عشكَ عيون الملازم

البارت 48

.
السلام عليكم💫🥀
.
.
رجعت وياكم ابارت جديد اتمنه الكل ايضيف رأيه ابتعليق❤💫.
.
.
عشك عيون الملازم
.
معه تحياتي الكاتبه: ضحى الطائي
.
.
اتركم ويه البارت حبايبي🤍💫
.
.
__________________
.
.
فدك
خذيت الجنطه وصعدت للغرفه فتحتهة لكيت بيهة غراض بنتي كنونه ملابسهة والحليب والممه واللهايه مالتهة وملابس الي هم كم لبس مو اهواي ولكيت جهازي هم خذيته وبسرعه اتصلت عله حيدر
.
.
.
حيدر
رجعنه من بيت فدك اني وابويه ومريم وبدون لا اشوف فدك ولا اجيبهة وياي دخلت رحنه للصاله امي بيهة وزهراء بس زهراء اول مشافتني طفرت وراحت اني مهتميت ورحت لامي
.
حيدر: هلا حبيبتي(وبست راسهة)
حمديه: جا مجبتوهة وياكم
سلام: لا كال ابوهة تبقه ترتاح لحد ميجي حيدر من شغله
حمديه: يله عادي خليهة ترتاح قابل شعدهة
مريم: اي عادي اذا تحبون ابقه يمكم لحد متجي
حيدر: لا لا ميحتاج روحي لرجلج احسن
مريم: هاا اشو طردتني شبسرعه مليتو مني
سلام: لا بابه البيت بيتج اشوكت متجين هلا بيج
حيدر: لا اصدكين تره ابويه جاي ايجاملج(وتصل جهازي وكلت)يله يله باي صاعد لغرفتي اني
مريم: الضاهر اتصال مهم
حمديه: جنتنه هايه اكيد
حيدر: ايي جنتج جاي تتصل باي
.
وصعدت لغرفتي ابسرعه وجاوبتهة
.
.
فدك
اتصلت عله حيدر اشوي وجاوبني
.
حيدر: الوو
فدك: هلو حيدر
حيدر: هلا بروح حيدر شلونج
فدك: لحمد لله زينه اسال عليك بالي يمك
حيدر: ولج اني بالي يمج اشلون صرتي طمنيني عليج
فدك: زينه كلش لتقلق
حيدر: حبيبتي سامحيني بس تعرفين حله عصبيه وانتي صرتي اكبالي
فدك: عادي حبيبي لتهتم انشاء الله رب العالمين يرزقنه بغير طفل ولتنسه عدنه كنونه مكفيه وموفيه
حيدر: فدوه اروح الهة والج والله مشتاقلجن كلش
فدك: مساعه خذيت بنتي منك شبسرعه اشتاقيتلهة
حيدر: ولج كلبي مشتعل نار عليجن والله احس نفسي شي ناقصني بس من اشوفج وشوف بنتي بحضنج اكمل
فدك: حياتي انته حته لو اجي اليوم مابيهة فايده انته باجر راح اتروح للشغل
حيدر: الله كريم بعد
فدك: ايي الله كريم
.
فدك
وبقينه اشوي نحجي ونسولف ونشاقه وسديت التصال ونزلت جوه يم اهلي شفت بنتي عاقجه وجهة وتريد تبجي وابويه ايلاعب بيهة ويريد ايضحكهة بس هيه مستهضمه كللش وبس شافتني كامت تبجي
.
فدك: يوو اشبيهة هاي
ابويه حسين: ضاجت من يمنه
فدك: لا نعست هاي اتريد اتنام
امي فوزيه: يله نوميهة لعد
.
فدك
خذين روكيان من ابويه بس شلتهة عافت راسهة عله جتفي وسكتت كامت متبجي بس مستهضمه وامي عاطت
.
امي فوزيه: شووف حسين بس شالتهة امهة سكتت
فدك: هههه بعدهة ما متعوده عليكم
.
