عشكَ عيون الملازم

البارت 42

.
رجعت وياكم ابارت جديد❤
اتمنه الكل يتفاعل وياي ويطيني رأيه😊❤
.
هاي القصه تحجي عله واقع حال اني عشت بي يعني حقيقيه من دون خيال او زياده🤍🥀
.
.
اتركم ويه البارت حبايبي☺💫
.
.
________________
.
.
فدك
عزلت المطبخ كله وخلصت تنضيف ورحت صعدت للغرفه مالتي
فتحت الباب شفت حيدر جاي ايخابر ويكول
.
حيدر: اي انشاء الله عكب باجر جاي....لا عله الموعد.....يله مع السلامه
.
وسد الخط اني سديت الباب واجيت وكفت يم الميز ونداريت عله حيدر وكتلهة
.
فدك: وين اتروح عكب باجر
حيدر: للشغل النقيب اتصل عليه
فدك: هاا وشوكت ترجع
حيدر: ما ادري
احجي ويه فدك واني العب بجهازي وما اباوعلهة
.
فدك
احجي ويه حيدر وهوه ما ايباوعلي وكوه ايطلع الكلمه من حلكه اتقربت عليه وجيت كعدت عله الكاع يم رجلين حيدر وقربت راسي عله وباوعله
.
حيدر
اجت فدك كعدت يم رجليه وتباوعلي اني مهتميت
.
فدك: حبيبي حيدر
حيدر: هاا
فدك: يطيك كَلبك اتروح للشغل وما متراضين اني وانته
حيدر: ليش انتي اشلون اطاج كلبج تكسرين الثقه وتطين جهازج لزهراء
فدك: اسفه والله اسفه غلطت وبعد متنعاد وعد بس سامحني
حيدر: اهوو هم بدينه
.
وكمت كبل من يمهة ورحت طلعت من الغرفه ونزلت جوه
.
فدك
عافني حيدر وراح نزل
اني بقيت ابمكاني كاعده ومتندمه حيل عله السويته وخليت وكمت من مكاني ورحت اني هم نزلت جوه اذكرت بنتي روكيان وينهة اشو عمتي هذتهة من اول مكعدت وما شفتهة بعد
رحت لعمتي بالمطبخ لكيتهة
.
فدك: الله يساعدج عمه
حمديه: هلا عمه هلا بيج
فدك: عمه وين كنونه اخاف جوعانه هسه
حمديه: اي والله سوده عليه جوعانه واني جبتلهة طاسه اصغيره مال شوربه وجنت اوكلهة بالديوانيه واجه حيدوري اخذهة وكال هوه ايوكلهة
فدك: ها خوش اذا هيج شكر عمه
حمديه: ادللي حبيبه
.
فدك
كبل رحت ابجهي للديوانيه شفت حيدر كاعد ويوكل بيهة وهيه مدمره ادمر وجهة مدمر وملابسهة لايصهة لوص وسلام كاعد يضحك ويعيب عله حيدر اشلون ايوكلهة
.
سلام: اشسويت ولك بالطفله هوه هيج ليوكل
حيدر: جا بويه اول مره هاي اوكلهة
سلام: مو خوش ام بيت انته😂😂
حيدر: ايي والله😂
.
واجيت وكلت لحيدر
فدك: حيدر حياتي اطيني الطفله اني اوكلهة
حيدر: لا ميحتاج
احجي واني ما اباوعلهة
.
فدك: مو دمرتهة اطينياهة
حيدر:(بصوت عالي)جااي اكالج ميحتاج تفتهمين جاي لو لا انتيي
.
فدك
سكتت مكلت شي بس حيل ضجت
.
سلام: بويه اشبيك عله كيفك
حيدر: اني اريد بنتي يمي اربعه وعشرين ساعه بحضنهة
فدك: هاهيه عله راحتك
.
وكبل درت وجهي وطلعت من الديوانيه رجعت للمطبخ واني كالبه وجهي وضايجه شيخلصهة بعد حيدر وضاج منيي
.
حمديه: يله يمه خلي نحضر غده
فدك: ايي عمه حاضر
.
