✨🍷الجزء 7🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟
فاقت على أشعة الشمس السخونة لي كانت داخلة عليها من البالكون خسرت سيفتها بانزعاج وحطات ايديها على عينيها كتحاول تحلهم فاقت بزز راسها كيحرقها عظامها طايحين عليها وعينيها منفوخين بقوة البكا وقفات لبسات كلاكيطتها وحطات يديها على شعرها خرجات بخطوات مهدودين دخلات للكوزينة شافت الطبلة ديال الغداء لي دارت البارح باقا كيف خلاتها عاد تفكرات اش وقع كولشي تعاود قدام عينيها دقيقة بأختها يوم كحل وداز عليها تفكرات كولشي بالتدقيق منين دقات عليها ديك خيتي حتال للوقيتة فاش دخلات للبرطمة ومابقاتش تفكرات اش وقع من بعد وكأنها فكابوس مرعب وماقاداش تفيق منوا كتحاول تفكر اش وقع فاش جات للدار ولاكن الباقي كلوا معقلتش عليه زيرات على ايديها مزيان وهي كتفكر المنظر لي شافت البارح خرجات برا الكوزينة وجلسات فوق الفوطوي بكل برود وبدون ملامح عينيها فنقطة وحدة وعلى عينيها المشهد القاسي لي شافت نزلت دمعة حارة مع خدها فاش تفكرات اللقطة فاش سمعات كلمة "بابا" بدات كطلع النفس بزز وتنزلها كولشي جاها بالزربة وعلى غفلة لدرجة مزال مقادراش تستوعب جات فبالها الهضرة القليلة لي قال ليها زين"كولشي باين كون كان باغيك كان غيتبعك "مخاصهاش تبقا رابطة حياتها معاه كيف الحمارة كيف هو ولد ولادوا وعاش حياتوا تاهي خاص تعيش حياتها مغتزيدش ضحي على وديتوا حيتاش ميستاهلش غاع لي دارت على وديتوا تاهي خاص تولي أم وباش تولي أم مخاصش تبقا معاه وقفات بجمود فكرة وحدة فبالها هي الطلاق يالاه كانت غادة تجمع حوايجها من البيت ... حتا تسمع صوت السوارت كيضور فالباب متلفتاتش ومتحركاتش بقات على نفس الوضعية اليوم مغتستقبلوش كيف مولفة كدير.... تحل الباب ودخل منوا و غير شافها عاطياه بالظهر وشاف حالة الدار كولشي مهرس سد الباب بالزربة ولاح السوارت فوق الفوطوي وتمشا لعندها بخطوات هادئة كيسكانيها بديك الكسوة لي من ديما كتحمقوا بيها وقف وراها وضور يدوا على كرشها معنقها لعندوا بالجهد خشا راسوا فشعرها كيشم فريحتوا وهو ينطق
أكرم:وحدة لي فبالي هي نتي ومراتي التانية مابدلات والوا من حبي ليك
(فعز سهوتها تبسمات بسخرية هههه خصوصا فاش تفكرات كي خرجوا ليها البارح وكي نطق كلمة حبيبة لمرتواا كي ضحك ليها وكي عنقها)
(قلبها لعندوا وشاف فعويناتها الزورق المنفوخين لي كيرمقوه بنضرات حاقدة وهو ينطق)
أكرام : مهى عفاااااك خليني نشرح ليك متزربيش سمعي وديك ساع حكمي
(شافها مانطقات بوالوا وهو يتكلم)
اكرام : خاصك تفهميني كنبغيك بزاف ومانقدش نعيش بلا بيك ولكن فنفس الوقت منقدرش نحرم راسي من لولاد شحال قدنا نبقاو صابرين وكنتسناو فشي معجزة.... انا ماشي بخاطري الوليدة خيراتني بين السخط والرضا ولا بغيت ناخد رضاها خاص نتزوج بالبنت لي ختارت ليا كنت فموقف صعيب ومنقدرش نخسر الواليدة متنسايش انها هي لي ولادتني وقراتني وكبراتني أقصى حاجة ندير فحقها هي هادي نجيب ليها شي حفيد تفرح بيه... أنا مكنتش باغي نقوليك باش متجرحيش حيتاش راني عارف شحال صعيب تعرفي راجلك ايتزوج من جديد... كنت متأكدة مغاديش تستحملي وماغاديش تقبلي ليا وباش منخسركش خبيت عليك ولكن انا كنبغيك وماباغيش نخسرك.
شافت فيه ببرود وقهقهات بسخرية ونطقات
مهى:جاني راسي كنهضر مع بنت حق الله تعبيرك خليه عندك(حطات يديها على كرشها ونطقات )كيف نتا عشتي حياتك تزوجتي وولدتي ومكتخلي ما دير مع راسك تانا جا الوقت لي نفكر فراسي من ديما كنفكر لمصلاحتك قبل مصلاحتي عفطت على كرامتي على وديتك ولاكن متستاهلش تانا جا الوقت لي نسمع كلمة ماما ونتزوج براجل من غيرك نولد معاه يقدرني ويبغيني ويحتارمني ياك ولالا هادشي كان خاصنا نديروه ربع سنين هادي كون راه عندي جوج وليدات ههه قال ليك عاكرة ولايني راك مكتحشمش لالا انا خاصني نتزوج بشي واحد يكون راجل عليك
(ودنيه بقاوا مفيكسين على هضرة وحدة هي نتزوج غيرك نولد معاه يبغيني ويقدرني يكون راجل عليك)
(على اخر كلمة نطقات هز يدوا بالزربة وخشاها فشعرها ونتفها منوا حتا غوتات بألم)
أكرم:إوا جربي
أنت تقرأ
ذات عيون الريم🍷مكتملة🍷
Любовные романы💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
