ذات عيون الريم🍷مكتملة🍷

🍷الجزء 23🍷

الجزء 23❤🍷🔥🍒💘

هرموسة&نور قمر❤

الأيام كتمر و حالة مهى بدات كتحسن و حتا من حالات الهلع لي كانت كتجيهااا مابقاتش وصل يوم خروجهاااا من الكلينيك....

واقفة قدام باب الكلينيك لابسة قبية بيضة واسعة وسروال ديالها بيض واسع شعرها طالقاه ورا ضهرها  نسمات البرد كضرب فوجها واخيرا قدرت تستنشق الهواء من جديد كتكره شي حاجة سميتها الكلينيك هزات راسها للسماء.. كتبان زوينة برغم  الاتر لي كانو باقين فوجههاا ولي  مقدروش ايخبو جمالها وملامحهااا الهادئة....

خوهاااا جنبها شادهااا من دراعهااا وماماه من جنب لاخور... اما فالجانب الاخور كانت بلقيس و وئام ومن وراها كاين باها وخواتاتها.... تلفتات تشوف اخير مرة فالكلينيك تتفسات بعمق كان بمتابة قبر ليها  شافت فخوهاااا وتبسمات  تبسم  هو الآخر وزاد شد فيديها وتحركو فاتجاه السيارة

بلقيس وئام ركبو بجوج فطونبيل بلقيس اما عيسى ومهى وماماهم ركبو فطونبيل عيسى.... والباقي فطونوبيل إسماعيل ركب عيسى القدام وحداه مريم اما مهى رجعات لور وركبات حدا شرجم مدات ايديها حلاتو وحطات راسهااا عليه ونسمات الهواء كتحرك فشعرهااااا وهي متبتة نظرها فطريق......

من بعد اسبوع.....

نزلات من سيارتها الخاصة  لابسة بدلة كحلة  كانت متكونة من قاميجة بالبيض وفيست ديالهااا فالكحل وسروال توب كحل وكعب عالي بالاسود كذلك شعرها رفعاتو لفوق على شكل ديل حصان دارت ميكاب خاص وخفيف لاقصى درجة مركزة على عينيها لي كانو كان لونهم الكريستالي  ديالها طاغي بقوة وعلى شفايفها دارت عكر خفيف فالغوز  هزات صاكها فالأبيض صغير وسدات الباب من وراها وفالجانب الاخر خرج عيسى هو الآخر بلباس أنيق  سد الباب ومشا لإتجاها  مستقبلها بابتسامة ميلات راسها للجنب وردات عليه بنفس إبتسامتوا و فهاد اللحظة وقفات طونبيل ديال بلقيس نزلات منها  بلقيس لي كانت حتا هيا  بلباس كلاس أما  وئام فكانت لابسة غوب طويلة  سدات بلقيس طونبيل

وتحركو فاتجاه مهى....

وصلو قدام باب المحكمة هزات مهى راسهااااا  ساهية لبعيد أصعب شعور هو هذا واخا تكون هي لي طالبة الطلاق ديك كلمة مطلقة كتخلي الواحد يمرض فراسوا  
فمابالك بسبب طلاقها "

لباسها ووقفتها مكيعكسش أبدا داكشي

باش كتحس مازالا مريضة بزاااااف لدرجة كبيرة جرحها مبغاش يبرا وعمرها نعسات فالليل كل يوم كتعيش كابوس فشكل
هزات عينيها فالكتابة

محكمة الاسرة" قلبها تزير عليها فلحظة تفكرات كاع ذكرياتهااا معاه من اول نهار تعرفت عليه لآخر لقاء بيناتهم من بعد ديك ليلة سرطات ريقهااا الم خفيف حسات بيه فقلبهاااا كيفما كان لي وقع داك شخص واحد نهار كان راجلهاااا وكانت كتبغيه مكانتش باغة تكون هادي نهايتهاااا معاه معمرهااا تخيلات ان نهاية قصة حبهم الخيالية غاتسالي هنا وبهاد الشكل غمضات عينيها وحلاتهم.... حسات بيد بلقيس لي كانت كتطبطب عليهااا وكدعمهاا ووئام نفس شي تبسمات ليهم من كل قلبهااا فرحانة بزاف انوا عندها صحابات بحالهم معاه ديما فجنبهاااا ومعمرهم فاتوهااا يمكن مقدرتش تفوز فالحب ولكن قدرت تفوز بشي حاجة كتر لي هي صداقتها مع هاد الجوجات ولي ولات حاجة صعيبة فوقتناااا دابة مبقاش ساهل يبقاااا معاك  شخص ويتحملك فكاع حالاتك أغلبية كيكونوا معاه فالحلوة وغير كطيح فشي مشكل كيعطيوك بالضهر كتحمد ربي وتشكرو على هاد النعمة واكيد خوها ووليديها لي كانوا كتر من خيالهااا فهاد الفترة وشافت فيهم الدعم الحنية والحب.... حطات يدياتهااا على  ايديهم وتبسمات ليهم شافت فخوها وغمزاتوا  باش 

ايدخلوووو وداكشي لي كان

بقات وئام وبلقيس برا مابغاوش يدخلوا والماباقي كلهم دخلوا.....جلسوا فوق شي كراسة تماك وعينيهم بقاوا

معلقين على الباب

  الداخل كان كينتاضر حضورها على أحر من الجمر موحش الشوفة فيها وباغي غير يشوف عويناتها لي لطالما أسروه ... لفت انتباهو صوت خطوات شخص ما بكعب عالي كاع لي كانو فالقاعة تلفتو لمصدر الصوت بدات الصورة كتوضح ليهم تاكتبان ليهم جاية وكتمختر فمشيتها  شعرها كيتحرك يمين وشمال وريحتهاااا سابقها قدرت تغلغل ليه فنيفوو بقوة سد عينينه  وعاود حلهم لقاها قدامو بعيدة عليه بخطواة قلال تصعق من منظرها كان كيحساب ليه غتجي حالتها حالة ولاكن خانت توقعاتوا عينيه تبتو على عويناتهاااا زورق وشفايفهااا الحمرين كيشوف ويعاود ويتاكد واش مهى هادي كيفاش قدرت توقف على رجليهاااا مكانش متوقع ايشوفها هكاااا كان متوقعااا تكون منهارة حزينة مريضة مراضياش على هاد القرار حتا كيتفاجأ بشكلها وجمالهااا البارز بغا ايتقدم عندهاااا ولكن شدو المحامي ديالووو ورجعو كيفكرو انو مخصو ايدير حتا شي خطوة حيتاش اي فعل غيديرو غادي يضر بيه ويزيد ايغرقووو كتر

تراجع خطوة للوراء.... اما المحامي تبت عينيه على مهى لي من عينيه بان إعجابو بيهااا ومتوقعش هكاااا تكون غروا الشيطان وبدا كيقول بينوا وبين دماغوا كيفاش أكرم قدر يدير فيها داكشي لي دار وهو بهاد الشكل نتابه ليه اكرم وخنزر فيه عاد جمع المحامي عينيه شافت فالقاضي ومعبرتوش حتاااا نظرة صغيرة منها مخسراتهاااش عليه خلاتو مصدوم

من ردة فعلهاااا ومتبع ليها العين