ذات عيون الريم🍷مكتملة🍷

🍷الجزء 71🍷

الجزء 71🔥❤❤👇❤👄✨✨✨❤🔥👄

جات ديك الهضرة فودنيه وهو يهز راسوا دغيا فالطبيبة مامتيقش اش كيسمع قلبوا بدا يضرب يضرب وشعور زوين حس بيه بلع ريقوا حتا ارتاجفات تفاحة آدم فحلقوا وشاف فوئام لي غير سمعات هضرة الطبيبة وهي توساع ابتسامتها وبصدمة نطقات
وئام:دابا أنا أنولي أم؟؟؟؟
(تبسمات ليها الطبيبة وهزات ليها براسها بمعنى آه  وهي ضحك عاجبها الحال كون صابت دير الجنحين وطير حطات يديها على حنكها ونطقات):ويلي ويلي مزال ماربيت تاراسي (طلات على عبد المالك وهو يبان ليها وقف وجاي لجيهتها وصل حداها ونزل باسها من جبينها وهمس بهدوء والفرحة باينة فملامحوا وضوح الشمس ):مبروك علينا
وئام(شدات فيدوا ونطقات):الله يبارك فيك كحلتيها الصكع انا وهادشي  لي غنولد فولة وتقسمت
(وبلاما يحس عاود نزل باسها فحنكها حتا رجعات مزنكة وبدات غير كتبرقق فعينيها  قلبات ليهم الطبيبة الشاشة باش يشوفوا الجنين وهوما يشوفوا لجيهتها شعور زوييين بزاااااف لهلا يحرم شي واحد منوا عويناتها دمعوا وهي كتشوف فجنينها نطفة صغيرة  قلبها حسات بيه غيسكت وعيات تحبس فدموع الفرح مي ماقداتش بداوا  يتسرسبوا على خدها حتا حسات بيديه كيمسحوا لها دموعها هو الآخر هاد اللحظة كملات على مابيه من نهار عرف وئام ومن نهار شافها حط عليها العين وشحال زوين يكونوا ولادك من المرأة لي كتبغي....هي المرأة الوحيدة لي بغاااا فحياتوا كاملة هي الأنتى لي خلات قلبوا ينبض من أول لقاء ليهم

مسحات ليها الطبيبة الجيل من على كرشها ومشات للبيروا وهو شد لوئام فيديها تا نزلات على خاطرها جلسوا قدام الطبيبة وهي تبدا تكتب ليهم فشي فيتامينات  ومرة مرة يسولها عبد المالك ولا وئام شي سؤال وكتجاوبهم بإبتسامة قالت ليهم بأنها حاملة بشهر دابا ونيشان طيراتها وئام فدماغها وعرفات راسها حملات من ليلة الدخلة حتاش من ورا ديك الليلة ماقاسهاش تقريبا شي خمس أيام حتاش تقسحات ....... بقات تقيد ليهم الطبيبة فلوردونونس تا سالات باركات ليهم مرة اخرى وهوما يخرجوا من عندها ضارت وئام شافت فعبد المالك مدات ليه يدييها عطاها الفلوس وهي لي خلصات عاد خرجوا من العيادة ماحملات ماقبلات ديك السكريتيرة وكون صابت فديك اللحظة تسد على عبد المالك فقرعة باش متشوفش فيه ديك خيتي نزلوا نيشان للفارماسيان خداوا داكشي لي قيدات ليهم الطبيبة وهوما يركبوا فالطونوبيل عيااا يسول فيها اش تشهات واش يوقفوا ياكلوا فشي م
كانت جالسة مقابلة مع البحر كتشوف الغروب وأنس فكروسة حداها راجعة بيها الذاكرة لتفاصيل عيات متحاول تغمض عليهم عينيها عيااات بزاف منو كل مرة داخل تال نص ليل فنما تدوي معاه يعطيها بالظهر تفكرات اخر هضرة بيناتهم
فلاش باك
كان أنس مريض وطالعة ليه سخانة وبقات مقابلاه تا قرب يصبح الحال عيات معاه ولاكن كتحس بيه طرف منها مجاهاش نعاس وهو فديك الحالة سمعات الباب تحل مني قرب الفجر تخلعات شكون غيجي دب
ناضت دغيا لجيهت الباب تشوف بان ليها داخل حط سباطو حدا الباب ودخل هاد المرة متسناتوش هو يتجنبها حدرات راسها ودخلات تخشات حدا أنس لي كانت حاطاه فبلاصتو هو اما هو دخل لبيت وبقا كيشوف فالكمادات لي كانو محطوطين فوق الكوافوز حول عينيه بينها وبين ولدو عرف بلا الدري لي مرض قرب جيهتها ونطق

عز العرب : نديه لسبيطار؟؟

حلات فيه عينيها بزز كيتلسقو بنعاس ورجعات سداتهم ونطقات بصوت منخافض : دب نزلات ليه الحرارة لا رجعات ديه
اند فلاش باك
كان هادشي قبل اسبوع من تم مسمعاتش صوتو كيف داير مازال تنهدات ودارت راجعة ادراجها لطونوبيل ديالها حطات انس فالكرسي لي دايراه ليه اللور وجمعات الكروسة دارتها فالكوفر وكسيرات موقفات تال الدار  بلاصات الطونوبيل قدام الدار وهزات أنس ودخلات لدار كانت فكل مرة كتقول عيت كتفكر داك الدري لي تيتم فحياة مو وباه وكتقول الى مكان تا سبب نصبر عليه نصبر على قبلو كان هو مصدر طاقتها وولا جزء لا يتجزء منها كتنوض صباح تا تشوفو عاد تقدر تبدا نهارها وهاكاك قبل متنعس مكانش كيفراقها ولو لحضة كتديه معاها فينما مشات تال الخدمة مع البيرو ديالها معزل وهو مكيديرش الصداع كاع كتديه تحطو حداها بدلات حويجها ونقصات شي حاجة لانس بحساب الجو فدار سخون على برا دخلات انس معاها لكوزينة كيف العادة ووجدات عشاها وقادات ليه هو البيبرون ديالو عطاتها ليه وتعشات دخلات دوشات هي وياه جاها الصهد لبسات غير بيجامة صيفية حد الفخض مع سميطات ولبسات انس سلوبيط دافي حيت ولا ديما كيمرض ليها برواح وتخشاو فبعضهم كيتسمدو الدفء من بعضهم لبعض
تناص الليل وبضبط كانت 2 الليل تسمع صوت فدار ديال الساروت كيتقرقرب فالباب دخل كيفما العادة معطل ولاكن لي ماشي كيفما العادة هو خطواتو المترنحة من المشية ديالو تعرفوا فاقد للوعي الدهني وليس الوعي الجسدي دخل ديريكت لبيت بصباطو شافها  كيف ناعسة هي ولدو منظرها كان مغري بالنسبة ليه  وهي بديك الحويج وشعرها لي مبعثر على وجهها وعلى المخدة قرب حداها كتر كيتأمل فيها كتر وكتر والخمر لاعب ليه فراسو مزيااان كتبان ليه غا هي فداك البيت هز ولدو حطو فالكونة ديالو ورجع جلس حداها حيد ليها الشعر على وجهها وبانو ليه حناكها مزنكين مع نعاس كانت كتبان فتنة كتر وكتر جرها من ايديها تا تخلعات وناضت طافجة من نعاس شافت فيه معرفات مالو فهاد ليل يالله غتنطق وهو يهزها وحطها فوق رجليه خلاها حلات فيه عينيهاا على وسعهم ونطق بنبرة سافلة

عز العرب: بغيت حقي امو عيونات ديالي