عشكَ عيون الملازم

البارت 10

وما هوه الياس وبان تياس من روح شخص عاشرتها وفجاه تختفي عنك وعن عالمك فتياس من رجوعها مره ثانيه
.
.
رجعنه وياكم ابارت جديد راح اكمل الي صار ويا كيان بطل القصه وراهة نرجع لفدك الي بقت ابحيره عله كيان
.
.
________________________
.
.
كيان: وصلت البيتنه وكلت الروحي
.
كيان: هسه اهلي يتعجبون يومين ورجعت وراح ايشوفون راسي املفلف راح تبده مضرطه الاهتمام الزايد
.
نزلت من السياره بس خذيت جهازي كلشي ما شلت وياي ورحت دكيت الباب مال بيت طلعلي خالي
.
سلام: (ابصدمه)كياان اشجابك وهاي اشصاير وياك ؟؟
كيان: خلي ادخل ونحجي لان احس راسي دايخ
سلام: تعال ابني طب ورتاح
.
دخلت اني وخالي وخالتي لاكتنه
.
حمديه: يممه ابنيي اشصايرلك
واجت كبل عليه واني ما حس عله نفسي اله حضنتهة وكتلهة
كيان: لتخافين كلشي ما بيه
حمديه: شوف نفسك اشلون ما صاير شيي تعال يمه تعال ارتاح
سلام: لدوخي يا ام حيدر خلي يكعد
.
رحنه كعدنه بالصاله واني راسي احسه راح ينفجر كضيته حيل بايدي
.
سلام: بويه اشصايرلك
كيان: اتعرضت لثنين اهناك وضربوني ابراسي
حمديه: حسبي الله ونعمه الوكيل اي والله
كيان: لحمد لله من رجعت بس مصوب صديقي انكتل وليوم رحت لبيت اهله اني خطيه اتمرمرو عليه
سلام: الله ايكون ابعونهم
كيان: ايي لحمد لله
حمديه: خلي يمه اسويلك اكل خاف جوعان
كيان: لا ما جوعان بس تعبان وراسي حيل يوجعني اريد انام
سلام: اصعد بدل وغسل ونام وبقه منا لعكب باجر لا تكعد
كيان: هههه ايي
.
صعدت لغرفتي بدلت ملابسي وكبل ذبيت ازروك بالسرير احس نفسي متكسر وحيل تعبان ونمت
.
.
.
.
_____________________€
.
.
فدك: واني حايره وخايفه عله كيان وكول اشصايرله وكلت خلي اتصل عله احسن
اتصلت عليه طلع ايرن كلت ايي لحمد لله بس ما جاوبني اتصلت مره ثانيه طلع الجهاز مغلق ضجت وكلت
.
فدك: شني السالفه ليش يتهزم ما ايريد يحجي وياي لو يمه شباب وعيب والله حيرني هل ولد اشصايرله وسمعت ابويه
.
.
ابويه حسين: بويه فدك
فدك: ها بابه
ابويه حسين: جيبيلي السويج اريد اطلع
فدك: حاضر
.
رحت جبتله سويج السياره لكيت ابويه واكف بالطرمه اطيته اله وطلع هوه واني صافنه عله الطرمه واذكر اشلون دخل كيان الهة وضحكت ضحكه خفيفه وكلت
.
فدك: اشكد امخبل هل ولد وخلت للبيت
.
اجه الليل اتاخر الوقت وكيان ما له خبر صار اتلث ايام كيان ماكوو حيل خفت عليه فدعيتله
.
فدك: ياا رب احفض واستر عبدك الي بالي انشغل عليه وما اعرف اشصاير ويا وبعده عن كل اذه يا رب فانت وحدك قادر تحمي
.
خليت ونمت لان الوقت اتاخر حيل واني كاعده
.
.
______________________
.
.
كيان
فزيت واني شبعان نوم شفت الساعه الساعه بال٢ بالليل واني نايم من ال١٠ الصبح لحد هسه حسيت نفسي جوعان كلت خلي انزل اكلي شغله
نزلت ابجهي للمطبخ رحت عله الثلاجه فتحتهة ما لكيت شغله بيهة تنوكل عله السريع بدون طبخ او حمي وكلت
.
كيان: عادي اذا هسه اطلع اكل وارجع ابسرعه ميصير شي
.
سديت الثلاجه وصعدت كبل للغرفه خذيت سويج السياره ونزلت ماكو اي حس او صوت واحد الكل نايم مستحيل واحد يكعد وحته اذا واحد كعد حسبالهم اني نايم ابغرفتي طلعت فتحت السياره وطلعت صوت
.
كيان: اششش اسكتي لا واحد يسمع
طلعته ابسرعه وحركت رحت عله الشارع العام لان اهناك كوم مطاعم تبقه امفتحه نزلت وشفت كومت بنات يمشن ويتمضحكن كلت ابيني وبين نفسي
.
كيان: طيح الله حضجن وحض اهلجن اي والله بهل ليل طالعات عله الشارع العام تتمضحكن
.
رحت دخلت مطعم شكو شي مشتهي نزلته ما كمت من الميز لحد ما انفجرت
.
كيان: لحمد لله ربي خلي ارجع احسن
.
اطيت الحساب وطلعت كبل رجعت للبيت لا من شاف ولا من دره رجعت محد كاعد دخلت للبيت جان خالي يطلع ابجهي بقيت جامد ابمكاني
.
سلام: كييان وين جنت؟
كيان: طلعو ااطلع غراضي من السياره
سلام: وينهن
كيان: شنوو
سلام: غير الغراض
كيان: هااا بالسياره
سلام: جا مو اطلعهن
كيان: لا غيرت رايي
.
