ذات عيون الريم🍷مكتملة🍷

🍷الجزء 85🍷

الجزء 85❤🔥🔥🔥🔥🔥🥀🔥🔥✨✨❤✨❤✨❤✨❤✨❤✨

فردوس :  ماااات ابنتي اصلا حسن ليه يرتاح كان غير غيتعذب يكبر وهو مريض و(قاطعاتها بلقيس )

بلقيس : تا نجي
متسناتش الرد ديال مها قطعات وناضت حسات بالتلفة  معرفت باش تبلات هزات تيليفون وطلعات ديريكت لبيرو كان صاكها تما هزاتو وتمات خارجة من تم تا ضربات فشي حد هزات راسها مع طويل عليها بان ليها المدير نطقات بزربة
: سمح ليا شي حاجة اغجونص خاص نمشي نقدر منجيش هاد يومين اسيفط ليك تفسير من بعد
المدير : شنو(مخلاتوش يكمل زادت )
نزلات كتجري فدروج ركبات فطونوبيل وكسيرات ديريكت لوطورت معاقلاش كاع على والو باقي مصدومة ممستوعباش اصلا بلا مات مرفوعة 
محساتش بالطريق تا وصلات ديريكت لدارهم بان ليها الدرب عامر والخيمة منصوبة واجواء الموت غالبة حسات بقلبها دياق عليها قربات لباب دار لي كان محلول بخطا بطيئة ودخلات لدار طلعات فدروج ديريكت كان شي طالع شي هابط موقفاتش تال الطابق ديالهم دخلات مع الباب كتقلب على شي  واحد تستفسر منو واش بصح أنس لي مات فكرة قااصحة عليهم كاملين دخلات لواحد صالة بان ليها جالس بوحدو تمات خارجة تا حسات بيه ضمها من لور حسات بالعجز فهاد اللحضة مقدرات تدير تا رد فعل تا حسات بدمعتو نازلة مع عنقها وبعد منها دارت عندو باغا تأكد واش بصح كيبكي بانو ليها عينيه حمرين عمرها شافتو هاكا نطقات بصوت قريب لهمس
: أنس ؟؟
حرك راسو بالايجاب وجلس فوق الصداري عاجر عن الكلام اما هي طاحت دمعتها كلشي دكرياتها مع أنس بين عينيها دب تبخر بحالة عمرو كان نطقات بصوت متقطع : دفن تووه
حرك راسو بأه مقدرش يدوي كااع
تمشات غادة خارجة من الصالة سمعات صوتو بعدما قالت واقيلا تزيزن نطق بصوت بااح
: بلقييس متخلينييش تا نتيي

: بلقييس متخلينييش تا نتيي
دارت شافت فيه وبداو دموعها كينزلو وحدة ورا وحدة مقدراتش تصبر كتر واخا تسمع بخبر الموت تقدر متستوعبهاش ولاكن مني كتبدا ترجع دكرياتك مع شخص وكتبدا تستوعب الدموع كيبداو ينزلو راسهم 
هاكاك كان احساسها وهي كتفكر لحضاتها مع أنس مني قال ليها ماما ومني ومني للحضة ندمات حيت خلاتو اش فيها لا صبرات على قبلو كان ممكن تعتقو او على الاقل تبقا معاه لأخر لحضة حسات بطرف من كبدتها ضاع ليها تمشات بخطا بطيئة غادة خارجة من صالة مخلياه منهار على الاخر باغي يهرب غير مبقاتش بانت ليه خرج من الصالة وتمشا دغيا خارج من دار ركب فطونوبيل  وديمارا لدارو على الاقل يبقا بوحدو شوية
اما بلقيس مشات عزاتهم واخا هي محتاجة لي يعزيها فيه وخرجات منهارة من تما ديريكت لدراهم دخلات لبيتها وسدات عليها كتبكي وتقول ما بكيت ربي لي عالم بيها وبحالتها دقو عليها رفضات تاكل مني تفكرات حالتها خرجات كلات شوية ورجعات لبيتها سادة عليها كيصونيو ليها البنات بعدما جابو الخبار مي مكتجاوب تا حد مقادراش اصلا تجاوب طفات الانترنيت من تيليفون وحيدات الكارت جديدة ردات القديمة عارفة تا واحد مغيصوني ليها تم غير باش يخدم تيليفون كانت كتشوف تصاورها مع انس ووحدين معاه هو وعز العرب وتبكي تا داها نعاس وهي فديك الحالة
اما عز العرب كانت حالتو حالة بكا تا تفش ونعس باغي يهرب من الواقع
فاق من نعاس وهو يضور حداه شافها ناعسة عاد ناض لحمام يقضي حاجتو ورجع عندها  وتكا من وراها وعنقها عندو لقاها باردة رجع كيقلب فيها والو مبغاتش تحرك نفسها هامد كلشي فيها هامد كانت مبتاسمة وكأنها مشات لخلاص بدا كيغوت كيحس براسو غيحماق لي بداه بأنس كملو بيها : بلقيييس بلقيييس لاااا ماشي تا نتي
كيحس بروحو غتخرج طلع عينيه مع طيفها وهي هازة أنس لي كيبان ليه كيدير ليه باي باي بغا يتبعها وسمعها كتقول ليه :خليناك بوحدك  بغينا نبقاو معاك ولاكن  متستاهلناش
بدا كيبكي ويطلب فيها : عافاكم غير رجعوا نتوما كلشي لا ابلقيس نتبعكم والله ما نصبر

ناض قلبو كيضرب بجهد جلس والعرق هابط مع صدرو دار جنبو لقاه فارغ شاف فكونت ولدو تاهي خاوية ونهار بالبكا من جديد حالتو كانت تدمي القلوب بقا شحال على حالتو وناض غسل وجهو بالما بارد وعيط لبلقيس واخا فاقد الامل من انها تجاوب لي كانت ناعسة سمعات تيليفون كيصوني ناضت جلسات شافت سميتو طالعة بدات تتفكر الاحداث الاخرين عرفات حالتو كيف غتكون فتحات الخط وسكتات كان كيسمع صوت نفسها وجالس تنهد ونطق بصوت بااح خارج من اعماقو

: محتاج ليك كتر من اي وقت ابلقيس متخلينيش دب

مقدراتش تصبر كانت كاتمة صوت بكاها بالمخدة وكتسمع هضرتو لي دبحاتها مني شافت راسها مغتقدرش تصبر كتر قطعات عليه
يتبع