حضرنه غده وتغدينه وخلصنه وحيدر بقه روكيان يمه مطانياهة ابد وزهراء مشفت وجهة ولا كعدت عله الغده يمكن بقت نايمه بفرفتهة
خلصنه غده وشلت لماعين كلهن ورحت عزلت المطبخ ونضفتهة وغسلت لماعين كلهة وخلصت كلشي مبقه سي بعد طلعت من المطبخ وكلت امر عله زهراء اشوفهة ورحت لغرفتهة فتحت الباب لكيتهة كاعده عله فراشهة وصافنه ومن دخلت باوعتلي اني دخلت وسديت الباب وكعدت ابصفهة وكلت
.
فدك: تره حرام عليج هيج اسوين ابروحج
زهراء: خليني فدك مرتاحه وحدي
فدك: يله كومي اكلي شي ما متريكه انتي ولا اتغديتي موزين هيج
زهراء: ما اشتهي والله
فدك: راح ازعليني منج تره
.
باوعتلي وبقت ساكته اشوي وكالت
زهراء: بشريني حيدر اشلونه وياج
فدك: نفسه والله وكلساع اترزل من يمه بس عادي اني شايفه الاسوء منه متعوده
زهراء: اسفه فدك سامحيني
فدك: عادي حبيبتي بس اذا تردين اسامحج كلش كومي اتغدي
زهراء: خوش يله كايمه
.
فدك
وكمنه اني وزهراء وطلعنه من الغرفه هيه راحت للمطبخ واني صعدت لغرفتي دخلت للغرفه وسديت الباب شفت حيدر نايم ومنوم ابصفه روكيان ومخلي ايده عله بطنهة اني اجيت اتقربت عله السرير وكعدت عليه وصافنه عله منضرهم ايخبلل وكلت بهمس
.
فدك:(بهمس)ربي يحفضكم ويخليكم الي يا رب
.
ومديت ايدي وكضيت ايد حيدر العايفهة عله بطن بنتي وشلتهة عله كيف ونزلت عليهة وبستهة ورفت راسي وباوع لحيدر غاط بنومته وهوه عاكد حواجبه ضحكت ويه روحي عله كيف لان حته بنومته ضايج😅❤
ونمطلت ونمت اني هم
.
.
فزيت عله شي يضرب ابجهي فتحت اعيوني شفت بنيتي كنونه كاعده وجايه يم وجهي وتضرب بيهة وتضحك وحيدر ممطول ومديور علينهة ويضحك عله روكيان
اني كضيت ايد بنتي وكلت
.
فدك: كافي مامه
حيدر: تعالي بابه تعالي امج متريدنه
.
حيدر
وكضيت بنتي وجريتهة عليه وخليتهة بحضني
.
فدك
كعدت عله حيلي وكلت
.
فدك: اصلن اني اكثر بشر ايريدكم ويا ويحبكم
.
حيدر
مجاوبتهة وبقيت ساكت ولاعب ابنتي وهيه اتقربت عليه وكالت
.
فدك: والله احبك🥺
حيدر: ويعني
فدك: واموت عليك والله
حيدر: كومي طلعيلي ملابسي اريد اطلع
.
فدك
سكتت مكلت شي بعد وكمت من مكاني ورحت غسلت ورجعت طلعت ملابس لحيدر ورحت خليت ملابسه بالحمام ورجعت وحيدر كام واني لبست شالي  شلت طفلتي ورحت نزلت مليت حيدر مجاي يرضه وقافل كلش
نزلت يم عمتي احجي وياهة واجت زهراء
.
حمديه: عاش من شافج يابه وين جنتي وليش حابسه نفسج
زهراء: يمه والله مالي خلك يمكن مريضه
حمديه: عرج ميطكج انتي
فدك: هههه ما بيهة غير العافيه😂
زهراء: اوو اشبيجن
.
فدك
كعدت يمنه زهراء اشوي ونزل حيدر اجه يمنه وكال
.
حيدر: يمه اني راح اطلع تحتاجين مني شي
حمديه: لا يمه سلامتك
حيدر: ربي يسلمج ويحفضج الغاليه
وبستهة من راسه ردت اروح وكفتني
.
