عشكَ عيون الملازم

البارت 45

.
.
.
رجعت وياكم ابارت جديد اتمنه الكل يعجبه صح جاي اتاخر بالنشر بس جاي احاول انشر الك ابهاي ضروفي❤😊
.
.
.
___________________
.
.
حيدر
رحت صعدت لغرفتي ابسرعه واني ضايج حته منزلت للغده بقيت فوك وانتضر فدك اشوكت تجي اريد اكللهة شغله
.
.
فدك
راح حيدر صعد وزهراء انهزمت لغرفتهة ابسرعه واجه عمي سلام واني صبيت الهم غده ابصينيه وديته الهم بالغرفه لان من انشلت عمتي عمي عزل عن الاكل ويريد بس ياكل وحده  هوه وعمتي
وره ما وديت الاكل خذيت بنتي شلته وصعدت لغرفتي دخلت شفت حيدر كاعد ايدخن جكاير اني دخلت وسديت الباب وخليت بنتي بالكاروك ونزعت حجابي وفتحت شعري واني جاي امشطه حيدر كالي
.
حيدر: فدك
فدك:(انداريت عله وكلت)هاا عمري
حيدر: تعالي كدامي اكعدي
.
فدك
ويأشرلي كدامه ويباوعلي وهوه عاكد حواجبه خفت لا هنوب ايطلكني وجيت كعدت كدامه عله السرير وكتله بخوف
.
فدك: شكو شبيك
حيدر: اجت ابراسي فكره
فدك: شنو هيه
حيدر: ترحين يم اهلج كم يوم واني عود اجي اخذج
.
فدك
كبل خفت من هيج كالي اكيد ايريد ايوديني ويطلكني كبل كمت وكتله
.
فدك: لا لا حيدر فدوه ما اريد اروح
حيدر: لتخافين تره اهلج همه
.
فدك
رحت يمه وكفت وكضيت ايده وكعدت عله اركبي وبقيت اتوسل
فدك: فدوه حيدر صدكني والله ما عليه بهاي السالفه والله ما ادري ابزهراء انيي فدووه عوفني يمك ويم ابنيتي فدووه لسوي هيج
حيدر: اشبيج روحي غيري جو يم اهلج
فدك: لا لا ما اريد اروح اول مره هيج ادكلي انته فدوه لسوي شي صدك ما اعررف ابشي اني
حيدر: اتخافين اخليج ترحين وطلكج موو
فدك:(ابجي وتوسل)فدووه حبيبي انته صدك ما عليه اني بهل سالفه ابوس ايدك لطلكني عوفي ويه ابنيتي والله مدخلني
.
حيدر
اباوع عليهة اشلون تتوسل بيه ودموعهة تنزل ما اعرف بس ما جاي اصدك بيهة اول مره لكفتهة هيه تطي جهازهة الزهراء وبقه الشك ابراسي بعد وكتلهة
.
حيدر: يله كافي حومي
فدك: حيدر حبيبي ليش هيج اسويي خلي نرجع نفس قبل عائله وحده كلب عله كلب لسوي هيج
حيدر: انتي خربتي هاي العائله
فدك: غلطت مره وصدك بعد ما عدتهة ولا راح اعيدهة مره ثانيه
حيدر: حته اكسر ايدج اذا عتيه غيير يله وخري خلي انام اني بعد نعست
.
فدك
وخر ايده من يمي وندار واني كمت ورحت سديت الضوه ورجعت انمطلت ابصفه وجهي دايرته عليه وهوه فتح اعيونه وباوعلي واني كتله حته بلكي كلبه ايحن عليه
.
فدك: والله احبك ليش هيج اسوي بيه
حيدر: اششش كافي
فدك: والله مشتاقه لحيدر القديم الي ايحبني هم ويصدك بيه
.
حيدر
بقيت ساكت وما كلت شي وشوي ودرت وجهي منهة
.
