عشكَ عيون الملازم

البارت 9

كل الاشياء لها نهايات الى الاحلام ليس لها اي نهايه فعليك ان تعلم انكه في حلم ليس له نهايه ام انكه في واقع وتنتضر نهايتك وكيف ستاتي
.
.
السلام عليكم رجعنه ابارت جديد اتمنه لكل تعجبه
.
{{♡بسم الله الرحمن الرحيم♡}}
.
.
.
_______________________
.
كيان:
واني واصلت للانبار اول ما دخلت بمكان شغلي وكفوني عله التفتيش
.
الجندي: وكفف اهنا اطبك سيارتك
كيان: حاضر
.
طبكت السياره بالمكان الي راده ونزلت
.
الجندي افتح الجنطه
فتحتله اياهة دور بالجنط سواهن هوسه
.
كيان: بيني وبين فسي اكول الله لا يطيك تعبت البارحه يله صفطتهن
.
جندي: الاسلحه شايلهن
كيان: بالدشبول مالت السياره
جندي: اوكي اتوكل عله الله
.
صعدت السياره وتحركت رحت طبكتهة بالكراج الخاص الي ايخلون بي سيارات اليشتغلون اهنا وشلت جنطتي وغراضي ودخلت كبل رحت للكرفان مالتي الي اكعد بي راح هل اسبوعين وكل مره
واني جاي اعزل بغراضي دخل امير للكرفان الي امشاركني بي
.
امير: كيياان ياا هله اشونك
كيان: هلا بيك اموري اشونك
وحضنته
امير: والله لحمد لله مشتاقلك
كيان: انيي اكثر
امير: ما مبين عليك حيوان لو مشتاقلي صدك جان اتصلت عليه وسالت
كيان: اعذرني بس جان عدنه فاتحه
امير: البقيه بحياتك
كيان: تسلمم
امير: خلي اعزل غراضي وروح انسجل حضور قبل لا ناخذ مخالفه وغياب ونبتلي
كيان: ايي غلتنه انته
امير: هههههه
.
عزلت غراضي وكملت ورحنه اني وامير انسجل حضور ونسيت الجهاز ابجيبي ورحت رنه للرأيس دخلنه لمكتبه
.
كيان: واني ضارب رجلي بالكاع ورفعت ايدي عله راسي اطي تحيه وكلت مرحبا حضره الملازم وامير نفسي هم
.
الرأيس: هلا بيكم
كيان: واني معدل وكفتي علمود ماكو اي خطأ كتله هلا بيك
الرأيس: يله تعالو وقعو اهنا لتسجيل حضوركم
.
وقعنه اني وامير ونداريت ردت اروح ولجهاز مالتي اتصل غمضت اعيوني وفتحتهن وامير صافن عليه ولرأيس
.
الرأيس: هاي جهاز وياك؟؟
كيان: انداريت عله كيف وكتله نسيته راح اروح اضمه
الرأيس: لاا جيبه يمي بامان اكثر
كيان: بسس''
الرأيس: جييبه
.
طلعت الجهاز غلقته وطيته اله وحييل ضجت كبل طلعت بدون اي كلمه وامير لحكني وكال
.
امير: اشمالك غير اتعوفه بالكرفان
كيان: نسييت خره بحضي
امير: يله لا اضوج خيرهة ابغيرهة
كيان(بعياط):ياا خير لخاطر ربك اشتحجي انته
امير: اشبيك عصبت
كيان: رايح اني احسن
.
رحت للكرفان وكعدت عله الجربايه مالتي مال نفر واحد وكلت
كيان: نعله الله على الشيطان هسه اشبيه اني حته ضوجت امير مني وبسبب ثولي
.
دخل امير للكرفان ما حجه ولا كلمه
.
