عشكَ عيون الملازم

البارت 28

السلام عليكم❤🦋
.
.
رجعت وياكم ابارت جديد حبايبي التفاصيل كلهة مكتوبه اتمنه تعجبكم القصه عباره عن واقع حال صار وياي❤😊
.
.
.
اتركم ويه البارت❤🥀
.
.
_____________________________
.
.
فدك
كعدت الصبح فزيت عله حركه ابصفي باوعت عله حيدر لكيته كاعد عله السرير وكاض ايده المكسوره وكتله
.
فدك: شنوو اشبيك ليش كاض ايدك
حيدر: صباح الخير
فدك: صباح النور بس اشبيك
حيدر: كعدت الصبح لكيتني نايم عله ايدي وجاي توجعني
.
فدك
اني كبل كمت كعدت ابصفه وكضيت ايده وكتله
.
فدك: خوما صارلهة شي
حيدر: لا لا بس توجعني
فدك: وهسه اشلون
حيدر: انتضرهة تصير زينه
فدك: ليش متروح لدكتور خلي ايشوفهة
حيدر: ولج كلشي ما بيهة بس اشوي توجعني
فدك: انشاء الله زينه
حيدر: ايي زينه لتخافين
.
فدك
باوعتله واني رافعه حاجبي وهوه كاض ايده ويباوعلي وكالي
.
حيدر: عمه بعيونج كون
فدك: يوو اشبيك
حيدر: انتي اشبيج صافنه عليه
فدك: هيج عاجبني
حيدر: اعميهة لعيونج اذا اتباوعيلي مره ثانيه
فدك: لا والله
وفتحت اعيوني عليه حيلل
حيدر: وسم اي والله شوو رديي نامي ردييي
فدك: ما اريد
حيدر: طبج مرض اني راح ارجع انام
.
فدك
ودار وجهة مني لان نام عله صفحته اليمنه لان ايده اليسره مكسوره
اني شفت الساعه بال٦وربع الصبح خليت ورجعت نمت اني هم لان بعد وكت كلش وما عدي شيي
كعدت ب٨عله صوت المنبه زكمت طلعت ملابس من الكنتور والمنشفه ودخلت سبحت وره ما طلعت شفت حيدر بعده نايم اني نشفت شعري بالمنشفه ولميته وخذيت شالي ونزلت ابجهي للمطبخ شفت ام حيدر كاعده تتريك
.
فدك: صباح الخير عمه
حمديه: صباح النور هلا ابنيتي
فدك: اشعجب اليوم تتريكين وحدج شنو ما متريكه ويه عمي
حمديه: عمج صايم اليوم
فدك: ليش صايم
حمديه: علمود حيدر لان اتاذه
فدك: هاا خطيه
حمديه: ايي خايف عله ابنه علمود حيدر صام
.
فدك
هيه تحجي وياي واني جاي احضر ريوك لحيدر ومخلبه القوري عله النار انقهرت عليهة لان تحجي ابخنكه اتحب حيدر كللش ومقهوره عله الصار وياا واني اشوي وكمت رحت صعدت علمود اكعد حيدر فتحت باب الغرفه شفته كاعد كتله
.
فدك: هاا كاعد
حيدر: لا بعدني بالحلم
فدك: هههه لا هاي كاعد😂
حيدر: ايي شتردين
فدك: حضرتلك ريوك
حيدر: ايي اجيت
.
فدك
اني نزات ونزل وراي حيدر ورحنه للمطبخ دخلنه هوه كعد واني صبيت النه ريوك وكعدنه نتريك اني وحيدر  اجت مريم وكفت اباب المطبخ وكالت
.
مريم: صباح الخير
.
فدك
ردينه اني وام حيدر حيدر ما رد عليهة وهيه راحت عله السنك رادت ادغسل حيدر كاللهة
.
حيدر: ايي مريم شنو اخبار الدشداشه
مريم:باوعته وكتله ماا يوخر الصبغ جا شسوي
حيدر: خوش يمه عود اطيني ٣٥ الف من مصروف مريم
حمديه: ليش؟؟
حيدر: مريم كالت اذا ما كدرت انضفهة اخذ سعرهة من اميي واني اطيهة افلوس
حمديه: ما عدي هسه عود بالليل
حيدر: اوكي انتضر قابل اشعدي
.
فدك
اني اباوع لحيدر اشلون يحجي وشلون مريم تطي نضرات اله وتهز بأيدهة واني كوه حاصر ضحكتي وما اضحك
.
مريم: ما اريد حته ريوك دكطعون النفسيه
حمديه: طبج مرض
حيدر(بضحكه عاليه):هههههههههههااي حييللل😂
مريم: خلي اروح احسن
.
وراحت
حمديه: وانه اكوم بعد اشوف ابو حيدر
حيدر: الله وياج يمه
حمديه: ايي طرد بيه طرد
حيدر: هسه بس روحي😂
.
وضحكت ام حيدر وراحت اني كمت ردت اشيل لماعين حيدر كضني من ايدي
.
