ذات عيون الريم🍷مكتملة🍷

🍷الجزء 99🍷

الجزء99❤️❤️

براهيم : كيفااش

عيسى : صاراحة بنتي ليا راجل مزيان ومنلقاش ما حسن منك نتناسب معاه الدار لي فيها راجل مزيان راه تا البنت تتخرج مزيانة لا قبلتي عليا

براهيم : اولدي بنتي صغيرة مبغيتش نردك ولاكن البنت مازال ماشي قدالمسؤولية وعاد تتقرا منضنش توافق

عيسى : معليش نتسناها لا وافقتو عليا طبعااا

براهيم : واش غنقوليك اولد الناس خلي ليا نمرة ديال التيليفون ديالك نعلم الدار وندير معاك شي وقيت جيب داركم

عيسى عاد تنفس نطق دغيا : واخاا
جبد براهيم تيليفون وعطاه لعيسى لي دخل نمرتو وصونا على راسو ونطق : الله يحفظك إن شاء الله منخيبكش

براهيم :نتعارفوا  على العائلة بعداا ويكون خير اولد الناس ولاكن راه قلتها ليك البنت باغا تقرا غا لا بغيتي تسناها وصافي

عيسى : الله ياودي ...
بقاو مجمعين تا وصلو لطونوبيل فين بلاصاها قبل عيسى توادع معاه وركب وديمارا اما براهيم مشا لدار كيفكر ياكما زرب على بنتو واش واش ولاكن مدام غيتسناهاا تا تقرا وطبيب يعني انسان واعي وعندو شهرية مزيانة وعاد طونوبيل لي شاف يعني ميسور وبان ليه درويش ( المظااهر خدااعة ) مهم يعني كفكرة اولية مبان ليه ما يعيب فيه  دخل لدار تعشاو وهو طول العشا وهو كيشوف رؤيا واش لايقة لزواج بانت ليه باقا خفيفة واش ممكن تعجب السيد هادشي لي دار فراسو قبل مينطق لي خلاهم يتصدموا بجوج
براهيم : ابنتي جاو فيك الخطاب اش قلتي

رؤيا كانت عاد دارت الدغمة ففمها وحلات ليها وخرجات عينيها فباها وبدات تتكحب اما رحمة بدات تضرب ليها على ضهرها خلعاتها ونطقات : خيير حلاال عليك
غا فاتتها الكحبة وهي تدور رحمه عند براهيم ونطقات : على البنت قد زواج ابراهيم

براهيم : يا هاد المرة السن القانوني ديال الزواج هو 18 غا نتوما مددين فيه منعرف منين البنت لا وصلات لسن زاوج وجا فيها راجل مزيان تيسر

رحمه : والبنت تتقرا يهديك الله كون جالسة مناقش معاك

براهيم : تا دب حد مبزز عليها حاجة تعرف على سيد وديك ساع تقرر

رؤيا تفكرات عيسى عاد بدات تتزعط فيه وعجبها بمعاملتو وكلشي ودب باها كيقول ليها تزوجي امبووسي خلاها مولاها نطقات بزز : باابا انا باغا نقرا مكنفكرش فزواج دب

براهيم : السيد معندوش مشكيل يتسناك ولا يخليك تا تكملي قرايتك مهم الهضرة ماشي دب تا تلاقاو وتفاهموا بعدا ومن بعد ناقشو هادشي انعلموا يجيو بعد غدا اش قلتي الة رحمه

رحمه: اش غنقول ليك كيف قلتي نشوفو الناس ومدام يتسناها وقلتي راجل مزيان مقالو عيب

براهيم : اللهم بارك نوض ندوي مع السيد

داكشي لي دار ناض وقف يعيط ليه اما رؤيا ناضت تكهماات كل تفكيرها مع عيسى معرفاتش علاش دغيا تعلقات بيه شنو دب تقول ليه الله يعاون فكرات متقول والو حسن تا تشوف شكون السيد واش غيعجبها واش واش تلفات دخلات لبيتها قفلات عليها من لداخل  ودخلات لدوش ديريكت لاحت حويجها فالارض وطلقات  شعرها ودخلات تحت رشاشة بقات تتسرح شعرها بيديها تا تسرح كامل كان هابط ليها تال اللخر ديال ضهرها كحلل لامع طويل عاطيها جادبية خاصة وخلاص فايت خصرها لي كان منحوث  كملات الدوش وخرجات لابسة بنوار جلسات فوق الناموسية ديالها وجبدات تيليفون من المجر بقات تتشوف لتواني تا وصلها مساج من عند عيسى" فين غابرة" بقات تتشوف فيه شحال حارت واش تجاوبو اولا فاللخر قالت تجاوب حلات المساجات وكتبات ليه " غير دار"