عشكَ عيون الملازم

البارت 31

السلام عليكم 😊❤
.
.
رجعت وياكم ابارت جديد ❤
شنو رأيكم انزل بين يوم ويوم بارت طويل كلش لو ابقه هيج انزل احسن كل يوميه بارت❤🥀
.
.
اخليكم ويه البارت😊❤
.
.
.
.
____________________________
.
.
فدك
مرن اول اسبوع عله روحه حيدر للشغل لحمد لله هاذ لسبوع مصار بي مشاكل بس الحجي ايروح ويرد عليه واني مطنشه كلشي ما اجاوب كمت احس زهراء كامت تتحسن وياي اشوي شوي بس مريم بعدهة وكليوميه اتسوء اكثر وياي مدري اشبيهة
جان يوم عادي اني بالمطبخ جاي اسوي عشه وام حيدر هيه وابو حيدر طالعين راحو العصر ايسيرون وبعدهم مجايين والبنات كاعدات بغرفتهن
اني جاي اطبخ وحدي بالمطبخ سمعت الباب اندك جان ردت اطلع من المطبخ شفت مريم ركضت للباب هيه اني رجعت دخلت للمطبخ حسبالي اهل حيدر اجو وزهراء اجت وكفت يم باب المطبخ وسمعت مريم تحجي ويه واحد
.
مريم: هلا بيك اتفضل
حازم: مشكور يابه
مريم: عادي البيت بيتك
.
فدك
اني باوعت لزهراء ومتعجبه اشرتلهة بمعنه منو؟؟
ولبست شالي عدل وهوه كبل اجه وكف كدام المطبخ سلم عله زهراء
.
حازم: هلا بزهراء شلون خويه
زهراء: لحمد لله زينه انته شلونك
حازم: والله لحمد لله اني زين
.
جان مريم كبل دخلت للمطبخ وكالت
مريم: حازم
حازم: هاا مريم
مريم: اقدملك زوجه اخوي
.
واشرت عليه وهوه دخل للمطبخ صفن ليكول مدري اشبي وكال
.
حازم: هااي زوجه حيدر؟؟
مريم: ايي
حازم: لا بربج
زهراء: ليش تعرفهة
حازم: لا ما اعرفهة بس مو حيدر اكبر منهة بهواي
فدك: لا كلش متلائمين لبعضنه
حازم: اعتذر اشلونج زوجه اخويه
فدك: لحمد لله
مريم: هاذ ابن خالي يا فدك
.
فدك
هزيتلهة راسي بمعنه اي وطفيت الطباخ وردت اطلع من المطبخ الولد وكفني
.
حازم: وين بعدنه ما مسولفين اول مره اشوفج
فدك: مشغوله عله غير مره انشاء الله
مريم: ليش شعندج
فدك:(باوعتلهة وكتلهة)شغل بغرفتي
حازم: عله راحتج يابه
.
فدك
طلعت وعفتهم همه ما اريد اختلط ويا اخاف هنوب ايذبن عليه سالفه ويكولن لحيدر صادقت ابن خالك شيخلصني
صعدت للغرفه دخلت وسديت الباب ذبيت الحجاب وتمدت عله السرير كلت خلي اتصل عله حيدر خذيت الجهاز وتصلت الجهاز مغلق طلع وشمرت الجهاز ابصفي محسيت عله روحي غير نايمه وفزيت عله حركه ابراسي فتحت اعيوني كوه شفت مريم كاعده يم راسي وتلعب بشعري فزيت كمت من مكاني بسرعه
.
فدك: اعوذ بالله اشبيج انتي وشعدج اهناا
مريم: صباح الخير يحلوه
فدك: اطلعي اطللعي من غرفتي يلله
مريم: اوكي اطلع بس بعد ما اعرف شي
فدك: شنوو؟
طلعت من جيبهة ورقه اصغيره وكالت
.
مريم: شنوو هاذ
فدك: اشمدريني شنو هاذ
مريم: هااذ رقمم
فدك: شنوو رقم مالت منوو
.
