ذات عيون الريم🍷مكتملة🍷

🍷الجزء 53🍷

#الجزء 53

مسحات دموعها دغيا وهي كتسمع لمها آش كتقول ودعاتها دغيا وهي طفي التيل وسرحات بتفكيرها لبعيد كتسول فراسها وتجاوب السيد غيتزوج صافي الله يعاون خاص تشوف حياتها تاهي ياك ماخسرات والوااا لاش غتحزن عليه ؟؟؟ الأخرى عطاتوا شي حاجة بلا زواج ضحاات بأغلى ما عندها باش يكون ليها ولاكن هي ديك الحاجة بالضبط متقدش تعطيها ليه واخا تكون تموت على التراب فوقاش كيمشي ديك الحاجة واحد لي ممكن ياخدها منها وبخاطر خاطرها هو راجلها نهار تروح لداروا بلاكط وبالشان والمرشان لاطالما من صغرها وهي كتجنب أي علاقة حب مع شي دري لطالما تجنبات الرفقة السيئة لطالما تربات أحسن تربية غير باش تحافظ على شرفها وميكونش عندها أدنى شك انها فيوم من الأيام تعيش كابوس بشكل من الأشكال يخليها تفقد عذريتها

تنهدات وشافت فتيليفونها طاحت ليها واحد الفكرة فراسها وهي تهزوا دغيا  خدات نمرتوا من واحد السكرين كانت محتافظة بيه لبحال هاد اليوم ركباتها فواتساب ودخلات للديسكيصيون وبدات تكتب ليه وقلبها كيضرب كيضرب داكشي لي كتكتب ليه صعيب عليها لاكن هاكا خاص دير
وئام:"سلام خويا عيسى لاباس عليك امورك هانية مهم بغيت غير نقول ليك مبروك عليك اخويا فرحت ليكم  بزاااف الله يرزقكم الدرية الصالحة ويسهل عليكم فزواجكم الله يعاونك"

صيفطات المساج طلع ليها حال واتساب وغير بان ليها قرا المساج وطلعوا جوج شراطي زرقين وهي تخرج دغيا من عندوا ماهامهاش جوابوا حتاش لي وقع وقع واخا ماعرت آش يقول ماغيطفيش النار لي شاعلة فقلبها حيدات واتساب بمرة وكأنوا عمروا كان بلوكات الفايس ديالها والأنسطا تاهو خاص تبدا حياة جديدة وتنساه بمرة وماخاص تا حاجة تفكرها بيه عارفاه يقد يصيفط ليها فاش ترشاق ليه وهادشي لي مبغاتش هي ماشي لهاية باش يلاهي وقتوا حيدات لاكارط ديالها من تيليفونها ويديها كيترعدوا والدمعة فطرف عيونها شافت فيها شحال هي باش خدمات سنين كتيرة هادي هي باش هضرات معاه وهي لي جمعات دكرياتها كاملين ولاكن فاش الوحدة تبغي تبدا حياتها من أول وجديد وباش تنسا شي شخص خاص تمحي جميع الحوايج لي كانوا يجمعوهم بجوج ذكرياتهم محادثاتهم وهادشي لي دارت بالضبط قطعات الكارطة وسط يديها مزيان حتى مابقا فيها مايتجمع وخدات تيليفونها فورماطاتوا وهي ترجعوا لصاكها وكسيرات غادية لدارهم ويلا كان هاد الشخص لي جاي يخطبها بنفس مواصفات فارس أحلامها لي مكانوش أصلا فعيسى  أكيد غتقبل بيه بدون أي تردد والحب ضروري غيجي بعد الزواج كيف كان يوقع فالعلاقات الزوجية زمان
قبل سيمانة :

تسمع صوت الخبطة ديالهاااا فاش طاحت للأرض .. كان باقي عاطيهااا بالظهر حتا سمع صوت جسمها لي تردخ مع الارض تلفت دغيا وهو  يلقاها طايحة جرا عندهااا وبخوف تحنى عليها شدهااا من وجهها كيحاول يفيقهااا ولاكن السيدة لا  من مجيب هزهاااا بين يديه وتاجه بيها لطنوبيلتو حطهااا اللور ورجع القدام وكسيرا لأقرب كلينيك للبلاصة فاش كانو...وكل مرة كانت عينوا كتمشي للمراية يشوف واش فاقت ولالا خاف للحظة على ولدوا ولاكن غير شاف راسوا وقف قدام أول كلينيك جا قداموا وهو يطرد أفكاروا
و نزل مشا حل الباب اللورني وهزهاااا ودخل بيهااا للكلينيك كيعيط ويغوت عليهم غير شافوه الممرضات جاو كيجريو كيسولوه شنو وقع ليهاااا قال ليهم بلي كان واقفة حتا طاحت بالزربة جابو لبايص داروهاا فيه ودخلوهاااا لقسم الفحوصات وتبعهم فالحين واحد الدكتور كبير فالعمر خلاو عيسى براااا على اعصابوا كيمشي ويجي... ويديه كيترعدوا  خايف وندمان لايكون بسبابوا غيطيح ليها  الولد مرة مرة يحس بدوخة فشكل حتاش كتر شوية من الشراب ولاكن ماتسوقش بقاااا على ديك الحالة غادي جاي ويديه ورا ضهروا حتا خرجات عندو الممرضة

