عشكَ عيون الملازم

البارت 38

السلام عليكم❤❤❤
.
.
رجعت وياكم ابارت جديد  اتمنه عجبتكم قصه حياتي الي عشتهة واتمنه الكل يطيني رايه بالقصه ابتعليق حته اتفرحووني بيي وشكرا على تفاعلكم وياي متقصروون 🦋🥀
.
.
اتركم ويه البارت
.
.
.
__________________________
.
.
فدك
مرن الايام وحيدر رجع لطبيعته ولحمد لله رجع ايحبني ويهتملي واكثر من قبل ورجع اعتذر من اهله وهوه الي بنه كبر اخوو كيان تعويض عله السوا وكام كل نهايه شهر ياخذني وروح اني ويا انزور كربلاء هوه حلف لان رجع لوعيه ومريم صارت زينه وياي وعتذرت مني بس اني مسامحتهة لان اهواي اذتني وقهرتني ومستحيل يشفه جرحي منهة ابسهوله
ويوم من الايام كاعدين كلنه عله الغده من عده عمي سلام جان ما موجود واني كاعده ابصف حيدر وهوه شاورني كبالهم
.
حيدر:(بهمس)شناويه هسه انسوي وره ما نصعد للغرفه
فدك:(ابهمس)انام لان حيل نعسانه
حيدر: حته اطيح حضج غير
فدك: لييش جا شتريد
حيدر: اريدج غير
.
فدك
ضحكت بهدوأ ونزلت راسي وكالت زهراء
.
زهراء: ضحكونه وياكم ليش بس انتو
مريم: خليت اذاني يمهم وردت اسمع كلمه ما كدرت
حيدر: هسه انتي نابشه نفشج بينه شعلييج
حمديه: جاا واني شمرت اذاناتي يمهم اريد بس اسمع كلمه ما كدرت
.
حيدر
هيج كالت امي واني كمت اشيل بالماعين وادور
.
فدك: حيدر شدور؟
حيدر: ادوور اذانات امي لا واحد يبلعهن😂
حمديه: يالمسودن تحجي عله امك
زهراء: هههههه ديرو بالكم لا واحد ياكلهن بدون ميدري🤣🤣
حمديه: يلعصه انتي تحجين عليه
فدك: ههههه يله عادي عمه لضوجين😂
مريم: دسكتي انتي وطلعي لبحلكج
فدك: ليش شنو ابحلكي؟؟
مريم: اذان امي 😏
حيدر: هههههههه لا يا الله😂😂
حمديه: ماكو واحد ايناوشني عوده شي من يمه
.
فدك
بقينه نضحك ونحجي اخر شي لمينه لماعين اني والبنات طبعن اتقاعدت بعد من غسل لماعين ابسبب حملي لان عمتي كالت لا اتعبين نفسج اني كبل صعدت للغرفه مالتي شفت حيدر واكف يم الميز رحت وكفت يمه وهوه باوعلي مبتسم وفرحان راد يحجي
.
حيدر: فدك حبيب..
وسكته ابوسه بشفايفه وخرت
حيدر: اوكفي خلي احج..
وسكته ابوسه ثانيه وخرت
حيدر:(ابضحك)هههه نعله عله بليسج دتعالي
.
فدك
وباسني وحضني ابكل قوته حسيت ابحبه اليي بقت ايامنه زينه ولا مشكله مرت علينه وره فتره اجو خطابه لمريم ولد غريب اجو عله السمعه الزينه ومريم حيل جانت فرحانه واني هم فرحتلهة من كل كلبي بس بعدني ما احجي وياهة عله السوته بيه وقبل خطوبتهة ابيومين اني جنت بالمطبخ وحدي اشرب جاي مريم اجتي كعدت اكبالي وقربت كرسيهة عليه وكالت
.
مريم: فدك سمعيني هل مره
فدك: مريم مالي خلكج فدوه غير مره
مريم: اروحلج فدوه سامحيني اسفه لنبياء بمقاماتهم العاليه وجبوريتهم ايغلطون والله بعضمته ايسامح ويغفر انتي ليش متسامحيني
فدك: الانبياء ايغلطون مره وحده وانتي كومه غلطتي وياي
مريم: ندمانه والله اسفه سامحيني صدكي بعد مستحيل ادخل او اضوجج ابشي
فدك: اني راح اسامحج وكون الله من فوك ايسامحج
.
فدك
وعفتهة وكمت ورحت بعد ما عدي حجي وياهة سامحتهة هاهيه الدنيه اكصيره وماكو واحد ميعتاز اللاخ ويامنه معدوده متعرف البشر اشوكت الله ياخذ امانته
