السلام عليكم❤
.
.
رجعت وياكم ابارت جديد من القصه🥀🦋
اتمنه تعجبكم اطوني رأيكم ابتعليق😊❤
القصه عباره عن واقع حال لا زياده ولا خيال
.
.
اخليكم ويه البارت🦋🤍
.
.
.
______________________
.
.
حيدر
صارت الساعه بال١٠ونص بالليل واني ممطول العب ابشعر فدك وطاير بالي ابعيد وكلت الفدك
.
حيدر: هسه شنو
.
فدك
واني ممطوله وصافنه ما صحاني غير سؤال حيدر انداريت عله وكلت
.
فدك: شنو
حيدر: هسه شنسوي
فدك: شنسوي؟؟
حيدر: ننزل انسويلنه اكل لان جعت
فدك: هسه راح انزل اني اسويلك
حيدر: لا لا بعدين خليهة
فدك: ليش
حيدر: احسنن عوفيهة
فدك: اوكي عله راحتك حياتي
.
ورجعت انمطلت ابصفه واباوعله
.
حيدر
اني صافن عله تفاصيل وجهة اريد حجه حته اتقرب عليهة واجت ابالي وكتلهة
.
حيدر: حبيبتي كومي جيبيلي باكيت الجكاير من الميز
فدك: ايي تدلل
كمت رحت اجيبه اله خذته من الميز انداريت شفت حيدر وراي واكف
.
فدك: والعياذ بالله اشبيك خوفتني مو جبته ليش كمت
حيدر: كمت الج
فدك: اليي؟؟
.
حيدر
كضيتهة من خصرهة بقوه وسحبتهة عليه
.
فدك: (بخجل ورتباك)حيدرر
حيدر: اشتردين
.
فدك
بقيت ساكته ما عرفت اجاوبه وشكله وهوه يتقرب اكثر وكثر عليه
.
حيدر
واني اباوع عله تفاصيل وجهة رفعت ايدي اللاخ وخرت كذلتهة عن وجهة وكضيتهة من ركبتهة وبستهة من اشفايفهة وحسيت نفسي بعد ما اريد اوخر منهة بس هيه وخرت واني رجعت بستهة وهيه رجعت وخرت
.
حيدر: ليش اتوخرين ابسرعه
فدك(الخجل ماكلني وكتله)احسن
حيدر: لا ابقي
.
حيدر
انتبهت الهة اشلون خجلت حته اعيونهة متخليهن بعيوني احسهة خايفه
واني قويت ايدي العله خصرهة وهيه كضت ادي وايدهة اللاخ عله صدري مخليتهة واني رجعت بستهة من اشفايفه وجلبت بيهة حاولت اتوخر مكدرت واني ايدي العله خصرهة صعدت بدون ما احس عليهة لضهرهة وخرت حلكي من شفايفهة وكتلهة
.
حيدر: تريديني
.
فدك
سالني حيدر هل سؤال وما عرفت شجاوبه ما اكدر اكله اي لان عليه الشهريه وما اكدر اكله لا اخاف ايضوج ويزعل فكتله
.
فدك: ما اكدر اليوم
حيدر:(وخرت من يمهة وكتلهة)شنو يعني
فدك: حيدر ما اكدر اليوم
حيدر: فدك انتي اتقشمريني
فدك: لا مو اقشمرك بسس
وسكتت
حيدر: اوكي فهمت لتكملين ما جبرتج انتي
.
حيدر
عفتهة ورجعت للسرير امطلت اجت كعدت ورايه عله السرير
.
فدك: حيدر
حيدر: كافي فدك لخاطر ربج اني واصله لخشمي لزيديهة
فدك: بس احجي وياك
حيدر: باجر نحجي نعست
.
فدك
عفته عله راحته وهم صوجي ما كتله من البدايه خليت ونمت فزيت الساعه ب٨الصبح شفت حيدر بعده نايم كمت بدلت ملابسي وغسلت ولبست حجابي ونزلت شفت ام حيدر بالمطبخ
.
فدك: صباح الخير
حمديه: هلا صباح النور حيدر ما كعد
فدك: لا بعده نايم
حمديه: خطيه لبارحه نام ضايج
فدك: ايي شسوي بعد
حمديه: الله كريم بس يمه روحي كعدي خلي يتريك ما تعشه لبارحه
فدك: حاضر
.
.
فدك
رحت صعدت لكيت حيدر جاي ايبدل
.
فدك: صباح الخير
حيدر: صباح النور هلا
فدك: محضرتلك ريوك
حيدر: ما اريد مستعجل
فدك: ليش ما ماكل شي انته
حيدر: عادي
.
حيدر
كبل عبرت من يمهة ونزلت بدون اي كلمه
.
