ذات عيون الريم🍷مكتملة🍷

🍷الجزء 22🍷

✨🍷الجزء 22🍷✨
❤🍷ذات_عيون_الريم🍷❤
Hermosa El & Nour Qamar

في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

فاق من سهوتوا على صوت التيل لي كيصوني شاف المتصل وهو يقطع عليه حل المجر بالسوارت وهو يلوح فيه التيل ديالوا ورجع سدوا سد عليه باب البيروا ومشا لواحد الفوطوي تفطح فوقها وغير شوية دالوقت وهو يغفا

صبح صباح جديد حلات عينيها على ضوء أشعة الشمس كيحرقوها أول مرة تعطل لهاد الوقت وبسباب من بسبابوا هو جمعات شعرها المطلوق على شكل كعكة مهملة وهي تنوض كتأفف بوحدها لتاني مرة كيخليها
Vu
واش هو هاكا داير ولا باغي يطرطق ليها شي عرق بالعاني

دوشات بالخف وخرجات لابسة بينوار فالغوز وصنيديلة فرجيلاتها الصغار كانوا مصبغين ضفيراتها فالغوز بارد بنفس لون البينوار جلسات قدام المراية وهزات فوطة كتنشف فشعرها مراشقاش ليها تنشفوا بالسيشوار دارت كلوز كيبري لشفايفها وناضت كضور وسط بيتها

🕊🖤تتراقص الانغام على اوتار وجع القلب

كضور وسط داك البيت بلا خاطر غير كتنفخ وتفش بوحدها خدات كيطمة فالكري لبساتها بالزربة سبرديلة
نايك فالبيض فرجليها نضارات ديال الشمس فوق عويناتنا وشعرها جمعاتوا بمقبط صغير هزات صويك فيديها وخرجات من البيت
كتسلت نزلات مع الدروج ودخلات نيشان للكوزينة لقات الخدامات كيقادوا الغدا قالت ليهم صباح الخير والحضاش مربوطة على جبينها هزات كاس دالعصير وطرف ديال الكيكة وشي حليوات كلاتهم بالزربة وخرجات من الكوزينة كتسلت مافيها مايشوف شي حد هاكا هي دايرة من صغرها مدللة عائلتها كولشي كيدير ليها القيمة كولشي كيدلعها ومكاينش لي كيخصر ليها خاطرها حتى صحاباتها والناس لي خدامين معاها ولاكن هذا هو أول واحد يعاملها هاكا تعاملوا معاها عصبها ولعب ليها على المورال
خرجات من الدار بلاما يشوفها حد خرجات طنوبيلتها من الكاراج
لي لقاتوا محلول وهي تكسيري مخليا العجاجة نايضة

وراها

وفجهة أخرى كانت لابسة عليها سروال دجين مزير ومبين مفاتنها تيشورت فالبيض قصير طالون فرجليها ووصويك فيديها غادة وسط داك الكولوار كطقطق برجليها وشوفة حادة مرسومة على وجها وكأن هضرتوا دالبارح فيقاتها من أحلام اليقضة فاش كانت
من ديما كانت كتحلم تكون قريبة منوا باش تخليه يبغيها كيف هي كتبغيه كانت باغاه يشوفها زوجة مناسبة ليه ولاكن البارح لاحها ليها نيشان فوجها يعني دوك الحركات والتصرفات كاملين لي كيدير معاها مامنهم والوا قال ليها وبطريقة غير مباشرة نتي متصلاحيش ليا للزواج نتي غير دالزهو إهانة كبيرة فحقها ولاكن تستاهل هي لي كتقلب عليه...... من ديما واخا هي بنت الفشوش ولي بغاتها كتحضر عايشة حياتها بالطول والعرض ولاكن واضعة قوانين فحياتها وحوايج مخاصش
تخطاهم ولي للأسف تعداتهم البارح

( دخلات مع الكولوار لي فيه غرفة مهى كان خاوي تماما وهو نفس الكولوار لي فيه مكتب عيسى يالاه جات تهز العين حتا كتجي شوفتها عليه تنهدات بسخط مني بان ليها لمحها وهي تقلب وجها من عليه وكأنها مشافتوش مع بغات تقلب أدراجها حتى كتحس بيديه
ضايرين على خصرها زفرات الهوى بغيض محاملاش لمسوا ليها هي من النوع لي كيدير القيمة لراسوا بزاف فاش كتشوف راسها غير مرغوب بيها فحياة شخص معين كتنساحب بهدوء وكأنها عمرها كانت
وهاد الجانب بالضبط لي كيستفز عيسى ديما كيلاحظ الطريقة باش كتقلب على بنادم مني كيغلط فحقها ولاكن عمروا ضن غيكون من بين الناس لي غتقلب عليهم حتاش السيدة بكل سهولة كتخدم بمبدأ لي يبغيني نبغيه ولي ميحملنيش ماعندي ماندير بيه

(حطات يديها على يديه ونطقات بهدوء)

وئام:حيد يديك عافاك

(ضورها لعندوا وبدا يطلع وينزل فيها اللبسة جاتها واااعرة على الجهد ولاكن مخاصهاش تلبس هاكا )

(غير طلقها يحساب ليه غتشوف فيه ولاكن السيدة طارت مخلياه غي كيشوف فيها بعدات من قداموا بخطوات سريعة مخلياه متبع العين لفصالتها لي كتسطي مطلباتش
الإذن غير وصلات قدام الباب وهي دخل نيشان للشومبر فين كاينة مهى و غير بانت ليها حالة عويناتها و هي تنطق بحماس باش ضحكها شوية

وئام: حبك سطاني فرفر يا الزعرة
(وقف وراها كيشوف فيها كي كتعواج قداموا تمات غادة قاصدة وئام وكتعيوج فزيدتها حتا وصلات لعندها