ذات عيون الريم🍷مكتملة🍷

🍷الجزء 1🍷

✨🍷الجزء الأول🍷✨
❤🍷ذات_عيون_الريم🍷❤
Hermosa El & Nour Qamar

في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

من نهار تزادت تلقبات بعيون الريم عينيها حكاية خلات كل من شافها يتيه كل من شافها يبغيها ليه ولاكن هي كانت مصرة متاخد إلا لي بغا خاطرها وارتاحت ليه

جوايه الخمسة ديال الصباح كانت
نازلة بالشوية فالدروج باش ما تفيق حد كل خطوة كديرها كضور فيها عينيها لايكون ناض شي حد مني مالقات حد كملات فطريقها تال الكوزينة غير وصلات ليها شعلات الضوء وردات الباب وراها مشات نيشان للسرجم لي فالكوزينة حلاتوا حتى ضربها نسيم الهواء دالصباح فوجها حلات عويناتها فالسماء عيونها لي كيشبهوا لعيون الريم عوينات كبار مشفرين لونهم خليط ما بين العسلي والأخضر......

تنهدات ورجعات سدات داك السرجم حلات البلاكارات وبدات كتجبد فداكشي لي غيخصها باش توجد الفطور قبل يفيقوا مالين الدار هادي عادتها كتحماق على شي حاجة سميتها الكوزينة كون تصيب ضل فيها
دارت زيف حياتي على شعرها لي مشدود بمقبط وبدات تقاد فالمسمن والملاوي ماجات فين توصل
7
دالصباح حتى سالات طفات الريشوا غسلات يدياتها المزيتين بالصابون مسحاتهم وحطات جوج طباسل كبار واحد فيه الملوي ولاخر المسمن عمرات برارد ديال أتاي بالنعناع وجوج برقان دالقهوة حطات بلاطويات فيهم الكيسان وحلات التلاجة كتجبد فالكيكات والعواصر لي قادات البارح فالليل
حلات الباب دالكوزينة وخرجات منها غادة للصالة بهدوء دخلات ليها وحطات الصينية ورجعات كتجيب من الكوزينة وتحط فيها حتا عمروا الطبالي بجات لي فالصالة أشمنك أحلاوي بغرير كيكات لي تشهات خاطرك ناهيك على الصالة لي كانت بفراش تقليدي مميز تبغي غا تجلس فيها وتبقا غا تفرج فحيوطها عدلات كولشي فبلاصتوا ومع ضارت حتى كتجي عينيها على مرأة كبيرة شوية فالسن مبتاسمة ليها بحب
&&&&
:
صباح الخير

&&&&
:
صباح النور العمر
(مشات حتا لعندها وباستها من راسها ونطقات)
كي صبحتي ؟؟؟؟

&&&&
:
بيخير أبنتي ونتي؟؟؟؟

&&&&&
:
لاباس افردوس
(قبل ترد عليها مشات لجيهة الدروج طالعة بالزربة خلات مها متبعة ليها العين وتبسم مشات حتا لجيهة الدروج ونطقات شوية بالجهد باش تسمعها )

فردوس:بلقيس بنتي ماتعطليش
(بلقيس من الفوق)
:
واخا أماما

(دخلات لبيتها وسدات الباب وراها وبدات تنصل فالبيجامة حتى بان جسمها الممشوق كانت رقيقة شوية الصدر متوسط الحجم وشوية دليهونش خارجين من الجناب
نزلات عينيها مع لحمها البيض شافت فراسها كي ضعافت وهي تنطق بنفخة
بلقيس:ويلي كي وليت هاد بومزوي ما غيخلي فيا غا لي نسا
(جرات للماريوا ديالها جبدات بوي فراند وقاميجة بيضة قصيرة من القدام وطويلة شوية من اللور لبساتهم بالخف ومشات قدام المراية رشات من ريحتها وهزات ساعة مدهبة لبساتها طلعات بيديها تال شعرها وحيدات المقبط حتا طاح شعرها على كتيفاتها مسرح هزات مشطة وسرحاتوا بالزربة كان فايت الكتاف بشوية ولونوا قهوي غامق مادارت والوا لشفارها قليل فاش كدير ماسكارا حتاش كتخافهم يطيحوا ليها كتافات فقط بعكر لفمها وضارت كتقلب فداك البييت على شي حاجة نزلات فوق الزربية على ركابيها كطل تحت السرير حتا بانت ليها صندالتها البيضة العالية وهي تجبدها لبساتها بالزربة فرجليها هزات صاكها فيديها حلات باب البيت ونزلات كدردك مع الدروج عارفة كولشي غيكون فاق دابا

