ذات عيون الريم🍷مكتملة🍷

🍷الجزء 38🍷

الجزء 38🔥❤✨🍷❤🔥✨🍷✨🔥❤🍷✨✨🍷

وما إن وقفات الطونوبيل ديال بلقيس حتا تعالاوا الزغاريت والصلاة على النبي رسول الله وإستقبالها تم من طرف فرقة ديال الرما محترفة   كولشي خرج يستقبلها عائلتها كلها  رجال وعيالات وئام ومهى وبنات خالة بلقيس وبنات عائلتها والأقارب كولشي ركب الموزون ودخل يركز الوسط وماكاين غا شتف وهي وقفات كتفرج فيهم من تحت الطرحة وتبسم حتا كيجرها باها من يديها لوسط المجمع ديال الرما كيشطح معاها كولشي جبد التيل يصور والعيالات بداوا يزغرتوا وهي  بداوا دموعها ينزلوا  بلاما تحس واحد الشعور فشكل جاها جرات حتى مها وبداوا يرقصوا بتلاتة وكولشي رجع اللور كيتفرج فيهم ويصور ناضت الروبلة الحايحة والنشاط نزل من الطونوبيل وبلاما يحس عينوا مشات لمولات التكشيطة الخضرة لي دايرة عليها الفوال عرفها غير من الفورمة والوقفة عاد الفوال كان مبينها وضوح الشمس وسطهم عينوا تركزات عليها وهو كيشوفها كترقص مع عائلتها كان باغي يشوف وجها ولاكن مغطي عاد بعيد عليهم بزاااف نسا واش باه معاه حتى كيفيقوا صوت عمام بلقيس وجدها لي جاو يستقبلوه ..... رحبوا بيه بأحسن ترحيب وداوه للصالون لي فيه الرجال هو وباه

عبد المالك رجع جلس فطونوبيلتوا  طفا الضوء فيها وسد السراجم وعينوا تركزات فيها نيشان هاد المرة كيشوف فيها بتمعن كيفاش كتشطح ومع هي لي مفورمية فالبنات جاتها التكشيطة كتحمق  ومرة مرة كتجدب بشعرها بقا ممعن الشوفة فيها وهي طلعات فوق الجفنة حيدات الطالون وبدات تردح مامسوقاش للبشري جرات حداها مهى وأراك للشتيف والغنا ضاروا عليهم فرقة الرما وهوما بقاوا الوسط كيردحوا والبنات بقاوا برا كيشطحوا وبلقيس  كتشطح بيديها وكتشوف فيهم واتموت بالفرحة شي جهد ساعة حتا كيطلعوا بلقيس لواحد الصالة كبيرة كانت فيها الجليسة وجوج نقاشات وحدة أتنقش ليها والأخرى اتنقش للبنات الاخرين لي باغين ينقشوا  دخلوا بالصلاة والسلام على النبي رسول الله وهاد المرة عيالات الدوار هوما لي بداوا يشطحوا بالطعارج والبنادر  وما أحلى غنائهم وشطيحهم ماشدوا الطارات غير العيالات الكبار لي كيتقنوا ويتفننوا فالشطيح ناضت ديال بصح والبنات عاد لقاوا راحتهم فالرقيص  داروا صف وبداوا يمشيوا فالشطيح من قاع الصالون حتاال للقنت الاخر  مكيوصلوش غير للجلسة ديال بلقيس نقشوا جميع البنات بما فيهم بلقيس غناوا ونشطوا رقصوا وفرحوا مع بعضياتهم تحط أتاي مع حلاوي وكيكات  كيحمقوا بالشكال والنواع معاوضين فالدار وحطوا معاهم بغرير مسمن بطبوط ملاوي المخمار إلخ..
    من بعد تدفع العشاء المرة الأولى دفعوا الدجاج محمر بالدغميرة كل ربعة الدجاجات محمرين فطبسيل كان الطياب متقون على حقوا وطريقوا وتبعوا ليه من بعد اللحم بالبرقوق جا يا سلام ووخروها بالسفة وفالأخير حطوا الفواكه بالنواع والعواصر مع 1 دالليل ناضوا الناس يمشيوا لديورهم قشرات بلقيس النقيش ولاكن مغسلاتوش باش يزيد يخرج ليها حيدات داكشي لي لابسة وصيفطوها تنعس باش ترتاح اما مهى ووئام وباقي البنات والعيالات ناضوا يجمعوا فالدنيا  مهى ووئام تكلفوا بغسيل الماعن العادية فردوس وعيدة ومراوات عمام بلقيس بداوا يغسلوا فالمرميطات بالزيكس أما باقي البنات بداوا يسيقوا فالدار ويخملوا لي تخمل باش تصبح الدار نقية فرشوا فراش كبير فالسطح وغير سالاوا شقاوهم كل وحدة تلاحت باش تنعس فقنت