ذات عيون الريم🍷مكتملة🍷

🍷الجزء 59🍷

الجزء 59🔥❤👄❤👄❤👄❤👄❤👄✨

الشتاء خيط من السماء كانت واقفة قدام العمارة وكلها فازكة بالماء من الصباح وهي تما مافقداتش الامل وكتسنا لعل وعسى يجي واخاااا العساس قا ليهااا لي كان كاري هنا بات ما صبح وخلا السوارت غير عند جاروا باش يعطيه ليه... بقات هكاك تحت الشتاء ودموعها كينزلوا مع قطرات الشتاء حاسة بالدنيا واقفة ليها فهاد اللحظة بالضبط جلسات تسنا فيه حتى فقدت الامل ومع بغات تمشي فحالها حتا كيبان ليها جاي بطنوبيلتوا تبسمات بلهفة وقربات لجهة الطونوبيل حتا كيخرج لعندها وهو ينطق بتساؤل

يونس : رباب؟

رباب : علاش ماكتجوبنيش ايونس علاش ؟ غنضربوا لاكط اليوم بالليل ونتا غابر ؟؟؟
يونس:هانا جيت احبيبة متخافيش
(عنقاتوا ونطقات بخوف):خفتك تسمح فيا
يونس:نتي راك ديالي الهبيلة علاش غنسمح فيك؟؟؟
رباب:وعلاش هزيتي رحيلك من هنا؟
يونس:ياك تافقنا غير نضربوا لاكط بالليل ونهربوا ؟؟؟
(صدرها كيف العادة وهي رجعات للدار لي كارية تقاد فراسها وتعاوض وكتسنا فداك الليل يوصل على أحر من الجمر  مع 20:00h دالليل وصل العدول وجاوا جوج دالناس كتعرفهم باش يشهدوا عطاتهم صوابهم وبدات تصوني وتعاود عليه ووالوا غابر ليه الأثر
ساعة ساعتين تلاتة والسيد طافي تيليفونوا بدات تبكي ويديها كيترعدوا واش سمح فيها؟؟؟؟واش خدا لي بغا ومشا فحالوا عيات تشد فالعدول باش يتسنا شوية ولاكن قال ليها تعطلت بزاف وناض مشا فحالوا للحظة تفكراات صاحبوا اه صاحبوا هو لي غيعتقها صيفطات ليه انفيطاسيون فالفايس وجلسات تسنا فيه كيف الهبيلة حتا كيجاوبها وهي تسولوا  على يونس بلا سلام بلا كلام حتا كتشوكا من جوابوا لي كان بحال السهم ودخل لقلبها قال ليها بيلا حرك برا البلاد مع 21:00h
وبيلا كان غا كيتفلا عليها
اش هاد الموصيبة طاحت فيها
الشخص لي بغاتوا وكانت تسطا عليه مني كانوا يقراوا فالتانوي كانت عارفة عليه أدق التفاصيل وكانت تمنا غير الشوفة منوا ونهار عاق بيها بيلا كتبغيه حتاش فضحاتها معاه صاحبتها بدا يمتل عليها بأنوا حتا هو كيبغيها عيا يضور بيها باش تنعس معاه مي السيدة ماطاحتش ليه تا دازوا السنين وناض خطبها من باها وحتاش سول عليه وجاه ماشي تا لتم مابغاهش لبنتوا بطبيعة الحال غيبغي ليها ما حسن ....هي واخا باها رفض  قبلات شرا ليها الخاتم دالزواج وركبوا ليها وبدا عليها بديك الكلمة ديال نتي ديالي وماكاينش لي غيديك من غيري كان كيكدب عليها وهي متيقاه كيف الهبيلة كان باغي غا يقضي غراضوا ويلوح بيها وهي كيف المسطية تابعاه بقا كل يوم كيتقرب ليها ومع كانوا عوالين يديروا لاكط من بعد سيمانة قال ليها صافي راك وليتي مرتي واش ماكاتيقيش فيا؟؟؟ راحنا مخطوبين وغنتزوجوا ونهربوا بعيد ونبنيوا حياتنا بجوج بقا عليها بديك الهضرة دالنم حتا طاحت فيدوا وسلماتوا راسها وكانت هاديك هي أبشع ليلة فحياتها كاملة ماكتافاش بهادشي نعس معاها شي تلاتة دالمرات اخرين وكان كيقصح معاها فالعلاقة ومكيديرش ليها اعتبار بأنها عاد ديفيرجات اليوم لي قبل لاكط كان غابر فيه النهار كامل واليوم دلاكط دار ليها هاد البلان بكات وتمرمغات فالأرض قدام دارها بلي وقع ليها ندبات حنوكها وطاحت بالأعصاب كيفاش حرك وخلاها كفاش دار فيها هاكا ياك كيبغيها؟؟؟؟
وقبل يفجر الحال صيفطات ليها واحد النمرة جديدة فواتساب تصاور عرسوا ههههه كان هو لي صيفط ليها تصاور عرسوا وهو بارز مع عروستوا ولي كيف سماها هو بنت الناس ديك الليلة ماحركش برا البلاد ديك الليلة
كان عرسوا فقاعة من قاعات الأفراح  مع البنت لي بغا قلبوا
وغير قرات المساجات وهو يبلوكيها