ذات عيون الريم🍷مكتملة🍷

🍷الجزء 55🍷

الجزء 55👄❤🔥✨👄❤👁✨

الما برد ليها فالركابي ورجليها فشلوا عليها وجها مشا منوا اللون رمشات بالزربة وتقادات فوقفتها كتحاول تبان عادية  ماباغاش تفسد عليه فرحتوا وماقاداش تقول ليه راه البنت لي كنتي باغي بنفسي  صيفط ليها الخطاب وبنفسي خطبتها من عند مالين دارها وعرسها كان غا هاد اليامات بلعات ريقها ونطقات بهدوء
......:من بعد أولدي ونهضروا فهاد الموضوع
جابر:نهضروا فيه غدا نيت الوليدة نخاف ياخدها غيري ديك الساعات انوليوا ماحنا فخير وراك عارفاني كنت حاط العين عليها من هذا شحال

(رسمات إبتسامة صفراء ولعنات راسها على التسرع ديالها وعلى قلة العقل لي عندها شافت وراها كتحاول تشتت نضرها ونطقات بصوت خافت بالكاد قدر يسمعوا)
......:مايكون غا خاطرك أولدي يالاه أنا غنزل وماتعطلش
(ومآ ليها براسوا وهي ضور وخرجات والدنيا كضور بيها عارفة ولدها صعيب ويلا عرف البنت لي كيتسطا عليها تزوجات غادي طيي&ح الروح حطات يديها على راسها ماعارفة مادير الحاجة الوحيدة لي متأكدة منها أنوا لي جاي مكيبشرش بالخير

وقفات مصدومة فيه واش نفسوا الشخص ديال ديك الليلة لي دخلات عليه للبيت؟؟؟نفسوا عبد المالك ولد خال بلقيس مافيقها من سهوتها غير مها لي نغزاتها بلعات ريقها وتبسمات بهدوء ودخلات للصالة كضور فعينيها بدات تسلم عليهم من اليمين ومو غير شافتها عينيها خرجوا منهم القلوبة سطاتها وعجباتها لا من ناحية الزين لا من ناحية التقالة والرزانة بقات تسلم عليهم حتا وصلات جيهتوا وهي تماطي ليه يديها سلم عليها وهو يزير ليها على يديها حتا تزنكوا حنوكها ورجليها فشلوا عليها طلقات من يديه ومشات جلسات حدا باها لي ماقاداه فرحة كبدتوا والبنوتة الصغيرة لي عندوا غادي تزوج  بداوا يهضروا ويتبادلوا أطراف الحديث وهي ساهية وعقلها كيفكر ويحلل وعبد المالك عينوا كل مرة كتمشي ليها تفكرات هضرة بلقيس نهار كانوا جنب العين كان يحساب ليها غا كضحك صدقات هاضرة بصح ....بلقيس جامي تكدب عليها وماحدها قالت ليها بيلا السيد معندوش مع البنات نهائيا لدرجة مو كتقول عمروا عرف شي بنت حتاش من صغروا كان يقول ليهم البنت الوحيدة لي غنبغي هي لي اتكون مرتي وأم ولادي ياك قالت ليها مكيسكر ماكايكمي بعيد على الصداعات بعقلوا وكولشي فيه هو هذاك علاش اتفوت فرصة بحال هادي؟؟؟واش ديما اتبقا بلا زواج تالين أتبقا ترفض فالأول كانت كترفض لي تقدم ليها حتاش كان عندها أمل شي نهار يخطبها عيسى ولاكن هو شاف حياتوا دابا وعاد قال ليها داك النهار بفموا مازال مالقيت شي بنت الناس يعني هي بالنسبة ليه ماشي بنت الناس

هذا جاها نيشان للحلال اش بغات كتر من هادشي؟؟؟
تفافات فبلاصتها مني حسات بيد باها على كتفها وقلبها تساراعات دقاتوا كتر وكتر مني سمعات سؤال باها الثوتر لعب فيها والترعيدة شداتها من صبعها الصغير
عبد الهادي:اش قلتي أبنتي ؟؟؟؟
(بدات تلعب بصباعها بتوتر نزلات راسها وحناكها رجعوا حمرين باغين يطرطقوا وهو يتبسم  ونطق بهدوء)