ذات عيون الريم🍷مكتملة🍷

🍷الجزء 9🍷

✨🍷الجزء التاسع 🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

كتحط رجلها فدرجة
وكتنقز الأخرى حتا وصلات لبيت مهى دفعات الباب بالزربة حلاتو ودخلات وأول ماجات عينها عليه هو صاحبتها لي كانت فوق سرير مكورة على وضعية الجنين ووجها كولوا منفوخ ودموعها نازلين تخلعات عليها بزاف سدات الباب وقربات لعندها بخطوات سريعة كتسول فيها وتستفسر شدات وجها بين بديها لقات السخانة كتشوي فيها و حالتها كتخلع عينيها حمرين بدموع وجهها صفر هادشي مابانش ليها من بعيد جلسات جنبها ورفعاتها لعندها من ضهرها معنقاها وكطبطب عليها ومهى غير مازدت تخشات فيها وطلقات لعنان لدموعها بقات كطبطب عليها بلاما تنطق بحتا حرف بعداتها عليها شوية وقربات ليها المخدة باش تكا عليها مسحات ليها وجها من الدموع ونطقات بصوت حنين
بلقيس:اربي واش هاد الزين كامل يبكيوه الناس هاااااا شوف دوك العوينات كي رديتيهم مسحي عليا خناينك أختي
(ضحكات مهى بلا هواها وتكلمات)
مهى:مزوج أبلقيس ووالد ومرتوا حاملة....... ربع سنين ....... هادي باش تزوج عليا وبلا خباري تال البارح
بلقيس(الصدمة كسات ملامحها ولاكن حاولات متبينش ليها باش متزيدش عليها):واش داك الرويجل(قلبات ملامحها للجدية وتكلمات):شوفي نقول ليك أمهى نتي مزال صغيرة يالاه عندك 26 عام فسرة مأذبة ومصوابة وكولشي فيك هو هداك ألف راجل يتمناك تزوج على وديت الولاد فكري لراسك تانتي خاصك تبني حياتك تانتي تبغي تكوني أم وتولدي ولادك من كرشك من دمك وصلبك علاش مازالا رابطة راسك بيه هاااااا صافي لي مدارش ليا قيمة جامي نديرها ليه غتعدبي وي غتبكي وتمرمدي شوية ولاكن غتنساي ربي ماعطاناش نعمة النسيان غا هكاك صافي داك الكلب صفحة قديمة وغتطويها وتشوفي حياتك فكري فالحوايج الزوينة قبل الخايبة عقلتي على ديك مهى القديمة لي كانت قبل سبع سنين هادي غا كضحك عمر الدموع جاوا فعينيها عايشة حياتها بالطول والعرض مرضية واليديها هاديك لي بغيت نشوف خاصك تعرفي بيلا هادشي مناش كدوزي راه إختبار من الله سبحانه وتعالى..... عطي فرصة لراسك عافا ختي تستاهلي تكوني أم مضيعيش راسك مع كلب مايسواش كيفما هو غيكون برر ليك زواجوا بالولاد نتي برري ليه طلاقك بالولاد وأصلا ميستاهلش التبرير أولا الكلمة الأخرة منك صافي متنسايش ماداز عليك معاهم ماخليتي ما درتي ليه وهو لي صدق مايسواش الفراق هو أنسب حل ليكم نقطة نهاية

(أكتر إنسانة سانداتها هي بلقيس وهي نفسها لي كتلجأ ليها فكل مشكل كطيح فيه شافت فيها ونطقات وهي كتمسح فعينيها من الدموع)
مهى:بربي مانزيد معاه الدقيقة عافاك نزلي قوليها لبابا وماما بغيت طلاقي يتم فأقرب وقت
(حركات ليها براسها تبسمات ليها إبتسامة حنونة ونطقات )
بلقيس: كولشي غيدوز غير صبري أختي (ناضت من بلاصتها ونطقات )هاني جاية
(مشات بالزربة خرجات لقات عائلة مهى لاصقين حدا الباب كيتصنطوا ماموالفينش يتصنطوا على البيبان ولاكن كلاهم خاطرهم على بنتهم وماقادين يصبروا حتى تخرج شافت فيهم ونطقات بالشوية.
بلقيس:هانا جاية
(جرات للكوزينة خدات كاس دالعصير وكاس دالما وطرف دالكيكة ورجعات بالزربة للبيت عطاتها داكشي وبززات عليها تاكل عطاتها تشرب كينا دالراس وتبدل الغروب لي لابسة بكسيوة من لي كتلبس فالدار وخرجات مخلياها تنعس على خاطرها قالت ليها غتبقا معاها هاد اليوماين بينما تولي شوية عاد تمشي لدارهم خرجات لعند عائلة مهى لي كانت متكونة من واليديها وجوج خواتاتها وخوها كبير عاودات ليهم أش كاين وفالبلاصة ناض خوها يتكلف كانوا متوقعين هاد النهار غيوصل وفعلا وصل ساندوها وضحكوها وحاولوا ينسيوها تا تحسنات حالتها النفسية وهوما محلفين على أكرم ماشي مهى قدسي لي يوقع فيها هادشي