عشكَ عيون الملازم

البارت 24

السلام عليكم❤
.
اعذرروني صارلي اربع ايام مناشره بس كتلكم جنت حيل مريضه وما كدرت بس راح اعوضكم بهاي الايام❤🥀احبكم
.
ورجعت وياكم ابارت جديد من هاي القصه الي هيه عباره عن واقع حال اني عشت بي يعني مو خيال هاي قصتي اني عشت بيهة❤😊
.
اتركم ويه البارت
.
.
.
_______________________
.
فدك
دنيه ليل صارت بال١٠ونص بالليل مريم وزهراء ما موجودات راحن لبيت خالهن واني كاعده يم ام حيدر بالصاله جاي انباوع عله مسلسل وحيدر طالع هوه وابو
.
.
حمديه: يمه خاف نعستي
فدك: لا عمه ما نعسانه بعدني
حمديه: هاا خوش حسبالي عستي لان مالج حس
فدك: لا بس عجبتني المسلسل ومنتبهة عليهة
حمديه: ايي يمه عله راحتج اذا تنعسين روحي نامي خاف رجلج يتاخر بالجيه
فدك: لا عادي انتضره
حمديه: عفيه عليج يمه تعجبني هيج ابنيه تنتضر رجلهة لبين ما يجي وما شاء الله امبين عليج خوش بنيه ومتربايه وحبابه
فدك: شكرا عمه انشاء الله اخلي حيدر بعيوني
حمديه: انشاء الله بس بعد الله كون ايفرحنه بجهالكم
فدك: انشاء الله
.
اشوي واجه حيدر وابو الضاهر فاتحين الباب بالمفتاح لان مالهم حس من دخلو البيت
.
حيدر: السلام عليكم
حمديه: هلا يمه
فدك: هلا بيك كلبي شلونك
ورحت وكفت يمه
.
حيدر
اتعجبت عليهة ورفعت حاجب وباوعتلهة صفح وشاورتهة
.
حيدر: شنو هاذ الحب كله استغربت😅
فدك: عادي بس لا تتعود😏
حيدر: انجبي وسكتي
سلام: السلام عليكم
الكل: وعليكم السلام
.
فدك
كعد ابو حيدر عله التخم وكام يحجي ويه ام حيدر واني حيدر اشرلي بمعنه اصعدي للغرفه خليت وصعدت
.
.
حيدر
بس اشرت الفدك افتهمتني وكبل صعدت للغرفه اني شربت ماي وصعدت وراهة دخلت الغرفه شفتهة واكفه عله الميز تمشط بشعرهة واني كبل رحت اتمدت عله السرير وكلت
.
.
حيدر: اخخخ يا يمه اشكد تعبان
.
فدك: بس باوعتله وما كلت شي ورجعت امشط
.
حيدر
هاي اشبيهة اشو بس باوعت وكلشي ما حجت
.
حيدر: وانتيي هم تعتبرين زوجه
فدك: لعد شعتبر
حيدر: حالج حال المزهريه ما عدج احساس اكلج اخخ يمه تعبان متحجين شي بس اتباوعين
فدك: اوكي الله يساعدك ارتاحيت
حيدر: لا والله خاف زحمه عليج صارت من كلتي هيج لغيرج تجي اتفرك لرجلهة اسويله تدليك شي مو هيج تحجي
فدك: عود عله غيرهة
وكبل اجيت ونمطلت عله السرير يمه بس درت وجهي عنه
.
حيدر
عرفتهة بعدهة زعلانه من الراشدي اعرف البنات من يبقن زعلانات ايصيرن جنهن جهال ابتصرفاتهن
.
حيدر: بعدج زعلانه
فدك: لا ليش ازعل متسوه
حيدر: لا بعدج زعلانه مبينه
فدك: ابراحتك شدكول كول
حيدر؛ زين بس ديري وجهج عليه خلي اشوفه مشتاقله
فدك: ما اريد انام
.
حيدر
اتقربت عليهة كلش وكمت العب ابشعرهة وقربت وجهي كلش عله شعرهة اشم عطره اشكد طيب وهيه اندارت كبل
.
فدك: يوو ليش لزكت بيه هيج
حيدر: ابكيفي انتي مو بكيفج متردين تندارين عليه اني هم ابكيفي
فدك: اي انداريت شتريد مزعلانه والله
حيدر: كولي والله ١٠ مرات وصدك
فدك: هههه لا ميحتاج😅
.
حيدر
قربت وجهي كلش عليهة بحيث خدي صار عله خدهة وكمت ابززهة ابلحيتي وهيه تضحك وكاضتني من جتفي وهيه ممطوله بعدهة ابمكانهة واني جاي عليهة كلش
.
فدك: ههه جاي اتبززني بلحيتك
حيدر: حلوه موو
فدك: ايي بس اضوج
.
