عشكَ عيون الملازم

البارت 51

.
السلام عليكم❤❤
.
رجعت وياكم ابارت جديد اتمنه الكل يعجبه ويخلي لايك لا تقره وتروح🥺❤
.
.
مع تحياتي الكاتبه: ضحى الطائي🥀
.
.
.
اتركم ويه البارت حبايبي❤❤
.
.
~~~~~~~~~~~~~~~~~~~~~~~~

تلاويني بشوفتك بنضراي
تلاويني
شكثر مشتاك لعيونك بيهن تراويني
وتراويني
وشكثر مشتاك لصوتك بي تكلمني وبمحنيتك تحاويني
🥀🥀❤
.
.
__________________________________

.
فدك
حيدر وخر مني وراح لابو كض ايده وباسهة وباس راسه وكال
.
حيدر: اسف بويه عذرني ادري بيك زعلان مني ومطاق اشوفني بس بعد هاذ قضا الله وقدره
سلام: موش انه الي تعتذر منه يا ابني روح لأمك وعتذر منهة
حيدر: اني مراضي امي من قبل بس تلل هسه هم راح اروح وعتذر منهة تأمر
.
حيدر
كمت ورحت لامي كضيت ايدهة وبستهة وبستهة من راسهة
.
حمديه: الله يرضه عليك ابني
حيدر: اعتذر يمه سامحيني بسببي سلبت منج رجليج
حمديه: يبقه العتب مو عليك وليدي معذور
حيدر: شكرا
.
حيدر
وكمت وباوعت لفدك احسهة فرحانه واني هم فرحان كلش بعائلتي كلهة حوالي بسلام
.
فدك
رجعت كعدت عله التخم ومريم كعدت ابصفي وكالت
.
مريم: اي خويه عله هاي المناسبه الحلوه متحب تعزمنه عله شي اجيبلنه شغله تعرف حته نرضه عليك اكثر
حيدر:(ابضحك)وانتي منو رايد رضاج😂
.
الكل:ههههههه😂
مريم: هسه خليك مني صح كلامي بابه لو غلط
سلام: صح ومية بالميه هم
مريم: صح لو لا فدك حبي
فدك: هوه اني ردت احجيهة وانتي سبقتيني
حيدر: هاا ولج وكفتي ضدي
فدك: اني ويه الحق ولحق مينزعل منه
حمديه: ايي والله اني هم اوافقكم الرأي
حيدر: مو قبل ساعه جانت عدنه عزيمه
سلام: عادي انسوي الثانيه شكو بيهة بس من جيبك
حيدر: أمري لله شتأمرون اني حاضر
مريم: بس مو هسه اريد تره
حيدر: لعد اشوكت عيني
مريم: هسه اريد انضف البيت لان هووسه كلش شنو رأيكم عله الليل
سلام: ايي عله التعلوله
حيدر: يعني شجيب عله التعلوله
فدك: سهله ميرادلهة علم اكيد حلويات
حمديه: اي والله توكعين عله الجرح يمه صار شكثر ما ماكله كيك حاضر
مريم: اي صح جيب النه حلويات وحب وببسي وكيك ونبقه بالليل عله فلم نسهر كلنه سوه
سلام:والله اني مو من اصحاب السهر اكل غريضاتي ونام من التسعه😂
حمديه: والله نام انته اني اريد ابقه كاعده ويه فروخي
حيدر: اوكي حاضرر بالليل يجيكم كلشي تردو
.
فدك
واحنه جاي انسولف ونضحك اذكرت بنتي وحدهة بالغرفه من الوحده الضهر كبل كمت كلت
.
فدك: اني اكوم بعد
مريم: اي احس نفسي مشنجه بهل ملابس
.
فدك
كمت عفتهم يحجون وصعدت لغرفتي دخلت وسديت الباب شفت بنتي كاعده عله السرير وتلعب بالمميه لحمد لله ما ماشيه واكعه ونزعت الشال وجيت يمهة وكلت
.
فدك: يمهه حبيبه مامه كاعده واني مو يمج ياا روحيي كااعده
.
وشلتهة وهيه تضحك اتخبل وشوي ودخل حيدر وسد الباب وذب سبحته عله الميز واجه اخذ مني بنتي
.
حيدر: جيبي كنونه جيبيهة
.
حيدر
اخذت بنتي من يمهة وبستهة ورحت خليتهة بكاروكهة
.
فدك:(بتعجب)ليش اخذتهة مني ليش خليتهة بالكاروك؟
.
حيدر
مجاوبتهة وجيت وكفت كبالهة وكتلهة
حيدر: وأخيرن صرت وياج وحدنه مساعه خربوهة علينه هسه اكدر اكمل
فدك: لا طبعن اني ما اقبل
حيدر: واني مجاي انتضرج اشوكت تقبلين