ذات عيون الريم🍷مكتملة🍷

🍷الجزء 63🍷

الجزء 63 ❤️🔥🥂

جمعات الزاج وخرجات الزبل على برا واخا البيت ولا خاصو اصلاحات من الاعصار لي داز فيه  دخلات دوشات باش يرخف عليها راسها  ولبسات بيجامة سخونة وهبطات تدير العشا كان الوقت معطل مي مغتبقاش بجوع طبعا صلقات غير لي باط ولقات صوص معلبة فتلاجة دارتها معاها وحطات ليها تعشا وخلات حقو هو ورؤيا

كانت جالسة كتاكل كل دغمة كتحس بيها كتنزل ليها بزز قلبها فاض بيها كتفكر فمصير هاد الزواج شنو غتدير مع هاد الراجل لي من نهار نهارو شافت معاه غا الويل هادا هو الزواج لي ياما حلمات بيه سمعات صوت خطواتو موراها دم جف فعروقها مقدراتش تهز راسها سمعاتو جر الكرسي لي مقابل معاها وجلس بكل برود نطق

عز العرب : حطي ليا عشايا

بلقيس ناضت معاوداتهاش معاه كتحس بيه قنبلة موقوته وخافت تفركع عليها فأي لحضة  حطات ليه فطبسيل وحطاتو ليه قدامو وجلسات كتاكل بزز مبقاتش الماكلة بغات تدوز ليها هزات طبسيلها دارت ليه سولوفان وحطاتو فتلاجة  وبدات كتجمع فداكشي لي طيبات فيه كانت كتسنا يدير شي رد فعل كل شوية كتقفز مني كتسمع شي صوت صدرر من جيهتو واخا يكون غير صوت ارتطام الكأس ديال الما بالطبلة اما هو كمل ماكلتو وخرج من الكوزينة طلع لبيتو خلاها مستغربة من هاد البرود من بعد ديك العاصفة كملات كلشي وطلعات لبيتها كان تم متكي فوق الناموسية وانس ناعس فكونتو شافت فيه مزعماتش تقرب ليه ناضت لحمام طاحو دموعها فوق لافابو مسحاتهم وتنهدات وهمهمات لنفسها ( ماشي هاكا بنت الاحمدي كتكون ماشي هاكا )مسحات وجهها وخوات عليها الما بارد بانت ليها البيجامة فازكة خرجات هزات بيجامة جديدة لبساتها ومشات يالله غتجلس فناموسية من بلاصتها كترقب تا سمعات صوتو الجاف

عز العرب : طفي الضو

ناضت طفاتو وشدات بلاصتها تغطات كانت بعيدة عليه عاطين لبعضهم بالظهر بقات كتفكر كل مرة كتنزل شي دمعة كتمحيها دغيا وكتحاول تكتم صوتها هو نعس وهي كتخمم ناضت غسلات وجهها بالما بارد لقات جوج اليل وهي مازالها فايقة هزات دوليبران شرباتو وتخشات كتذكر الله تا داها النعاس
نهار كامل وهي فغرفة العمليات حيت باقي فالخطر.... أما عائلة عيسى رجعور ايرتحو فدار حتا تولي لباس عليها وايعيط عليهم

أما عيسى بقااااا تما والندم كيأكل فيه أول مرة يحس بكمية الندم مبغاش ايتقبل ان ولدو مات وبسبابو بسبب المعاملة الخايبة لي كان كيعامل بيه ماماه.... اما رشيد مقالوهاش ليهاااا خوفاااا من ايتخلع تجيه سكتة قلبية  لقدر الله فقررو حتا ايشوفو ايلا فاقت عاد ايعلموه

وصل ليل وهي باقي فغيبوبة خرجوهااا من الإنعاش وداوها لغرفة عادية كانت باينة شحال انها يأسى من حياتها حتا انهااا مقاومتش باش تفيق و دخلات فغيبوبة.... فهاد الوقت ناض  عيسى ايمشي ايغسل وجهو وايشرب ليه شوية دالماء باش ايكون فيه باش ايقدر ايدخل عندها ايلا حولوها .... اما انوار  كان نهار كامل وهو واقف حدا الغرفة مع عيسى مبغاش اينوض ليهم من تماااا عينيه حمرين وجهوو صفر تفكيرو كامل وضميرو كيأنبو علاش مسمعش ليهااا وعلاش مقدرش ايعاونهااا ياك كان ديما كيقول كيبيغهااا ولكن علاش مقدرش ايفهمهااا وايعرف شحال هي كانت محتاجة ليه فداك الوقت لي كان هوا كيزيد عليهاااا  الغيرة خلاتو ايتعمى.... وأخيرا قدرت تجاوز فترة الخطر وخرجوها من غرفة العمليات  ودخلوها لغرفة عادية.... غير شاف انوار  طبيب خرج من عندهاااا تبعو ودخل عندهااااا