وخذيت بنتي صعدت سويتلهة مميه حليب وكعدت ومطلتهة ابحضني وشربهة بالحليب وفاتحه اعيونهة لخضر ومغوركات بالدموع وتباوعلي واني كل ما اشوف هاذ المنضر ابنتي اذكر منضر كيان من جان يبجي ويريد اسامحه وكبل طار فكري ابعيد وبقيت اذكر كيان من يضحك ومن يبجي ومن يعصب وكلشي عنه وكل ملامحه ارسمن بعيوني ما اكدر انساهن ابد ولا اكدر انسا واشيله من بالي
صح اني ما انسه كيان بس احب حيدر اكثر
وميصحيني غير صوت مرت ابويه
.
.
امي فوزيه: فدك فددك هوو وين صافنه
فدك: هاا هاا وياج
امي فوزيه: شبيج صافنه وين بالج
فدك: بالي يم ييم حيدر
امي فوزيه: يله هيه كلهة اسبوعين وترجعيله
.
فدك(بيني وبين نفسي)
هنيالي لو بعد اسبوعين ورجع اله بس هوه راح بعد ميرجع اله اني اروحله
وصحيت عله نفسي وبشنو جاي افكر وكلت
.
فدك: استغفر الله
امي فوزيه: اشبيج اشو تستغفرين اشو والمميه خلصانه من الحليب وعايفتهة بحلك لبنيه معاجبني وضعج
فدك: هاا لا بس هيج عايفتهة علمود تبقه ساكته😅
امي فوزيه: هاا اي خطيه متعوده بس عليج
فدك: يله كم يوم تتعود عليكم
امي فوزيه: هوه حيدر ليش جان عصبي؟؟
.
فدك
باوعتلهة وحجيتلهة كلشي بس مكتلهة جانت زهراء تاخذ جهازي وحيدر راد ايطلكني ابسببهة لا بس كتلهة لكف عليهة محادثه وعصب وقتنعت هيه هم
وبقينه انسولف صارت بال١١ بالليل هيه كامت نزلت جوه اتنام بعد وصعدت نرجس فرشتلي وفرشت الهة
.
نرجس: اطيني بنتج يمي
فدك: لا نايمه اهاف اتفز باجر عود الصبح كله يمج
نرجس: اوكي تمام
.
فدك
ونمطلت وخليت بنتي ابصفي وهيه نايمه واني اشوي بقيت افكر ونمت
.
.
حيدر
كعدت عله صوت المنبه شفت الساعه ب٣ونص الفجر فركت وجهي وكمت غسلت وجهي وطلعت ملابسي مال شغل وبدلت ومشطت شعري ونزلت جوه البيت ايصوصي ماكو ولا طير الكل نايم اذكرت فدك جانت تكعد اسويلي ريوك بس هسه هيه يم اهلهة وجانت امي بس امي انشلت وبسببي هم خليت وخذيت القوري ردت اسوي بس جاي وذكرت بالطريق كومه يوكفون بالشارع ايبيعون جاي وكبل عفت القوري صعدت خذيت غراضي وسويج وجهازي ونزلت شغلت السياره وقبل لا اطلع دزيت كم رساله لفدك وطاعت بعد للشغل
.
.
.
فدك
فزيت الساعه بال٩الصبح عله صوت بنتي فتحت اعيوني ملكيت بنتي يمي كبل رفعت راسي شفتهة كايمه ومجلبه بالكنتور وتمشي كم خطوه كبل اني متحملت منضرهة وطاعت جهازي وكصيتلهة صوره وهيه بس شافتني ضحكت ابجهي اني ابسرعه كمت شلتهة وبستهة
.
فدك: يمه فدووه اروح لبنتي لسباعيه لتمششي يله خلي اروح نتريك
.
ونزلت جوه لكيت اهلي كاعدين بس مخلصين ريوك
.
فدك: صباح الخير
امي فوزيه: صباح النور
ابويه حسين: هلا بيج
امي فوزيه: اطيني بنتج خلي اريكهة اني وانتي اتريكي عله راحتج
فدك: شكرا
.