فدك
دار وجهة مني وما كال شي واني بقيت افكر وضايجه كلش هم وما كدرت انام
.
اجه الليل واني جاي اكوي ملابس حيدر وبنتي وراي تلعب بالملاعيب وحيدر طالع وعمتي جوه هيه وعمي
واني خلصت كوي دشداشه حيدر خليت الاوتي عله الكاع و كمت اريد اعلكهة واني اريد اخليهة بالكنتور سمعت عيطه بنتي ويه ما ركضت الهة دخل حيدر للغرفه اني رحت شلت بنتي وشفت ايدهة محروكه بالاوتي وهيه فحطانه بجي اجه حيدر ركض اله وسحبهة من ايدي وكال
.
حيدر: اشصار الهة
.
حيدر
شفت ايد بنتي محروكه بالأوتي وكبل انداريت عله فدك وضربتهة راشدي صطرتهة صطر بحيث وعطت بيهة
.
حيدر:(بعياط)ياا خوثه يا عوبه غيير تنتبهين الهة
فدك:(ابخوف)ووالله ما ادري بيهة ردت بس اعلك الدشداشه ورجع
حيدر: بت الكلبب لو محترك وجهة ربحيي بيج بعد ممنوع تكوين بالغرفه تردين اتنزلين يم ذيج القندره تكوين ابغرفتهة
.
حيدر
وخذيت بنتي وكعدت عله السرير ونفخ بأيدهة وبردهة وهيه اشوي وسكتت وشفت فدك تبجي وتلم بالغراض ولا اهتميت الهة
.
فدك
راح حيدر عله السرير هوه وروكيان واني متت قهر وكمت ابجي ولم بالغراض وشلت كلشي ورجعت كلشي لمكانه ولبست الحجاب ونزلت جوه رحت للمطبخ محد بي دومي جنت اشوف مرت عمي تشتغل بي بس خطيه بعد متكدر تجي وخليت وكعدت وحدي بالمطبخ عله الكرسي مالت طاولت الطعام وفكر وحسبه توديني وحسبه اجيبني البيت صنطه محد بي لحد مصارت الساعه ب١١ بالليل خليت وكمت صعدت لغرفتي بعد دخلت وسديت الباب ذبيت حجابي وخذيت ملابس من الكنتور رحت بدلت ملابس ورجعت شفت حيدر كاعد عله السرير وبحضنه بنتي ونايمه هوه امنومهة واني اجيت انمطات ابصفه ودرت وجهي منه
حسيت بعد ما بقت مشاعر بيني وبين حيدر وهوه بعد ميريدني خليت ونمت
.
.
حيدر
فدك اجت ونامت واني بقيت كاعد لل٢بالليل وحدي صافن واذكر بان فدك جانت وصيه من اخوي وصاني بيهة بس اني لعبت بيهة جوله
وكمت خليت بنتي ابكاروكهة عله كيف وردت ارجع للسرير شفت فدك غاطه بالنوم صدك احس نفسي مشتاقلهة وكلبي طاك عليهة بس مدري ليش كلما اريد اسامحه اكو شي جوي يبعدني عنهة
اجيت انمطلت ابصفهة واني داير وجهي عليهة بس هيه مديوره من يمي اني اتقربت عليهة اشوي بحيث صار وجهي ابشعرهة ورفعت ايدي حاوطت خصرهة بيهة وسحبتهة عله كيف عليه بحيث الزكت بيه وقربت وجهي من جتفهة وخليت خشمي ابركبتهة وشم ابعطره اخخخخ اشكد احس مشتاقله هل عطر وبستهة من ركبتهة ابهدوء كللش وبقيت ابوس بركبتهة وبجتفهة عله كيف ما اريد اتحس ابشي وجان حسيتهة اتحركت وردت اوخر منهة
.
.