في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

بلقيس الأحمدي الحفيدة الصغيرة لعائلة الأحمدي ذات
24
سنة من عمرها هي مدللة والديها وهي الوحيدة عندهم واخا تزادت فالعروبية لي معروف على بناتها غير كيوصلوا ل 18
عام وكيتزوجوا متزوجاتش وكذالك متخلاتش على قرايتها وعائلتها كانوا أكتر المساندين ليها هي حاليا محاسبة فواحد الشركة دارت ديبلوم الكونطابيليتي وديبلومات خرين وهوما باش خدمات وما إن خدمات شرا ليها باها طونوبيل باش تولي تمشي بيها لخدمتها

عائلتها من الناس لي لاباس عليهم فهاد العروبية عندهم البلادات غا هوما عايشين مجموعين من الجد للحفيد بعاد على الصداعات الخاوية وخاطيهم النفاق والغدر كل فرد من العائلة كيبغي الخير للاخر وبلقيس هي حفيدتهم المددلة تقيسهم فكولشي إلا فيها هي
وصلات التحت وهي تقاد وقفتها لاحت شعرها ورا ضهرها بدلال وتمشات بخطوات هادئة كتعامل بالصواب والآذاب دخلات عليهم بوجه مبهج حتا نطق عمها بتدليل
عبد الحفيظ:عوينات الريم ؟؟؟
(تحنات باست ليه يديه ونطقات)
:
عمي كي صبحتي؟؟؟؟
عبد الحفيظ:الحمد لله أبنتي ونتي بيخير؟؟؟؟؟؟
بلقيس:بيخير أعمي
(دازت عليهم كاملين بالسلام حتا وصلات لعند جدها باست ليه يديه وهو غير كيعنق فيها غا معزها عليه دازت لجداتها تا هي باستها وجلسات وسطهم جوج شيوخ الجد عندوا
97
عام
ومرتوا
86

نطق الجد موجه كلاموا ليهم
الجد:قولوا بسم الله
(بداوا يفطروا فهدوء مكايناش الهضرة وسط الماكلة كانت عائلة متفاهمة مكونة من الجد ومراتوا وتلاتة ولادهم وعيالاتهم عبد الحفيظ عندوا جوج ولاد الكبير عندوا
40
والصغير
35
بجوجهم مزوجين والعم التاني لي سميتوا صالح حتا هو عندوا جوج بنات وجوج ولاد تاهوما مزوجين والصغيرة فبناتوا عندها
29
و الصغير فولادوا عندوا 34

أما الصغيرفخوتوا ولي هو نفسوا بابات بلقيس سميتوا عزيز رزقهم الله هو وفردوس ببنوتة وحدة نورات حياتهم وزيناتها بعد إنتظار طويل دام لمدة
15
عام
عياوا يجريوا فالصبيطارات والوا حتا جاب ربي الفرج صبروا على بعضياتهم بزاااااف وعمر شي واحد فيهم طلب الفراق للآخر قصة حبهم معروفة فكل دار من هاد العروبية حتا ولا يتضرب بيهم المتل على طرف كل لسان

(سالات وبقات جالسة حتا ناض جدها عاد ناضت حتا هي احتراما ليه هزات صاكها ودعاتهم ومشات للحمام غسلات يديها ونزلات كتزرب فالمشية حتا وصلات للتحت حلات باب الكاراج مزيان كانوا فيه تلاتة ديال الطونوبيلات وحدة بيكوب وحدة كاط كاط ووحدة ضاسيا
مشات للكاط كاط ركبات فيها وخرجات بيها من داك الكاراج نزلات سداتوا ورجعات ركبات تاني وكسيرات شوية حتا وصلات لشي كراجات ديال البهايم والبقر شيرات لواحد الخدام كبير ونطقات

بلقيس:خالي عبد الحق (شافها وجا كيجري لعندها تبسمات ليه ونطقات )
هاد السوارت عطيهم لبابا صافي وقوليه راه مشات للخدمة

(ومآ ليها براسوا تبسمات ليه وكسيرات )

يتبع....❤✨🍂🍷