عيسى : ختي اش عندها ؟ولدي بيخير؟؟؟

ممرضة : الحمد لله هاد المرة دازت البنت ..تعرضات لضغط نفسي كبير داكشي باش وقع ليها هاكا وحتا الطونسيوا نزل ليها  وهادشي غيأثر سلبا على الجنين خاصهاااا ترد بالهااا لصحتها النفسية بزاف هاد الفترة حيتاش الجنين كيحس بالام ديالها وحتا هو كيتأثر معاهاااا اي حاجة كتعصبها تبعد منها  على كل حال على سلامتهاااا

عيسى : شكرااا ممكن نشوفهااا؟

ممرضة : اه تفضل راها فاقت

دخل عيسى لقاهااا كتلبس عليهااا الفيست ديالهااا باغااا تخرج

عيسى : شنو كديري راه خاصك ترتاحي

مشافتش فيه.وبكل برود نطقات

رباب : بغيت نمشي لداري

تقدم عندهاااا لقاها باقي كتعافر تلبس ديك الفيست والدوخة مازالا شادة فيها  حيدهااا ليهاااا من ايديهاااا ولبسهااا ليهاااا وهي غير ساكتة وكتشوف مقدراش تشوف ليه فوجهو ولا تنطق من بعد كاع ديك الهضرة لي سمعات منو شي حاجة فقلبهاااا تهرسات من جيهتووو سالا ليهااا ونزل عند رجليهااا باش يلبس ليها السبرديلة ديالهااا وهي بلاما تعافر معاه خلاتو يلبسهااا ليهااا حيتاش كتحس براسها فاشلة

وفجهة أخرى وبالضبط فواحد المكتب فنفس السبيطار كان دكتور لي فحص رباب نفسو صديق الاب ديالهاااا سنين من الطفولة شاف سميتها فالفحوصات وهو يتصدم مسح على راسوا بنرفزة وللحظة فكر أنها غتكون تزوجات تبسم بهدوء ودار نمرة باها وبدا يصوني عليه تواني حتا تفتح الخط

دكتور :وفين هاد الغبور ؟؟؟

رشيد (قهقه برجولية): هاحنااا غير مع الخدمة ونتاااا شنو فكرك فينااا هههه

دكتور : اسيدي مبروك عليك الحفيد واخاااا معرضتيش عليناااا العرس ولكن معليش

رشيد (بإستغراب ): اشمن حفيد ولا عريس اش كتقول؟

دكتور : بنتك رباب راه حاملة علاش مقالتهاش ليك وراه جابها  راجلها غا شوية هذا سخفانة

الدنيا ضارت بيه وهو كيسمع فهضرة الدكتور يديه بداوا يترعدوا والصدمة كسات ملامحوا قلبو دق بعنف والنفس تخنقات فيه والدم جمد فعروقوا

مقدش يجاوب على الدكتور واخا عيط ليه ما مرة ماجوج الهضرة مابقاتش باغا تخرج ليه بقوة الصدمة لسانوا حس بيه بحالا تشلل مني مالقا مايقول وهو يقطع على الدكتور
دكتور : رشيد نتااا معايااا.. الوووو

بلا كلمة بلا جوج هز سورات الطونبيل وخرج نيشان للكلينيك يتأكد ماباغيش يتيق وميقدش يتيق بيلا البنت لي تقاااا&تل حتا كبرها البنت لي عطا عليها دم عروقوا البنت لي طاح وناض معاها تكون دارت فيه هاد الحالة

قاد ليها سيور  السبرديلة ووقفها  يالله بغات تشد فعيسى باش ماطيحش حتا  كيبان ليها باها داخل متيقاتش عينيها الريق وحل فحلقها والدنيا ضارت بيها تقدم لعندها بخطوات تقيلة والدموع مزلجين فعينيها ويديه كيترعدوا كيترعدوا مازال ماستوعبات الامر حتا حسات بحنكها عواج من  التصرفيقة لي عطاها باها تسمع صداها  فالبيت كاملة غمضت عينيها ودمعة سخونة نزلات مع خدها اول مرة باهاااا يحط عليهااا يدوا من نهار حلات عينيها لدابة كانت اول مرة يحط عليها يدوا 
مقدراتش تشوف فيه ولا تبرر ليه حيتاش معندهاااا ماتقول لا باها ولا عيسى ايقد يسمع ليها

يتبع... 💔