ذات عيون الريم🍷مكتملة🍷

🍷الجزء 46🍷

الجزء 46✨🎺✨🎺🔥🚫❤🎺🔥🎺✨🎺🚫🔥🌪🥁🎵

أول صفعة ليها فحياتها كاملة أول مرة شي حد يحط عليها يدوا أول مرة شي حد يتجرأ ويمد عليها يدوا حياتها كلها وواليديها دايرين ليها كيف الما القليل  وهاهي فأولى أيام زواجها كتضرب وعلاش معارفاش الصدمة كسات وجها لدرجة جمدات فبلاصتها ومبقاتش كتسمع لآش كيقول  وماباغاش تسمع مقداتش تحرك وسؤال واحد جا لدماغها واش هذا هو الزواج؟؟؟؟
واش هاكا داير؟؟؟
(وسرعان ما إستوعبات الأمر وضورات لي وقع فدماغها وهي تهز وجها فيه عينيها حمرين والدمعة محبوسة فطرف عيونها ورافضة تنزلها قدام كلب بحالوا كانت باغا تردها ليه ولاكن ضوراتها فدماغها مزيان تمشات تا وصلات لبيت التبدال سدات عليها الداخل مخلياه عروقوا خارجين برا كيسب ويعاير وهي رافضة تسمع للكلمة الاخرة منوا  جبدات تيشورت طويل مع سروال بوي فراند لبساتهم دغيا والدخاخن خارجين من ودنيها بقوة ماهادشي لي وقع مامتقبلاهش عارفة راسها مزيان بيلا مادارت والوا حتا يتعامل معاها هكاك

لبسات فرجليها سبرديلة بيضة وهزات صاكها و جمعات الفاليز ديالها هزات غا الصغيرة فيهم وحلات باب الدريستينغ وخرجات قداموا بفاليزتها هو غير شاف الفاليز عروقوا بغاوا يطرطقوا بالاعصاب تم غادي لعندها معصب وناوي على خزيت حتى غوتات لربي لي خلقها مزعزعة حيوط الفيلا
بلقيس:بربي وتقربي ليا حتا نتقاااا&ودوا السوايع وفينما بغات توصل توصل
عز العرب(الشياط خارج من ودنيه):غتنزلي صوتك ولا غنخلي دارك
بلقيس(زادت رفعات صوتها كتغوت كتر وكتر عينيها حمرين حمرين والأعصاب ديال الدينا والدين ركبوها وكاع لي سمعات فهاد الربعيام ودفناتوا فقلبها بدات تخرج غدايدوا):مزااااااااااال ماتزاااااادش هاد ولد  المرأة لي يحط يدوا عليا ومازال ماتزاااااادش هاد ولد المرأة لي يسكتني ينعل جد بو هاد الزواج وينعل جد بو النهار لي جمعني بيك
عز العرب(بعصبية كتزيد تجعروا عليها وخصوصا الهضرة لي قالت دخلات ليه مع العظام وحس بيها إهانة ليه):راه غنصيفط يماك للسبيطار نزلي صوتك حسن ليك
بلقيس (جرات فاليزتها طلع ليها فراسها ضربات فيه ودازت من حداه وهي تم غادة لجيهة الباب وكتهضر فنفس الوقت وكتغوت ديك الصقلة مبغاتش تسرط ليها):مي بزااااف عليك الكلب ولاكن أنا أنا لي مريضة فمخي مزوجة بمريض نفسي

(مع آخر كلمة قالت حتى كتحس براسها تجرات من شعرها من  اللور  ويديه تسللات لعنقها قاجها بيهم بدات النفس تقلال والخنقة حكماتها بدات تحس بروحها كطلع والدنيا كضور بيها حتا كيدخل باه ومو مع الباب كيجريوا

ابراهيم  غوت بغضب عليه وتم جاي كيجري لعندوا باش يفك بلقيس لي قربات الروح تخرجها أما رحمة رجليها فشلوا عليها والطونسيوا طاح ليها جلسات فاشلة فوق واحد الكرسي تم وعينها عليه وغير تفكات بلقيس من يدوا وهي طلح للأرض كتنهج وترد النفس وجها رجع حمر حمر ويديه مطراسين فعنقها شعرها تحل كلو ورجع مشنتف وبلاما تحس حطات يديها على وجها وتفركعات كتبكي وتقول مابكيت إبراهيم قلبوا ضروا عليها تا هو عندوا بنتوا وميبغيش لي يدير ليها هاكا أما رحمة حطات يديها على راسها وبدات تلوم فراسها حتاش هي سبابها هي لي خطباتها بيديها وهي لي عطات العهد لمها بيلا عمر شي حاجة تقلقها مع جا يحط إبراهيم يدوا على كتفها وهي تمسح دموعها بالزربة وناضت كتكحب جرات الفاليز ديالها شافت فإبراهيم ونطقات
بلقيس:خالي إبراهيم ورقة طلاقي توصلني فأقرب وقت عافاك
إبراهيم:أبنتي راك عاد مزوجة
بلقيس:من الاحسن نحطوا النقط على الحروف من دابا يالاه النهار الرابع ليا فالدار وماخليت ماسمعت وساكتة ولاكن باش توصل للضرب مغنسكتش مهم مغنمشيش لدارنا حتاش لامشيت دابا لعندهم غتنوض القت&&&يلة ماشي بنت الأحمدي لي  تعنف

