عشكَ عيون الملازم

البارت 29

السلام عليكم❤😊
.
.
رجعت وياكم ابارت جديد اتمنه تعجبكم وهاي القصه عباره عن واقع حال اني عشت بي يعني تفاصيلهة حقيقيه
.
اعوفكم ويه البارت حبايبي❤🦋
.
.
.
____________________________
.
.
فدك
كعدت الصبح عله صوت المنبه الساعه ب٨الصبح خليت وكمت احس جسمي متكسر مدري اشبي عفت حيدر نايم واني كمت طلعت ملابسي من الكنتور ودخلت للحمام اسبح اشوي وطلعت لكيت حيدر كاعد من النوم وممطول ويلعب بالجهاز كتله
.
فدك: مادامك كعدت كوم اسبح بين ما احضرلك ريوك
حيدر: ما بيه حيلل اكوم هسه
فدك: لاا كوم هسه
حيدر:  ايي لتلحين هسه كايم
.
.
فدك
نشفت شعري ولميته وطلعت ملابس الحيدر عفتهن عله السرير ولبست شالي وكفت يم باب الغرفه وكلت الحيدر
.
فدك: يله طلعت ملابسك كوم
حيدر: ولج روحيي هااي كمت
.
فدك
ضحكت ونزلت رحت ابجهي للمطبخ شفت ابو حيدر كاعد وكدامه ام حيدر صبحت عليهم
.
فدك: صباح الخير
سلام: صباح النور بابه
حمديه: هلا بيج
سلام: بويه كعد رجلج لو بعده
فدك: ايي كعد هسه اشوي وينزل
سلام: ايي خوش
.
فدك
اني خليت القوري عله النار وحضرت ريوك الي ولحيدر لان عمي وعمتي متريكين همه اشوي وطلعو بقيت وحدي بالمطبخ نزل حيدر سابح ومبدل باوعتله واني فرحانه
.
فدك: نعيمن
حيدر: الله ينعم عليج
فدك: ابوك ايريدك
حيدر: ايريدني ليش؟؟
فدك: ما ادري روح وسأله
حيدر: ايي رايح وانتي صبيلي ريوك
فدك: حااضر
.
راح حيدر اني طلعت لكوابه وكلشي خليت عله الميز اشوي واجه حيدر حسيته ضايج كتله
.
فدك: هاا شراد
حيدر: متصلين عليه من الشغل كايليله خلي حيدر ايداوم بعد
فدك: ايي صح من عرسنه وانته ما مداوم
حيدر: ايي صدك عكب باجر راح اروح
فدك: وشوكت ترجع
حيدر: اسبوعين ورجع
فدك: يوو اهواي
حيدر: بعد كل شهر هيج راح اصير
فدك: الله يصبرني بغيابك بس
حيدر: ليش مو عدج مريم اختي حسبيهة انيي🌝
.
فدك
باوعتله وضحكت وهوه ضحك وياي وخلصنه ريوك حيدر اتصلو عليه كال راح اروح للجماعه بالمزرعه وراح اني كمت شلت لماعين خليتهن عله السنك ومسحت الميز وغسلت لماعين كلهن واني خلصت تنضيف ردت اطلع من المطبخ لاكتني زهراء وكالت
.
زهراء: هاا صباح الخير
فدك: (اتعجبت اول مره وكتلهة)صباح النور
زهراء: متريكه
فدك: ايي هستوني خلصت
زهراء: هاا عود كلت اتريك وياج
.
فدك: باوعتلهة واني ما مصدكه
زهراء: يعني كلت عله الواهس سوه ناكل
فدك: انشاء الله بغير مره
زهراء: انشاء الله
.
فدك
خليت ورحت لغرفتي صعدت عزلته ونضفتهة كلهة صارت بال١٠ ونص الصبح نزلت علمود احضر غده بعد رحت لغرفه عمتي اعرف بيهة وحدهة عمي طالع دكيت الباب
.
حمديه: دخلي يمه
فدك: هلو عمه
حمديه: هلا بيج يمه
فدك: شتحبين اسويلكم غده
حمديه: لا لسوين شي اني اريد اطبخ اليوم
فدك: ليش خلي اني اسوي
حمديه: لا مشتاقه للطبخ فدوه
فدك: اوكيي عله راحتج رايحه انيي
.
.
فدك
رحت طلعت للحديقه اباوعلهة نضيفه كلشي ما بيهة اجت مريم من وراي جنهة سعلوه
.
مريم: هاا شعدج اهنا
فدك: هيج طلعت اشم هوه
مريم: ليش خلص الاوكسجين جوه
فدك: شعليج هسه انتي
مريم: ايي صح شعليه
.
فدك
درت وجهي منهة ودخلت للبيت خنكتني مريم من اجت خليت وصعدت لغرفتي ما عدي شي نزعت حجابي
وكعدت عله السرير وكلت لروحي
.
