عشكَ عيون الملازم

البارت 46

.
.
رجعت وياكم ابارت جديد❤🥰
اتمنه الكل يعجبه🥀💫
.
القصه عباره عن واقع حال اني عشت بي يعني القصه حقيقيه بدون زيادات❤❤🤍
.
.
اتركم ويه البارت حبايبي ولا تنسون اطوني رأيكم بالتعليقات❣❣
.
.
.
___________________________
.
.
فدك
.
اجه الضهر واني احس نفسي مالي خلك كلش ونفسي تلعب كل اشويه ومدري اشبيه
.
واني كاعده ابغرفتي عله الكاع وبنيتي تلعب كدامي اتكض بالميز ودكوم واني اشجع بيهة وحيدر كاعد عله السرير امكنك كال
.
حيدر: بعد يومين راح اروح للشغل
فدك: هاا خوش صار اشكد انته مرايح
حيدر: اي والله هسه تجتني رساله كيفي راح اروح اسبوعين ما ارجع
فدك: لا عله شنو اكيف بس صارلك اهواي كاعد خاف ايكطعون الراتب
حيدر: اولن كعدت ابسبب هاي المشاكل المرت وثانين مستحيل ايكطعون الراتب عدي شهاده غير
فدك: خووش لعد اشوكت ترجع؟
حيدر: ارجع بعد اسبوعين
فدك: ترجع بالسلامه حياتي
.
وكمت شلت روكيان ردت اكعد عله السرير اندك الباب حيدر باوعلي واني رحت فتحته شفت مريم
.
فدك: ياا هلا بمريم شلونج
وخضنتهة بأيد وحده ولاخ شايله بيهة كنونه
مريم: هلا بيج فدك حبيبتي شلونج
فدك: لحمد لله بخير تعالي تفضلي
مريم: اسلم عله حيدر وروح ننزل جوه اريد اشوف امي
حيدر:(بصوت عالي)تعاالي مريم دخلي
.
ومريم دخلت وراحت سلمت عله حيدر
.
مريم: شلونك خويه
حيدر: لحمد لله زينين
مريم: انشاء الله دومك وجبتلك اشلون كيكه اتخبل البارحه سويتهة من اديه
حيدر: الله يستر من الكيك مالتج اخر وحده كليتهة خبلتني خلت لا ليلي ليل ولا نهاري نهار😅
مريم: هههه لا والله ما بيهة شي اذا اتريد اكل وياك
فدك: لا مريومه بعد وعت عله هل اشياء
مريم: اي والله صدك
حيدر: انشاء الله
مريم: يله امشينه فدك خلي ننزل وطيني كنونه حبيبتي مشتاقتلهة
.
فدك
اطيتهة ابنيتي ونزلنه اني وياهة ورحنه لغرفه زهراء دخلنه وزهراء ضايجه وكاعده وحدهة
دخلنه وسدينه الباب وكعدنه اكبال زهراء وكال مريم
.
مريم: اشبيهة زهراء اشو مو عله بعضهة وكاطعه كايمه لا تتصل عليه لا شي جانت قبل خابصتني شكوو؟؟
فدك: حيدر اخذ جهازهة
زهراء: ايي فما اكدر احجي وياج
مريم: ليش اخذ جهازهة بس لا لكفج ويه ولد
.
وهزت زهراء راسهة ابمعنه اي ومريم ضرب اخدودهة وكالت
.
مريم: ياا الله وشسوه
فدك: لعب جوله بينه واني ردت اطلك هم
مريم: ليش انتي شعليج
زهراء: كله صوجي اني كله ابسببي ما بطلت من اول مره وجان مالهة دخل فدك
مريم: ايي وشدخلهة لعد؟؟
.
فدك
محجيت شي اني وزهراء كلشي حجت لمريم من اول مره لكفهة حيدر لحد اخر شي وكالت مريم
.
مريم: طايحه ضح الله يطيح حضج ايي والله يا ثوله اكو وحده هيج اسووي لو مطلكه لبنيه ابسببج حراام جان اني مرحمتج
فدك: يله لحمد لله كلشي مر طبيعي بعد
مريم: وصدك شنو سبب شلل امي؟؟
.
فدك
باوعتلي زهراء وبقت ساكتهة
مريم: اشبيجن احجنن ليش سكتن
فدك: حيدر من لكف زهراء ثاني مره جان كلش عصبي عله زهراء وكتلهة قوي واني حبسني فوك امج بقت وحدهة محد سندهة ونجلطت من شافت حيدر ابهاي عصصبيته وهيج صار
مريم:(بعياط)جذذب تحجين صدك
زهراء: فدوه مريم صدكيني مجان قصدي والله ما اعرف راح هيج ايصير
.