(مهتماتش لنضراتوا التاقبة قالت لي جا على طرف لسانها بكل حرية حتاش عارفاه كيحتارم باه ومغيقدرش يهضر قداموا حلات الباب وهي ضرب فسهام واقفة كضحك تبسمات بسخرية ونطقات بصوت عالي حتا تسمع الداخل
بلقيس؛هاهو خليتوا ليك عنداك ماطفريها معاه كنس كي داير بحالك بحالوا
(نزلات مع الدروج والفاليز فيديها نسات الألم لي كتحس بيه التحت همها الوحيد هو تبعد تخنقات وهادشي غا فأيامها الأولى ندمات مليون مرة على هاد الزواج تمنات لوكان رجع بيها الزمان اللور تبقا فدارهم ماخاصها من زواج وصلات برا وهي تبدا كتقلب على طنوبيلتها حتا بانت ليها جديدة كتلمع عاد شراها ليها باها وبدل ليها القديمة مشات ليها نيشان جبدات الكونطاكط من صاكها خشات الفاليز فالكوفر ورجعات ركبات جهة السوكان قادات السمطة ديالها وهي تكسيري خارجة من الفيلا  الدموع كانوا مزلجين فعينيها ولاكن حالفة ماتنزلهم كانت محتاجة غير هاد الخرجة باش نفسيتها تفاجا حتاش فغيموا خنقاتها ديك سهام بهضرتها وللحظة  جات هضرة من كلاموا لدماغها قال ليها باغا تقت*&لي ليا ولدي؟؟؟؟كفاش باغا تق*تل ليه ولدوا رجعات ليها اللقطة فاش لقات سهام نازلة من بيتها والهضرة لي قالت ليها هضرتها وديك اللقطة بالضبط رجعات لدماغها  بحال شي فلاش باك بكل تفاصيلها زفرات الهوى بغيظ ونطقات
بلقيس:أستغفر الله العظيم
(بدات تفكر فين تمشي واش لعند مهى ولا وئام ....فالأخير خدات قرارها غتمشي لعند وئام حتاش مهى ديجا نفسيتها مريضة شوية عاد  وئام كاينة عند جداها فالفيرمة أكثر بلاصة كترتاح فيها ووئام هي أكثر وحدة من بين صحاباتها لي اتقول ليها آش كاين وأتنصحها  وتفاجي عليها

جوج سوايع  وهي سايقة بلا عقل حتا وصلات لقدام باب الفيرمة إستغربات من راسها حتاش دازت من هاد البلاصة وبلاما تخاف هزات تيليفونها من صاكها ودغيا صونات لوئام قالت ليها تحل  الباب وغير دقائق قليلة حتى كيتحل الباب دخلات بطنوييلتها للداخل شيرات ليها وئام لجيهة واحد الكاراج باش دخل ليه الطونوبيل وداكشي لي دارت حطات طنوبيلتها فالكاراج وخرجات منها كتصوط هزات صاكها ومع جات تسدها حتى كتلاح عليها وئام معنقاها
وئام:فين الحب كي غادة مع شي زواج،؟؟؟؟
بلقيس(تنهدات بعدات عليها ونطقات ):ربي ماهزي ديك الفاليز من الكوفر راني جاية غضبانة عندك
(شهقات مصدومة ومع ركزات عينيها فيها وهي تخرجهم  ولي زاد كمل عليها هوما آثار الصبعان لي فعنقها حطات يديها على فمها ونطقات بصدمة)
وئام:ضربك الكلب؟؟؟؟
بلقيس:أربي واش باينة فيا عروسة يالاه فنهارها الرابع؟؟؟؟ ندمت ندمت ندمت على هاد الزواج تسرعت بزااااف اوئام (وغير حسات بالدمعة اتنزل وهي تحط يديها على وجها كتبكي وتشهق جراتها وئام لعندها وعنقاتها كطبطب عليها بلقيس من ديما كان كولشي كيفششها كولشي كيعاملها مزيان وياويل لي ينقص منها
هزات الفاليز من الكوفر وجرات بلقيس من يديها غادة بيها للفيلا حتا كيدخلوا معاها واحد الديزاين فيها يا سلام طلعاتها لبيتها ونزلات تقاد ليهم شي حاجة ماياكلوا

البنات علاش بلقيس جات عند وئام وعاودات ليها أش كاين حتاش وئام صديقة ديال بصح من ديما كانت توقف معاها فالمرة قبل الحلوة بنت معقولة وكتبغي الخير للواحد وشاربة عقلها بزااااف داكشي باش تاقت فيها وقالت ليها مشاكلها الزوجية حذارييييي راه بحال هاد الصحابات مبقاوش مشاكلكم الزوجية البنات متقولوهمش تا لعائلتكم مشاكلكم الزوجية يبقاوا بينكم بجوج ❤