فدك: خلي اكوم اطلع ملابس حيدر وحضرله غراضه عكب باجر راح ايروح للشغل احسن
.
كمت طلعت كل الغراض اليحتاجهن حيدر كالي بالليل الي يحتاجه وطلعتله وطلعت ملابس شغله وضميتله ملابس بالجنطه اله
حيدر اتاخر ما اجه لل٦المغرب واني كاعده بالغرفه مطلعت ابد منهة لان ام حيدر راحت لبيت اختهة والبنات الجوه ما اطيقهن بقيت بغرفتي
.
.
حيدر
رجعت من المزرعه الساعه بال٦المغرب دخلت للبيت فتحت الباب بالمفتاح البيت هادأ كلش ماكو صوت طلعت ابجهي مريم كتلهة
.
حيدر: جا وين الباقين
مريم: امي ابيت خالتي وزهراء بالغرفه ومرتك حابسه نفسهة بغرفتهة مشفتهة
حيدر: هاا يله باي
.
صعدت للغرفه فتحت الباب لكيت فدك مدده عله السرير وندارت عليه من فتحت الباب وعدلت نفسهة وكعدت عدل واني سديت الباب
.
فدك: ياا هلا بكلبي
حيدر: هلا بيج عمري شو كاعده وحدج
واجيت كعدت عله السرير كدامهة
فدك: امك ما موجوده وتعرف علاقتي بالبنات اشلونهة اخاف انزل ويسولي مشكله فبقيت وحدي احسن
حيدر: الله كريم يتحسنن ويه الايام
فدك: نشاء الله وطلعتلك ملابس وحضرت غراضك كلهن مال شغل
حيدر: اخخخ يالشغل راح ما ارجع اسبوعين
فدك: راح اسكن بس بالغرفه بعدك😅
حيدر: لا ليش انزلي وطنشي ذن ابقي بس ويه امي
فدك: ايي اني لازم اقوي علاقتي بخواتك
حيدر: عفيه عليج كلبي
فدك: متغدي؟؟
حيدر: ايي لحمد لله
فدك: خووش
.
حيدر
انمطلت عله السرير ابصف فدك وكضيت خصله من خصل شعرهة وكتله
.
حيدر: انتي مو صايره حلوه شنو السبب لكل هل حلا
فدك(بضحكه خفيفه):لا اني هيج من قبل
حيدر: هاا يعني مراشين عليج شكر
فدك: ههههه لا مراشين😂
حيدر: تعالي نامي بصفي مادام بعد يوم راح اروح ومشوفيني بعد اسبوعين يله
فدك: واذا ما اجي
حيدر: غصبن عنج اكيد
فدك: هااا
حيدر: والله
.
فدك
ضحكت وجيت انمطلت ابصفه وبقينه.......
مر الوقت واجه ثاني يوم واني ضجت لان راح ايروح حيدر من اول مكعدت ادعيله بان يرجع بسلام وكون ربي ايحفضه من كل شر لان القبله راح وما رجع واني بدون حيدر ما اكدر بعد
واني بالمطبخ جاي احضر غده اجت مريم سالتني
.
مريم: هاا انتي اهنا
فدك: يعني اشجاي اشوفيني وين
مريم: عله كيفج ليش مطنكره
فدك: اذا ماعدج شي فعوفيني مالي خلك
مريم: اجيت اسال سؤال
فدك:( انداريت عليهة وكتلهة) ايي تفضلي
مريم: حيدر باجر رايح للشغل مو
فدك: ايي فيعني تكدرين اتفكرين من هسه لباجر شسوين من مشكله وياي
مريم: هم صح خوش فكره
.
فدك
طنشتهة وخلصت طبخ وهيه واكفه يم الميز وتاكل عنب ومدري اشتكرك ابصوت ناصي عليه اني مهتميت اجت ام حيدر
.
حمديه: هاا يمه خلصتي طبخ
فدك: ايي كلشي مخلصه بس راح اطلع لماعين
حمديه: ايي ومريم انتي حضري فواكه يله
.
حضرت مريم فواكه وجت زهراء وصبيت غده ودينا للصاله كلشي مناقص اني صعدت لحيدر للغرفه اريد اصيحه عله الغده فتحت الباب ودخلت شفت حيدر كاض الجهاز واكف يم الميز وصافن بالجهاز
.
.
حيدر
واني كاض جهازي صافن بصوره اني وكيان كاصيهة والدمعه بعيني اذكر ايامنه ولا يوم هوه عايفني دومه وياي وقت شغلنه جان سوه اروح ونرجع ابنفس اليوم هوه جان اخويه لكبير وصديقي واكثرر ومصحاني غير صوت فدك
.
فدك: حياتي حيدر
حيدر: ها هاا فدك
.
فدك
اجيت وكفت يمه وهوه كبل مسح ادموعه وسد الجهاز وكتله
.
