ذات عيون الريم🍷مكتملة🍷

🍷الجزء 28🍷

الجزء 28❤🔥🍒💝🍷

شدها من رقبتها من اللور وزير عليها حتى سدات عينيها وهو ينطق
عز العرب:مخاصك تيقي فحد باقا تيقي فشي واحد؟؟؟؟
(حركات راسها بالزربة يمين وشمال وهو ينطق والتبسيمة مرسومة على وجهوا كيساري عينيه مع ملامحها بخاطر خاطروا مهاماهش هي لي أيسكت ليها
القلب تحت يدوا زاد زير ليها على رقبتها ونطق)
عز العرب:باقي نسولك ومتجاوبيش؟؟؟
بلقيس(جاوباتوا بالزربة بطريقة جابت ليه الضحك):نجاوبك نجاوبك مالي مانجاوبك

(هز يدوا التانية وبعد الكصة ديالها للجنب ونطق وعينوا فعينيها لي حلاتهم وبدات ضورهم منيرفية
عز العرب:اش كديري هنا وحدك؟؟؟
(متقاجحاتش معاه بالزربة جاوباتوا ):وصلت صاحبتي لدار جداها ووقفات بيا الطونوبيل هنا
(ركز الشوفة فيها مزيان حتا جاب ليها الشك جرها من خصرها حتا لصقات عليه وهو يسد باب الطونوبيل طلق منها ونطق)
عز العرب:سدي الطونوبيل وتبعيني
بلقيس:واش نخليها هنا؟؟؟؟
عز العرب:العشية تكون عندك مقادة غير سديها ويالاه
(معاوداتش معاه الهضرة سدات الطونوبيل وتبعاتوا هو هز تيليفونوا كتب مساج لواحد السيد صيفط ليه اللوكال وركب فبلاصتوا تبعاتوا من اللور وهي تجلس حداه سدات الباب ودارت السمطة وهو متبع العين لأدق

تفاصيلها غير من تحت نضاراتوا جاتوا حلوة وعلى الكانة وحركاتها جابوا ليه التمام كسيرا وهي حداه ساهية وكتفكر ماهضرات ماتكلمات طيحات فيه العجب وللحظة وقف فواحد الجنب ووقفات حداه طنوبيل مد يدوا ليها ونطق
عز العرب:اراي السوارت دالطونوبيل
(مداتوا ليه عطاهم للسيد لي دق فالزاج وكسيرا من أول وجديد وهي غا متبعة ليه العين بطرف عويناتها وريحتوا لسقات فجيوبها الأنفية

(شافت فيه ونطقات بصوت هادئ):عز العرب

عز العرب:أممممم

بلقيس(بلعات الريق لي وحل فحلقها ونطقات بصوت راجف):خاصنا نتفارقوا منصلاحوش لبعضياتنا

(تبسم جنب وهضر بكل برودة):نفهم من كلامك باغا تكوني معايا فالحرام ماباغاش الحلال؟

(خرجات عينيها للطريقة لي فهم بيها هضرتها لبدات فبلاصتها وضربات الطم مخلياه يجمع ملامحوا فيها بتخنزيرة وكمل طريقوا عادي
ساعة ديال الطريق حتا كيوقف قدام الليسي شافت فيه وتبسمات
بلقيس:هذا هو الليسي فاش خدام ؟؟

(حرك ليها غا براسوا تحل باب الليسي ودخل بطنوبيلتوا منوا حتا حلات عينيها بصدمة مني بانت ليها الساحة عامرة صطاسيونا طنوبيلتوا فواحد القنت شاف فبلقيس وهو ينطق )

عز العرب:الزاج فيمي خودي راحتك غنسني على شي وراق فالبيروا ونجي صافي؟؟

(طرطقات صباعها عضات على شفايفها ونطقات)
:ديني معاك عافاك
(طلع فيها حواجبوا وهي تنطق)
:واعافاك توحشت هاد الأجواء
(حلات صاكها بالزربة وهزات منوا كمامة وقاداتها قداموا وهو غا كيشوف فهاد المخلوقة واش باغا تصنع رمشات فيه بعويناتها القت...الة حلات الباب ونطقات
بلقيس:نمشيوا ؟؟؟

(حرك راسوا بلا حول ولا قوة الا بالله العلي العظيم ونزل ونزلات هي الأخرى معاه هزات صاكها فيديها وتمشات حداه هو خاشي يديه فجيبوا وهي كتلعب بيدياتها وعينيها كيتساراوا يمين وشمال عاجبها الحال كولشي رجع يشوف فيهم واحد الإنسجام بيناتهم بزااااف كيبانوا كوبل واااعر كولشي تبع العين لبلقيس واخا دايرة الكمامة كيبانوا عويناتها القتاااا&لين كيضوروا داعت الخبار وشي كيقول لشي المدير جايب معاه واحد التيتيزة لليسي فين تبان ديك الجلاخة دمراتوا الأولى ناضت الروينة والخبار وصلات لمراتوا الأولى لي كانت خدامة فالحراسة بهدوء حتا كتنزل عليها الخبار بحال الصاعقة
متقبلاتهاش واخا مزوجة وعايشة حياتها بالطول والعرض ولاكن مني عرفات بيلا شي بنت دخلات لحياتوا شعلات فيها العافية وخصوصا كولشي كيقول واااعرة وهي متوصلش ليها
حل باب البيروا وهي دخل معاه حيد نضاراتوا وهي تبدا كتشوف وتقلب بعويناتها حيدات كمامتها بالزربة وضارت كضحك يالاه باغا تنطق حتى كتجي عينيها على شي واحد واقف قدام الباب عينوا تفيكساوا فيها بإعجاب كبير قلبات وجها بالزربة حتى نتابه ليها عز العرب ضار وراه وهي تجي عينوا على واحد الحارس عام معروف عليه عينوا زايغين خنزر فيه ونطق بحدة وغضب
عز العرب:اش كاين الشريف ؟؟؟جمع عينيك شوية