عشكَ عيون الملازم

البارت 50

..
.
السلام عليكم❤❤
.
.
رجعت وياكم ابارت جديد من قصتي الي عشتهة ابحياتي ولقصه خاليه من كل اضافات او خيال❤❤
.
اتمنه تفرحوني بنجمه ابلاش تره🥲❤
.
مع تحياتي الكاتبه: ضحى الطائي🥀🤍

.
اتركم ويه البارت حبايبي🤍🤍
.
.
.
___________________
.
فدك
اتعجبت عله الكالته مريم
فدك: عد حيدر جان حبيبه
مريم: ايي بس هوه محبهة هيه لزكت بي فأريدج اصيرين قويه اكبالهة وتتقربين عله حيدر وتشاقين ويا حته اتموت ابكاعهة
فدك: والله مدري شكلج يا مريم
مريم: لدكولين شي سوي الكتلج بي لا تاخذه منج
فدك: شنو تاخذه غير حيدر ايحبني
مريم: عفيه صيري هيج ويله روحي هم يم النسوان وشوفي بنتج وينهة واني راح اتوله سالفه المطبخ
فدك: ولطبخ؟؟
مريم: الزلم يشتورن الذبايح والشباب ايطبخون بره
فدك: هاا خوش اذا هيج يله اني رايحه
.
فدك
ورحت للهول شفت بنتي ماكو ولا يم اي مره خفت عليهة رحت لعمتي
.
فدك: عمه هم شفتي بنتي وين
حمديه: لا والله يمه مشفتهة
فدك: يوو الله ماكو
حمديه: شنوو ماكوو روحي دوري عليهة لصيرين فاهيه
فدك: اي عمه عله كيفج
.
فدك
ورحت ادور عليهة ملكيتهة خفت حيل عليهة وجهي اصفر وكبل صعدت ليفوك شفت نفس لبنيه طلعت من غرفتي وسدت الباب ضجت حيل منهة ورحت وكفت اكبالهة وكتلهة
.
فدك: شسوين ابغرفتي؟؟
نور: الطفله جانت يمي ونامت بين اديه وصدت خليتهة عله السرير
فدك: ليش مجبتيهة الي
نور: اسفه بس شفتج مشغوله ويه مريم
فدك: اوكي يله عادي
وردت اروح وكضتني من ايدي وكالت
.
نور: شسم بتج
فدك: روكيان
.
وخرت ايدي منهة وعفتهة ودخلت للغرفه شفت صدك بنتي نايمه عله السرير وعايفه بصفهة مخاد حته لتوكع ابسرعه رحت كعدت يمهة وعدل بشعرهة وصافنه وفكر اكول
.
يعني هاي حبيبه حيدر اكيد هسه شافهة وسلم عليهة بس هيه حبابه محجت شي مو حلو وياي يعني عادي مهتمت
.
وكمت ردت تطلع فتحت الباب صار حيدر اكبالي وهوه اتقرب عليه واني كمت ارجع اليوره وعيوني بعيونه وهوه بس ايباوعلي ويتقرب عليه ميكول شي ودخل وسد الباب علينه وكتلهة
.
فدك: هلو حيدر اشلونك
.
حيدر
مجاوبتهة وتقربت عليهة كلش وكضيتهة من خصرهة وجريتهة عليه بحيث وجهة صار ابصدري وسحبت شالهة من راسه وهيه بس اتباوعلي وكتلهة
.
حيدر: ليش هيج
فدك: شنو؟
حيدر: ليش هاذ اللبس مو عيب اكصير ورجليج طالعه
فدك: اني بس كدام النسوان قابل طالعه للزلن
حيدر: حته اشكج اذا اطلعين كدام الزلم
فدد: اي مطالعه
ودنكت راسي
.
حيدر
دنكت راسهة واني كضيت وجهة ورفعته عليه وكتلهة
حيدر: اتخبلين اجننين سحلتي اعيوني من شافنج
.
فدك
خجلت من هيج كال وبس ابتسمت
.
حيدر
محجت شي اني خليت ايدي عله خدهة وقربت شفايفي من اشفايفهة واني هستوني طخيتهن بعدني مبايسهة ولباب انفتح مال غرفه
.
فدك
حيدر اتقرب عليه وهوه راد ايبوسني وبس طخت اشفايفه بشفايفي انفتح الباب واني دفعت حيدر مني بكل قوتي وخرت من يمه وباوعت للباب وشفت طفله اصغيره اشوي واكفه وكالت
.
