ذات عيون الريم🍷مكتملة🍷

🍷الجزء 52🍷

🤍الجزء 52
  العرب(وعينوا مزالين عليها موحشها بزااااف):أشمن حوايج؟؟
(رفعات حواجبها بإستهزاء وبلاما تجاوبوا دازت من حداه ومشات نيشان لجهة الدروج باغا طلع الفوق سد الباب دغيا وهاد المرة سورتوا بالسوارت لي كان فجيبوا وتبعها دغيا طالع فالدروج والتبسيمة ترسمات على شفايفوا واش هادي لي قلب عليها الدنيا سيمانة كاملة هاهي عندوا فالدار دخل للبيت وسورتوا تاهو ومشا قاصد الدريستينغ ومع كيدخل ليه وهو يتكا على الباب مراقبها من اللور وهي كتجمع فحوايجها تمشا بهدوء تا وصل وراها ضور يدوا على كرشها وخشا راسوا فعنقها باسها ونطق بنبرة حنينة
عز العرب:سمحي ليا أحبيبة
(رعشة غريبة سرات فلحمها بغات تبعد من عليه ولاكن مزير عليها بزااااف )
بلقيس:بغيت نمشي غنتعطل
عز العرب(باسها مرة أخرى ورجع نطق):فين؟؟؟
بلقيس:لدارنا صافي خاص نساليوا هنا
عز العرب(تجاهل هضرتها ضورها فيدوا حتا تقابلات معاه وهو يهز ليها راسها حتا جاوا عينيها فعينوا حط جبينوا على جبينها ونطق ):أش ندير أمو عوينات باش تسمحي ليا عارف راسي غالط...
(تنهدات حتا ضربات نفسها الحارة فعنقوا وهي تنطق ببرودة):طلقني ....
(ضحك بإستهزاء ونطق بنبرة هادئة عكس النار لي شعلات فقلبوا مني سمع منها هاد الكلمة وحتا الطريقة باش قالتها عصباتوا زير على خصرها بيديه بجوج ونطق بتملك):نتي ديالي ابنت الناس وماتفرقني عليك غا الموت مكاين لا طلاق لازمر وعليا باليمين ما باقي نحط عليك يدي ولا وقعات شي حاجة نولي نسولك نتي الأولى
بلقيس:ولا ضربتيني ؟؟؟؟
عز العرب:علاه أنا نعاود؟؟؟

(بقاات فكرة تديها فكرة تجيبها وهو مراقب ملامحها وهي ساهية فكل حالاتها زوينة بدا يدوز على جنبها بحنان وكيتسنا جوابها على أحر من الجمر ديجا فكرات فهادشي وخدات وقتها الكافي باش تاخد قرارها كانت مراقباه من بعيد ووصلاتها خباروا فكرات وعاودات فكرات ولقات بيلا لا طلقات فأيامها الأولى هي لي غتكون  الخاسرة طبعا مجتمعنا المريض كيرد ديما اللومة للمرأة هي لي غيقولوا عليها الخايب وهو غيقولوا عليه الزوين غيطعنوا فشرفها ومايخليوه مايقولوا عليها  وديك الفئة  بالضبط لي كتكون مراقباك من بعيد وكتسنا غا الفرصة فين طيحي باش تهضر فيك غيتحل ليهم الفم وغايلقاوا باش يحليوا جماعتهم لاقررات ترجع ماشي حيت كتبغيه نوووووو حيت كتبغي راسها ومابغاتش تكون ضحكة قدام لي يسوا ولي مايسوا غلطات مني ختارت شريك حياتها على زينوا هاهو زين باش نفعها هادشي؟؟بوااالوا!!!!!!!!!
لي عارفة دابا هو مخاصهاش تحمل منوا حتا تشوف واش كاين فيه أمل ولا غير كضيع فالحجرات غا هكاك
وبعد صمت طويل نطقات بكلمة وحدة وعينيها كيشوفوا بعيد
بلقيس:بشرط

(تبسم وقلبوا تفاجا فالبلاصة جرها بالجهد معنقها ونطق فودنيها )
عز العرب:أرا نشوف هاد الشرط أمو  عوينات
بلقيس:عمرك تحط عليا يديك يلا حطيتيهم عليا شي نهار غير وجد لطلاقنا حتاش ديك الساعات والله مانبقا
عز  العرب(باسها فعنقها وخشا راسوا فشعرها كيستنشق عبيرها وهو ينطق ):بالله العلي العظيم ماباقي نض.ربك
بلقيس:فراش الدار ديالك كولوا يتبدل اي حاجة كتخص مرتك القديمة تلاح براتتمة🤍
عز العرب:جاتك اشنوا اخر
بلقيس:ديك الكلبة تقطع علاقتك معاها بمرة ولاجات
عندي لداري غنجري عليها
عز العرب:لي عجبك.ديريه عاودات الواليدة لختها على اش وقع قالت ليا مجاتش للدار
بلقيس:ااااه ونسيت لاكنتي اتخوني ولا دخل عليا ضرة غنضربها ليك بشمس العشية وماتسولنيش اش غندير
(قهقه برجولية ونطق ):علاه لي عندوا هاد الزين يشوف لقنت آخر...قاد عليك بعدا بقا غير نزيد وحدة من وراك
بلقيس:راكم بحال بحال واخا  يكون عندكم الفريز فالدار غتخرجوا تقلبوا على الكرموس