فدك: اشبيك
.
حيدر
كبل كمت من مكاني وبستهة من شفايفه وخرت ابسرعه وكتلهة
.
حيدر: يله باي
.
فدك
اني متعجبه من السوا وهوه كبل راح ضحكت وهزيت ايدي عليه وشلت لماعين خليتهن عله السنك اريد اغسلهن عزلت المطبخ كله وغسلت لماعين ونضفت الطباخ وخلصت واخيرن شهل مطبخ كوه يتنضف اذكرت جنت يم بيت اهلي اذا اغسل الماعين مالت العشه اخبصهم خبص اذا واحد كومني بعد وهسه من تنضيف المطبخ للكنس ومن الكنس للمسح هنوب اصعد لغرفتي واسوي غده والعشه اني وعمتي وبيتهم اكبير كلش طابقين ويتعب لبين ما اخلص مرن اربع ايام طبيعيات ما بيهن اي مشاكل وحيدر بعده ميتقربلي لان خطيه كليوميه بالليل ايده ادكوم توجعه اني ابقه كاعده ويا واضحكه واشاقه ويا علمود ينسيهة وبعد اربع ايام واني جاي انضف الحديقه دك الباب
.
فدك: منوو
الحجيه: فتحيي يا بت سلام
فتحت الباب اذكرت الحجيه الشفتهة ابصبحيتي بس اتخزر بيه
.
فدك: هلوو يمه شلون
الحجيه: هلا بيج يمه انتي مرت حيدر موو
فدك: ايي يمه
الحجيه: خلصي البيدج وتعالي بسرعه اريد اشوي اسولف وياج
فدك: حاضرر
.
راحت دخلت عمتي اتلكتهة ودخلتهة واني رجعت خلصت تنضيف الحديقه وغسلت الطرمه ابسرعه ورحت للديوانيه شفتهن كاعدات الحجيه وام حيدر دخلت كعدت يم ام حيدر
.
الحجيه: هاي اشلونهة البت خوما متعبتكم بالبيت
حمديه: لا ما شاء الله عليهة كللش حبابه وشاطره ونضيفه وصخوره
حجيه: عفيه عفيه وشلونهة ويه رجلهة
حمديه: يوو غير حيدر ايمووت عليهة وروحي دخلي غرفتهة تلمع العطر ايجنن
الحجيه: اي هسه اشوي واصعد اشوفهة
.
فدك
اني بس كاعده وصافه عليهة فتحت محاضره تحقيق ويه عمتي شنو متحلفتلي جايه 😂😂
.
الحجيه: وانتي يمه شسمج
فدك: اسمي فدك
الحجيه: ياا بعد كبيدي ذكرتيني بخيتي الله يرحمهة جانت خووش مره ماتت عائلتهة واحد واحد
حمديه: الله يرحمهة اي والله
فدك: الله يرحمهم
الحجيه: يمه ما صار عدج شي حامل ولو اشوي
فدك: لا والله بعد
الحجيه: راجعتي لو كاعده
حمديه: شسالفه يا حجيه تره هستوهة راح ايصيرلهة شهرين وهيه اصغيره عين النبي عليهة تلحك وداعتج
الحجيه: يوو ولج يا ام حويدر ما تردين خلفه لوليدج
حمديه: اكيد اريد بس يعني كلت بعد وكت عله المراجعه خطيه اشو اشوفهة اصغيره ونقهرر عليهة
الحجيه: لا لا ما مقبوله منج اتراجعيلهة براس هاذ الشهرر خلي انشوف خلل من يمهة من ابنه
حمديه: صاار انشاء الله
.
فدك
واني اكول لروحي يا مراجعه واني وحيدر بس بينه البوسه 😅
اشوي وكالت الحجيه اريد اشوف غرفتهة وكامت واني وياهة وام حيدر صعدتهة لغرفتي فتحت الباب الهة حير ما موجود طالع وهيه دخلت بنص الغرفه وكالت
.
الحجيه: ما شاء الله عله النضافه
حمديه: موو كتلج نضيفه
الحجيه: والله خوش عرفتي تختارين يا ام حيدر
حمديه: اييي لحمد لله
.
فدك
باوعت بكل مكان خاف اكو وصخ اشوي بس ما لكت وفتحت الكنتور كالت خاف الملابس هوسه بس شافتهن كلشي معزل ومرتب وملابس حيدر معلكتهن بي ورجعت طلعت من الغرفه نزلت
.
الحجيه: يله اني بعد اروح بعد لبيتنه
حمديه: بس عليج الله دوم تعالينه
الحجيه: ايي اكيد
.
فدك
راحت بعد ما جيكت عله كلشي بغرفتي بس لحمد لله اني منضفه ومعزله كلشي ورحت للمطبخ اريد احضر للعشه شفت زهراء كاعده وحدهة وصافنه دخلت اني مكلت شي وهيه حجت
.