كيان: اميير
امير: هاا
كيان: اسف مجان قصدي اعيط عليك
امير: لا عادي لتهتم
كيان: بعدك ضايج الضاهر
امير: ههه انداريت عله وكتله ليشوف اعيونك هم ايضوج😁
كيان: هههه كواد تعرف بيه ما احب اضوجك
امير: دسكت يله وقره سوره الفاتحه عله روح جهازك
كيان: ههههه اتريد اضوجني حيوان😂
.
.
واني بالليل ممطول عله سريري اريد انام امير مو يمي رايح يلعب دومنه ويه الشباب امسوين جمعه بس اني ما رحت اريد انام لان عدي كعده من الصبح وراح ايبلش الشغل من ال٦ الصبح
وممطول عله ضهري وصافن عله سكف الكرفان وماخذني التفكير لبعيد جان سمعت صوت بره الكرفان اسنطت عليه اشوي سمعت صوت واحد يهمس وركض اني سحبت سلاحي من جوه البوفيه وردت اطلع امشي عله كيف فتحت الباب بهدوأ شفت واحد ختل وره الكرفان الثاني طلعت ابسرعه ورحت عليه اركض ابهدوأ
كبل طلعته وعطت عليه ورفعت سلاحي مصوب عله كلبه
.
كيان: (بعيطه)اووكف لا تتحرك
.
اندار عليه وهوه لاف الشماغ عله وجهة بس اعيونه طاله
.
كيان: اشمر شكو اسلاح يمك ورفع اديك
الشخص: ما شايل ايشي
كيان: راح ارميك اذا ما اطلع
.
وما احس اله واحد كضاني من وره حاوط ركبتي بايده وكعني بالكاع وسحب المسدس من ايدي وخلا ابراسي وكال
.
الشخص الثاني: اشش اسكت تره افرغ الشاجور ابراسك والله
كيان: انتو منوو
راح الاول واني كضيت ايد هاذ الثاني وكمت من الكاع ولويت ايده وخذيت المسدس منه وكتله
.
كيان: هاهيه راح اكتلك
الشخص الثاني: لاا لااا كيان هاذ انيي انيي كياان
.
كيان: شنوو هاذ الصوت مالوف عليه عرفت وردت انزع لشماغ من وجهة واعرفه وما احس اله ضربه ابراسي اجت حيل قويه بحيث ما حسيت ابشي غير اني وكعت عله الكاع ونغمه عليه
.
فزيت بس مر وقت اهواي من انغمه عليه احس راسي ايريد ينشلع من مكانه من الوجع كضيت هامتي وشفت ايدي متروسه دم عرفت صاير عدي نزيف جان انتبه اني جوه الكرفان نايم طلعت من جوا واني حيل دايخ وبالكوه كمت عله حيلي اريد اروح واكول للشباب كلشي وعرفت بانو هذول من جماعتنه
رحت كوه امشي وعيوني امغوشه ما اشوف عدل وسمع صوت اصياح من ابعيد ردت اروح ابسرعه بس وكعت بالكاع ورجع انغمه عليه
.
.
كيان: فزيت اني نايم بالطوارأ مالت الاداره وراسي حيل يوجعني مديت ايدي عله راسي ابكامله لافي بمالت الطوارأ و فركت اعيوني بادي وصحت
.
كيان: منوو موجود اهنا ياا بشررر
الدكتور: هاا هاا اني يمك
كيان: اشصار البارحه ومنو جابني
الدكتور: جابوك شباب اثنين البارحه الساعه ٣ونص الفجر
.
كيان: اذكرت بانو اني سمعت صوت اعياط اخر شي قبل ما ينغمي عليه وسالت
.
كيان: اكللك
الدكتور: اتفضل
كيان: خوما واحد متاذي فدوه بشرني
الدكتور: انته بس متاذي وشخص ثاني اتوفه رصاصتين ضاربات صدره بتجاه كلبه
كيان: شنوو منو لصوب تعرف اسمه
الدكتور: لا اعذرني بس هوه بالغرفه الثاني بعد وينتضرون جيه هله
.