فدك
واني اباوع لزهراء وهيه تعتذر من مريم وشفت مريم نزلت بنتي من حضنهة خلتهة عله الكاع وضربت زهراء راشدي اني كضيت مريم وكتلهة
.
فدك: مريم حبي عله كيفج
مريم: ولج اشلون عله كيفي وامي انشلت ابسبب هااي اشلوون
فدك: بعد مرت وحيدر كتلهة اهوواي
مريم: ابويه يدريي؟؟
زهراء: لا لا ابويه ميدرر ابسبب بس يعرف اني وحيدر اتعاركنه هيج
مريم: اشلوون وحيدر ما حجااله ليش سكتت هييج
فدك: مريم حيدر كال بعدين من ايراضي ابوج يحجيله كلشي
مريم: لا والله هسه اروح ارزل حيدر وشوف ليش سكت بله
فدك: تردين اسوين مشكله من جديد انتي اكعدي وسكتي
زهراء: والله جان مو ابقصدي اشبيج هااي امي تره
مريم: انجبيي انتي اصلن ما مهتمتلهة لان هيه موو امج هيه مجرد خالتج وانتي ما مهتمه اصلن لو امج هاي جان اكلج الندم بس موو امج
.
فدك
وكامت مريم اتريد اتروح الحيدر اني كبل كمت قبل لتطلع من الغرفه كضيتهة وكتلهة
فدك: فدوه اروحلج مو وكتهة البارحه يله رضه حيدر اشوي وهدأ من زهراء
مريم: واني اريد اكبه عليهة ويكول لابويه
فدك: خليهة بعدين
مريم: اشلوون ولج امي هااي المشلوله مو ام واحد
.
وعتت ايدي وراحت صعدت واني امشي وراهة واريد اقنعهة مو وكت هاي السالفه ومو وكت مشاكل بس هيه بقت مصره ودخلت لغرفه و حيدر جان ايريد اينام وعاطت
.
مريم: حييدر حييدرر
حيدر: بسم الله شكو شصاير
مريم: لييش ما حجيت لابويه لصح
حيدر: شحجيله
مريم: ليش مكلت لابويه سبب شلل امي زهراء ليش مبقيهة عليك وابويه زعلان منك ابسبب ذيج الحيوانه
حيدر: بعدين مو هسه
مريم: شنوو بعدين شنوو ولك امي انشلت ابسبب زهراء وابويه زعلان منك ابسبب زهراء هم وهيه شنو الرايح الهة اشو كاعده وساكته
فدك: مريم كافي فدوه
مريم: لا لسكتيني فدك خلي احجي لصدك وتره يا حيدر هيه ما مهتمه الشي لان اميي مصير امهة مجرد خاله الهة وهاهيه روح شوف اهلي مشتعلين ناار وزهراء ذيج هيه تاكل وتنام وما هامهة شيي
.
فدك
اني صافنه عله مريم اشلون تحمي ابحيدر وشلون تحجي وباوعت لحيدر منزل راسه وعاكد حواجبه ومعصب كللش وما حجه اي كلمه لحد مخلصت مريم حجي وهوه رأسن كام راد يطلع من الغرفه اني وكفته وصرت اكباله وكتله
.
فدك: وين رايح؟؟
حيدر: وخري مني فدك
فدك: لييش وين راحح اترووح
حيدر: (بعياط)جااي اكلج وخرري
.
فدك
ودفعني من كدامه ومشه واني ركضت ورا وصل يم الدرج واني كضيت ايده وجر بيهة واكلهة
.
فدك: حيدر حبيبي فدوه اجل الموضوع مو وكت مشاكل اهلك نايمين خطيه قدرهم اشوي
حيدر: هوه اني اصلن رايح لاهلي
فدك: لا فدوه خطيه امك مريضه ونايمه عوفهة للعصر
.
فدك
حيدر عت ايده من يمي ونزل ابسرعه واني ردت انزل وزحلكت وكعت عله ضهري موتني وجع واجت مريم كومتني وشفت حيدر راد ايروح لاهله وزهراء وكفتهة
.
زهراء: حيدر حبيبي لدكول شي والله ابويه ايموتني ليش هيج اسوي فدوه
.
حيدر
احت زهراء اتوكفني واني مطايق اشوف وجهة وكبل كضيتهة من شعرهة وضربتهة راشدي
.