.
حيدر
ما حسيت عله نفسي اله ايدي نازله وكاضهة من خصرهة بقوه وهيه كاضه ايدي وخرت خدي عنهة اشوي وعيوني صارن بعيونهة وهيه عايفه اعيونهة بعيوني اشكد حلوات اعيونهة سود ووساع ورموش سهوم ليكول من الطول وعافتلهن كحله غركتني بعيونهة وتفاصيلهة وكالت بخوف
.
فدك: راح تبقه هيج
حيدر: ايي اريد ابقه هيج
فدك: بسس
حيدر: اسكتي لتحجين شي
.
حيدر
اتقربت كلش يم اذنهة وهمست
.
حيدر: اريدج يا فدك
.
فدك
كالي هيج لو احس جسمي كله رعش بقيت بس ساكته مكلت شي وهوه كبل وخر من يمي واني كعدت عله حيلي وكال
.
حيدر: يله لتخافين موخر منج
فدك: لا ما خايفه
حيدر: والله
فدك: ايي والله
.
حيدر
استغليت موقفهة وكبل بستهة من حلكهة وكضيتهة ايد من ركبتهة وايد من خصرهة وبقيت مجلب بيهة موخرت من يمهة ابسرعه
.
فدك
باسني هوه كبل حسيت نفسي اشنجت بين اديه وجعني ابوسته ودفعته عني
.
حيدر: هههه اشبيج مو مخايفه
باوعتلهة شفت وجهة قطعه حمره من الخجل
.
فدك: وجعتني ليش هيج
حيدر: محسيت عله نفسي موجعج
فدك: (دنكت راسي وكتله)يله خلي انام اتاخر الوقت
حيدر: ايي خلي انام علمود بتجر انعيدهة
فدك: ديله نام ناام احسن
حيدر: (اتلفلفت بالحاف وكتلهة)فدوه للخجول
.
فدك
: نمنه ما حسيت اله دك المنبه وكعدت سديته شفته الساعه ب٨الصبح خليت وكمت طلعت ملابس وسبحت ابسرعه وطلعت شفت حيدر بعده نايم مشطت شعري ولميته وخليت مكياج خفيف ولبست شالي ونزلت شفت ام حيدر جاي اسوي ريوك
.
فدك: صباح الخير عمه
حمديه: صباح النور هلا عمه كاعده من صبح
فدك: لا اني هيج متعوده
حمديه: ايي عفيه يمه احسن من ماتبقين نايمه للضهاري
فدك: ايي عمه اكعدي خلي اصبلنه ريوك
حمديه: يمه اني متريكه ويه عمج من ال٦الصبح
فدك: هاا الف عافيه لعد انتضر حيدر ونتريك سوه
حمديه: ايي يمه عفيه عليج اني رايحه لداري اذا تردين شي
فدك: لا سلامتج عمه
.
.
فدك
راحت ام حيدر وبقيت اني حضرت بس صينيه وكوابه وكلت
.
فدك: خلي اروح اخبث عله حيدر وكعده اشعده لحد هسه نايم
.
فدك
صعدت لحيدر دخلت الغرفه وسديت الباب ورحت وكفت يم السرير
.
فدك: حيدر حييدرر كووم حير
اشو هاذ اندار من الجهة اللاخ خليت وسحبت من يمه اللحاف
.
فدك: كووم شنو كتلك عدل نومتك كووم يله
حيدر: وليي ما اريد اكعد
.
فدك
صعدت عله السرير وكعدت عله ضهره وكضيت شعره ودير راسه من شعله اندار عاط بيه
.
حيدر: ولج وخرييي مني
فدك: لعد اكعد حته اوخر
حيدر: والله اطيح حضج اذا اكوم
فدك: عاادي بس كوم يله اتاخر الوقت
.
حيدر
كمت واني ضايج ومعبس وجهي كضيتهة من زندهة وطلعته بره الغرفه وقفلت الباب ورجعت وهيه بقت ادك بالباب وصيح
.
فدك: افتح الباب حيدرر افتحه
حيدر: فدك ولي ما افتح
فدك: ولك حجابي بقه جوه افتح الباب
حيدر: خره بيج اجييت
.
حيدر
فتحت الباب الهة صدك شفتهة بدون حجاب ودخلت
واني رجعت للسرير وكتلهة
.
حيدر: حضريلي ملابس اريد اسبح واطلع
فدك: ايي هسه احضر بس انزل وتريك
حيدر: ما اريد اكل بس حضريلي ملابس
فدك: ليشش متريد تاكل
حيدر: لتلحين
فدك: اوكي عله راحتك
.
فدك
حضرتله ملابس والخاولي عفتهن اله بالحمام ونزلت صبيتلي جاي وشربت ما شتهيت اكل ايشي مجوعانه اشوي واجت يمي زهراء
.