كيان: كمت عله حيلي اريد اشوف منو هاذ ورحت ابسرعه عله الغرفه الثانيه فتحت الباب وشفته مدد ومخلين الوصله البيضه عله وجهة اجيت عله كيفي وخرت من وجهة الغطه
احس نفسي اتفلشت من شفته هز كلبي من شافن اعيوني امير المدد عله هل سرير ومغطي احس جسمي ارتعش ابمكانه واكول ابالي البارحه جنه نشاقه ونضحك سوه اليوم الكا امدد جثه عله السرير وكمت اردد واكول
.
.
كيان: الله ياخذني الله ياخذني صوجي لو كادر عله هل حياوين جان ما صار الي صار وامير مات كله صوجي اني
ودموعي نزلن وكبل كمت طلعت من الطوارأ ابجهي لاداره الرأيس دخلت جفت عليه حته ما استاذنت
.
الرأيس: كيان اشبيك
كيان: اعذرني قائد بس البارحه اتعرضت لثنين
الرأيس: اعرف كلشي وصلني
كيان: هذول واحد من مجموعته الي مداومين
الرأيس: اشلون يعني
كيان: ايي لان البارحه خليت المسدس ابراس واحد منهم وهوه كبل من الخوف عاط هاذ انيي كيان هاذ اني ولاخ ضربني ابراسي ونغمه عليه يعني واحد من الجماعه ويعرفني واني حسيت الصوت مشابه واعرفه
الرأيس: جنه عله نفسه هاذ هوه والثاني وراح ايدفعون الثمن غالي لانهم اذو وقتلو من جماعتهم
كيان: ايي اعذرني قائد ما كدرت اسوي شي البارحه
الرأيس: لا هاهيه اني راح اصرف وانته معذور واذا اتريد ارجع لبيتك ارتاح
كيان: مستحيل ارجع وما اعرف منو سبب كل هاذ
.
.
طلعت من الاداره ورجعت للكرفان مالتي والف حسبه وحسبه ابراسي وحاير اشاسوي وكل ما اباوع لمكان امير ينمرد كلبي عليه واكول الله يساعد والتك خليت وكمت لميت كل غراض امير ابجنطته لان ذني يعتبرن امانه يمي ولازم ارجعهن لاهله واني الم وكع جهازه من البوفيه ونفتح شفت صوره اله هوه وامه سوه كاصيهة ونقهرت عليه وبنفس الوقت عله روحي لان اني عدي فراغ الام حيل اكبير ابكلبي وماكو شي راح ايعوضه
.
لميت كلشي وطلعت رحت لغرفه الاستخبارات بيهة جميع كامره مشدوده ابموقع الكرفانات ردت اطلع موقع الحدث الي صار بي بس ما لكيت الشريط دورت ابكل الكامرات وما لكيت اثر الهم ضربت الميز قوي من العصبيه والضوجه الي صارت بيه وعطت عله الشباب الكاعدين بهاي الغرفه
.
كيان(بعياط):اشمالكم ووين جنتو من انشالت الكامرات فشللله
.
وطلعت كبل واعصابي محتلتني احس راسي كام يوجعني حيل ابسبب عصبيتي وحسيت اكو شي مشه عله ركبتي خليت ايدي عليهة ورجعت باوعت عله ايدي شفت دم بايدي الضاهر رجع ينزف جرحي رجعت للطوارأ ضمدوهة اليه مره ثانيه واجه الرأيس اتعجبت عليه ردت اكوم بس ما كدرت وبقيت عله كعتي
.
الرأيس: كيان ارجع البيتك
كيان: اشلوون ارجع وصديقي كتلوو بسبب تافهين موجودين بينه
الرأيس: عوفهة عليه اطلع حق امير وحقك
كيان: ضربت الميز حيلل وكتله ماا اكدر ما ارجع
الرأيس: لا تعاند لا اتموت هنوب واهلك مشايفيك حالك حال امير وهم اريدك باجر اتروح لبيت اهل امير ادكللهم عله خبر ابنهم لان لحد الان ما يعرفون
كيان: حصرتني العبره كلش وختنكت وهزيتله راسي بمعنه ايي
.