فدك: يا الله هاذ راح يبقه زعلان وما فاهم شي وخلي اروح اشوف خالتي شتحتاج واجي تغسل دشداشه حيدر
.
خليت ونزلت
.
.
مريم: ايي راحت نزلت
زهراء: اشراح اسوين
مريم: شوفي وتعلمي اذا ما اندمهة
زهراء: ايي كولي شسويين
مريم: باعي اليوم خذيت الصبغ مالت الاحذيه مالت ابويه راح اروح اسوي شي اصغير ابغرفتهة وارجع انتي روحي سدي غيابي
.
زهراء
كل توقعي راح اتروح ادمر غرفه فدك خليت ورحت يم مرت خالي وفدك بالمطبخ
.
.
حمديه: يمه فدك اشوكت ترحين لاهلج
فدك: بعد عمه مو هسه البارحه الصبح خابرتهم
حمديه: اشلونهم امج شلونهة
فدك: زينين لحمد لله ايسلمون عليج
حمديه: وعليكم السلام بس اكول ابنيتي راح اروح باجر للسوك تجين وياي
فدك: اشوف حيدر اذا يقبل اجي ليش لا
وفجأه دخلت مريم
.
مريم: وين ترحن
حمديه: للسوك باجر
مريم: ايي اني اروح وياج ميحتاج
حمديه: ايي وحده اتريد تجي هلا بيهة
.
فدك
اباوع عله زهراء اتباوع لمريم وتاشر الهة ومخنوسه ما حبيت ابقه منتبهة عليهن هنه ابكل وقت ايخططن عليه خليت وكلت
.
فدك: عمه محتاجه مني شي اني رايحه اغسل دشداشه حيدر
حمديه: روحي يمه ما محتاجه شي
.
فدك
طلعت من المطبخ وكبل صعدت للغرفه دخلت وسديت الباب شلت الشال من اجتوفي ورحت للحمام الداخلي انصدمت ابمنضر الدشداشه مصخمه ومدمره ابصبغ اسود كلهة ومشموره بالكاع ركضت عليهة شلتهة وكلت
.
فدك: ياا ربيي شنوو هاي منو هيج مسوي بيهة شسويي هسه ياا الله
.
وشميت بيهة ريحه صبغ احذيه وعرفت هنه خبثن وهيج سون فتحت الماي بالهنجانه احاول اغسلهة بلكي ايروح
.
.
حيدر
وصلت للبيت طبكت السياره بالباب ونزلت منهة وفتحت باب البيت بالمفتاح ودخلت شفت مريم بالحديقه
.
مريم: الله يساعدك
.
حيدر
عفتهة وكملت دربي ما رديت عليهة ما تستاهل شفت امي بالهول
.
حيدر: هلاا يمه
حمديه: هلا بيك يكلبي
حيدر:( بستهة من راسهة وكتلهة) شلونج اليوم
حمديه: زينه اليوم بس البارحه ردت تجلطني
حيدر: اتحمليني يا يمه
حمديه: جا شسوي متحملتك اكيد
حيدر: وين فدك ما الهة حس
حمديه: فوك بغرفتهة
.
حيدر
عفت امي وصعدت للغرفه فتحت الباب دخلت وسديته شفت الغرفه فارغه سمعت صوت ماي بالحمام رحت فتحت باب الحمام شفت فدك منكعه من فوك لجوه ومدري اشجاي تغسل كتلهة
.
حيدر: فدك اشجاي اسوين
.
فدك
واني ميته قهر عله الصار بالدشداشه ومجاي ايوخر منهة الصبغ ولا اشوي وخر وفزيت عله صوت حيدر كبل طفرت وكتله
.
فدك: مجايي ايروح شسوويي
حيدر: شنوو لمجاي ايروح
فدك: مدري منو هيج امسويي شووف
.
حيدر
شفت دشداشتي بالهنجانه ومدمره بصبغ اسود اجيت شلت الدشداشه بصابيعي لثنين وكلت
.
حيدر: شنو هاذ
فدك: صبغ احذيه
حيدر: شنو وكعتي عليهة بدون متدرين
فدك: لاا مو اني لكيتهة امدمره الصبح من صعدت
حيدر: وشبيج انتيي(بعياط)
فدك: اشبيك انته اتعيط
حيدر: فدك لا عله كلشي تنقهرين وتتبكبكين صيري قويه
فدك: لا بس ضجت عله الدشداشه
حيدر: لا اضوجين ولا شي ذبيهة واني بعدين اعرف منو هيج امسوي
فدك: اوكيي حاضرر
.
.
حيدر
عفت فدك وطلعت من الحمام خليت مفتاح السياره عله الميز وباوعت الروحي بالمرايه وكلت لروحي
.
