عشكَ عيون الملازم

البارت 5

الليلة لليلة
هد عليه الليل بخيول الظلام
امنين اجيب الحيل ويرد غيله
.
.
ورجعت ابارت جديد وياكم صح التفاعلات قليله بس عادي راح استمر ابنشر قصتي😊
.
.
.
________________________
.
فدك: فزيت مفزوعه وخايفه عله صوت اعياط كمت ابسرعه من الخوف فتحت الباب ونزلت ركض جوه شفت هاجر
.
فدك: اشصااير شكوو شهل عياط
هاجر(بقهره): توفه رجل عمتي امل
فدك: سترك يا ربي من الصبح هل خبر
هاجر: ايي الكل راح البيت عمي واني راح اروح
فدك: انتضريني جايه وياج بين ما اغسل وجهي ولبس حجابي
هاجر: يله ابسرعه
.
رحت ابسرعه غسلت وجهي وركضت جبت حجابي وبدلت ملابسي لون اسود رحنه لبيت عمي من الصطح لان همه بيتهم ابصف بيته لزك اريد انزل البايات وصوت لعياط يعله وياهن ولبواجي مع العلم اني ما مندمجه ويه رجل عمتي التوفه ولا حاجيه ويا بس عله كد السلام بينه بس كمت ابجي عليه ونقهرت رحت سالت بت عمتي
.
فدك: البقيه بحياتج كلبي
نور: تسلمين وشبكتني وكامت تبجي
فدك: شنو سبب وفاته؟
نور: الساعه ٣الفجر اكل وختنك بالكمه ردنه نلحكله وما كدرنه
.
فدك: حصرتني الضحكه كوه كضيتهة واكول بيني وبين نفسي ما شايف تاكل ب٣ الفجر شوف نفسيتك اشسوت بيك😂
.
كوثر: هاي اجيتي
فدك: ايي
كوثر: ابويه كال تبقين بالبيت خاف كلشي نحتاج انتي موجوده
فدك(بهمس):شنوو لا اريد ابقه
كوثر: ولج روحي لا ابويه يتعصب
فدك: بس اجيبيلي غده مو
كوثر: اشكد نفسج دنيه ايي اجيب ولي
فدك: ايي خوش قنعتيني باي
.
خليت ورحت كلت لو ما مبدله وكاعده اتريك احسن
.
_________________________
.
كيان
فزيت وحدي عله صوت هوسه صاير جوه كعدت عله حيلي عله الجربايه وكلت
.
كيان: ياا ربي كليوميه هل هوسه اشوكت انام وارتاح بعد يومين اروح للشغل ما اشوف النوم بعد
ونزلت جوه اريد افهم اشصاير شفت خالي كبالي واكف ويحجي ويه زوجته
.
كيان: صباح الخير
حمديه: صباح الخير يمه
سلام: صباح النور
كيان: شنو شصاير ليش هل هويه
سلام: اتوفه صاحبي اعز صاحب عدي اليوم واريد ايحضرولي واعزم كم نفر من يمنه وروح لفاتحته
كيان: البقيه بحياتك بويه جاي وياك
سلام: بعد احسن تعال ترفع راسي والله
كيان: انتضرني بين ما ابدل ملابسي
.
صعدت عله الدرج وجان اسمع صوت خالتي
.
حمديه: يمه كيان
كيان: هاا يمه امري
حمدي: يمه اشبيك اشصاير وياك
كيان(بتعجب):ما صايرلي شي
حمديه: لعد اشبيهن اعيونك امورمات يمه باجي؟
كيان: لا يمه لبارحه ردت اغسل وطب بيهن صابون ونمت عليهن
حمديه: خوش اذا هيج بس اذا صاير شي يمه كلي لا اضم عليه
كيان: بست ايدهة وكتله يله صاعد اني
.
ورحت صعدت لبست بنطرون اسود وبدي اسود وشماغ شديته عله راسي ونزلت
.
زهراء: ها خويه رايح
كيان: ايي محتاجه شي
زهراء : لا سلامتك بس هيج
كيان: يله باي لعد
.
حيدر: ها كيان تجي ويانه
كيان: ايي اجي احسن
حيدر: عفيه بطل
كيان: يله خلي اروح ابونه ينتضرنه
.
رحت شغلت سيارتي واجه خالي
سلام: يله ابني خلي نتوكل وبعد اشوي الحكونه اصحابي الي كتلهم يجون
حيدر: انتو روحو اني الحكم ابسيارتي
كيان: بعد احسن ولي
.
رحنه اني وخالي مو بعيد بيتهم اهل الفاتحه اروحلهم لان سوو قسم بالجامع وقسم ابجادر كدام البيت وصلنه دخلنه للجادر اني وخالي سلمنه وقرينه الفاته عله روح المرحوم اجاني اتصال من حيدر كمت طلعت بره الجادر جاوبت
.
كيان: الوو
حيدر: خويه انته وينك
كيان: بالفاتحه غير
حيدر: شو ماكو اني كبال الجامع واكف دورتكم وما لكيتكم
كيان: لا احنه مو بالجامع ناصبين جادر كبال بيت المرحوم واجينه اله
حيدر: اهووو هسه شيوديني الك
كيان: ديله بسرعه تعال
حيدر: استغفر الله ازهكون الواحد كوه
كيان: لسوي هاي المضرطه وتعال
حيدر: جااي جااي يا ربي ما اتموتني اني هم
.
كيان: سديت الخط واني ميت ضحك عله اخباله واكول ربي احفضه الي