وطيتهة بنتي وصبيتلي ريوك ومرت ابويه سوت ثريد بالخبز اصغار وغلت عليه جاي وكلت بنتي بي وبنتي ما شاء الله اتموت عله الاكل مدبدبه وخدودهة اتخبل كله كلتهة
.
ابويه حسين: الف عافيه كنونه
امي فوزيه: كلته كله
ابويه حسين: شسمهة هيه الحقيقي
فدك: روكيان
ابويه حسين: روكيان؟وين لاكين هاذ الاسم
فدك: اسم اخو حيدر المتوفي اسمه جان كيان وسموهة هيج لان قريب عليه ويشابهن
امي فوزيه: ليش عد حيدر اخو؟؟
فدك: اي متوفي
ابويه حسين: هاا هاذ العايف صوره عمج عله الفيس اعيونه خضر وضخم
فدك: ايي هوه ولان بنتي طلعت اعيونهة خضر وتطي شبه اله سمهة هيج
امي فوزيه: الله يرحمه بس هم حلو اسمهة موكيان
ابويه حسين: وللج يا موكياان رووكياان اسمهة😂
فدك: ههههه😂
امي فوزيه: عادي نفس الشي😂
.
فدك
اتريكت وخلصت وابويه كام وبقت مرت ابويه اني كمت عزلت المطبخ وغسلت لماعين وبنتي بقت يم مرت ابويه وذكرت حيدر
.
فدك: يوو نسيت اسال عله حيدر اليوم شغله خلي اروح اتصل عليه
امي فوزيه: يله روحي اني يم بنتج
.
فدك
صعدت ابسرعه للغرفه خذيت جهازي من الميز لكيته هوه دازلي رسايل كاتبلي
.
.
حيدر: صباح الخير حبيبتي اني طالع للشغل بعد عود اتصلي عليه العصر وكت استراحتي اكدر احجي وياج وعود طمنيني عله بنيتي
.
فدك
رديت عليه
فدك: هلا يعمري الله يسهل عليك وبنتك كلش زينه اليوم كامت تمشي
ودزيتله صوره كنونه الكصيتهة الهة وسديت الجهاز وخذته وياي ونزلت جوه اخاف يتصل عليه لو ايجاوبني
.
.
.
حيدر
صارت دنيه ضهر الساعه بال٣الضهر الدنيه تصمط حر وبالبصره
عفت جماعتي ورجعت لكرفاني لبي اكعد وحاله حال غرفه الي واحد ثاني ايشاركني بي
ودخلت اله يصمط حر الشمس ادك بي وما مفتوحه البنكه كبل فتحتهة وكعدت عله السرير وفنحت دكم قميصي وطلعت جهازي من البوفيه مالتي فتحته لكيت فدك دازتلي شفت دازه الي صوره بتنه وهيه واكفه وتضحك بالصوره احس الدنيه حلت ابجهي احس مي بارد نزل عليه ارتاحيت لا تلقائي من شفتهة وفرحت بيهة كللش وبقيت صافن عله الصوره واضحك صدك راحه نفسيه الجعال وكبل دزيت رساله
.
حيدر: فدوه اروحلهة اشكد مشتاقلهة يا ربي اريد من اتصل عليج نفنح كامره وشوفهة ميت عليهة
.
ورجعت اباوع لصوره بنيتي اشكد مشتاقلهة يا الله وفكرت وكلت ابالي
لو ذاك اليوم ما امعصب جان هسه عد كنونه اخو بس الله كريم( عسا تكرهو شيأ وهوه فيه خيرآ لكم) وبقيت اكلب بالصور وباوع لبتي ولإهلي لحد ما تجه صديقي لمشاركني بالكرفان اجه وسديت الجهز وهوه كعد اكبالي عله سريره وبقه ايسولفلي عله جهاله عده خمس بنات و٣ولد ومرته حامل
.
حيدر: (ابضحك)ولك اشعدك بيهم هلكد😂
جابر: ولك الجهال ونسه هاي لدنيه اموت عليهم كلهم واريد بعد
حيدر: الله يرزقك بعشره بعد
جابر: انشاء الله
حيدر: هههههه😂
.
.
.
يتبع