فدك: اشبيك شصاير
حيدر: لا ماكو شي كلبي
فدك: شكو بالجهاز بجاك
اني كل تفكيري صار بانو عده حبيبه ومكدر ياخذهة ابسببي
.
حيدر: لا بس هيج اذكرت شغله
فدك: كوول شنو
حيدر: لا يروح بالج ابعيد بس اذكرت اخويه لتوفه
وفتحت الجهاز كدامهة وشوفتهة الصوره الجنت اباوعلهة
.
فدك
فتح الجهاز كدامي وشفت صوره اله ويه كيان واني كبل خذيت الجهاز وسديته وكتله
.
فدك: الله يرحمه لتضوج كل واحد حد يمه ويله تعال انزل خلي نتغده
حيدر: (ضحكت ابجهة وكتلهة) اي حبيبتي نازل
.
.
رحت نزلنه اني وحيدر ورحنه ادغدينه وخلصنه كمت اني والبنات لمينه السفره  كلهة اني بقيت بالمطبخ عزلته وغسلت لماعين كلهة وجلفت الطبخ ومخليت ايشي ورحت كبل من التعب صعدت للغرفه بسرعه اريد بس اروح انام ورتاح دخلت للغرفه شفت حيدر ايدرو بالكنتور اني سديت الباب ونزعت حجابي واجيت يمه وكتله
.
فدك: اشجاي ادور؟؟
حيدر : اشوف خاف شي ناقصني لباجر
فدك: لا كلشي حضرت
حيدر: متاكده مناقص شي
فدك: لا مناقص
حيدر: لعد هاي شنوو
.
فدك
وطلع من الكنتور نستله وهوه يضحك اني ضحكت وكتله
فدك: هااي الي
حيدر: لا روحي نزليهة لمريم
فدك: لاا الليي
حيدر: اكييد الج كلبي انتي
.
فدك
ضحكت من فرحي وحضنت حيدر وهوه حضني حيل وشالني
حيدر: واوكعج
فدك: لا لا تره اتاذه
حيدر: عادي طبج مرض
فدك: شوو وخر مني وخرر نزلني
.
حيدر
نزلتهة واني ميت ضحك عليهة وكتلهة
.
حيدر: جبانه اتخافين
فدك: لاا ما اخاف انيي
حيدر: جذاابه
.
حيدر
كبل كضيتهة من وجهة وبستهة حيل من شفايفهة وموخرت منهة اريد ابقه منا لباجر بهاي الحاله راح واشوي وخرت منهة وكتلهة
.
حيدر: راح اشتاقلج كللش
هيه رادت اتوخر مني وتروح كضيته كتلهة
.
حيدر: وين ليش رايحه
فدك: اريد ابدل ملابسي مضايقه بذن
.
حيدر
اني طبكتهة ويه الكنتور ورجعت بستهة
.
.
وصار الي لازم ايصير
.
.
اجه الليل واني مجايني نوم حيدر نام بقيت لل١ونص كاعده وما احس عله نفسي اله نمت
.
.
حيدر
فزيت عله صوت المنبه مالتي فتحت الجهاز شفتهة الساعه ب٣ الفجر فركت اكيوني بادي ونداريت لكيت فدك نايمه ابصفي كلت خلي اكعدهة قبل لا اروح احسن
.
حيدر: فدك فددك حبيبتي
فدك: (بنعاس)هاا شكوو
حيدر: حبيبتي شو كعدي
.
فدك
فتحت اعيوني كوه وباوعتله وكتله
فدك: هاا ليش مكعدني
حيدر: كومي راح اروح للشغل
فدك: يوو نسيت خلي اكوم اسويلك ريوك
حيدر: لا ابقي اشوي يمي
فدك: حياتي لا تتاخر
حيدر: لا عادي اي وقت
فدك: خلي اكوم وانته حضر نفسك
حيدر: اوكي كلبي كومي
.
فدك
كمت بدلت ملابسي وغسلت وجهي ونزلت حضرت ريوك لحيدر وهوه اشوي ونزل سابح ولابس لبس الضابط ربي ايحفضه ايخبل طالع ضحكت ابجهة وهوه مبتسم وكعد اتريك اني متريكت لان ما اشتهي هوه خلص وكام اني شلت الماعين خليتهن عله السنك وحيدر فرج اسنانه ونزل وهوه شايل غراضه وراح طلع للكراج وشغل سيارته اني اجيت يمه ومبتسمه ابجهة وهوه كاعد بالسياره وفاتح الباب وكالي
.
حيدر: فدوه اروح لهل ابتسامه
فدك: انشاء الله ترجع بالسلامه يا رب
.
فتحت الباب حته ايطلع السياره طلعهة وراح واني رجعت لغرفتي وكلبي ويه حيدر راح حيل خفت عله بس اني اعرف شغله ما بي خطر بس هيج اني صار بيه
.
.
.
يتبع في البارت القادم❤😊
احبكم