زهراء: هلوو
فدك: هلا بيج ما مبينه
زهراء: ايي هستوني كعدت
فدك: نوم العافيه
ما جاوبتني بس باوعتلي ودارت وجهة وجت اللاخ مريم
.
مريم: صباح الخير عروستنه
فدك: صباح النور هلو
مريم: كاعده من وكت شنو متعوده لو بس اول هده
فدك: لا متعوده هيج اكعد
مريم: عفيه
.
فدك
يا الله والله اجرع هل بنيه اشكد مكروهة ابكلامهة احسه سم تطيني مو حجي اشوي ونزل حيدر اني كمتله كبل كتله
.
فدك: هاا حياتي مراح تتريك
حيدر: لا راح اكل يم الجماعه
فدك: الف عافيه
حيدر: محتاجه شي اجيبلج وياي
فدك: سلامتك بس
حيدر: يله باي
.
.
فدك
راح حيدر ورجعت للمطبخ ومريم حجت
.
مريم: اشلون اسوين هيج
زهراء: اسكتي مو وكت هل موضوع
فدك: شنو قصدج مفهمت
مريم: نعرف كلش زين بأنو جنتي عله علاقه ويه كيان اشلون كدرتي تزوجين اخو وتسوين كل هل تمثيليهة
.
فدك
احس نفسي وكف كلبي من هيج كالت بقيت بس اباوع وفاتحه اعيوني
.
مريم: اشبيج شو نخنستي
فدك: اش اشلوون عرفتي
مريم: اووي وجهج صار اصفر اشبيج انخطف لونج
فدك: بسس اشلون عرفتي
زهراء: هسه انتي هامج اشلون عرفنه
مريم: باوعي لروحج متلعب نفسج جنتي ويه كيان طلعه وطبه والله يعلم اشصاير بينكم وهسه ويه اخوو حيدر
فدك: انتن متفهمن شيي ومتعرفن ليش زجني حيدر
زهراء: لان جنتي تلعبين عله الحبلين
فدك: لااا موو هيج
مريم: انجبي متستاهلين اخويه انتي
زهراء: ولا جانت تستاهل اخويه هاي لسخيفه
.
فدك
اني ساكته وفتتحه حلكي من الصدمه وبس ادموعي تنزل شحجي وياهن هسه وشجاوب يا ربي اشلون عرفن بعلاقتي ويه كيان خليت وصعدت للغرفه وسديتهة عليه اشوي وصعدتلي ام حيدر
.
.
حمديه: هاا يمه فدك شو حابسه نفسج
فدك: لا عمه بس جنت اعزل غرفتي ونضفهة
حمديه: ليش هيج وجهج يمه ليش ضايجه
فدك: لا لا ما بيه شي
حمديه: ضوجنج هذن السعالو الجوه موو
فدك: هههه لا محد ضوجني
حمديه: ديله لعد سدي دارج ونزلي وياي
فدك: ايي جايه
.
.
فدك
نزلت ويه ام حيدر واني ضايجه حيل رحنه للصاله كالت
.
حمديه: يراد تنضيف للصاله وصخه احسهة
فدك: هسه اني انضفهة عمه
حمديه: ايي يمه عفيه عليج هسه اذا اكول لذنيج مية سالفه ايطلعن
.
فدك
رحت للحديقه جبت المكناسه ورجعت كنستهة ونضفتهة كلهة ومسحت ميوزهة وعدلت مزهرياتهة وكلساع وحده تجي لو زهراء لو مريم اذب كلمه وتروح واني مطنشه الوضعيه لحد ما حيدر وابو اجو
.
.
فدك: الله يساعدكم
سلام: هلا بنيتي
حيدر: هلا يروحي
.
رحت جبت ماي لابو حيدر شفت حيدر مو يمه وسالته
.
فدك: جاا حيدر وين راح؟؟
سلام: راح لداره فوك
فدك: هاا شكرا
.
.
فدك
صعدت لحيدر واني مفوله دخلت الغرفه وسديت الباب
.
حيدر: اشبيج
فدك:(واني متروسه اعيوني ادموع وضايجه كتله)اشبيهه اسال نفسك
حيدر: شنوو شمسوي انيي احجي
فدك: انته كايل لمريم وزهراء عن علاقتي بكيان
حيدر(بعيطه):انجبيي ولصميي حلكج
فدك: لتعيط لعد اشعرفهن
حيدر: شحجن كولي
فدك: الصبح كله يحجن عليه ويغلطن وحجي موو حلوو يكولن
حيدر: شيحجنن
فدك:(ابجي) ايكولن عود اني جنت ناصبه عليك وعله كيان
.
.
.
يتبع في البارت القادم🥀🤍
انتضروني ابارت جديد❤😊🦋