كامت مريم وشمرته ابجهي وكالت
مريم: مشبيعين من الزلم انتي
فدك:مرريم كضي لسانج احسن الج
مريم: ولج عيب انتي مزوجه تاخذين رقم من ولد لاخ شنو عجبج هم حازم
فدك: انجبيي لتحجين هيج ما اعرف منين جبتي هاذ
مريم: لكيته عله الميز يا صاقطه
.
فدك
من هيج كالت ما حسيت عله نفسي اله ضربهة راشدي ورجعت الليوره
.
مريم: ياا حيوانه اتمدين ايدج علييه اتخونين باخوييه تردين اسكتلج لا والله ما اسكت
فدك: اطلعيي من غرفتي
وكضيتهة من ضهرهة ودفعتهة عله الباب
.
مريم: ياا ما متربايه اذا ما اني اربيج
.
وهيه اطول مني واضخم مني اني ناعمه وكضتني من شعري وكعتني بالكاع وهيه صارت فوكاي متملخ ابشعري واني اصيح
.
فدك: ولج وخرري مني وخرري
واجت حمديه تركض هيه وزهراء وكضن مريم كوه شلعنهة مني احس جلد راسي انشلع من الوجع
.
حمديه: ولج يا قندره ليش هيج اسووين
وضربتهة ابجهة
واني كاضه راسي وابجي من الوجع شعري نصه وكع باديهة وهيه عاطت
.
مريم: لا اضربيني ضربيهة هيه الي هانت ابنج
حمديه: انجبيي لتمضرطين انتي
.
ورجعت ضربتهة وتباوعلي واني كمت كضيت ايدهة اني وابجي كتلهة
.
فدك: والله اجذب والله ما مسويه ايشي اجه ابن خالكم وكبل صعدت
مريم: اسالي زهراء اذا اجذب لكينه الرقم مالته ابغرفتهة
.
حمديه اتباوع عله زهراء واني فاتحه اعيوني وابجي وتوسل بيهة تحجي الصدك
.
فدك: فدوه زهراء كولي الصدك كولي اني ما مسويه هيج فدوه ابوس ايدج فدووه
وزهراء ساكته وبس اتباوع عليه وعله مريم محجت شيي وام حيدر كبل كضت بالمبز وكعت
.
حمديه: يمه دخت راح اموت اخذني اخذني جوه نزاني
.
كضيت ايدهة مريم دفعتني وكالت
.
مريم: لتكضين امي اني وزهراء نزلهة مفهووم
.
نزلن واني بقيت بالغرفه كعدت عله الكاع وابجي من الي صار وميته قهر ليش هيج مريم اسوي بيه شمسويتلهة انيي اشوي ولبست حجابي ومسحت وجهي ونزلت شفت زهراء هيه شافتني دارت وجهة رادت تعبرني واني كضيتهة وكتلهة
.
فدك: ليش لييش ما حجيتي ليش بقيتي ساكته
زهراء: وخري فدك مني مالي خلك والله
فدك: ولج والله حرام ليش هيج اسون ليش محجيتي لصدك(واني دموعي تنزل وكاضه بأيدهة)
زهراء: وخرري فدك منيي
فدك: كوولي ليش ما حجيتي وانتي تعرفين مريم جاي اجذب
.
هيه سحبت ايدهة ابقوه وباوعت بعيوني وكالت
زهراء: لان تستاهلين اني اصلن ما احبج من قبل لا تزوجين حيدر اشلون تردين ادافعلج يله وخري مني
.
فدك
اني بقيت بس اباوعاهة وساكته هيه راحت كبل اني ضربت كصتي حيل وكل لروحي
.
فدك: غبييه انيي يعني شتوقع منهة راح تحجي الصدك وتطي ابمريم غبييه
.
كبل خليت ورحت لغرفه ام حيدر دخلت شفت يمهة مريم وهيه كاعده وكاضه راسهة
.
مريم: خيير شتردين
فدك: اريد عمتي
مريم: ولي مو وكتج
حمديه: مريم اطلعي وسظي الباب وراج اريد احاجي اشوي فدك
مريم: حاضر يمه
.
طلعت مريم وسدت الباب اني اجيت كعدت اكبال عمتي وكتلهة
.