كانت ناعسة باينة انها اول مرة تغمض عينيها بهاد راحة شعرهااا مبعتر على الوسادة ايدها لي كان فيها سيرو وايدها لي كان مجروحين بسبب طيحة غمض عينه وهو حابس دمعة معمرو تخيل ايوشفهاااا فهاد المنظر ولا فكر انهو ايخسرهاااا كيفاش ايعيش بلا بيهاااا ندم على تهديدو ليهاااا علاش مسمعش ليهاااا هو لي غالط علاش متشجع من لول وعتارف ليه كان  غتكون دابة بيخير ومعاه وفرحانين علاش خلاهاا لعيسى حتا وصلهاااا لهاد المرحلة علاش خلاهاااا تعذب علاش علاش.... كان هاد هو تفكير ديالو

قرب ليها وجر الكرسي لقدامها حتا وصل عندها كلس وجبد ايديهااا لي كانو باردين حط ايديها على ايديه سخونين و  تبسم بألم

انوار : من ديما ايديك باردين واش كتحسي بالخوف نتي ماشي بوحدك ارباب اناااا معاك انا ديما معاك وفظهرك وفجنبك نتي الحاجة الوحيدة لي كنبغيهاااا فهاد دنياااا ومعمرني غنبغي شي واحد بحالك.... سمحلي بزاف حيتاش مقدرتش نعتقك منو سمحليا حيتاش خليتك توصلي لهنااااا هادشي بسبابي كان علياااا نسمع ليك سمحليا بزاف ارباب سمحليا غير هاد المرة وكنواعدك عمري نخليك انا غنحميك من كلشي غير فيقي ورجعي نشوف دوك العينين.... رباب فيقي انااا معندي مندير فحياة مافيهاش نتي.... نتي تستحقي حياة حسن من هادي.... تستحقي رجل عمرو ايقلقك ولا يستحمل ايوشفك مقلقلة.... رجل ايحرق دنيا على قبلك.... غير فيقي وكنواعدك غنسيك فكلشي

غير متخلينينش مسح دموعو وهز ايديها باسهااا ............ فهاد لحظة دخل عيسى غير شافو  جمع عينيته  بغضب ودخل نيشان ليه جبدو من ايديه وجبدو لعندو

عيسى : شنو كدير باش من حقك كالس مع مراتي وكتبوس ليها ايديهاا واش نتا مريض ؟ راه مراتي اشريف

دفعوا انوار  ونطق بسخرية : مراتك دابة عاد ولات مراتك حتا كانت اتموت عاد ولات مراتك.... فين كنتي اسيدي فاش كانت مراتك كتموت ااااا فين هضرررر علاش معتقتيهاش.... نتا بزاف عليك تكون راجل اعيسى.... عرفتي علاش حيتاش الزوج لي كيخلي مراتو تنتحر بنهار من عرسهم بزاف عليه لقب ديال رجل.... تكون زوج ماشي بورقة تكون راجلها اا خاصك تحميهااا تفهمها تخاف عليها كتر من حياتك وتعطي روحك على قبلهااا كيفما اناااا ماشي نتااااا.... ولكن كن على يقين اني مغاديش نخليهاا ترجع ليك مرة خرى ديرهااا فبالك مغاديش ندير نفس الغلاط....

تلفت عندهاااا وتأملها بكل حنية وعادو شاف فيه وظغظ على كل كلمة كيخرجهاااا دليل على تأكيد هضرتو....

أنوار : شوف فيهاااا مزيان حيتاش هادي اخر مرة غتشوفهااااا....وكون متاكد انها تاهيا فاش غتفيق مغاديش تبغي تشوف فيك..... واناااا غنحرص باش منخليهاش ليك..... وعمرك تحلم تشوفهاااا مزال.... شوف فيهاااا ومزيان وايلا قدرتي تحفظ ملامحهاااا مزيانة حيتاش عمرك تحلم باقي نخليها ليك....

رما كلامو ودفعو بكتفو وخرج...

يتبع... 🔥❤️