ذات عيون الريم🍷مكتملة🍷

🍷الجزء 57🍷

الجزء 57❤🔥🔥🤍❤✨

ناض قافز من بلاصتوا والخوف بان فيه تم غادي لجهة الدروج وهي تبعوا بلقيس دغيا مخلوعة وماعارفة اش واقع ومني بان ليها هكاك عرفات شي حاجة واقعة دخلات عليه للبيت لقاتوا كيلبس عليه تجاكيط بلعات ريقها وبهدوء سولاتوا
بلقيس:عز العرب اش واقع؟؟؟
عز العرب:الوليدة ناعسة فالكلينيك
(مالقات ماتقول ليه اكتفات فقط بالصمت دخلات دغيا للدريستينغ لبسات عليها جلابة فالغرونة وصنيديلة سامبل وكلاص خلات شعرها على راحتوا وهي تخرج دغيا لبسات لأنس مزيان باش ميضربوش البرد حتاش فالليل كيتحرك البرد دارتوا فالكونة وغير هز سوارتوا وتم خارج وهي تبعوا
(تلفت شاف فيها ونطق)
عز العرب:بلقيس فين غادة فهاد الليل؟؟؟؟
بلقيس:غادة معاك منخليكش بوحدك
عز العرب:وأنس ؟؟؟
بلقيس:غادي نخليه عند بنت عمي
حرك ليها غا براسوا ونزل دغيا مع الدروج وهي تبعاتوا دقة دقة سورتات الباب وغير خرج الطونوبيل وهي تمشي دارت الوليد اللور وركبات حداه كسيرا دغيا سولها فين كاينة هاد بنت عمها قالت ليه على طريقهم صونات ليها ووصاتها تعرض ليها وغير قربوا لجهة الدار لقاتها خارجة كتسناهم وصاتها مزيان على الوليد وخلاتوا ليها ورجعوا كملوا طريقهم تا وصلوا للكلينيك مع كيدخلوا يسولوا كيعرفوا بيلا عندها عملية دابا طلعوا تاال قدام القاعة لي عطاتهم السكريتيرة   وغير قربوا ليها وهي تم جاية  عندهم رؤيا كتبكي عنقها عندوا وهو كيدوز على ضهرها وربي لي عالم بيه  بلقيس حسات بيه غير من  ودنيه لي رجعوا حمرين حمرين شافت فيها اخت عز العرب ونطقات بهدوء
....:سمحيليا ابلقيس راه العقل طاير
بلقيس:معليش احبيبة اجي عندي اجي
(جات لعندها وعنقاتها خايفة بزاااف لا تموت ليها مها وبهدوء.نطقات)
بلقيس:علاش غتفتح؟؟؟؟
رؤيا:على المرارة
بلقيس:متخافيش احبيبة مرأة عمي ديجا دارت العملية على المرارة وكولشي داز بيخير
رؤيا:ان شاء الله دوز تال ماما بيخير
بلقيس:واش غا هاد العشية لي ناض عليها الحريق؟؟؟
رؤيا:انا راه خرجت مع 6
من الليسي وفاش وصلت للدار عيت نقلب عليهم صونيت على عبد الصادق(خوهم لاخر) قال ليا بيلا فراسوا اتكون العملية فالليل وراه دخل للمغرب هو ومرتوا وبناتهم...شوية يكونوا هنا

(سكتات شوية ورجعات كملات) الخبار فراسهم من البارح غير ماعلموناش عارفين عز العرب كيتعصب وأنا ماقالوا ليا والوا
(عض على شفايفوا والزمر طلع ليه للراس كفاش خوه لي كاين فإسبانيا وصلاتوا الخبار وهو لي حداهم ماقالوهاش ليه هز راسوا لجهة باه كيبان ليه جالس وعينوا على الباب ديال غرفة العمليات تقدم لجيهتوا تا وصل  حداه سلم عليه بهدوء وجلس حداه شابك يديه مع بعضهم
وهز راسوا لباب العمليات بلقيس جلسات هي الاخرى فواحد الكرسي وعنقات عندها رؤيا لي حلفات لا هي سكتات من البكا

ريم:شكون نتا؟؟؟
(قوص حواجبوا بغضب وغمض عينيه كان يحساب ليه كولشي فالدار ضار شاف فيها دغيا وبنضرة خاطفة وغير بانت ليه صغيرة شوية وهو يعطي رجلوا للريح هي ضورات راسها لجهة السرجم بانت ليها العافية شاعلة وهي تخرج عينيها وبالزربة استنتجات انو هو مول الفعلة وبما أنها ديجا دخلات للاصال ومن الفوق معروف عليها جراية ديال الصح ماتبان ليها غير واحد الخشبة جنب الحيط هزاتها دغيا وتبعاتوا كطير هو يجري وهي تجري هو يجري وهي تجري شحفاتوا وجاتوا كيف الزاواق كطير كيجي يشوف وراه كيلقاها لاصقة فيه ضوراتوا على ديك الجردة شي تلاثة الدورات وتلفاتوا على الباب وفين جا وحتا الصور لاجا معول ينقزوا اتشدوا دغيا حتاش سريعة زادت فالفيتاس حتا قربات ليه وهي تعطيه بديك الخشبة للراس حتا بانوا ليه النجوم فالهواء غمض عينيه وحط يدوا على راسوا والدوخة حكماتوا حتى كيطيح على طولتوا جمد جمدة وحدة بلعات ريقها بخوف يحساب ليها قتلاتوا لاحت الخشبة من يديها ومع تحنات عوالة تقلبوا حتى كيغفلها بواحد البونية خلات الدم ينزل من نيفها زادها التانية والضربة لي ضربها ديال الغدر ومع داخل للاصال دقتوا جاتها قاصحة بزااااف وقبل تستوعب دقتوا حتا كان طلع فالصور ونقز لجهة الطريق هزات يديها كتقلب فنيها لي الدم نازل منوا شلال مبغاش يحبس بلعات ريقها ونطقات بتوعد
ريم:لابقات فيك الكلب راني مانسواش راني حفظت فورمتك  .الحمار..