فدك
شفت حيدر ضرب زهراء ركضت ردت اوخره من يمهة وهوه راد يدفر زهراء اني صرت اكبالهة وجت الدفره ابنص بطني احس اكو شي انشلع ابطني من الوجع وكعت بالكاع وكضيت بطني وكمت ابجي ابقوه وعيط لحيدر
.
فدك:(بعياط وبجي)حييدررر بطنيي حييدرر
مريم: اشبيج فدك كومي حبيبتي
.
فدك
ورادت ادكومني مريم واني كمت اشوي وجان احس نزفت من جوه (ذبيت دم) ورجعت كعدت ابسرعه وفاتحه اعيوني بكل وسعهن من الخوف وارجف واباوع لحيدر
.
حيدر
شفت فدك اشلون اتباوعلي وفاتحه اعيونهة ومخنوسه خفت عليهة كبل اجيت اله وكتلهة
.
حيدر: اشبيج اشصاار شصاارلج
فدك:(ابخوف)ججا.جااي انزف
حيدر: شنووو للييش وشلون
مريم:(بعياط)ولك خلي ناخذهة للمستشفى
حيدر: ايي صدك ايي يله روحي جيبي عبايتهة ابسرعهه
.
فدك
واني كاعده عله الكاع وحيلي يرجف ليش جاي اذب دم اشصارلي مع العلم بطني اتملخني من الوجع بس من شفت الدم انصدمت وبقيت مخنوسه وبس ابجي
اجت مريم وجايبه عبايه وياهة لبستهة ابسرعه وحيدر كومني وجه عمي ابسرعه وسال
.
سلام: شكوو شصاير
حيدر: بويه راح اخذ فدك للمستشفى تنزف
سلام: يا ستار يا رب شبيهة
.
فدك
حيل خجلت من عمي وهوه شاف الدم بالكاع
واخذني حيدر للسياره كوه ما اكدر امي بطني موتتني وجع ومريم اجت ويانه وساعدتني ودوني للمستشفى
.
.
زهراء
واني بس مصدومه وما مستوعبه الصار وحيل خفت عله فدك ابسرعه ركضت لابويه وكتلهة
.
زهراء: بويه تطيني جهازك اتصل عله ام فدك
سلام: هاج اتصلي ابسرعه اريد اروح
زهراء: ايي بويه
.
وتصلت عله اهلهة طلع الي ابوهة وكتله عله الصار ويه فدك وهوه انصدم همينه وراح ابسرعه وسد التصال ورجعت الجهاز لابويه ورحت ابسرعه ركضت لبت فدك كنونه لان سمعته تبجي وحدهة ابغرفتي شلتهة ورحت يم امي
.
.
.
فدك
خلوني عله السديه ولممرضات حواليه ولدكتورات دخلي غرفه والدكتوره اجت واني خايفه حيل وهيه واكفه يم راسي وتباوعلي كالت
.
الدكتوره: لازم انسويلج اجهاض بعد مات
فدك:(ابجي)منوو مات شنو اجهاض
الدكتوره: اشش كافي لتخافين عشر دقايق ونخلص
.
فدك
وخلتلي مدري شنو ابخشمي واني اعيوني احسن غوشن وكمت ما اسمع الحواليه لحد منمت
.
.
حيدر
واني واكف يم غره العمليات الدخلو بيهة فدك وما اعرف ليش وميت خوف عليهة وافتر يم باب الغرفه طلعت الممرضه كبل وكفتهة
.
حيدر: شكو اشصاير ليش زوجتي اهناا؟؟
الممرضه: اعتذر بس الطفل البطن زوجتك نزل وهوه بعده اول شهر اله وبقه ابطنهة لازم عمليه حته ايطلعو
.
حيدر
هيج كالت الممرضه وارحت واني صافن ماحجيت شي طفل شنو ؟؟ نزل شنوو؟ فدك جانت حامل وما كالتلي ؟؟؟
وكضيت راسي وكعدت عله الكرسي ومريم اجت يمي وكالت
.
مريم: هاا حيدر الممرضه اشكالت حيدر حاجيني شكالولك
حيدر: جانت حامل
ورفعت وجهي وباوعت لمريم وهيه بقت ساكته مكالت شي واني كمت واجت مرت ابو فدك وأبوهة
.
.
امي فوزيه: هاا حيدر اشصاار شبيهة فدك؟؟؟
.
.
.
.
يتبع......
للكاتبه : ضحى الطائي