ومرت الايام واني دخلت ابشهري بعد ويوم من الايام اني نايمه يم حيدر بالليل طبيعيه محسيت باي وجع او لويه ابطني بهاذ اليوم واني نايمه فزيت بطني توجعني حيل كبل كعدت عله حيلي وكاضه بطني وكعدت حيدر
.
فدك: حيدرر حيدرر اكعد
حيدر: هاا شكوو
فدك: حيدرر بطنيي يمكن راح اولد هسه
حيدر:(طفرت من مكاني وعطت)شنوو هسهه
فدك: لك اييي راح اموت وجع جيبلي عباتي اخذنيي للمستشفى
.
حيدر
طفرت من مكاني ادور واني ما اندل دربي وما اعرف شسوي
حيدر:(بعياط)وللج وينهة عباتج
فدك: امعلكه يمك بالزاوويه
.
حيدر
جبتلهة العبايه لبستهة وكوه كومتهة وهيه تتلوه من بطنهة كوه نزلتهة من الدرج وكم اعيط ابنص البيت
.
حيدر: (بعياط)ييمههه يممه مرريم زهراء اي بشرر
حمديه:(اجيت ركض مفزوعه)هاا شكووو
حيدر: يمه امشي ويانه للمستشفه جاي ينزل الطفل وما اعرف شي انيي
فدك: ولك حييدر ابسررعهه راح امووت يلله
حمديه: يله بنيتي لا تخافين طبيعي هااذ طبيعيي
.
فدك
خذوني للمستشفه ولدت وبشلاع الكلب متت لحد مطلعت الطفله من بطني وجبت ابنيه للدنيه ولحمد لله طلعت ماشاء الله كلش حلوه بيضه وعيونهة خضر طالعه عله ابو حيدر هم اعيونه خضر قرت عيني هاي اول فرحه بالدنيه اجتني حييل فرحت بيهة
ولدتهة ورجعنه وره اربع ايام اني بالغرفه مالتي متمدده عله السرير ونايمه ابصفي ابنيتي اجه حيدر انمطل ابصف الطفله وكال
.
حيدر: نايمه
فدك: ايي نايمه
حيدر: عادي ابوسه
فدك: ايي بس لا اتفززهة
وباسهة ابكل هدوء ورع راسه وكال
حيدر: اراح انسميهة
فدك: ابكيفك
صفن اشوي وكال
حيدر: عرفت شنسميهة
فدك: شنسميهة
حيدر: انسميهة روكيان
فدك: روكيان بس هاذ الاسم مسيحي
حيدر: وشعلي لو هندي هم عادي بس مشابه لاسم اخووي وماشاء الله شايله جماله
فدك: ايي الي اتريده وهاي حوبته خلهة هيج تشبهة
حيدر: ايي صح لان انتي جنتي حامل بيهة واني دكيت الدكه الناقصه بس احله حوبه اتخبلل
فدك: ايي ربي تتربه ابعزك يا احله اب
حيدر: تتربه ابعزنه اثنينه انشاء الله
فدك: انشاء الله
حيدر: احبج يا ام روكيان
فدك: اموت عليك ابو روكيان
.
فدك
ومن هاي اللحضه عرفت بانو حياتي راح تمشي بعد ابفرح ومستحيل بعد اكو شي بعد راح ايخربهة ولحمد لله ربي اطاني رجال وزلمه ايحبني ورزقني ابقرت عيني ابنيتي روكيان الي هيه فرحه عمري صارت والي هيه ترست البيت فرح وسعاده وصارت اول حفيده لبيت سلام
.
مرت الايام ومريم ازوجت وراحت استقرت ابعائله حيل اكبيره وكليوميه تجي لامهة تشكه منهم لان متعبيهة حيل وعمتهة شاده وياهة ورجلهة يمشي ابكلام امه وميسمعه اللهم لا شماته بس تستاهل😅
ومو بس هيج زهراء اني وياهة مثل الخوات واكثر اتموت عليه صارت من ايروح حيدر للشغل اسبوعين اكضي كله وياهة سهرانه وهيه اجيب كوم حلويات وتشتري حته نبقه اني وياهة وارتبطت ابواحد ايحبهة كللش ربي ايتممهة عليهم بالخير
.
وله اسولفلكم عله حيدر كليوميه ازيد عده الرومانسيه والحب الي وليكول اول مره ايشوفني واني هم حييل احبه وحيل اتعلقت بي
وله بتي روكيان هيه عزيزه البيت وهيه لمدلله عمي ايموت عليهة وين ميطلع ايجيبلهة وياا شغله
.
وهاي صورتهة👇👇👇

.
.
.
وصارت حياتنه حلوه الله عوضنه عله كلشي مرينه بي ابصعوبه  ولحمد لله
.
{{فلا تيأس من روح الله }}
.
.
يتبع 🦋😊