ريم قدسي البنت الصغيرة فالعائلة كاملة شخصيتها مختالفة على الكل غامضة شوية من داك النوع القراي لي متفرطش فقرايتها واخا ماعرت اش يوقع هي المفورميا فخواتاتها وحتا زينها مختالف عليهم عندها عشرين عام ...كتقرا فالمعهد ديال التمريض لي كان الحلم ديالها تقرا فيه من هذا شحال عاد عندها العام التاني ومازال ليها عام عاد تولي ممرضة اليوم دوزاتوا كامل امتحانات ومع البروكرام عندهم مزير وكيقراوا تلاتة السوايع للمادة ماخرجات تال 5 جلسات كتخدم مع صاحبتها للإمتحان لي عندهم الغد ليه وماخرجات من عندها من الدار تال 22:00h وهادي  23:10 عاد وصلات للدار كانت عوالة دوز من باب الكوزينة وطلع نيشان لبيتها وتنعس حتاش مصبحة على إكزام ف 8 وخاصها تنعس ترتاح باش تركز حتا كتلقا قبالتها شخص مراقب دارهم

الداخل كولشي ناض يغوت وكولشي مخلوع على عيسى بداوا يطفيوا بالتييويات دالماء بينما يوصلوا رجال الإطفاء وبالزربة لحقات عليهم ريم ركبات تيوا اخر جراتوا من واحد الروبيني كاين برا جهدات ليه نييييت وبدات ترش الماء على العافية باش تطفا شوية محاولاتهم كلها بائت بالفشل مريم طاحت ليهم سخفانة أما خلاص رباب بدات غير كتبكي وعينيهم مفيكسين فباب البيت بعد وقت وجيز وصلوا رجال الإطفاء وهوما الوحيدين لي تمكنوا باش يطفيوها وبقوة الخوف والتلفة ماركزوش فعيسى لي كان كيطفي معاهم العافية حتاش كيحساب ليهم واش كان فبيتوا وهو الوقت لي شعلات العافية كان فالمكتب ديالوا  ماشي البيت حيد عليه ديك الفيست دالكوستيم وغير سمع الصداع ونزل يشوف اش كاين  وهو يبدا كيطفي معاهم فالعافية

مريم غير فاقت وهي تبدا كتغوت وتنوح
مريم:ولدي مشا مسكين ياك ولدي  مشا؟؟؟
(عيسى كان حاط يدوا على جنبوا غير سمع كلامها وهو يقوس حواجبوا مافهم تا لعبة شكون هاد الولد علامن كتهضر مووو؟)
عيسى:والدة ولد اخر أمي ؟؟؟؟شكون باه هااا؟؟
(ضارت لعندوا ريم ومهى وهوما يبعدوا دغيا وقالوا فنفس الوقت):بسم الله الرحمان الرحيم
(ريم خبطات رجلها مع الأرض وقبل يستوعبوا بيلا السيد معاهم حتا كتلاح عليه كتعض وتقول ماعضيت ):يا ولد الحرام مطيرها منااااااا دوي الكيضار(عضاتوا من ودنوا وهي تجي مهى تاهي نصلات الطالون من رجليها ونزلات عليه بيه للراس حتا بانوا ليه القرودة كيشطحوا
كولشي بدا يعنق فيه وهو عاد تفهم ليه البلان ومع ماشي مكلخ والبيت ديالوا ماكان فيه تاحاجة لي تقد تشعل العافية شاف فرباب بهدوء لقاها كترعد عرف القضية فيها إن رمقها بنضرة حادة  ونطق موجه كلاموا لمهى البنت الحنينة فيه)
عيسى:مهى طلعي قادي ليا شي بيت فيا النعاس

(ومآت ليه براسها ودغيا جرات معاها خواتاتها بجات وطلعوا قادوا واحد البيت مدازتش عشرة ديال الدقايق حتا وجد نزلوا لعندوا قالوا ليه على البيت لي قادوا ليه وهو ينطق)
عيسى:بصحتكم غنطلع نعس
(رباب شافت فباها لي واقف حداها باست ليه يديه ودمعة حارة نزلات من عينيها وغير هزات الراس لجيهتوا وهو يقلب وجهوا من عليها واخا الحركة لي دار ليها طارت عليه عنقاتوا حسات بعناقوا بارد من جيهتها ولاكن ماهتماتش عارفة راسها غالطة وبزااف وباش يتقبل غلطها ويسمح ليها خاصوا وقت قالت ليهم تصبحوا على خير وطلبات من ريم توريها البيت فاش غتنعس حتاش مافيها ما يتعشا .....شدوا رشيد بزز باش يتعشا وغير سالا العشا كل واحد مشا لبيتوا بقاوا غير الخدامات كيضوروا فالفيلا

حلات باب البيت ويديها كيترعدوا بدات ضور فعينيها فداك الضلام حتا كتسمع صوتوا لي قفزها
عيسى:صافي هنيتي وصلتي لداكشي لي باغا؟