الرأيس: يله هسه ترجع للكرفان اتلم ملابسك وباجر من الفجر تطلع ما اريد اشوف وجهك الصبح
كيان: حاضر حاضر
.
راح الرأيس واني حيل انقهرت عله الصار بامير واكول كله هاذ سببي
.
.
اجه الليل واني كاعد عله الجربايه وافكر اشلون راح اصير رد فعل اهل امير لمن راح اروحلهم وكول الله ايكون ابعونهم انشاء الله ومددت عله الجربايه وكول خل لا انام بلكت ايرجعون ذوله وتكدرلهم هل مره بقيت ل٢ونص ماكو اي صوت ما حسيت اله المنبه جاي ايدك مال جهازي الساعه بال٣ ضبط
.
كيان: يعني صارلي بس نص ساعه نايم وزين منو جاب جهازي يمي ؟
حرت بس كلت عادي يمكن الشباب وكمت شلت غراضي وجنطه امير ورجعت للسياره خليت الغراض بالجنطه وسديتهة واني اكول بيني وبين نفسي
.
كيان: نفس ما اجيت رجعت ما بيه فايده طيح الله حضي اي والله
.
واني حيل كاره نفسي كللش وتمنيت اني تموت ابمكان امير
.
حركت السياره ورحت اول شي سويته رحت البيت امير الساعه تقريبن صارت بال٩ الصبح اتصل الجهاز شفت منو جان اشوف فدك جاي تتصل وكلت لروحي
.
كيان: حته نسيت هل ابنيه والله ولا اجت ابالي خليت ورجعت غلقت الجهاز وضميته بالدشبول
.
وصلت البيت امير نزلت اخذت جنطته ورحت واني واكف كدتم بابهم ادعي لامه الله يصبرهة كون عله الخبر ودكيت الباب
.
طفله: ايي اجيت
فتحتلي الباب وبقت اتباوعلي وكتلهة
كيان: بابه موجود
الطفله: بابه بالشغل ما موجود
كيان: منو موجود لعد
الطفله: بيبي موجوده
كيان: صيحيلياهة
.
راحت وطلعتلي مره اكبيره بالعمر نفسهة الجانت بالصوره مال جهاز امير عرفت هاي امه
.
المريه: هاا ابني هلا بيك
كيان: هلا بيج يمه بس اجيت اطي امانه ابنكم واروح
المريه: يمممه ابنيي اميير اشبيي
كيان: (ابتردد) يا يمه اطاج عمره
.
المره اتهسترت وكبل كعدت بالكاع وكامت تبجي وتلطم عله وجهة وصيح
.المريه: ياا يمه ياا اميير وين رحت يا وليدي ولك عفتي وردتك انته تدفنيي عفتلك بنات اثنين ورحت يتمتهن ياا يمهه وارملتلك مرهه لكك وين رحتت
.
طلعت ابنيه اشوي شابه وكامت اصيح
البنيه: اميير اشبيي اميير اشصايرله احجوو شكووو
.
كيان: ابتوعلهن واني بنص عيني الدمعه ونزلت بست ايد ااحجيه ورحت بدون اي كلمه  صعدت السياره ابسرعه وحركتهة واني راجع للبيت
.
.
.
.
هاذ البارت جان عله الصار ويه كيان جانت متهستر كلش وهوه يحجيلي الي صار ويا والي صاب صاحبه وشلون جان مقهور عليه كللش والتكمله بالبارت الجاي انتضرو

.
.
واعتذر عله التاخير بس اني حاي يوميه انزل بارت واذا اكدر انزل الثاني لان صراحه عدي اعمالي الخاصه😊❤احبكم