الطفله: عمو حيدر جدو سلام ايريدك
حيدر: انعل ابوج لا ابو عمج لا ابو جدج اي والله
الطفله: لتسب ابويه فهمت
حيدر: دروحي اجيت اكتلج
.
فدك
اني اضحك وطفله انهزمت من حيدر وهوه باوعلي وكال
.
حيدر: خربتهة علينه النعال
فدك: هههه يله روح لابوك لا تتاخر
حيدر: اصبريلي اذا ما اضمهة الج
فدك: روح روح احسن
.
فدك
راح حيدر واني شلت شالي وخليته عله راسي وطلعت وقفلت الباب ونزلت جوه يم البنات بالمطبخ
.
فدك: هلو
الكل: هلا بيج
مريم: همزين اجيتي اشوي ساعدينه راح ايجيبون الغده
سجى: (بت عمت حيدر)ولج جا مو كتلج اساعدج وانتي منعتيني اشو هسه تردين الي ايساعدج
مريم: اي غير انتي خطار يا كلبي
رشا:(اخت سجى)يا خطار لخاطر ربج الخطار اول ساعه وبس
فدك: لا حبي اني هسه راح اساعدهة هم انتن روحن ارتاحن
مريم: فدك وين زهراء
فدك: ما اعرف والله مشفتهة
مريم: اخخ من هل بنت بس تتهزم من الشغل
فدك: عوفيهة اتولي اني يمج
سجى: اكو فدك انتي عدج ابنيه مو
فدك: اي ابنيه
سجى: شفتهة ما شاء الله عين النبي عليهة اتخبل
.
ودخلت نور للمطبخ
.
فدك: شكرا يوم الالج 😂
نور: دخل تلكه هيه العريس اول هنوب طفله
رشا: اي والله معنسه عله كلوبنه غير تزوج وتفتحلي المجال بعد ماكوو طمست😂
.
الكل ضحك عله حجي رشا اشقاوجيه كلش حبيتهة اني كلش
ونور كعدت وبقت اسولف بس ويايه
.
نور: فدك اتزوجتي انتي وحيدر عله حب لو هيج
.
وكمزت مريم كبل حجت قبلي
مريم: عله حب عيني جان ضامهة(بغمزه )
نور: ها والله عله حب
فدك: اي عله حب اعرفه سنه كامله وزوجنه
سجى: مشوفين البزره اشلون طلعت اتخبل امبينين
فدك: ايي صح
نور: خوش ...بالعافيه(وابتسامه مزيفه)
.
فدك
ظرت وجهي منهة اعرفهة ضايجه لان اني ازوجت حيدر وما اعرف شكول حقهة لا لان ما اعرف حيدر جان ايحبهة لو لا
.
وجابو الغده صبو ودينا للنسوان الكل كعد ياكل اني ما اشتهيت اكل مدري ليش خليت وصعدت اشوف بنتي فتحت الباب دخلت شفتهة بعدهة نايمه دخلت وسديت الباب ونمطلت ابصفهة وعيني عليهة وبقيت افكر ابنور منشالت من بالي ابد لحد مخلصو غده سمعتهم راح ايشيلون السفره كمت لبست شالي وقفلت الباب ونزلت جوه اجت زهراء ابجهي
.
زهراء: شنو وين جنتي
فدك: بغرفتي ليش؟
زهراء: حيدر رادج يم باب الطرمه جان
.
فدك
اني كبل عفت زهراء ورحت بعدني موصلت الباب عبرو زلم اثنين اني درت وجهي كبل وردت ارجع وكعت كلبي العيطه
.
.
حيدر
ردت فدك بس جانت ماكو وطلعو الزلم يردون ايغسلون اني رحت جبت خاولي ورجعت وهمه الزلم جيمرون واني مريت وشفت فدك يم الباب وشعرهة طالع من وره ورجليهة امبينات وديهة وجان فارت اعصابي من مكاني ومحسيت اله عطت عيطه لمنطقه كلهة سمعت صوتي
.
حيدر:(بعياط وعصبيه) فددددك
.
فدك
من عاط حيدر احس اجمدت ابمكاني والنسوان ابكاملهن سكتن صارت صنطه واني طكيتهة ركضه للمطبخ ولنسوان اتباوع عليه يابه حسيت بالفشله ابجهي فد خجلت حيل الدنيه كلهة اتباوعلي وضجت ومريم كالت
.