حيدر: اشراح ايخلصهة هيج وياك يا حيدر شرااح اسويي تاليتك
.
فدك: حيدر
حيدر: هاا
فدك: ذبيتهة بس فدوه لسوي مشاكل خطيه امك
حيدر: فدك ما تسكتين وتعوفيني
فدك: هسه انته اشبيك ضايج
حيدر: اليي ايعيش ابنص هل مشاكل تردي يفرحح لو يرتاح
فدك: بس اني مالي دخل هنه ايسون وياي مشاكل
حيدر: كاافيي اني اعرف تره كلشي جاي اشوف
.
فدك
اتقربت عليه كضيت ايده
.
حيدر: شتردين فدك
فدك: انته ضايج مني
حيدر: (باوعت اله وكلت)ليش انتي هامج هل شي
فدك: اكييد هامني غير انته رجلي
حيدر: خره بهيج رجل بس للمشاكل
فدك: حيدر انته لبارحه مفهمتني من كتلك ما اكدر
حيدر: وشنو جان قصدج
فدك: حاله نسائيه ما ترهم تتقرب عليه
.
حيدر
فهمت قصدهة شنو جان وردت اسوي نفسي ما مهتم وكتلهة
.
حيدر: لا عادي اصلن اني مو عله هاي ضايج براحتج انتي تردين اتقربلج لا ابكيفج انتي
فدك: يعني كتلك لان شفتك ضجت مني
حيدر: لا طبيعي
.
حيدر
وخرت من يمهة درت وجهي ورحت فتحت الكنتور كوه كضيت ضحكتي وما ضحكت😅
حسيت نفسي فرحت ورتاح بالي خذيت ملابسي وسديت الكنتور وفدك نزلت
.
.
فدك
شفت ملامح وجه حيدر اشلون ادغيرت من كتله عله السبب ههه ضحكني خليت ونزلت جوه شفت تم حيدر بالمطبخ جاي تطبخ وكتلهة
.
فدك: هاا عمه اساعدج
حمديه: لا يمه عوفيني اني اخلص
فدك: عله راحتج يكلبي
حمديه: بس انتبهيلي عله المركه رايحه اتصل عله عمج اوصي عله شي ايجيبه ابدربه من يرجع
فدك: اوكي كلبي روحي
.
فدك
راحت ام حيدر ودخلت مريم يمي كعدت عله الميز اني مهتميت الهة وحيدر اجه دخل للمطبخ
.
حيدر
دخلت للمطبخ اريد اشرب ماي شفت مريم كاعده لمحت ابايدهة امدمره صبغ اسود اجيت كضيت ايدهة وبقوه
.
مريم: اخخ حيدر وخر جاي توجعني
حيدر: اشبيج حبيبتي ليش هيج مدمره
مريم: شعليك وخرر
.
حيدر
لويت ايدهة وخليتهة عله ضهرهره وكتلهة
.
حيدر: اكسرهة الج هسه
.
فدك: شفت حيدر لوه ايدهة وكاللهة اكسرهة اجيت كضيت حيدر من ايده
.
مريم: وخرر اشبيك اتخبلت انته
حيدر: اكسر اديج اذا تتقربين عله غراضي مفهوم
فدك: حيدر وخرر راح اتاذيهة
مريم: التوبه والله اسفه بس وخر فدوه
.
حيدر: دفعتهة وعفتهة وكلت لفدك
.
حيدر: فدك وين ذبيتيهة
فدك: بالزباله بالحديقه
حيدر: شوفي مريم هسه ترحين اطلعيهة وتغسليهة نقطه وحده ما بيهة مفهووم والله اكسر ايدج وحق الله
مريم: ايي بس وخر مني
حيدر: يلهه روحي كدامي
.
فدك
راحت مريم واني باوعت لحيدر بنضره فقيره
.
حيدر: هسه اشوي اشوي ايبطلن منج لتخافين
فدك: مخايفه بس اني
حيدر: ههه فدوه للقويه😂
.
فدك
ضحكت وكعدت عله الميز وحيدر باسني من راسي وراح اني بقيت افكر بي وحمد ربي لان عوضني بهيج زلمه ايحبني ويحاميلي دوم وصدك حبيت حيدر اني كلش وتمنيت الله ميحرمني منه كوون
.
.
يتبع في البارت القادم😊❤
التفاصيل كلهة حقيقيه🥀🦋
احبكم
أنت تقرأ
عشكَ عيون الملازم
Romansaتتكلم هاذه القصه على فتاة احبت شخص كثيرن وهو ايضن احبها جدا من خلال صدفه جمعت بينهما وحكم القدر على ان تتزوج ابن خال حبيبهة وكانت الكثير من العتبات بحياتها ❤❣🥺
