ذات عيون الريم🍷مكتملة🍷

🍷الجزء 49🍷

الجزء 49🎶🍷❤🍷❤🍷❤🎶🎵✨🎶🍷❤❤🎵✨🥁🎺🎺🎺🎺

قلبها بدا يضرب يضرب حاسة بيه أيسكت بقوة الخلعة والتلفة وديك اللحظة مني قجها رجعات لها لبالها والليل كاملوا وهي كتحلم بيه باغي يقت**لها   التلفة والدوخة دالنعاس لاعبين عليها حطات يديها  بالزربة على الكوافوز تا شدات فالحيط ومشات للبلاصة منين كيشعلوا الضوء وهي تشعلوا وغير جات تلفت حتا كتجي عينيها عليه متكي وحاط يدوا تحط راسوا والتبسيمة مرسومة على فموا صدرها بدا يطلع وينزل بالأعصاب ضربات رجليها مع الأرض ونطقات بصوت عالي شوية
بلقيس:لاش جاي عندي لاش أنا وياك الشريف صافي سالينا وراقي دالطلاق باغاهم يوصلوا  لعندي ونتا نوض سير فحالك
(غمض عينوا عند بالوا غتغوت تا تعيا وتجي تنعس حداه ولاكن هي كان ليها رأي آخر ماخلات ما قالت ليه كتسب وتعاود ومع كل كلمة قالت كانت تبسيمتوا كتزيد توساع منغم بنبرة صوتها لي واخا كتحاول تبينها قاصحة كتبقا حنينة عاد رتاح وحلات ليه النعسة وهي حداه

بلقيس:مغنسمحش ليك الشريف على لي درتي ليا يحساب ليك غدوخني بجوج كلمات راني ماشي مدلولة ولحمي مشايطش عليا هاد الزواج هو لي مغيكملش

(حل عينوا وخنزر فيها وهو ينطق):دوزي تنعس أبلقيس الصباح ونهضروا فدارنا على هاد الموضوع
بلقيس(بفقصة):مكاين لا دارنا لا نمي  دوك الوراق دالطلاق لامابغيتيش نتا دفعهم أنا غندفعهم الله يعاوني ويعاونك أخويا  تلاقينا خوت نتفارقوا خوت واخا مادرتي فيها مايصلاح
عز العرب:خوك؟؟؟؟؟؟

بلقيس:أييييه نوض سير فحالك راه مغنرجعش معاك وهاد العلاقة لي جامعة بيناتنا غسلت يدي منها مني حطيتي  عليا يديك ومني لحتي عليا الباطل الطلاق هو آخر كلامي ومغنزيدش معاك الدقيقة الآخرة تا هاد البيت خرج منوا الله يرحم الواليدين
(شافتوا نايض ليها وهي تحل الباب دغيا بالسوارات وهربات ضرباتها بجرية وحدة حتا دخلات على وئام لبيتها سدات عليهم البيت وهي تمشي لحداها ونعسات

وئام:هههههههه السيد كتباني ليه فالكيسان أمو عوينات
بلقيس:يعطيه تلافة جاي عندي غا باش يتلف وقتوا مراجعاش ليه هي مراجعاش يحساب ليه أنا حيط قصير
وئام:: خليت الباب محلول حتاش حافضاك مهم نعسي ترتاحي داباا وخوي عقلك من داكشي يصبح ويفتح

يلقيس:أراي التيليفون ديالك ندير الساعة تفيقني باش نضربها ليه بشمس العشية على هاد الصباح
وئام:أش ناوية ديري؟؟؟
بلقيس:عارفاه مغيقدش ينوض  دابا داكشي باش مع الستة أنشد الطريق للمدينة نمشي لعند بنت عمي كاينة غا بوحدها هي وبنتها راجلها عندوا شي خدمة فوجدة فهاد السومين  ناخد راحتي عندها وخليه يقلب كيف الهبيل ونيت كنرتاح معاها راكي عارفاها عوشارية

وئام:شكون فبنات عمك هادي؟؟
بلقيس:مولات السالف الكحل هاديك لي تزوجات بالأستاذ الجامعي
وئام:ديك السيدة كتحمق
بلقيس:وييييه