زهراء: فدك
فدك: (انداريت عليهة وكلت )هاا
زهراء: جان اخويه حيل ايحبج
فدك: اجلي مشاكلج فدوه مالي خلك
زهراء: والله فدك مو مشكله بس اريد احجي اشوي وياج عله اخويه لان مشتاقتله
فدك: ما عليه
زهراء: زين بس اريد اسامحيني
.
فدك
اتعجبت ونداريت عليهة وفتحت اعيوني وكتلهة
.
فدك: عله شنو؟؟
زهراء: صدكي بس انجبرت ''''
.
رادت اتكمل حجي ومريم كبل دخلت عاطت بيهة
مريم: زهرررااء
.
زهراء كبل كامت وكالتاهة
.
زهراء: محجيت شيي لتعيطين
مريم: جان شكيت حلكج
.
فدك
اباوع عله زهراء انترست اعيونهة ادموع وراحت ابسرعه طلعت من المطبخ ومرم باوعتلي وكالت
.
مريم: عابت نوب مكيفه
.
اني مجاوبتهة بس هزيت ايدي عليهة ودرت وجهي وهيه طلعت من المطبخ واني حضرت عشه وسويته منا لل٧بالليل سمعت صوت حيدر اجه وكبل ركضت شفته شايل الجبيره من ايده بس معلكيهة بركبته هوه بقه واكف بالباب مالت الطرمه وابو دخل واني واكفه كدامه يم الدرج بعيده عليه وهوه اشرلي بايده بمعنه تعالي
اني كبل حيل فرت ورحت ابسرعه وكفت يمه وهوه كضاني من راسي وحضني وكال
.
حيدر: خوما ضوجوج
فدك: (رفعت راسي عليه وخرت من يمه وكتله)لا محد ايضوجني مادام هل اعيون الحلوه عايشه
حيدر: كلبي انتي
فدك: لحمد لله لان شلت الجبيره
حيدر: ايي لحمد لله اليوم احرر الموصل بيج 😁
فدك(بضحكه):ههههه دتعال طب للبيت هسه 😅
حيدر: وين اشردين مني صار شهرين منتضر هل يوم عله ناار
فدك: راح اتخليني اغير رأيي
حيدر: لعد اليوم فرشي بالحديقه ونامي احسلج اشردي من لساني
.
فدك
ضحكت ودخلنه للبيت حضرنه عشه اني ومريم وزهراء واني واكفه جاي اصب بالماعين جان مريم مرت من يمي وداست عله رجلي مردته مرد طفرت من الوجع
.
مريم:بدون ما ادري
فدك: نعله عله بليسج اذيتيني
مريم: لسويهة قصه منشلعت رجلج
.
طنشتهة وعفتهة ما اريد اسوي وياهة مشاكل خلصت تحضير وياهن ورحنه كعدنه اتعشينه كلنه التمينه اتعشينه وخلصنه لحمد لله كامت عمتي واني كمت شلت الماعين وديتهن للمطبخ جان ام حيدر كضتني وكالت
.
حمديه: السبوع الجاي اخذج اتراجعين دكتوره
فدك: دكتوره شنو
حمديه: مال اطفال صدك خلي اصيرلج خلفه احسن
فدك: بس بعد وكت
حمديه: لا هاهيه
.
فدك
وخلتني كبل وراحت زين شراجع عله شنو وشكول للدكتوره شديت بلوتوث ويه حيدر 😂
بس الله كريم بعد
لمولي كل لماعين واني نضفت المطبخ ابكامله وغسلت لماعين طلعت من المطبخ اريد اروح بعد اصعد لغرفتي شفت الساعه صايره ٩وخمسه بالليل اتعجبت شبسع صارت هيج الساعه خليت وصعدت للغرفه دخلت وسديت الباب شفت حيدر كاعد عله السرير امكنك اني نزعت حجابي ورحت خذيت ملابس من الكنتور رحت للحمام بدلت لبست دشداشه قصيره كلش حلوه وطلعت اجيت عله الميز فتحت شعري عله طولي وخليت اشوي مكياج
.
.
حيدر
واني صافن عليهة اشلون فاتحه الشعر اسود ايخبل ورجليهة طالعه ايجنن وهيه اتخلي مكياج كمت عله حيلي رحت وكفت وراهة ويه كامت من طبله مال ميز التكعد عليهة وندارت عليه فاتحه اشوي اعيونهة ايخبلن سود ليل ضعت بيهن الشفايف تفاح احمر وهيه كالت
.
فدك: ليش وكفت وراي
حيدر:(اني كضيت شعرهة وصافن عله تفاصيل وجهه وكتلهة)مستحيل هل ليله تخرب واذا رادت تخرب اني مراح اخليهة عصبن عنهة اتمر حلوه
فدك: انشاء الله
.
حيدر
كبل شلتهة واني اباوعلهة وخذتهة للسرير كعدتهة ابنص السرير وهيه ساكته مكالت شي واني كعدت مقابيله هيه رجعت اليوره ارتاجت واني اتقربت عليهة وبستهة
.
.
وصار الي لازم ايصير
.
.
.
يتبع في البارت القادم ❤😊
احبكم🦋🤍