ذات عيون الريم🍷مكتملة🍷

🍷الجزء 13🍷

✨🍷الجزء 13🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

لا تَقرَب أصحابَ العيونِ الجميلةِ، فعيونُهم كبحرٍ بلا ميناءٍ أو مَرسى ..عيونُهم خَلَقَها الرّحمانُ لا لِتُبحِرَ فيها بَلْ لِتغرق ..!🎻✨

ركز عينوا فعينيها بصدمة مكيرمش عيونها أجمل ماشافت عينيه على الإطلاق بدا يضور عينوا من وحدة لوحدة بدون مايمل ناسي راسوا و هي كذالك كتشوف فهاد السيد لي قدامها مسبقش ليها شافتوا مرة تنزل عينيها مرة طلعهم فيه تنهد فوجها حتا حرقاتها أنفاسوا الحارقة سدات عويناتها ورجعات حلاتهم ويالاه باغا تكلم وتقول ليه واخا ندوز حتا كتنطق مرأة عمها من وراه

:
بنتي بلقيس جيتي ؟؟؟؟؟
(تشوكا واش هادي هي لي جايين باش يخطبوا ليه طلعات فيه عينيها ونطقات بلباقة وإحترام)
!!!!!!!بلقيس:بلاتي عفاك أخويا ندوز

(قوص حواجبوا فيها مخنزر مني سمعها قالت ليه خويا تنحا للجناب حتا دازت وتبع ليها العين من اللور حتا اختفات على انضاروا وهي غادية جنب مرأة عمها كيهضروا وغير كتنهد مسح على شعروا وخرج برا كيهضر فالتيل أما بلقيس طلعات جنب مرأة عمها سولاتها على شكون هاد الناس قالت ليها معرفتش

بقا يهضر فالتيل
حتا سالا على خاطر خاطروا ورجع طالع للطابق التاني جلس فبلاصتوا وهز عينوا للصالة لي مقابلة مع القنت فاش جالس هو وأول ماجات عينوا عليه هو بلقيس متكية على كتف مها وكتخاطب مو ومرة مرة تبسم ليها باينة فيها مهدودة وعيانة عاد التزنيكة والنويف الحمر مبينين بيلا باكية ضورات عينيها وجات نيشان فعينوا تبادلوا نضرات غريبة لتواني قليلة وهو يقلب وجهوا من عليها خلاها غا كتبلع فريقها طلعاتوا ونزلاتوا مزيان السيد من النوع لي كيعجبها معرفاتهومش شكون هوما ولاش جاييين لي عرفات منهم هي عيشة لي غاكتشوف فيها وتحسر كانت باغاها لولدها ولاكن القدر لعب لعبتوا إستأذنات منهم وناضت خارجة من الصالة وهو متبعها بنص عين حتا غابت على أنظاروا شاف فساعتوا وغمز باه باش يتكلم وداكشي لي دار حنحن حتا شاف فيه كولشي وهو ينطق

إبراهيم:سي عزيز سي موحى(الجد)
كنظن عارفين علاش جينا اليوم عندكم ؟؟؟

عزيز:أيييه مرحبا أخويا مرحبا أحم أنا منقد نقول والوا هادي لي جايين على وديتها هي البنية الوحيدة لي عندي والعوينة مناش كنشوف بغات مرحبا على الرأس والعين مابغاتش منقدش نبزز عليها

إبراهيم:ترحب بيك الجنة أخويا اييه متافق معاكم(نحنح ونطق)غا هو كاين شي حاجة مزال مدكرناهاش(تنهد ونطق وهو كيشوف فعز العرب لي فالبلاصة خنزر محاملش الموضوع لي غيتجبد)
ولدي عز العرب فايت ليه مزوج طلق غا شي شهور هادي وعندوا ولد مشلول

(كولشي التازم الصمت مكانش يحساب ليهم السيد ديجا مزوج وعندوا ولد بقاوا شي كيشوف فشي ماعرفوا مايقولوا حتى نطق الجد من بعد تفكير طويل)

موحى:مكاين حتا مشكل بحال بحال حفيدتي وعارفها مولات القلب الكبير الوليد ديروا ولدها خاص غا نشوفوا آش تقول لا بغات مانزيدكم غا الصلاة على النبي

إبراهيم:رأيها نحتارموه كيفما بغا يكون ولدي مغنشكروش ليكم هاهو كتشوفوه
(وقف من بلاصتوا)
مهم خاص نمشيوا دابا عندي شي شغل

