ذات عيون الريم🍷مكتملة🍷

🍷الجزء 25🍷

الجزء 25❤🍷🍒🦧🔥

الدنيا ضارت بيها قلبها تزير عليها وعينيها خرجوا بصدمة خيبة أمل كبيرة حسات بيها مقداتش تيق لي سمعات دفعات الباب بالشوية بيديها لي كيترعدوا وطلات من الشقة حتى كيبان ليها مجلسها فوق فخاضوا بنفس الطريقة فاش كان مجلسها داك النهار
وكيلعب ليها فكرشها بان ليها غيهز راسوا وهي تراجع اللور وضارت بالزربة كتجري خارجة من داك الكولوار كلها كترعد العافية شعلات فيها طلعات مع الدروج كتجري حلات باب البيت بالزربة ودخلات ليه سداتوا وراها وطاحت على طولتها جالسة على ركابيها عينيها كيشوفوا لبيعد ويديها مزيرة بيهم على قلبها لي كيضرب بعنف صدرها كيطلع ويهبط بعنف وعينيها ساهين فالفراغ الموت البطيئ هو هذا فاش هي شافتها بلقيس وهي تجي كتجري عندها هزاتها من كتافها كتسول فيها وتقلب

خلعاتها عليها بانت ليها مصدومة وعينيها كيشوفوا لبعيد هزات يديها تال السماء وصرفقاتها
بلقيس:مالك اش كاين؟؟؟؟
وئام(جلسات فوق السرير ونطقات بهدوء مخبية العافية لي شاعلة فقلبها):الطبيبة النفسية لي قلتي حاملة وخاتم دالزواج فيديها

بلقيس(بإستغراب):مالها؟؟؟؟

وئام:حاملة منو ههه

(خرجات عينيها بصدمة ونطقات ):أويلي حي ميمكنش
وئام:مزيان لي بان ليا من دابا اش كيسوا باش نمشي نشوف حياتي تانا السيد باغي يتفلا أنا ماشي ديال داكشي هادي غيتزوجها وانا الله يستر لابقيت حتى حملت منوا يحيد ليا الولد ويلوح بيا مزيان تبارك الله اش داني لشي حب

يا ربي

(شدات وجها بين يديها رافضة تبكي قدام راسها ومكتحملش تنزل الدموع حتاش كتحس براسها ضعيفة ماعساك دابا وهي حدا صاحبتها)

بلقيس:
اش غديري واش غتزوجي بهداك

وئام(بخنقة):الزواج ماشي لعبة أبلقيس السيد جاني ممناسبنيش ومغنتفاهموش مغنوضش نشد مع هذا الضدد ونتزوج ضد فيه فالاخير أنا لي غنخرج على راسي ماشي هو
بلقيس:كاينة الله يرضي عليك وآش غديري دابا؟؟؟؟؟

وئام:غنسافر

(حسات بالدموع غينزلوا ليها وهي تعطي بالضهر لبلقيس ونطقات)؛طفي وراك الضوء عفاك وعلمي العائلة بيلا الصباح غنمشي فحالي.
بلقيس:واخا أحبيبة خودي راحتك

(طفات الضوء وخرجات مخلياها على راحتها وئام حساسة فبعض المواضيع هادئة
حنينة و لاكن فاش كيوصل الموضوع لشي حاجة كتعلق بكرامتها كتقلب الزمر كامل لي دار ليها شي بلان كيف ماكان كيطيح من عينيها ومكتبقاش تعزوا كيف قبل

نزلات مع الدروج مخنزرة حتى كتجي عينها عليهم بجوج حدا بعضياتهم فطبلة دالعشاء خنزرات فعيسى مني شاف فيها وهي تقلب وجها من عليه وجلسات فبلاصتها عادي شافت فمهى وتبسمات ليها
بلقيس:كي وليتي دابا شوية؟؟؟؟؟
مهى:كوميم حسن من قبل

(ومع شافت قدامها حتى كتهضر مريم مخاطباها )
مريم:فيناهيا وئام أبنتي ؟؟؟

(هزات راسها شافت فعيسى مخنزرة ورجعات شافت فالطبيبة النفسية زوينة ولاكن وئام زوينة عليها عضات على شفايفها بعصبية ونطقات مجاوبة مريم)

بلقيس:مريضة شوية أخالتي

إسماعيل(بإهتمام):مالها ياك لاباس؟؟؟
بلقيس؛لاباس لاباس غير راسها ضارها شوية(سكتات شوية ونطقات بعد تفكير)أحم غدا ان شاء الله غتمشي

(هز فيها عيسى بالزربة راسوا حتى خلا البنت لي حداه غا كتشوف )

بلقيس :تقدم ليها واحد السيد فهاد السيمانة الله يعمر ليه الدار غدا خاص تمشي حتاش جايب عائلتوا فالليل

مريم(تبسمات بفرحة ونطقات ):الله يكمل عليها بالخير
(كولشي ناض كيقول الله يكمل عليها بالخير وبلقيس معرفات فين تحط وجها كدبات كدبة وتيقاتها بغات غير تقلي السم ليه وتلعب ليه على الأعصاب وداكشي لي كان زير على الفرشيطة لي فيدوا حتا تهرسات كولشي شاف لجيهتوا بصدمة

رجع اللور بالكرسي مسح فموا بمنديل خشا يدوا

فجيبوا ونطق بهدوء عكس العافية لي شعلات فقلبوا

عيسى:بالصحة والراحة
الواليد وصي الشيفور يدي رباب لدارها
(شافت فيه بلعات ريقها وبلا حشما بلا حية شدات ليه فدراعوا قدام كولشي الشيئ لي خلاهم غا كيشوفوا ويستغفروا الله معارفينش العلاقة لي جامعاهم الحاجة الوحيدة لي عافين أنها من معارفوا
حنحن اسماعيل وقلب وجهوا من عليهم مريم تزنكات والبنات بقاوا غير كيبرقوا فعينيهم

رباب(بصوت محلون):واش مغتوصلنيش نتا؟؟؟؟

(خرج فيها عينوا وخنزر
مني شاف عائلتوا والشوفات لي كيديروا فيه نطر يدوا من يديها ونطق)
:
الشيفور غيتسناك برا

(قبل تهضر عطاها بالضهر وطلع مع الدروج كيطرطق فصباع يدوا بتوتر وعصبية)

وأول حاجة دار هي طلع للبيت فين كتبات هي وبلقيس حل الباب ودخل فداك الضلام شعل الضوء وهي تبان ليه ناعسة على كرشها شعرها مخبي وجها والبيجامة طالعة على سيقانها البويض حتال النص ففخاضها رجيلاتها غوز وفصالتها كتسطي بلع ريقو