ذات عيون الريم🍷مكتملة🍷

🍷الجزء 103🍷

الجزء 103 ❤️❤️
رؤيا : حشوومة عليك

بلقيس : ونتي لي حشومة عليك وعتيني مباغاش تولي عمة امم بغيتي تسفطيه

رؤيا : مقصدتش دخلي دخلي عرفتي راه تنترعد مني دويتي معايا

بلقيس : اوى اشيخة فين عرفتي هاد تعيس الحظ

رؤيا : مغتيقييش  عرفتو فالعرس ديال صحبتك

بلقيس : امممم هي نقدر نكون كنعرفواا

رؤيا : غاالبا راه قالي هو خو العروسة

بلقيس خرجات فيها عينيها بصدمة وتمتمات بعدم تصديق : عيسى؟

رؤيا :  اه تتعرفيه يااك

بلقيس : اصحبتي هادااك كبير عليك وماشي بزاف باش عرفتيه مالك على هاد الزربة

رؤيا كمشات حواجبها ونطقات : علاه نتي وخويا فين تعارفتو قبل الخطبة ياك تا الخطبة زربتو من وراها ودرتو العرس

بلقيس نطقات بلا متحس : وطفرنااه

رؤيا : هاا

بلقيس : مههم متزربيش فالزواج تا تعرفيه مزيااان وتعرفيه واش لايق ليك

رؤيا : اصلا تا نكمل قرايتي عاد نتزوجو

بلقيس : اوى هاكاك وحيدي عليا اندوز نجلس راه عييت

رؤيا : هاني اختي هااني

دخلو لصالون مجمعين تا دخل عز العرب غير سمعات رؤيا راه هو لي فالباب فرفرات لبيتها قالت ليهم لا سول عليا قولو ليه تتعوم اما هو جلس فقنت سداري شاد تيليفون مخنزر متيدوي مع حد تا سمعوا دقان ناضت رحمة تحل الباب وناض تبعها باغي يطرطرق مقدرش يصبر تا يدخلو فتحات الباب ستقبلاتهم كان عيسى هو اللخر داخل غا شافو عز عينيه خرجوا بصدمة وجرو دغيا وفات معاه الباب اما عيسى مدار تا رد فعل مشا معاه تال برا رحمة بغات تندب حناكها بديك الحركة لي دارت دخلاتهم بإحراج كانت تدوي هي وبلقيس غير بعينيهم مع دخلات هي لولة تا شافت بلقيس مريم داخلة هي وإسماعيل تبسمات وناضت تتسلم عليهم جلسو كيضحكو واخا بالها مع عز فين مشا

اما عز برا كان واقف هو وياه وهو ينطق والفقصة راكباه من صبعوا صغير ديال رجليه : قلت ليك ختي صغيرة لاش جاي دب تخطب ومحن راسك وجايب واليديك والحالة

عيسى طلع فيه حاجبو ونطق : انا خديت الإذن من عند الحاج راه البنت تابعة لباها نتا كبرنا بيك نتا لول ونتا رديتينا برااهش ولا قول قدامهم اش وقع داك نهار معنديش مشكيل انا

عز العرب حس بيه كيستفزو بلعاني  بغا يطرطق هز ايدو يالله غيجيبها ليه فوجهوا شدها عيسى وبعدها على وجهوا ونطق : غاا بالعقل شنو لي قلت انا ديال العيب تا متبغينيش لختك شنو السبة لي غتقول ليهم مني غتطلع الفوق شرح ليا ؟

عز العرب : ختتيي صغييييرة على زواااج متفهماتش ليك هادي

عيسى : انا قلت ليك انتزوج بيها دب  تا تكبر مزربانش

عز العرب : تا تكبر وخطبها

عيسى : وماااالك على هاد العكس كامل

يالله غيجاوبو بان ليه براهيم عاد جاي من جامع شافهم واقفين وهو ينطق

براهيم : خييير تتعرفوا بعضكم
توالات الايام ومر بالضبط شهر تقبل فيها عز عيسى بزز عليه حيت ملقا ميقول لباه عيسى ورؤيا كانت علاقتهم في تطور يوم بعد يوم ومع اقتراب الامتحان الوطني لي بقا ليه شهرين ولا كيحفظ معاها وديما تيجي عندها كيبقاو بوحدهم دارهم تايقين فيه ومرة مرة كيقول ليهم هي تجي عندي ولاكن الضغط ديال هضرت الناس ولا لااعب بزاف حيت البنت ديما خارجة معاه راجعة معاه وهادشي لي مبقاش عجب براهيم مع أنه راه غير كيعاونها فالقراية ولاكن فكر لدوام ابار هضرت الناس وانه حرام يبقا معااها بوحدهم وبزااف ولاكن دب كيخليوها معاه حيت تيقريها مني يسالي العام يقولو ليه حبس غتكون ناقصة وهادشي لي خلاه يفكر بزااف واليوم قرر يعرض على عائلة عيسى باش يدويو فهادشي

رؤيا كانت كيف العادة سادة عليها فالبيت وتتحفض سمعات اشعار من تيليفون دغيا لاحت الكتاب وهزات تيليفون لي كان حداها كان عيسى مسيفط ليها سلام  جاوباتو دغيا " صافااا"

رد عليها ديك ساع " محنينك مع الحفاضة مع المساج مع الجواب "

رؤيا " المرة الجاية مني تسيفط منجاوبكش "

عيسى " باش نجي نقزب مك "

رؤيا " خليك من هادشي بابا معرفت علاش عارض على كلشي "

عيسى " كنضن عادي بغا يجمعهم دب نتي لي خليك من هادشي فين وصلتي فالسيري لي عطيتك "

رؤيا " النص "

عيسى " كتقوليها بوجهك حمر "

رؤيا " يالله يالله واش انا مخلوقة لقراية نعلو شيطان "

عيسى " نووب ب مخلوقة لي نتي نهار نشدك ونوريك لاش خنوقة "

رؤيا تزنكات " بعد مني القراية ثم القراية اش داني انا تا نجي لبين ايديك"

عيسى " هاا حنا انشوفو دب تجيبك الوقت داكشي لي نديرو ليك منقولووش "

رؤيا طلعات ليه vu  
ورجعات هزات كتوبتها ...