فدك
فزيت عله حيدر وهوه ايبوس ابركبتي اني ردت اتحرك وهوه راد ايوخر ايده من خصري واني كضيتهة ونداريت عليه وباوعت ابنص اعيونه وهوه اعيونه عليه وكتله
.
فدك: ليش لعد تنهزم منيي
حيدر: محسيت عله روحي من اجيت
فدك: اني هم مشتاقتلك حيدر
.
ونداريت عليه وتقربت ولزكت بي ورفت ايدي خليتهة عله خده وهوه اعيونه بس عله عيوني واني قربت وجهي عله وجهة
.
.
حيدر
قربت روحه كلش عليه وقربت وجهة عله وجهي واني صافن يس عله اعيونهة وشفايفهة وكبل رفعت ايدي وجريتهة من راسهة وبستهة من اشفايفهة احس روحي اول مره بايسهة بقيت مجلب بشفايفهة وبوس بيهن وعضهن وجر ابوساتي بيهن وكل متريد اتوخر ارجع اسحبهة من اشفايفهة وبقيت امص بيهن وادي وره ضهرهة صارت الثانيه ارهة عليه اكثر واكثر
وشوي وخرت حلكي من اشفايفهة لان حسيت بيهة اتوجعت من العض بس مكالت شي
واني كصتي لازكهة ابكصتهة كتلهة
.
حيدر: ليش دومج اتخربينه انتي لييش اتهدمين حبي الج تعرفين بيه احبج اني
فدك: (ابحه هادأه)اسفه حياتي اسفه
حيدر: اشش كافي بس بعد لسوين شي من وره ضهري
.
ورجعت بستهة من اشفايفه بس ابسرعه وخرت ورجعت لمكاني عله السرير وباوع الهة واني احس نفسي ميت عليهة واريده وهيه اجت اتقربت عليه ونامت عله ايدي وخلت ايدهة عله صدري وكالت
.
فدك: هسه انته مسامحني موو
حيدر: ايي مسامحج بس بعد لتعيديهة
فدك: وعدي والله
وحضنتهة حيل لان مشتاقتلهة
.
حيدر
انداريت عليهة ورجعت كضيت وجهة وبستهة من حلكهة
.
.
.
صار الي لازم ايصير
.
.
فدك
كعدت الصبح تعبانه شفت الساعه ب٨الصبح كمت ابسرعه شفت حيدر بعده نايم وبنتيتي هم نايمه وخذيت ملابس ورحت دخلت سبحت اسرعه وطلعت نزلت جوه شفت زهراء جاي اتحضر ريوك
.
فدك: صباح الخير
زهراء: هلا صباح النور
فدك: شنو لخبار
زهراء: راح تجي مريم اليوم الضهر
فدك: هاا والله فرحتيني ملل اشو خلي بلكي انغير اشوي
زهراء: ايي بس راح اكلي كتله منهة لان عرفت بامي مشلوله ورتح تعرف ابسببي وتكتلني
فدك: عادي اتحمليي كلهة كم يوم وتنسي السالفه
زهراء: نشاء الله بلكت
فدك: يله هلي نحضر ريوك وروح اكعد حيدر علمود
زهراء: يله لعد
.
فدك
خضرت ريوك وكلشي هم وزهراء اتريكت ابسرع وراحت ابسرعه لغرفتهة اتخاف اشوف حيدر واني صعدت للغرفه دخلت وسديت الباب وكعد بحيدر
.
فدك: حيدرر حياتي اكعد يله تاخر الوقت
حيدر: ايي اشوي وكعد(ابنعاس)
فدك: سويتلك ريوك يله ليبرد ومريم هم راح تجي
حيدر: ايي كمت هاي جااي
فدك: اوكي انتضرك حبيبي
.
وشفت ابنيتي كاعده كرصتهة من خدهة عله كيف وشفت ايده زينه بس اشوي حمره وسويتلهة مميه وشلتهة ونزلت اني وياهة
.
.
.
يتبعععع