فدك: عمه والله ما مسويه هيج اني والله جذبت عليه مريم
حمديه: هسه عوفيني من هاي السالفه اريد اسالج سؤال
فدك: كولي عمه
واني مستغربه
حمديه: شنو جانت علاقتج بابني كيان؟؟
.
فدك
فتحت اعيوني وبقيت بس اباوعلهة وساكته محجيت شي ودوعي نزلن وهيه كالت
حمديه: جنتي انتي سبب مشاكل كيان ويه حيدر انتي لأذيتي ابني لعمري مشايفته مهتم لواحد صار يبجي بين اديه ليكول طفلل بسببج
.
تحجي وهيه تبجي وكتلهة
فدك: عمه بس سمعيني خلي افهمج
حمديه: اششش فهمت كلشي هسه جان ابني كيان يحبج وانتي بس مات اتزوجتي اخوو شنو من نفس عدج
فدك: عمه صدكي مو هيج السالفه والله بس سمعيي
حمديه: كاافي طلعي بره الغرفه ما اريد اشوف خلقتج بعد
فدك: عمه ابوس ايدج سمعي
.
وهيه دفعتني من جتفي حيل اني وكعت بالكاع واباوع لعمتي ودموعي تنزل خليت وكمت من مكاني وفتحت الباب وطلعت من الغرفه امشي بدون وعي دخت مدري اشبيه وصعدت كوه لغرفتي دخلت للغرفه وسديت الباب وبقيت ابجي وكول
شيعبرهة هاي السالفه بعد يا ربي شسوي هسه عمتي بعد لو اموت متصدكني ولا اتحبني وما لحيدر لحد مايجي بعد اهوايي يا ربي بردن وسلامن يا الله دخيلك رحت اتمدت عله السرير واني ميته قهر محسيت عله روحي اله نمت ما كعدت اله صارت الساعه ب٨الصبح فزيت عله صوت المنبه كمت غسلت وجهي ولبست شالي ونزلت دخلت للمطبخ شفت ام حيدر كاعده
وحدهة
.
فدك: صباح الخير عمه
.
ما جاوبت ولا باوعت الي ولا ليكول اني حجيت اجيت اتقربت عليهة وكتلهة
.
فدك: عمه ليش متحبين اسمعيني فدوه اروحلج اسمعي
.
هيه كبل كامت من الكرسي وراحت طلعت من المطبخ لضاهر كلش ضايجه وزعلانه مني بس شسوي بعد متخليني جاي احجي وافهمهة الصدك بس الله كريم بعد
خليت القوري عله النار اجت مريم وجه البومه اشكد كرهتهة
.
مريم: صباح الخير
.
مجاوبتهة وهيه اجت كعدت عله الميز وكالت
مريم: خوما قصرت وياج البارحه بشريني
فدك: ابد مقصرتي سويتي الواجب وزياده
مريم: والله فرحتيني تعرفين
فدك: الله ينتقم منج كون اذبيت تهايم عليه تريدين تهجمين بيتي
مريم: اعيش واسوي هيج
فدك: انتي بس اصبري لبين ما يجي حيدر وشوفي شيسوي بيج
ونداريت منهة
مريم: ايي احجي واني اكله خذت رقم ابن خالتي حمزه ولكيته بغرفتهة
.
فدك
انداريت عليهة وفتحت اعيوني وكلت
فدك: الله ياخذج كون والله حرام هيج اسوين اتخربين بيني وبين رجلي
مريم: اني وعتج اسلبلج حياتج ابكاملهة تذكرين لو لا
فدك: حسبي الله ونعمه الوكيل بس اريد اكول هيج
مريم:(بضحكه)هههه كولي الي تردين ادكولي متهميني ولو بشويه
.
وهيه راحت اني بقيت بالمطبخ طفيت النار من القوري بعد ما اريد اتريك اصلن سدت نفسيتي اجيت يم الميز وضربته حييل من ضوجتي وحركه كلبي الي صارت بيه
.
__________________

.
.
.
يتبع في البارت القادم😊❤
احبكم🦋🥀🦋