مريم: اشبي حيدر ليش عيط
فدك: ما ادري ومريت ولزلم شافوني
مريم: يبوو يا الله اشراح ايسوي حيدر
.
فدك
ومريم تحجي وياي والبنات بس ايباوعن وجان حيدر دخل للمطبخ والبنات كلهن طلعن بقيت بس اني ومريم وهوه باوعلي وعاكد حواجبه وعصبي وكضني من زندي وجرني وكال
.
حيدر: لو مو النسوان لجان هسه دفنتج ابكاعج كتلج هاذ اللبس السخيف لطلعين بيي
فدك:(ابخوف)مم.ما ادري والله
.
حيدر
دمفتهة عله راسه وطلعت من المطبخ والدنيه كلهة اتباوع وتبسبس بس اني مهتميت طبهم مرض ورحت رجعت
.
مريم
اباوع عله فدك حاصرتهة العبره ومخنوسه وكتلهة
.
مريم: فدك حبيبتي روحي اني والبنات انخلص
فدك: شكرا
وكبل رحت صعدت لغرفتي وميته خجل النسوان ايباوعلي بس دخلت لغرفتي وسديت الباب شفت بنتي فزت من نومهة وستهضمت ورادت تبجي اني بسرعه شلتهة وسكتتهة وسكتت هيه وبقيت شايلتهة وفتر بيهة الغرفه وطبطب عله ضهرهة لحد مرجعت نامت ورجعتهة عله مكانهة بالسرير اشوي وكلت خلي انزل احسن اشعدي حابسه روحي
.
ونزلت شفت النسوان كايمات ولابسات عبيهن يردن يرحن وجريت زهراء وكتلهة
.
فدك: شنو رايحين
زهراء: اي هاهيه بعد رايحين
فدك: ها خوش
.
ورجعت سلمت عله النسوان وراحن كلهن ودعناهم ومريم فتحت باب الديوانيه واني كعدت عله التخم وضايجه وكالبه وجهي اجه عمي دخل وكال
.
سلام: هاا شلونكم
الكل: هلا بيك
وتجه كعد عله التخم لبصف التخم الاني كاعده عليه وكال
.
سلام: اشبيج ضايجه
فدك: ضايجه من حيدر
سلام: حيدر ما خله واحد ما ضايج من يمه مو جديده
حمديه: عوفو ابني لتحجون عليه
مريم: يمه صدك عيب هيج ايسوي وكدام النسوان حق فدك والله
.
وجان حيدر يدخل وشافنه كاعدين وتني ضايجه وكال
حيدر: شنو صار تجمع اشو
سلام: روح كلنه ضايجين من يمك
حيدر: والله حقكم عليه بس منو الضايج
سلام: اني ومرتك
حيدر: وتردون اراضيكم
سلام: الله ويدك بعد
مريم: يله حيدر راضيهم😂
حيدر: يدللون
.
فدك
حيدر طلع مبايله وشكله عله الديجي وطلع اغنيه ساجده اعبيد وخذه عوجيه عمي وكضاهة بثنين اديه ويهز بجتوفه كام وكال
.
حيدر: سمعوو سمعوو خالتكم ساجده شدكوول
مريم: ششدد بعد😂
.
ساجده عبيد
.
شكد الكلب يرتاح لمن يشوفك
...
شكد الكللب يرتاح لمن يشوفك
.
حيدر:(بعيطه)اسمعععع
.
ولا تحجي وياي وياي وشمت عداي
.
ولا تحجي ويا ياا بوياا وشمت عداي
.
انه لهويتك يهوااي لضن اعوفك
.
انه الهويتك يهواي لضن اعوفك
.
.
وحيدر كام ايهز ويركص ابنصنه وكاض عوجيه ابو ومريم كالت
.
مريم: بعد ما اتحمل لازم اكوم
.
وكامت تركص ويه حيدر وحيدر كلساع يتقرب عله ابو ويهز اجتوفه يمه 😂
وعمي كام يضحك وحيدر اجه كضني من ايدي وكومني اركص ويا واني الخجل متكلني من عمي
.
حمديه: يمه يخبلوون جنهم بلابل
.
فدك
وحيدر ايركص بيه كوه وكال
حيدر: هاا صرنه صلح لو بعد
فدك: لا هاهيه صالحنه
.
وخر مني حيدر وراح لابو وباس راسه وهم اعتذر وسامحه ابو
.
.
.
.
يتبع.........