الجزء 101 ❤️❤️
كان جالس على اعصابو كيزعزع فرجليه حاط ايدو على حنكو وبلقيس جالسة حداه تتشوف فيه وهي تنطق
: يا هاد الراجل يهديك الله
عز العرب غوت تا قفزها : واش تتسطاو عليا كيفاش تزوج باقا صغيرة
بلقيس : قفزتيني غا بشوية اناري دب البنت باغا تقرا قاليك سيد ايخليها تقرا تا تسالي عاد يتزوجو اش بغيتي كتر
عز العرب : توصل لسن زواج وتختار ديك ساع
بلقيس : ياودي نهااك الله اصلا انا ماليي فيك واش انا لي زوجتهاا سير عندهم هوما متزعفش عليا انا
عز العرب ممركزش معاها كااع نطق : وشكون هادا
بلقيس نطقات بقلة صبر : لا حولة ولا قوة الا بالله
غا قالتها وناضت تمشات لكوزينة ببطء كرشها كانت قدامها بدات تتبان نهار بعد نهار اما هو غير شافها ناضت وناض خرج ينسا هاد الفقصة بنما وصلات العشية يشوف اش هادشي قالو ليه العشية غيجي السيد تاني يتعرف عليه باغي يطرطق
اما بلقيس دخلات لكوزينة تشوف غداها فين وصل ....
فمكان اخر كانت عاد حطات غداها دايرة العدس قتلهم غا الكحط هي ولدها تنهدات على الحالة لي كانو فيها ولي وصلو ليها سمعات تيليفون تيصوني شافت فولدها بانو ليها تياكلو مسحات ايديها فالطابلية وناضت تشوف شكون كيصوني لقات نمرة ديال المشفى قالت ياربي سلامة فتحات الخط وتبسمات : ااه انا ... حلفي اختي... الله يحفظك ... لا دب 15 دقيقة نكون عندكم تم ... واخا واخا
ناضت دغيا لبسات جلابتها وتمات خارجة بلا عقل عاد تفكرات الدري عاد رجعات ليه نواضتو مخلاتوش تا يكمل غداه هو ما فاهم والو كيقول ليها غير جملة وحدة كيعاود فيها بدون رد منها "ماما راه بااقي فيا جوع " متسوقاتش ليه مشات دقات على جارة غير حلات ليها السيدة الباب وهي تمد ليها الدري ونطقات
: ختي فتيحة الله يحفظك شديه ليا بنما جييت عارفة راسي عيقت عليك سمحي ليا
فتيحة حركات راسها بأه وشدات دري ونطقات: عار الجار على جارو اختي غا سيري ,,, فين الصغير
فتيحة حركات راسها بأه وشدات دري ونطقات: عار الجار على جارو اختي غا سيري ,,, فين الصغير
: راه خليتو مع مي
فتيحة : واش كاين شي خبار على راجلك بعدا
حركات راسها ب أه : قالو ليا عاد دب نييت فاق على لله انمشي نشوف
فتيحة : واخاا اختي باش ما كان صوني عليا طمنينا
قالت ليها واخا وتمات غادة مرجعاتش شافت وراها وصلات لشارع وشدات طاكسي نيشان لسبيطار وقف بيها قدام المشفى دخلات تتجري موقفات تال باب بيتو بان ليها طبيب خارج وقفات قداموا ونطقات بزربة
: دكتور طمني على حالتو
طبيب : نتي مرتو ياك الالة
نطقات بالزربة : اه اه هي انا
طبيب : تقدري تدخلي تشوفيه راه عاد فاق دب شوية قاليك باغي يشوف الام ديالو عيطي ليها تجي تاهي
تحاشات هضرتو على الام ديالو وقالت : شكرا ادكتور
قالت جملتها ودخلات عندو بان ليها حال عينيها شوية قربات لجيهتو وشدات ليه فيديه ونطقات
: أكرم شوية ؟
أكرم تمتم : ب ببغي ت نشو ف مم مي
نطقات بغيض : عاد تفكرتيها
أكرم : عمم ري نسيي تها نن تي ل لي فرقتينا سيفطتتها لدار العجزة بسبباك
تمتمات بفقصة : هاد الهضرة بلااش منها دب فين كان عقلك فاش ملقي لطونوبيل اتموت وتخلي ليا دراري متتفكرش راه عندك ولاد موراك تابع غير ديك القحبة
أنت تقرأ
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
