ذات عيون الريم🍷مكتملة🍷

🍷الجزء 66🍷

الجزء 66🔥❤👄💃

جالسة وسط سريرها ودموعها نازلين مع خدها نزلات راسها للأرض وسهات لبعيد واش  تضحي بحبها ليه وتطلب الطلاق ولا تكمل معاه حياتها واخا لي واقع واش تنسا عشرة عامين وتنسا لياليهم وذكرياتهم وتعفط على قلبها وتخليه؟؟ .....
شافت فختها بعيونها لي كانوا حمرين بالبكا بحال الجمرة ......ونطقات بهدوء
فدوى:كنبغيه أدعاد كنبغيه لاماكانوش الولاد هذا مكتاب الله غنصبر معاه
دعاء: أنا ختك لي كبر منك ماغانبغي ليك غا الخير ياك عارفة؟؟؟؟

(ومآت ليها فدوى براسها وهي تكمل فهضرتها).......راجلك وبكل صراحة زهواني وراك كتشوفيه غا فاش كتكوني خارجة معاه عينيه غا كيضوروا لدرجة هادشي ولفتيه فيه ووليتي متقبلاه ....ولاكن واش هو كيبغيك كيف كتبغيه نتي؟؟؟؟؟
فدوى:أكيد كيبغيني
دعاء(حركات راسها يمين وشمال ضربات على راسها بجوج صباعها ونطقات بهدوء):الراجل ماتعرفي اش تحت راسوا واخا مانعرف شكون تكوني
فدوى:اشنوا باغاني ندير ادعاء واش باغاني نوض نطلب منوا الطلاق حتاش طلع ليا فالوتائق بيلا مكيولدش وهو لي منوا المشكل تاماولدناش هاد عامين؟؟؟
دعاء:مقلتش ليك خليه غاااا هو خدمي كيد النسا ماشي تنوضي تضحي معاه تا ولد الح.رام ماتستاهلي ضحي معاه ....راه تجي تبقاي معاه وفالأخر يلوح بيك ولا الله يستر تمرضي وينوض يلوح بيك سمعيني وحلي ودنيك

فدوى:هانااااااا(قربات لعندها بإهتمام وبدات تسمع لهضرتها)
دعاء:باش تعرفي السيد واش راجل ولا كلب اتنوضي تقولي ليه بيلا طلعوا التحاليل
فدوى:اهااه
دعاء:مغتقوليش ليه بيلا هو لي مكيولدش غتقولي ليه بيلا نتي لي مكتولديش
(بلعات الريق لي وحل فحلقها ونطقات بتساؤل ):علاش هادشي؟؟؟؟
دعاء:أول حاجة دوك الوراق غبري لمهم الأثر أنا وصيت صاحبتي لابقا حتا مشا يسول اتقول ليه نفس الهضرة لي قلت ليك غادي تقول ليه بيلا نتي لي مكتولديش ماشي هو
.....وهادشي علاش درتوا الالة لاكان راجل مغيتبدلش تعاملوا معاك ولاكن لاكان ولد الحراااام غيبدا يتسل منك شوية شوية بحال الشعرة من العجين وواحد النهار ايقول ليك الطلاق ابنت الناس
فدوى:ميمكنش يدير فيا هاكا هو كيبغيني
دعاء:أنا مادخلت تااااااا سمعتوا اخر مرة واش قال لبابا
ولد الحرام قال ليه أودي راحنا غا صابرين فدوى انصيفطها تشوف طبيبة اخرى لاماكان والوا نشوفوا شي حل..  مهم هادشي لي قلت ليك هو لي خاصوا يكون
فدوى(مسحات الدمعة لي نزلات مع خدها ونطقات بصوت باكي):واخا