(وقف معاه عزيز ونطق)
عزيز:فين غتمشيوا؟؟؟؟؟ الله يهديك
ها الغداء يتحط دابا تغداوا بعدا والبنت غير تولي صاحبتها شوية وغنفاتحها انا ومها بالموضوع

(عز العرب غا ساكت وكيسمع متعرفوش علاش مطوي زير على يديه كاره هاد بلقيس ومايجي منها وكأنهم كيقولوا ليه لاعطفات عليك هي هاديك لا مابغاتش الله يعاونك شكون هي كاااااع تنهد كيحاول يبان مكالمي واخا بدا الزمر يطلع ليه للراس خرج عزيز من الصالة وبدا يعطي فالصينيات وداكشي لي محطوط لفردوس وهي كتعطيهم للخدامات يوصلوهم للكوزينة تجمعوا الطبالي وتحط الغدا لي كان عبارة على الدجاج المحمر بالدغميرة مصروع على حقوا وطريقوا وبطبيعة الحال يكون بنين ما فردوس لي مطيباه
كبروا بيهم نيييت كلاوا حتى سالاوا وناضوا باغين يمشيوا فحالهم

بلقيس طلعات لبيتها دوشات ولبسات عليها غوب فالحمر جاتها واااعرة دارت عكر حمر لشفايفها وطلقات شعرها وفرجليها لبسات طالون فالكحل هزات صاكها وخرجات للكوزينة مافيها مايتغدا مع الجماعة كلات بوحديتها ومرة مرة تشد الهضرة مع الخدامات غسلات يديها ورجعات للبيت غسلات سنيناتها عاد تمات نازلة مع الدروج كطقطق بطالونها كتمشا بنخوة ومن المشية تبان ليك السيدة من داك النوع لي تابت ومرزن ماشي لي فيه الطيران لاحت عينيها فالصالون دالعيالات بان ليها خاوي يعني الضياف مشاوا دارت نضاراتها على عينيها وزادت نازلة مع الدروج دقة دقة خرجات مع الباب وهي تجي عينيها على العيالات مجموعين فواحد القنت منهم الضيفات خطات بخطواتها لعندهم وإبتسامتها خفيفة مرسومة على تغرها غافلة على العينين لي متبعينها كيشوف فيها بعينيه بشوفات كيف القر..طاس عجباتوا لواحد الدرجة كبيرة وخصوصا بالحمر جات واااعرة وكأن داك اللون خلاق غير ليها شوفاتوا كانت فيهم نضرة إعجاب ونضرة نفور محملهاش وعجباتوا فنفس الوقت كيقول فدماغوا هاد التعامل ديالها غير كتصطانع بيه غتكون بحال لي سبقاتها واخا هادي زوينة بزاف على الأخرى لدرجة من ناحية الجمال مقادش يقارن بيناتهم ولاكن من ناحية التعامل كيقول مراتوا الأولى فأولى لقائاتهم كانت كتبين ليه بيلا متفقة ومتفهمة ولاكن من بعد لقا راسها خاوي
حطات بلقيس يديها على ضهر رحمة ونطقات
بلقيس:خالتي الله يعاونكم مرحبا بيكم الدار داركم

رحمة(تبسمات بفرحة وجراتها لعندها معنقاها عجباتها وسطاتها كتقول أنا واش دارت فيا معساك ولدي ):ترحب بيك الجنة أبنيتي

(باست ليها على راسها ودازت سلمات على عيشة بنفس الطريقة ويالاه كانت غتمشي لطونوبيلتها حتى بدا يصوني ليها التيل هزاتوا وغير شافت المتصل وهي تبعد شوية من عليهم تال واحد القنت وقبل ماتشوف شكون كاين تم حتا كتجاوب على التيل بالزربة

بلقيس:وي عيسى آش داكشي ؟؟؟؟
!!!!فاقت
شوية نكون عندكم
**********************
(وغير قطعات عليه وهي ترد البال لواحد الريحة غريبة)

(شمات ريحة الكاروا وهي تكح ومع جات تلفت حتى كتلقاه وراها مباشرة دار فيها شوفات كيخلعوا وقبل ماتكلم بأي حرف ساط عليها الدخان من فموا بدات كترجع باللور وقبل تبعد زرب عليها وشدها بجرئة من خصرها جارها لعندوا ونطق بهدوء)
عز العرب:شكون هاد عيسى؟؟؟؟