وكبل زركت من يمه وصعدت وبقه ايصيحلي
.
كيان: كتله رايح انام بااي
وصعدت ابسرعه وما جايني نوم ابد فتحت الجهاز مالتي شفت كوم اتصالات من فدك فدزيتلهة رساله
.
كيان: هلو حبيبتي اشونج اعذريني ما رديت بس جنت تعرفين بالشغل واليوم رجعت
.
ما خبيت اقلقهة علي فما كتلهة شي من الصار بقيت اكلب بالصور لحد ما نعست عفت الجهاز وردت انام اذكر امير اشون شفته جثه جسمي كله كزبر من يمه وبقيت افكر بالي صار
.
.
____________________
.
.
فدك: كعدت ٨الصبح حكيت راسي وكلت
.
فدك: بعد وكت اشعدي من هسه كاعده خلي اشوف الجهاز ورد انام
.
فتحت الجهاز شفت رساله من كيان جايتني حيل فرحت قريتهة وتعجبت شنو كيان البارحه راجع مو اسبوعين يبقه ودزيتله
.
فدك: هلا حياتي صباح الخير اشونك طمني عنك بالي يمك ليش اشصاير شو راجع مو تبقه اسبوعين خوما صايرلك شي
.
وعفته انتضر رد لان اتعجبت ليش راجع اكيد صاير شي لان مستحيل يرجع هيج بدون شي وكمت
نزلت جوه شفت اهلي كاعدين يتريكون
.
فدك: صباح الخير
ابويه حسين: هلا بهل طير
امي فوزيه: صباح النور اشعجب كاعده
فدك: شبعت نوم
امي فوزيه: لحمد لله من شبعتي هاي ابشاره
فدك: ههههه ايي
.
رحت غسلت وجهي ومشطت شعري رفعته ذيل احصان ورجعت للمطبخ
.
امي فوزيه: يله اتريكي مامه
فدك: ما اشتهي
امي فوزيه: ليش؟
فدك: ما ادري نفسيتي مزدوده
امي فوزيه: لعد اشعدج كعتي كلشي ما عدنه
فدك: ايي راح اصعد اعزل الغرفه الفوك اشوي وكعد نرجس علمود اعزل المطبخ
.
.
صعدت فوك واني جاي اعزل بالغرفه اجت رساله لجهازي شفتهة من كيان لكيته كاتبلي
.
كيان: صباح النور هلا بيج لا مصاير شي بس مالي خلك ورجعت لا تخافين
فدك: هلو اشونك كيان طمني عنك
كيان: لحمد لله اني انتي اشونج
فدك: لحمد لله اسال عليك بالي يمك
كيان: لا زين اني
فدك: شنو السبب الي خلاك ترجع
كيان: مالي خلك ورجعت
فدك: شسالفه كيان مستحيل هيج اكيد اكو شي صاير
كيان : لا حبيبتي لا تخافين ما بيه شي
فدك: كيان فدوه اذا صاير شي كلي لا اضم عليه
كيان: لا مصاير شي حبيبتي
فدك: اوكي بس بعدني ما امصدكه
كيان:هههههه شسالفه يابه
فدك: اوكي عله راحتك ما الح عليك
كيان: ايي سولفيلي شكو ماكو
فدك: راح اروح يم اختي كم يوم وارجع
كيان: ياهيه منهن اني اعرف عدج اثنين مزوجات وحده اصغيره
فدك: وحده القريبه علينه اسمهة كوث اروح كم يوم ارجع لان ضوجه يم اهلي كلت اغير جو
كيان: يعني اختج كاعده وحدهة بس هيه ورجلهة
فدك: ايي ورجلهة عده شغل من الصبح لليل
كيان: اوكي روحي بس مو اطلعين منا ومنا
فدك: لا ابويه وين يقبل
كيان: خاف يا غافل الك الله😅
فدك: لا والله ما اطلع
كيان: ايي ثقتي بيج اعله من ما اصدك بيج
فدك: عمري انته
كيان: يله اروح اني جاي يتصلون عليه
فدك: اوكي دير بالك عله نفسك
كيان: بايي
فدك: بيباي
كيان: احبج
فدك: ❤
.
.
وراح همزين اطمنت عليه كلشي ما بي بس ما امصدكه هوه هيج راجع لا صاير شي بس ما ايريد ايكلي بي بس اني اعرف اشلون اخلي يحجي بعدين
خلصت تعزيل الغرفه وكعدت نرجس علمود تتريك واعزل المطبخ
.
بين ما راحت نرجس حضرت ملابسي وغراضي علمود اروح لكوثر لان حيل مليت من هل بيت وضوجته
.
.
______________________
.
.
كيان
خلصت حجي ويه فدك لان اتصلو عليه من الشغل ايسالوني عله اخباري
.
.
الشغل: الووو
كيان: هلا ومرحبه
الشغل: اشونك اخبارك اشلون صرت
كيان: لحمد لله كلش زين
الشغل: انشاء الله بخير
كيان: ايي
.
اشوي بقينه نحجي عله الشغل وشلون يمشي وسديت الخط وفكرت ابالي اشوي وكلت
.
كيان: لازم اشوف فدك بس اشلون ما اعرف لازم اكعد وحجي وياهة مشتاق لعيونهة اريد اشوفهة
اشوي ونزلت جوه يم خالي ومرته الجو ملل بدون حيدر متوعود عله هوسته وسوالفه اكثر وقتي اني ويا اكضي يومي ويه حيدر بس هسه ما موجود بعد كومه يله يرجع
.
.
.
انتضرو التكمله في البارت القادم
هاذ البارت حيل اقصير بس جاي هيج اسوي حته الحك انشر بارتين في اليوم احسن من واحد 😊❤
احبكم