(وعلى اخر حرف نطقات ناضت ختها ودعاتها ومشات فحالها وهي وقفات دغيا غبرات الشقف لدوك الوراق دخلات للحمام غسلات وجها ومع كتخرج منوا حتا كتجي عينها عليه داخل للبيت كيصفر ويلعب بالسوارت فيدوا شافها هكاك وهو ينطق
يونس:مال الحب ديالي؟؟؟
(قربات لعندوا بهدوء وعينيها كيضوروا فوجهوا بشوفة غريبة خلات الشك يتسلل لدماغوا حط يدوا على كتفها .. بلع ريقوا ونطق بتساؤل)
يونس:فدوى خلعتيني عليك مالك اش واقع ليك؟؟؟(وقبل يكمل هضرتوا نطقات بالجملة لي خلات الدم يوقف فعروقوا هضرتها كانت بحال شي سطل دالماء بارد وتخوا  عليه)
فدوى:أنا عاكرة وعمرني نولد مغتفرطش فيا ياك؟
(بلع الريق لي وحل فحلقوا والدنيا ضارت بيه لسانوا تسرط مابقا قاد يخرج تا كلمة وبهدوء زول اليد من على كتفها)

لاصقة فالقنت وحامياها للغوات وفينما بان ليها شي ثور جاي قاصدها بكرونوا كتجري للجهة الأخرى وتبكي

وئام:ويلي ويلي اليوم يديروا ليا ليلة الدخلة يعطيهم موصيبة(وبصوت عالي نادات عليه) عبد المااااااااااااالك عتق الروح أيقتلوني
(فين هو عبد المالك الشريفة السيد ناعس ونتي لي نايضة كتقلبي على خلا دار بوك)

بان ليها واحد الثور قاصدها وهي طلع فوق البزوار بالزربة خرج بكرونوا فيه تاكان غيقلبها وهي تنقز للجهة الأخرى ونيشان كيجمع معاها واحد الثور  آخر بركلة لرجليها شافتوا راجع مارشاريال وهي طلع معولة تنقز من فوق البزوار نسات الثور التاني  خرجات عينيها وبدات تغوت وتبكي نقزات من الوسط غادة لجهة الباب تم جاي قاصدها واحد وهي تخوي ليه الطريق تا خرج بكرونوا فالباب وهو يطيح داك الباب دالقزدير على طولتوا التور رجع اللور وهي تكركبات من الفوق حتا جات فالشاريج الكبير لي عامر بالعلف الشريحة والماء غرقات فيه تال الودنين ومع تقيل والجهد باش طلع تسالا بدات تبقبق وسطوا كي الدجاجة حتى كتحس بيديه كيجبدوها من وسط داك الشاريج خرجها كتشهق وهو ينطق والضحكة محبوسة فيه
عبد المالك:جبتيها فعظامك المصيبة ياك كتعرفي تعاملي معاهم اش وقع دابا؟؟؟؟
وئام(بدات دمع عليه وهو كيمسح ليها فوجها من داك.العلف لي لصق وكيسكت فيها ):بغيت ماما
عبد المالك:واش فينما درتي شي مصيبة كتقولي ليا بغيت ماما؟؟؟
وئام:قلتها ليك غا مرة وحدة هي البارح
عبد المالك :هزها بالزربة من داك الحوض ونطق والتبسيمة شقات طريقها.....الليلة ليلتك خاص نعوج ليك المشية باش تشدي الأرض
وئام:هااااا
عبد المالك:البارح نعست قبل منك واليوم فقتي قبل مني واش مكتنعسيش اسحت الليل؟(يالاه اتنطق وهي ضرب الطم شافها كتبرقق بعينيها وهو ينطق بتساؤل) اش كنتي كديري بدوك البيضات لي جمعتي؟؟؟
وئام:قليتهم كلهم وكليتهم
عبد المالك(تبسم وعينوا مشاوا لشفايفها ...هز يدوا ونزل عليها للترمة تا قفزات من بلاصتها وهو ينطق):وأنا كنقول منين جا هاد الطرف كاااامل
(ضور يدوا على كتافها معنقها وهو ينطق):مازال نعمر ليك القنات الليلة ليلتك البيضة ديالي
(الترعيدة شداتها واخا هضروا معاها البنات بجاااات وشرحوا ليها كولشي ووعاوها ووالوا الخلعة لي فيها هي هي كي غادي دير ماخرجها من سهوتها غير كلاموا لي لاح ليها وهو غادي .
عبد المالك:شوية وانا راجع

  طلعات  لبيتها وهزات التيليفون فيديها لي بداوا كيترعدوا ودوزات الخط لمها تصوني وتعاود حتا تفتح الخط وهي تنطق بالزربة): ناري أمي ناري ناري بغا يدخل عليا اش ندير راني خايفة
*****:أويلي على المسطية علاش غتخافي مغيقصحكش كااع