزايل وحجي دست دوس وياهة مخليت شي ابطني وسديته كبل ابجهة
.
.
حيدر: عفيه عليك خوش اسوي
كيان: ايي لان اكره البنات الهيج ايسون ويدورن زلم وسياره وفلوس
حيدر: ايي والله ارخاص
كيان: احب الرزنه الثكيله
حيدر: مشوف نفسك لحد هسه ما مرتبط لان اصلن ماكو هيج ابنيه
كيان: ايي صح اريد وحده تتحملني هم
حيدر: شيتحملك انته ما تنجرع تره بس اني متحملك😂
كيان: ههههههه تره اني فقير يابه
حيدر: اييي كلش 😂
كيان: قابل اني نفسك عار
حيدر: غير انته ربيتني
كيان: دنجب واسكت احسن الك صاقط
حيدر: اريد اول ما ترتبط ادكلي
كيان: اكييد غير انته بكلشي وياي لازك غصبن عنك تعرف
حيدر: عفييه يعني مغزر وياك همزين
كيان: يله كوم طفي النركيله وخلي اروح ناكل حلاوه شفت امسوين
حيدر:لعد خلي انكوم انسوي هجووم عليهم
كيان: مشوف كتلك اعرف بيك نفسك دنيه
حيدر: لا ما اسمحلك اشبهني بيك
كيان: دمشي امشي لا اكتلك
حيدر:مو اصغر عيالك اني تكتلني
كيان:دروح اني رايح احسلي
حيدر:اوكفلي جاي وياك
.
.
.
_____^______________________
.اليوم الثاني
.
.
فدك: مرن اليومين ابسرعه واجه العيد
.
.
امي فوزيه: فدك فددك كووميي يله
فدك: ايي يمه ايي
امي فوزيه: اليوم عيد ولحد هسه نايمه
فدك: الساعه ابيش
امي فوزيه : الساعه سبعه وربع
فدك: يمهه من هسه ليش مكعدتني شكوو شعدنه
امي فوزيه: اختج هاجر جايه بالطريق كوومي
ابويه حسين: لا تعبين نفسج وياهة راح اجيب كلاص مي اغسل وجهة
فدك: لا لاا كمت هااي
ابويه حسين: عفييه ببنيتي
.
كمت واني مطفي نزات رحت للحمامات و غسلت وجهي باوعت بالمرايه وكلت
.
فدك: شنوو هاي الكفشه سترك يا ربي مني خلي اروح امشط احسن ورتب نفسي اليووم عييد قبل لا واحد ايشوفني بهل حاله .
.
رحت كبل حته ما اتريكت عزلت الغرفه وطلعت ملابسي مالت العيد وحذائي وطلعت المكياج وكوثر دخلت للغرفه
.
كوثر: راح تبدلين وتتحضرين وما كتيلي يا حقيره
فدك: والله محد كلج لا تجين
كوثر: هايي اجيت
.
عدلنه نفسنه وبدلنه رحت عايدت اهلي وبست راس ابويه وايده وكتله
.
فدك: ربي يحفضك ويخليك خيمه النه
ابويه حسين: تسلمين بنتي وهاي هم عيديه
.
طلع خمسه الاف وطاني اياهة وكتله
فدك: لا والله ما يحتاج
ابويه حسين: ادري بكلبج ايتكتك عليهة اخذي وسكتي
فدك: هههههههه شكرا😂
.
اجت هاجر هنوب هيه ورجلهة واجو كرايبنه وبيت عمتي صارت هوسه يمنه كلش واصدقاء ابويه اجو وتعال حضر كلاصات وعصير وكيك دخت كلش احس كمت رحت كعدت بالغره الفوك وحدي وره اشوي كوثر اجت
.
كوثر: هاا فدك اشبيج؟؟
فدك: ما ادري احس نفسي دخت كلش الكاع تفتر بيه
كوثر : مددي اهنا وارتاحي بين ماتخف الهوسه
فدك: ايي بس اطيني جهازي عله الميز من يمج
كوثر: اوكي
.
اطتني جهازي زنزلت اني جاي اكلب شفت هاذ الرزلني ناشر عله القصه مالته الحساب مالته الثاني مبيوك ويريد واحد ايساعده واني اعرف بت اخو مرت ابويه تعرف اترجع حسابات وكلت
.
فدك: ارد عله القصه واكله اني اعرف ارجعه لو ما يستاهل ؟
لا لا ما يستاهل البارحه رزلني وعيب هسه ايكول لزكت
.
وعبرت القصه مالته ورجعت فكرت كلت
فدك: لا لا هوه بس اساعده ويمكن من اساعده ايحس بالسوا البارحه ويعتذر ايي ايي خلي ارد فكتبتله عله القصه
.
فدك:اتريد اساعدك؟
وعفته كلت بعد من ايجاوب الله كريم
.
.
___________________________
.
في مكان اخر
.
.
.يوم العيد
.
كيان:
اني نايم ما احس اله الباب مال غرفتي اتفلش فزيت فزه من الضوجه صحت حيل
.
كيان: وسسسم اي والله مخابيل
ريم: كووم عموو كيان اليوم عيد ونعيد
كيان: لا هلا من الصبح اشعدج اصيحين من وره البار
ريم: ايي غير اريد اعايدك الدنيه كلهة اجت هم
كيان: وليي هسه نازل
ريم: اوكي راح اكوللهم عمو ما يكعد
.
كيان: خلي اكووم احسن ما تفيد هيج ابقه نايم
.
كمت رحت غسلت وجهي واجيت عله الميز مشطت شعري ولحيتي ونزلت كبل ابجهي لخالي كتله
.