فدك: ترجع بالسلامه حبيبي
.
حيدر
سكتت اشوي وكلت
حيدر: شكرا
ورحت.
.
فدك
راح حيدر بس من جاوب جان داير وجهة مني وكوه جاوب
.
حمديه: اشبي رجلج وياج يمه
فدك: هاا لا ما بي شي عمه
حمديه: انشاء الله
.
فدك
اجه الليل صارت الساعه ب٩وربع بالليل وحيدر ماكو اله حس ما اجه
واني كاعده بغرفي وبنيتي يمي وفكره اجيبني وفكره اتوديني وذكرت من جنت زعلانه من كيان وهوه راد اسامحه وما سامحته وراح للشغل وبعد ما رجع وهسه حيدر ضايج من يمي وميقبل يرضه وهوه باجر راح ايروح للشغل وخفت لا ايصير عليه شغله انوب كلبي لجمني عليه وحلفت بس يجي اراضي وشيسوي خلي ايسوي
.
صارت بالعشره اله عشره واني كاعده وعدل ابنفسي لبست دشداشه قصيره وضيقه وفاتحه شعري وخليت مكياج خفيف وخلصت وكمت وشفت بنتي  نامت واني شلتهة وخليتهة بكاروكهة ونفتح الباب شفته حيدر
.
حيدر
رجعت للبيت ابوقت متاخر عمدن حته اضوج فدك
دخلت السياره للطرمه ودخلت للبيت شفت البيت سنطه ماكو احد الضاهر نامو كلهم خليت وصعدت لغرفتي واول مفتحت الباب شفت فدك ويا ريت ما شافتهة عيني شهل جمال وشهل لبس عيوني الزكن بيهة ما اكدر اشيلهن من يمهة دخلت وسديت الباب ودرت وجهي منهة كوه وخليت سويج سيارتي عله الميز وكالت
.
فدك: الله يساعدك
حيدر: هلا بيج
فدك: حيدر عادي نحجي اشوي
حيدر: لا نعسان كلش
وبدون ما اباوعلهة رحت عله السرير كعدت وهيه اجت كعدت ابصفي واني عيني منزلهة ما اريد اشوفهة
.
فدك
رحت كعدت يم حيدر وهوه ميباوعلي خليت ايدي عله خده ودرت وجهة عليه
.
حيدر
دارت وجهي عليهة لو احس نفسي صخنت صعدت الحراره عندي ونفسي زاد من شفت وجهة شهل خدود شهل شفايف ليكول كرز وشتهيت اكله بقيت بس اعيوني تفتر عله ملامح وجهة اشكد مشتاقلهة نعله عله بليسهة
.
فدك: حبيبي حيدر
حيدر: ههاا
فدك: اسفه سامحني صدك غلطت وبعد متنعاد
.
حيدر
واني مايع بيهة وخدران ابنضراتهة هزيت راسي بمعنه اي
فدك: يعني سامحتني موو
.
حيدر
بقيت ساكت مكلت شي بس اباوعلهة
.
فدك
محجه شي اني كبل اتقربت عليه وكضيته من وجهة وقربت شفايفي عله شفايفه وهوه بس ايباوع لشفايفي وخليت وبستهة من اشفايفه بوسه خفيفه
.
حيدر
باستني من حلكي بوسه خفيفه وخرت بعد مصيطرت عله روحي بس وخرت كضيت راسهة وجريته عليه بقوه وبستهة من حلكهة وقوي ابوستي ومحسيت عله روحي اله عضيتهة من اشفايفهة وهيه جرت روحه مني بسرعه وكالت
.
فدك: اخخ وجعتني
.
حيدر
نعلت الشيطان كبل وكمت من يمهة ورحت لمكاني عله السرير وردت انام هيه اجت يمي وكالت
.
فدك:(بستغراب) اشبيك حبيبي ليش وخرت
حيدر: كافي عوفيني بحالي
فدك: حيدر اشبيك
حيدر:(بعياط)كاافي جاي اكللج
.
فدك
وخرت من يمه وتعجبت هستوه باسني وجرني عليه هسه ميريدني استغربت
.
.
.
يتبعع......