كيان: صباح الخير بويه كل عام وانته بخير انشاء الله عله جبل عرفه
سلام: انته بالف خير واعز ولدي يا غالي
كيان: شكرا بويه
سلام: كيان شوف
كيان: هاا يابه
سلام: اشوكت اتروح للشغل
كيان: بعد اربع ايام
سلام: خير انشاء الله
.
.
رحت عايدت خالتي الي هيه بعتبار امي لان هيه الربتني وعلمتني هنوب سمعت صوت حيدر
.
حيدر: ولك كيان كل عام وانته اعز واجمل اخ الي
كيان: وانته افضل اخ
حيدر: ربي يحفضك يا رب بس فدوه بعد لزيد جمال تره البنات كامن ميكلبني بس انته
كيان: لا طبعن اعذرني
زهراء: كل عام وانته بخير كيوني
كيان: ياا هلا انشاء الله عروس وخلص
زهراء: شبسع مليت مني
كيان: من قبل هيج اني
مريم: كل عام وانته ابخير كيان
كيان: وانتي بخير
مريم: انشاء الله عريس
.
كيان: باوعتلهة صفح ورجعت حجيت ويه زهراء
مريم: شنو اشبيك ما اتريد اصير عريس
كيان: لاا
حيدر: كيان تعرف هسه وين لازم اروح
كيان: اكيد هسه راح اصير هوسه اهنا خلي اروح لمزرعتي اهناك الجماعه كلهة اهناك نلكاهة
حيدر : ايي روح اصعد بدل ملابسك ابسرعه يله بين ما اشغل السياره
كيان:بس اني اسوق
حيدر: اكيد لان راح اروح بسيارتك مو سيارتي
كيان: ايي رايح ابدل وارجع
.
.
صعدت ابدل كلت خلي اغير لبست بنطرون موديل حشداوي اخضر وقميص اخضر جاي اباوع عله روحي بالمرايه وعدلت ورتبت ونزلت كبل شفت بالديوانيه زلم غلست ورحت للحديقه شفت حيدر ينتضرني بالسياره ركبت وطلعنه
وبالطريق كلت الحيدر
.
كيان: هاك جهازي شغل اغاني هادئه
حيدر: اوكي اطيني
كيان: يله بس مو اغاني هوسه
حيدر: اكلك هاي جايتك رساله
كيان: اشمكتوب بيهة
حيدر: مكتوب اتريد اساعدك
كيان: شو خلي اشوف
.
شفت الرساله من هاذ اليوزر مالت لبنيه الرزلتهة
كتبتلهة ايي اشون اساعديني ؟
.
حيدر: منو هاي؟
كيان: هاي مو نشرت عله حسابي الخذو هاي ردت عليه اتريد اساعدني
حيدر: اهااا انشاء الله خير
.
.
______________________________
.
.
فدك: واني كاعده بالغرفه وحدي اجتني رساله من هاذ الولد كاتب
كيان: اتفضلي اشون اساعديني
.
بقيت اشوي اباوعلهة وافكر كلت
.
فدك: لا خلي ما ارد عليه هسه خلي اشوي اصير ثكيله بقيت اباوع فديوات ونسيت نفسي وره ساعه اذكرت وكلت خلي اجاوب عيب بعد ابقه هيج فكتبتله
.
فدك: اعرف وحده تعرف اترجع الحسابات الماخوذه اذا اتحب اكوللهة
.
ودزيتهة اشو هاذ كبل شافهة اتعجبت عليه ورد عليه كتبلي
.
كيان: صراحه ما احب اكتب رسايل ومدري شنو تكدرين تتصلين لو لا
.
اتعجبت عليه وكلت بيني وبين نفسي اشكد مكروه اسلوبه خليت وجاوبته
.
فدك: ايي عادي اكدر
كيان: اشعجب ما يمكم خطار ؟
فدك: يمنه خطار بس اني صاعده وحدي بالغرفه الفوك
كيان: اوكي يله اتصلي
فدك: ليش مو انته تتصل
كيان: دتصلي ولسوين هاي السوالف
فدك: ثواني خلي اجيب الهتفون
كيان: انتضر
.
اني جذبت عليه ما اجيب ايشي بس مستحيه واخاف اجفص ويا 😅
.
_____________________________
.
.
كيان
: اني كاعد ويه جماعتي نشاقه ونضحك جان تجيني رساله شفتهة من هاذ اليوز وكلت بين نفسي
.
كيان
: شيخلصهة وياج انتي خلي اكللهة تتصل احسن
وهيه كالت هسه اتصل خلي اجيب الهتفون واني منتبه بالجهاز حيدر كال
.
حيدر: شسالفه كيان كايم اهواي تراسل شنو السالفه
كيان: لا هاذ ولد وياي بالشغل يسألني اشوكت اداوم
مصطفى صديقي: يا ولد هاذ؟
حيدر: ايي صح يا ولد اني اعرفهم كلهم
كيان: اشبيكم ما اصدكون
عبود صديقي(بضحك): لا بس نسأل يمكن اكو جنه راح تجي بالمستقبل وبعدنه ما نعرف
كيان: عود عدي حبيبه لا والله غلطانين
حيدر: الله كريم لعد
وباوع لكيان صفح
.
كيان: جان تتصل عليه هاي جان كبل طفرت من مكاني
حيدر: اسم الله اشبيك خويه شفت طنطل جني
كيان: لا بس اختي جاي تتصل
حيدر: هاا سلملي بطريقك
.
خليت ورحت يم شجره اشوي بعيده وفتحت خط وكلت
.
كيان: الوو
فدك(بخجل):الووو
.
حسيتهة كوه تحجي وصوتهة مخنوك
.
.
.
التكمله بالبارت الجاي😊❤
احبكم